ARMAZI
Ioane Petrici, Explanatio in Proclum Diadochum
Part No. 10
Previous part

Chapter: 9  
Line: 3 
თავი 9
Line: 4 
უმოქენოჲსა და მოქენისათჳს


Line: 5       სრულ ყო ხედვაჲ პირველისა კეთილობისათჳს თავსა შორის
Line: 6    მერვესა და აწ კუალად მიზეზისა და უმიზეზოჲსათჳს იწყებს და
Line: 7    მოქენისა და უმოქენოჲსათჳს, და იტყჳს, ვითარმედ "უმჯობეს არსო
Line: 8    ყოველი უმოქენოჲ მოქენესა და მისდა მიმართ აღმკვრელსა არსებასა
Line: 9    და მოქმედებასა თჳსისა მოქენისასა". ხოლო უმჯობეს არს ამით,
Line: 10    რომელ უფრო ებაძვის პირველსა არსთა წყაროსა. და კუალად იტყჳს,
Line: 11    ვითარმედ რომლისადმი თანწარმოდგომილ დ დაბუნებებულა
Line: 12    კეთილობაჲ, ვითარცა პირველისა გონებისადა. ხოლო იგი აკეთილებს
Line: 13    ყოველთა თჳს-ქუეშეთა და აღკრულთა მისდამი; და ესთავე საყოველთაოჲ
Line: 14    სული სულთა თჳს-ქუეშეთა; და ესთავე ესე სხეული ცისაჲ
Line: 15    სხუათა ყოველთა თჳს-ქუეშეთა სხეულთა. აწ ესე ყოველნი საზომისაებრ
Line: 16    თჳსთა რომელობათაჲს პირველად გაკეთდებიან თჳთ კეთილობისა
Line: 17    მიერ და მერმე სხუათა აკეთილებენ; არამედ ესე კეთილობაჲ რომელთამე
Line: 18    ბუნებით აქუს და დაარსებულად, ხოლო რომელთამე მრუმედ
Line: 19    და ბინდის სახედ და ზედშემოსრულად და ოდენ ნაელვად აქუს კეთილობაჲ,
Line: 20    ვითარ ყოველთა მეკუდოთა და ქმნისა და ხრწნისადა თანშეკრულთა.
Line: 21    რამეთუ რაოდენცა იყოს უმახლობელეს მომცემსა საწადოჲსასა,
Line: 22    ეგზომ უმჯობეს იყოს უშორიელესსა მიზეზისა და საწადოჲსგან.
Line: 23    საწადოდ მიზეზთა უწოდს, რამეთუ საწადო არს ყოველი
Line: 24    მიზეზი მიზეზოანისგან და უკუნ საქცო, რამეთუ მისგან იგამოა
Line: 25    და მისდადვე უკუ იტრფობს, ვითარცა ინდალმაჲ დისკოჲსადვე.
Line: 26    ხოლო არიან სირასა შორის თითოეულსა, ვითარ ღმერთთასა,
Line: 27    ვითარ გონებათასა, ვითარ სულთასა, ვითარ ბუნებათასა, ვითარ
Line: 28    სხეულთასა. ვინაჲ ამათ ყოველთა შორის რომელნიმე არიან უმახლობელეს
Line: 29    თჳსთა მიზეზთა და საწადოთა, და რომელნიმე
Line: 30    უშორიელეს.

Line: 31       "ვინაჲ რაჲთაეე თანმეტომე არს და თჳს პირველსა კეთილობასა".
Line: 32    ესე იგი არს, ვითარმედ რაჲზომითა უფრო ეკმაებოდის დატევნად
Page: 37   Line: 1    თჳს შორის პირველსა და ნეტარსა კეთილობასა. ეგზომვე ხატ
Line: 2    და მსგავს მისდა არს. ხოლო რაჲზომითა ხატ და მსგავს მისდა არს,
Line: 3    ეგზომვე თანტომ მისდა არს. და კუალად რაჲზომითა თანტომ მისდა,
Line: 4    ესეზომ უმეტეს და უძლიერესთა მიზეზ და წარმომაარსებელ.
Line: 5    ხოლო რაჲზომით საშუალთა მიერ მზიარებელ, ეგზომცა და გაშორებულ
Line: 6    და უმსგავსო მიზეზსა და მაკეთებელსა თჳსსა. და რომელი
Line: 7    სხუა არაჲ არს, არამიდ თჳთკეთილობა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.