ARMAZI
Ioane Petrici, Explanatio in Proclum Diadochum
Part No. 11
Previous part

Chapter: 10  
Line: 8 
თავი 10


Line: 9       სრულ ყო რაჲ თავი მეცხრე, მეათესა ზედ ექმნა და
Line: 10    იტყჳს, ვითარმედ "ყოველი უმოქენოჲ და სრული პირველსა და
Line: 11    მარტივსა კეთილობასა უდარეს არს". იხილე, რამეთუ პირველსა და
Line: 12    ზესთ არსსა და ზესთ მარტივსა კეთილობასა სისრულისა და უმოქენეობისასა
Line: 13    ზესთ დასდებს, და დაჰკაზმავს ესთა აღმოსაჩენთა, ვითარმედ
Line: 14    ყოველი სრული გასრულებული არს, ხოლო ყოველი გასრულებული
Line: 15    პირველად ნაწილთა მიერ შედგების, და მერმე ზედა დაირთავს
Line: 16    სხუაგნით მიზეზს თჳსისა სისრულისასა, ვითარ ნამდჳლ მყოფი
Line: 17    მის ერთისა მიერ და ორთა ეროის-გამოთ წყაროთა მიერ შედგა,
Line: 18    ვიტყჳ პირველსა საზღვარსა არსთასა, რომელს არისტოტელი
Line: 19    უწოდს გუართა გუარად, და პირველისა უსაზღვროობისგან, რომელ
Line: 20    არს ძალი მოუკლებელი და უსაზღვროჲ. ამათ ორთა ურთიერთას
Line: 21    ზიარებითა შედგა და სრულ იქმნა მიერ მის უცნაურისა ერთისა
Line: 22    თანმითესვითა ერთებრთა ინდალმათაჲთა. რამეთუ კენტროდ
Line: 23    და მიზეზად ნამდჳლ მყოფისად იპყარ ერთი,ხოლო მზა, ვითარმედ
Line: 24    და გაურთიერთარსებულად ესე ორნი მიზეზნი მყოფთანი. ხოლო იგი,
Line: 25    იგი, უიგიოჲ, რამეთუ ყოველი იგი ჩუენებასა შორის ძეს და გუარსა,
Line: 26    არამედ მას, მასი და იგი შემდგომთაგან ერქუმის, და გაარსებულთაგან,
Line: 27    და რომელთა შორის იწყეს წარმობუტკოად გუართა. ხოლო
Line: 28    სადა არცა ნაწილნია და არცა ყოვლობაჲ, მუნ არც იგი ელექსების
Line: 29    და არცა მასობაჲ, არამედ შემდგომთაგან ვამსახურებთ მასსა
Line: 30    და იგისა. რამეთუ ვითარ ესე აღმოიჩინა, ესთა ზესთა ძეს პირველი
Line: 31    და თჳთკეთილობაჲ სისრულესაცა და უმოქენეობასა, რამეთუ
Line: 32    შემდგომ მისსა სრული და უმოქენოჲ, და სისრულე და უმოქენეობაჲ,
Page: 38   Line: 1    გუარ და თჳთება ნამდვილ მყოფისა. შეისწავე, ვითარმედ
Line: 2    სხუა არს ოდეს სთქუა "კეთილი", და სხუა - "კეთილობაჲ". კეთილი
Line: 3    უკუე არს ნაწილ კეთილობისა, ხოლო კეთილობაჲ ვითარცა
Line: 4    ტბაჲრაჲმე უკიდოჲ კეთილთაჲ, და ესთა განეყოფვიან ურთიერთას,
Line: 5    ვითარ ყოველი და ნაწილი. სხუა ხედვაჲცა და ბუნება ყოვლისა,
Line: 6    და სხუა მისთა ნაწილთაჲ, ვითარ მოიღე სახედ, რამეთუ სხუა
Line: 7    ბუნებაჲ ცისაჲ, ვითარ ყოვლისაჲ, და სხუაჲ ბუნებაჲ მისთა ნაწილთაჲ,
Line: 8    ვითარ სფეროთაჲ, ვითარ ოთხთა ამათ ბუნებათა კავშირთაჲ.
Line: 9    ეს სახედ ყოველი ყოვლობაჲ და ნაწილნი ყოვლობისანი, მაგრა
Line: 10    ისმინე: გესმას რაჲ თუ ვითარ ყოვლობაჲ პირველისა კეთილობისათჳს,
Line: 11    ნუ ვითარ ნაწილთ-მიერსა ყოვლობასა ჰგონებ მას, რამეთუ
Line: 12    ნაწილთ-მიერი ესე ყოვლობაჲ შედგმული არს ვითარცა ცისა
Line: 13    გონებისა და სხუათა ეს გუართაჲ. ხოლო ყოვლობაჲ პირველისა
Line: 14    კეთილობისათჳს აკადრებული არს მარტივ და უნაწილო და უზიარებელ;
Line: 15    ვითარ ერთი ერთ და არღა რაჲს თავსმდე ზედშემოსრულისა,
Line: 16    ესთავე ყოვლობაჲ კეთილობისაჲ. და ეს სახევე ატტიკურადცა
Line: 17    ძეს, რამეთუ "ტაღათონ" ჰრქჳან კეთილობასა, ხოლო
Line: 18    "აღათონ" კეთილსა. რამეთუ ამას მდიდრად დაულექსავს, ვითარმედ
Line: 19    ზესთ არსო უმოქენეობასა და სისრულესა, რამეთუ ყოველი
Line: 20    სრული სრულ მყოფელს თჳსსა ეტრფვის, ხოლო პირველი კეთილობაჲ
Line: 21    ვისღამცა ეტრფოდა, რამეთუ იგი არს ყოველთა სატრფოჲ
Line: 22    და უკუნ საქცევი და საწყური არსთა წადილისაჲ და ლმობაჲ ხედვათა
Line: 23    დაცხრომისაჲ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.