ARMAZI
Ioane Petrici, Explanatio in Proclum Diadochum
Part No. 23
Previous part

Chapter: 22  
Line: 22 
თავი 22
Line: 23 
დასაბამებრისა ერთისათჳს


Line: 24       ესთა რაჲ სრულ ყვნა ხედვანი ესე საუკუდავოთანი კუალად
Line: 25    მოჰმართა დასაბამებრსა ერთსა, მიზეზსა ყოვლისა სირაჲსასა დაიტყჳს:
Line: 26    "ყოველი პირველი და დასაბამებრივ მყოფი თითოეულსა შორის
Line: 27    წესსა არს ერთი". ოდეს გესმას თუ არს ერთი, ნუ მას პირველსა და
Line: 28    გამოუთქუმელსა ერთსა წაეოცნები, რამეთუ თჳთვე ფილოსოფოსი
Line: 29    განჰყოფს, თქუას რაჲ, ვითარმედ "ყოველიო" ესე ყოვლობაჲ სიმრავლესა
Line: 30    შორის იხილვების. თუ არა თჳთ საჭეშმოჲ ერთი უყოველო
Line: 31    არს, და არცა ორ და არცა უმრავლეს ორობისა. თქუა რაჲ,
Line: 32    ვითარმედ "არცა ორო" მყის საცხადო ყო, ვითარმედ უკუეთუ არცა
Line: 33    ორ პირველი მიზეზი ყოველსა შორის სირასა, უფროჲს ხოლო
Line: 34    და არცა მრავალ.

Page: 62  
Line: 1       "არამედ მხოლო ქმნილ ყოველი". გესმაა, ვითარმედ "მხოლო
Line: 2    ქმნილ ყოველი"? რაჲც რაჲვე მისცე საგონსა დასი მხოლოთაჲ, ვითარ
Line: 3    ცისაჲ, ვითარ გონებისაჲ, ვითარ სულთაჲ, ვითარ ბუნებათაჲ, ესე
Line: 4    ყოველნი მხოლონი ქმნილად და ხატის ხატად ჰრაცხენ მის თჳთ ბუნებით
Line: 5    ერთისგან კიდე, რომელი და თჳთ მას ერთობასაცა დაუზესთავდების.
Line: 6    არამედ შემდგომთაგან ჰკადრა მას სურვილმან ერთობაჲ,
Line: 7    ვრითარ ერთ მქმნელსა ყოვლისა სირაჲსასა. ხოლო კეთილობაჲ ვითარ
Line: 8    მაკეთებელსა არსთა ყუავილისასა, ხოლო მამობაჲ ვითარ მიზეზსა
Line: 9    მყოთა აობისასა. უკუეთუ "ორო", პირველი მხოლოჲ სირაჲსა
Line: 10    არ ეგებისთა შორის დადვა. და კუალად თუ "ორთაგან ერთიო",
Line: 11    არც ესე, რამეთუ რაჲც გან რაჲსგანცა არა პირველ, არამედ შემდგომად
Line: 12    გამოსა თჳსსა.

Line: 13       "ანუ სხუაჲ სხჳსგან" და არ იყვნენ საპირველო, თუმცა მეორე
Line: 14    მეორისგანმცა, და იყვნეს იგი პირველ, რამეთუ მოაკლდენ ორნივე
Line: 15    პატივსა პირველობისასა. ხოლო ერთი ერთისგან ეგებისცა და ზესთ
Line: 16    ეგების, და არა შეშლის წესსა სირაჲსა თსზულებისასა.

Line: 17       "ხოლო თუ სხუჲ უპირველეს მეორისა არ იგიობაჲ". ესე არს ესე,
Line: 18    რამეთუ პირველსა და შემდგომსა შორის დიდ არს განაყოფი, ვითარ
Line: 19    მიზეზსა და მიზეზოანსა შორისა და წარმოსა და საწარმოსა შორის.

Line: 20       ითყჳს ვითარმედ "იყოს რაჲვე მის სირაჲსა და არ ექუმოდის
Line: 21    სხუა თჳნიერ პირველობისა". ხედავა, თუ ვითარ განვლოფი თხზვამან
Line: 22    შუა და აღმოაჩინა, ვითარმედ არს რაჲვე თხზულისაჲ და პირველი
Line: 23    ყოვლისა სირაჲსაჲ? ვინაჲ ესე ესრეთ მისცა სისრულესა, ვითარმედ
Line: 24    ერთი არსო მიზეზი ყოვლისა სირაჲსაჲ, და არცა ორ, უფროჲს
Line: 25    ხოლო არცა სხუაჲ სიმრავლე მიზეზ და დასაბამ, არამედ ერთი
Line: 26    მხოლოჲ სხეულთაჲ ცაჲ, და ბუნებათაჲ ერთი ბუნებაჲ, და სულთაჲ
Line: 27    ერთი სული, და გონებათაჲ გონებათ-დასაბამი, და ცაჲ გონებათაჲ
Line: 28    პირველი მორთული და პირველი სისწორე, და პირველი შუენიერებაჲ
Line: 29    ნამდჳლ მყოფი. და კუალად განკარგული ზემექონეობით ყოველთაგან
Line: 30    ერთი და უფსკრული კეთილობათაჲ ერთთა და კეთილთაჲ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.