ARMAZI
Ioane Petrici, Explanatio in Proclum Diadochum
Part No. 24
Previous part

Chapter: 23  
Line: 31 
თავი 23
Line: 32 
უმოქენოჲსთჳს


Line: 33       სრულ ყო რაჲ ესე ხედვაჲ, კუალად მოქენესა და უმოქენოსა
Line: 34    აღსიტყუავს და იტყჳს, ვითარმედ "ყოველი უმექენოჲ წარმოიყენებს
Page: 63   Line: 1    თჳისგნით თჳისადმი მოქენეთა". ესე საცხადოდ ძეს შორის სულისა
Line: 2    ძალთაჲსა და უფროჲს ხოლო ვითარ მრავალგზის დალეჴსულთი
Line: 3    ზემოთა შორის, ვითარმედ "ყოველი მიზეზი და უმოქრნოჲ დაუზევდების
Line: 4    მიზეზოანსა და მოქენესა". პირველად რამეთუ არსებასა
Line: 5    მისსა წარმოაყენებს. მეორედ რომელ თჳსდადვე უკუ იტრფობს და
Line: 6    აკეთებს ესე მრავალსაღაღადი ერთი, და მის მიერ ყოველნი მიზეზნი
Line: 7    და ერთნი ერთ იქმნებიანცა და აკეთილდებიანცა.

Line: 8       "და ყოველნი თანმოქენენი გუამოვნებანი უმოქენოჲსა მყოფისადმი
Line: 9    აღიცისკრებენ". გესმა სატრფოთა მათ ხედვათაჲ, რომელი
Line: 10    ცისკრის ფერ ჰყოფს სულთა, რამეთუ გუეტყჳს "აღიცისკრებენო".
Line: 11    მას დღესა შორის იტყჳს აღცისკრებასა, სადა არცა გრძნოთა
Line: 12    ესე მემზე მზე არს მადღეებელ, და არცა სულითი ცაჲ და მზე, და
Line: 13    არცა გონებითი, ვითარ ნამდჳლ ნამკი და ნამდჳლ მყოფი, არამედ
Line: 14    ერთი და პირველი კეთილობაჲ მზე მის ერთთა და ღმერთთა დღისა,
Line: 15    სადა ჰნატრა ყოველმან წადილმან სადა შეირწყუა ყოველი
Line: 16    სურვილი, სადა აღმართდა ყოველი მუნ მხედი, მუნ ვიდრემე ყოველთა
Line: 17    ცისკართა აღცისკრებაჲ, მუნ ვიდრემე ყოველთა დღეთა აღდღებაჲ.
Line: 18    რამეთუ სამართლივცა უწოდა ენითმან, ვითარრედ "ცისკარიაო",
Line: 19    ცისა კარი, რამეთუ ვინაჲთგან ყოველი განხუმაჲ ნათელთაჲ
Line: 20    ცის გამო არს; ვინაჲ სადა ნათელი დასაბამობითი, მუნ ცაჲ
Line: 21    დასაბამობითი.

Line: 22       "რამეთუ უმოქენოსა მხოლოჲისაჲ დაუპყრიეს ადგილი და საზღვარი,
Line: 23    ვითარ თჳისად მყოფსა და არა სხჳისად". იტყჳს, ვითარმედ
Line: 24    უმოქენოსა მხოლოჲსაჲ დაუპყრიეს ადგილი, პირველსა და მიზეზსა
Line: 25    სირაჲსასა, და თჳთ უმოქენოსა შემდგომთაგან. არამედ სხუათა ყოველთა
Line: 26    თჳს-ქუეშეთა თანამიმცემსა თჳსთა მყოფობათა და ძალთასა
Line: 27    მხოლოჲსაჲ დაუპყრიეს ადგილი. რამეთუ ყოველი უმოქენოჲ ზესთა
Line: 28    ძეს მოქენესა, და არს მხოლო მისდა მიზეზ, ვითარ ცაჲ სხეულთა,
Line: 29    და სული სულთა, და გონებაჲ გონებითთა. რამეთუ წარმოშობს
Line: 30    შემძლეთა მისისა ზიარებისათა; რამეთუ აღუვსო მათსა აობასა,
Line: 31    რაჲთა დაუდგმიდენ ძალთა და მოქმედებათა მის-გამოთა, და იქმნებოდინ
Line: 32    თჳსისა მხოლოჲსა გუარ.

Line: 33       "ხოლო იყოს თუ უშვ, იყუდნეს თჳს შორის, არ ვინაჲ ჰქონდის
Line: 34    პატიოსანი". ესე არს ესე: თუ უშვ არს უნაყოფო არს; თუ
Line: 35    უნაყოფო უმსგავსო პირველსა ერთსა და მეშვსა ყოველთასა; რამეთუ
Page: 64   Line: 1    ყოველთა თუალად დღედ და პატიოსნად მსგავსებაჲ წარმოსდგომია
Line: 2    ერთისაჲ.

Line: 3       "ვინაჲ ყოველი მიმღები ეზიარების, ხოლ მიცემული წარმოდგა,
Line: 4    ვითარ ზიარებული". ყოველი ბუნებით მზიარებელი მიიღებს
Line: 5    ზიარებულისგან ბუნებით.

