ARMAZI
Ioane Petrici, Explanatio in Proclum Diadochum
Part No. 20
Previous part

Chapter: 19  
Line: 27 
თავი 19
Line: 28 
მიქმნისათჳს


Line: 29       სრულ ყო ხედვაჲ მიზეზთაჲ, რომელ არიან გონებანი და ზესთ
Line: 30    მათსა ღმერთნი; რომელსა შორის აღმოაჩინა, ვითარმედ უზევდებისო
Line: 31    მიზეზი მიზეზოანსა, ვინაჲ აწ მისცემს ჴელოვნებასა შეტყუებისასა
Line: 32    მხედველსა ნათხზსა სირაჲსასა, და ეტყჳს, ვითარმედ ცან და ზედ
Page: 56   Line: 1    მიესხიო, რომელ "ყოველი რაჲცა პირველ მიექმნებოდის რასავე
Line: 2    ბუნებასა მყოფთასა, ყოველთადა სწორად წარმოდგომილ არს ბუნებასა
Line: 3    მის ქუეშე წარმოდგომილთასა." ესე იგი არს, ვითარმედ
Line: 4    პირველი რაჲცა რაჲვე იყოს მიზეზი, ყოველთა თჳს-ქუეშეთადმი სწორად
Line: 5    წარმოსდგომია, ვითარცა ნამდჳლ მყოფი ყოველთა მყოფთა, და
Line: 6    მარადმყოჲ ყოველთა საუკუნითთა, და სული საყოველთა ყოველთა
Line: 7    სულთა, და ბუნებაჲ ყოველთა ბუნებითთა, და ცაჲ ყოველთა მისქუეშეთა.
Line: 8    აწ ესე მხოლონი ეს ვითა ნათხზის თავნი სწორად წარმოდგომილან
Line: 9    ყოველთა თჳს-ქუეშეთადმი ხოლო თუ არ სწორებით,
Line: 10    არამედ რომელთამე უფრო, ხოლო რომელთამე უმცრო, ანუ ყოველთა
Line: 11    არა. აწ ისმე, რამეთუ წარმოდგომასა შორის მიზეზისასა მიზეზოანთანი
Line: 12    უმეტეს ეახლნენ სთჳსთა დასაბამთა, უფრო მსგავს არიან პირველთა
Line: 13    მიზეზთა; ხოლო უგანშორებულესნი უფრო უმსგავსო; და ესე
Line: 14    ესრეთ. არამედ თუ ვითარ ხედვაჲ ამისი, ისმინე. გესმა, რამეთუ
Line: 15    ვითარცა მიზეზი ყოველთა თჳს-ქუეშეთად სწორ არს, ხოლო განყოფილებაჲ
Line: 16    გუამოვნებათაჲ განჰყოფს მუნით წარმონაარსთ ძალთა,
Line: 17    თუ არა მყოფი ვითარც მყოფი ყოველი სწორ მყოფ არს, ვითარცა
Line: 18    არისტოტელი აღმოაჩინა, იტყჳს, რამეთუ აობაჲ სწორად ხუდაო
Line: 19    პირველისა აჲსგან ყოველთა მყოთა და არაჲთ უდარეს აობითა
Line: 20    უკუანაჲსი პირველსა, ხოლო უმჯობეს დარეობაჲ ვითარებასა შორის
Line: 21    გაჭჳრდების მყოფთასა. ვინაჲ ყოველი ვითარებაჲ რომელიმე უფრო
Line: 22    მსგავს თჳსთა დასაწყთა და მიზეზთა, ხოლო რომელიმე უმცრო,
Line: 23    ვითარცა პირველ იჩინა, რომელი იტყოდა, ვითარმედ ყოველი მოახლე
Line: 24    თჳსთა დასაბამთა უდასაბამისფერ. ხოლო თუ რომელთამე იყოს
Line: 25    მიზეზ მყოფობისა და რომელთამე არა, იუწყე, რომელ ანუ არა პირველი
Line: 26    მიზეზი არს მის სირაჲსაჲ, ანუ უცხო და ზედშემოსრული, თუ
Line: 27    არა პირველისა მიზეზისგან იწარმოებსცა სწორად ყოველთა არსთა
Line: 28    ანაქუსი და აკეთილდებისცა შესაბამად თჳსთა განათლებათაჲსა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.