ARMAZI
Ioane Petrici, Explanatio in Proclum Diadochum
Part No. 26
Previous part

Chapter: 25  
Line: 8 
თავი 25
Line: 9 
სრულისათჳს


Line: 10       სრულ მყოფმან ფრიად ღრიფოჲსა თავისამან აწ ამას ზედ
Line: 11    უზედაებს, ვითარმედ "ყოველი სრული აღდგომადი იწარმოებს,
Line: 12    რომელთაჲ უძლოს წარმოყენებად". გესმა, ვითარმედ ყოველი სრული,
Line: 13    არს თუ სრულ, მყის თან წარმოიყენებს თჳს ქუეშე თჳს-გამოსა ნაშვთა
Line: 14    სირასა, და მისცემს თჳსისა თჳთებისაგან, რამეთუ ჰბაძავს ზესთასა
Line: 15    მას სრულებითა. რამეთუ ყოველი უშვი უსრულ არს; ხოლო ყოველი
Line: 16    უსრული, რაოდენ იყოს უსრულ, უმსგავსო არს მის ზესთ სრულისა.
Line: 17    და კუალად რაოდენ შორს მაგზაებელ თჳსთა მეშვეობათა,
Line: 18    ეგე ოდენ მსგავს მის უმსგავსისა.

Line: 19       "რამეთუ ვითარ იგი კეთილობისა თჳსისა, ყოველთა არს
Line: 20    მაიპოსტასებელი მყოფთაჲ". აწ აქა ?თა აღქმნისა მიზეზად კეთილობასა
Line: 21    იტყჳს ყოველთა მხედისა ღმრთისათა. ესე სიტყუაჲ "ტიმეოს"
Line: 22    შინა ფილოსოფოსმან დადვა ყოველთა მხედისაგან არსთა
Line: 23    წარმოობისათჳს. ეძიებს, თუ რამან აღძრაო მყოფთა წარმოქმნად,
Line: 24    რომელი ზესთა ძეს ყოველსა იძულებასა ბუნებისასა და ანანკსა, და
Line: 25    ჰპოებს მას ზერრე ყოველთა ზესთათა. ვინაჲ მიზეზად და საშუალ
Line: 26    ვითარ შესაქმედ მბადისგან ნაბადთაღმო კეთილობას დასდებს, რამეთუ
Line: 27    იტყჳს, ვითრმედ ვითარ ფეშხუე გარდაეცაო ზესთ სრული,
Line: 28    რაჲთა სხუანიცა ყვნეს მოზიარე თჳსთა კეთილობათა; რამეთუ კეთილობაჲ
Line: 29    შურთაგან თავისუფალ და უძალობისგან დაუყენებელ, რამეთუ
Line: 30    ზესთ ძალთაჲსა არს.

Line: 31       "რამეთუ ერთ და იგივეობა კეთილი და ერთი, ვითარ და კეთილგუარობაჲ
Line: 32    ერთებრიობისად იგივეობა". ესე ფრიადთა შორის
Line: 33    დაილექსა ჩუენ მიერ, ვითარმედ ერთ და იგივე კეთილობაჲ და
Page: 69   Line: 1    ერთი, და, სადაცა მითესულა ყუავილი კეთილობისაჲ, მუნცა და ნათელი
Line: 2    ერთისაჲ, რამეთუ არ ეგების კეთილობაჲ თჳნიერ ერთისა და
Line: 3    ერთი თჳნიერ კეთილობისა. და კეთილგუარობაჲ ერთებრიობისად
Line: 4    იგივეობა. გუარი რაჲ თქუა, იტყჳს ერთსა, რამეთუ მის ერთისა
Line: 5    მიერ გათჳთდებიან და იცვიან თჳთებანი გუართანი. ვინაჲ ერთ
Line: 6    ბუნებაჲ თითოეულთაჲ და ერთ გუარი და არსებაჲ ყოველთა შორის
Line: 7    მითესული და განზიდული ვიდრე და მის უმორფოსა ნივთისამდინ.

Line: 8       "ნაწილ ვიდრემე კეთილისა არს სრული". გესმა, რამეთუ
Line: 9    სრული ოდენ ნაწილ არს კეთილობისა, ხოლო კეთილობაჲ ზესთა
Line: 10    ძეს სრულებასა, ვითარ და ნაწილობასა, რამეთუ სრული გასრულებულსა
Line: 11    ჰრქჳან და უნაკლულოსა, ხოლო კეთილობაჲ ზესთ ძეს გასრულებასა,
Line: 12    ამით რომელ ყოველსა გასრულებულსა სხუაჲ უჴმს პირველ
Line: 13    თჳსსა მასრული, ხოლო კეთილობასა არღარაჲ მოუგიეს უპირატესი
Line: 14    თჳსსა სხუაჲ. ზესთ უკუე კეთილობაჲ სრულებასა, ვითარ
Line: 15    მასრული გასრულებულსა.

Line: 16       ხოლო "უსრულესი უმეტეს მზიარებელ კეთილობასა". გესმა,
Line: 17    რამეთუ უსრულესი უფრო ეძეგლების კეთილობასა, ვითარ ნამკი იგი
Line: 18    გუართა ზესთ გონიერთაჲ ნამდჳლ მყოფსა შორის. რამეთუ უსრულესი
Line: 19    მყოფთა შორის უმეტ-ხატ არს ყოველთა მიზეზისა, უმეტეს
Line: 20    ამკობს და განზიდავს ნათელსა თჳსთა მოქმედებათასა, ვითარ ნამდჳლ
Line: 21    მყოფი საუკუნოჲსა და ცხოველობისასა; ხოლო იგინი ყოველთა გონიერთა
Line: 22    არსებათასა; ხოლო გონიერი არსი სულისასა; ხოლო სული
Line: 23    სულთასა და სულნი ციერისა მოქმედებისასა; ხოლო ცაჲ ოთსთა
Line: 24    ასოთასა; ხოლო ოთხნი ასონი ყოველთა ქმნასა და ხრწნასა შორის
Line: 25    მყოფთასა. და ესრეთ შესაბამად არსებათაჲსა უხატებენ და უძეგლებენ
Line: 26    ყოველთა სწორებით განკარგულსა მზესა ერთთასა. და კუალად
Line: 27    რაოდენ იყოს უდარეს, და უშორესცა; და რაოდენ უშორეს,
Line: 28    უუქმეს; და რაოდენ უუქმეს, უმსგავსო; და რაოდენ უმსგავსო, უმეტეს
Line: 29    განწილებულ, ეგოდენ დაკლებულ მოქმედებითისა ძალისგან, და
Line: 30    უცხო ყოველთა მსედისა.

Line: 31       "ვინაჲ ამისგან სახნაურ, რამეთუ უშორიელესი ყოველთა
Line: 32    მბადისა უმეშვო არს და არ ვისდა მიზეზ". ამას უსახოსა ნივთსა
Line: 33    იტყჳს, რომელ არს უშვ და უქმ, და ყოველთა გუართაგან მოკლებულ,
Line: 34    და ვითარცა იტყჳს ფილოსოფოსი კუალსა გუართასა აღებად
Line: 35    მის შორის.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.