Line: 6       "ხოლო მიცემული წარმოდგა ვითარ ზიარებული". იტყჳს,
Line: 7    ვითარმედ პირველ მყოფობასა მისცემს მიზეზი მიზეზოანსა, და თჳთ
Line: 8    იგი მყოფობაჲ მიზეზოანსა ზიარებისგან აქუს. და არ ესთა თუმცა
Line: 9    პირველ იყო და შემდგომადმცაღა ეზიარებოდა; რამეთუ პირველ
Line: 10    აობასა მისცემს და მერმე კეთილობასა, და თჳთ იგი პირველიცა მყოფობაჲ
Line: 11    კეთილ არს მიზეზისგან მიზეზოანისადმი.

Line: 12       "ხოლო რომელი იყოს თჳითებასა შორის თჳსსა, სხუათად
Line: 13    არა არს". ესე არს ესე: რომელი გამხოლოებულ იყოს და მარტო
Line: 14    თჳსსა არსებასა შორის და ოდენ თჳსდად შემოეცვას თჳთებაჲ თჳსი,
Line: 15    არა არს იგი მიზეზ და მამყოფ სხუათად. ხოლო რომელი თჳთცა
Line: 16    ეგოს დაუვსებელსა თჳთებასა შორის თჳსსა და სხუანი წარმო წარმოქმნეს
Line: 17    და აღუგოს მყოფობაჲ, იგი არს მსგავს მის პირველისა ერთისა
Line: 18    და ყოველთა მამისა.

Line: 19       "რაჲთა ყოველთა უბრწყინვიდეს და არა ვითარ გათჳთებული
Line: 20    შორის მწყობრსა სირაჲსასა". იტყჳს რაჲთა ყოველთა სწორები
Line: 21    იყოს მიზეზ მის სირაჲსათა, და ყოველთა უნათლებდეს ვითარ თჳსგამოთა,
Line: 22    ხოლო გათჳთებული შორის მწყობრსა სირაჲსასა არა ყოველთად
Line: 23    წარმოდგომილა. რამეთუ ანუ ყოველსა შორის არს, ანუ ერთებრივობასა
Line: 24    ყოვლისასა, ანუ უპირატეს ყოველთა. სათანადო არს აწ დაჭურეტად
Line: 25    ჩუენგან ამის ხედვისაჲ. იტყჳს, რამეთუ სამ სახედ გაიცდების
Line: 26    აწ აქა ერთი. პირველი, ვითარ უპირატესი ყოველთაჲ; მეორე, ვითარ
Line: 27    ყოველსა-შორისი და ყოველთადმი განწვალებული დ განყოფილი;
Line: 28    მესამედ, ვითარ თითოეულისა რიცხჳსა თჳსსა წესსა დამცველი
Line: 29    და თჳთებასა მათ შორის განცდილი, ვითარ სამობასა, ორობასა,
Line: 30    ექუსობასა, შჳდობასა და ოდენ მის რიცხუებრივისა მხოლოჲსა რომლისადაცა
Line: 31    იყოს. აწ იხილე, რამეთუ ყოველთადმი განყოფილი და განწვალებული
Line: 32    ერთი ვერ შემოჰყრის და შეაერთებს ყოველსა ნათსზსა
Line: 33    სირაჲსასა, ამით რომელ თჳთ კატეკერმატის ქმნითა და განყოფილ ყოველთადმი,
Line: 34    ხოლო განყოფილი ყოველთადმი და მრავალთა მიმართ
Page: 65   Line: 1    დაფანჩული ვერცა თჳთ თავისა თჳსისა კმა არს შეკრებად და ერთ
Line: 2    ქმნად, და ვერცა სხუათა უფროჲს ხოლო; და კუალად ვერცა რას
Line: 3    თჳთთა ერთი შეუძლებს შეკრებად და ერთ ქმნად ყოვლობასა სირაჲსასა.
Line: 4    რამეთუ გათჳთებული ოდენ არს და მის ერთისა რომლისადცა
Line: 5    იყოს, ვითარ ექუსისა, შჳდისა და სხჳსა რომლისავე რიცხჳსა.
Line: 6    ვინაჲ ესეცა იჩუენა, რომელ ვერ უძლებს ერთ ქმნად ნაქუსსა სირაჲსასა.
Line: 7    რომლისათჳსცა სათანადო არს, რაჲთა ყოველთა უპირატესი
Line: 8    ერთი და ზესთაჲ ყოველთაჲ იყოს მაერთებელ და ერთმქმნელ ყოველსა
Line: 9    ნაქუსსა სირაჲსასა, რომელსა მოუგია სახედ მის ერთისა თჳს შორისცა
Line: 10    გებად მოუკლებელად და სხუათაცა წარმოწინებად, და არცა
Line: 11    წარმოყენებულთა შორის აღრევად თჳსთა ზემექონეობათა, და არცა
Line: 12    თჳს შორის შეიწრებად და შერევად თჳთებასა გუართასა, და არცა
Line: 13    ვითარ განწვალებულად ქონებად ხოლო აწ იხილე, რამეთუ ესე ოდენ
Line: 14    შეუძლებს ერთ ქმნად ყოველსა ნათხზსა სირაჲსასა, რამეთუ ერთ იქმს
Line: 15    ყოველთა და მოუვლენს ყოველსა ნათხზსა სირაჲსასა გაერთებასა, და
Line: 16    შემოჰკრებს განწვალებულთა, და ერთ იქმს ყოველსა, რომელი სხუათა
Line: 17    ერთთა ვერ უძლეს, ვითარ განმრავლებულმან ერთმან, და ვითარ
Line: 18    გათჳთებულმან ერთმან, ვითარ რომლისამე მხოლოჲსამან, არამედ მან
Line: 19    ზესთამან ერთმან ყოვლისა სირაჲსამან სიმრავლე ერ ყო და თჳთებანი
Line: 20    რიცხუთანი აერთნა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.