ARMAZI
Ioane Petrici, Explanatio in Proclum Diadochum
Part No. 30
Previous part

Chapter: 29  
Line: 31 
თავი 29
Line: 32 
მსგავსისა და უმსგავსოჲსათჳს


Line: 33       "ყოველი გზავნაჲ არსებითი მსგავსებისა მიერ სრულ იქმნების
Line: 34    შემდგომთაჲ პირველთა მიმართ". ისმინე, რამეთუ ყველი
Line: 35    გონებაჲ ამის თავისაჲ არს ესე, რამეთუ მსგავსებასა შემოიღებს
Page: 78   Line: 1    მესაშოვლედ წარმომაყენებელისგან წარმოყენებულთადმი, და ამის მსგავსებისა
Line: 2    მიერ წარმოიქმს შობასა მიზეზოანისასა მიზეზისგან, და კუალად
Line: 3    უკუნ ქცევასა თჳსისა დასაბამისადმი. რამეთუ ორთავე მიზეზ
Line: 4    მსგავსებაჲ არს წარმოქმნისაჲცა, და კუალად თჳსთა დასაბამთადმი
Line: 5    უკუნ ქცევისაჲ. და რჴოდენ უფრო მსგავს, უფრო მამახლობელ, და
Line: 6    რაოდენ უფრო მახლობელ, უფრო მსგავს. ვინაჲცა სიტყუაჲ ჩემ გონება
Line: 7    მზისა პავლესი შემოვალს აქა, რამეთუ იტყჳს ხატად და მსგავსად
Line: 8    და ეკმაგიოდ მის ერთისად, რომელსა მამობაჲცა ჰკადრა სიტყუამან.
Line: 9    ხოლო მსგავსებისათჳს იტყჳს, ვითარმედ უცვალებელი ხატიო.
Line: 10    ესე აქა დართვაჲ უცვალებელობისაჲ მსგავსებასა დამინიშავს ჩუენ
Line: 11    უზომოსა და დახშირებულსა და კუალად იტყჳს, ვითარმედ მოაქუს
Line: 12    ყოველი სიმდიდრე ღმრთისა მამისაჲ თჳს შორის. ესე და ეს ვითარნი
Line: 13    ყოველნი, და უზომოებასა დამისახვენ ჩუენ არსთა და ერთთაცა
Line: 14    უპირმშოესისა სიტყჳსასა, რომელსა ფილოსოფოსი უწოდს გუართა
Line: 15    გუარად და საზღვართა საზღვრად.

Line: 16       ხოლო პჳრსოჲ ღმრთივთა ნაკუერცხალთაჲ ისაია იტყჳს, ვი
Line: 17    თარმედ ყრმაჲ იშვა ჩუენდაო. ყრმად ვითარ მამისგან წარმონაშვსა,
Line: 18    ხოლო ჩუენდაო, ვითარ აწდა ცნობილსა და გაგონებულსა ჩუენგან.
Line: 19    და დასაბამი მისი ზედა ბეჭთა მისთა. ესე არს ხედვაჲ ესე, რამეთუ
Line: 20    ბეჭთა ზედაობითა განუყოფელობასა და ერთებრივობასა დამინიშავს
Line: 21    ჩუენ თჳსისა მიზეზისა მამისგან. და კუალად ამასცა გარდამოაიგავებს,
Line: 22    რამეთუ მჴარნი და ბეჭნი ძალის სახე არიან და ადგილ ძალისა. ხოლო
Line: 23    ესე ნიშნავს ესთა მეტყუელი, რომლისა დასაბამი ზედა ბეჭთა მისთა,
Line: 24    ვითარმედ ზედა ძალთა მისთაო, რამეთუ ყოველსა ძალსა მიზეზისგან
Line: 25    მიიღებს მიზეზოანი რამეთუ არა თუ გარეთ და ზედშემოსრულად,
Line: 26    არამედ არსებით და უფროჲს ხოლო ზესთ არსებით, ვითარ ერთისგან
Line: 27    ერთებით. რამეთუ ერთი პირველ სიმრავლისა ერთსა წარმოშობს
Line: 28    და მერმედა სირაჲ ერთთაჲ.

Line: 29       და კუალად ვითარმედ დიდისა საიდუმლოჲსა ანგელოზიო,
Line: 30    ვითარმედ ქადაგი. დიდად საიდუმლოდ უწოდა სრულსა შესაქმსა
Line: 31    მყოფთა აგებისასა. ხოლო მესაიდუმლოედ ხედვასა ფილოსოფოსთა
Line: 32    დღისასა.

Line: 33       ხოლო აქა საძიებელნი შემოვლენ დიდნი მსგავსისა და უმსგავსოსათჳს.
Line: 34    გაქუს ორი მიზეზი მიზეზთაგან მიზეზოანთა წარმოქმნისაჲ,
Line: 35    რამეთუ ოდეს მისცე გასაგონოსა მსგავსებაჲ, არა წარმოშობს
Page: 79   Line: 1    წარმონაშვთა, ამით რომელ უფროჲს ხოლო იპყრობს თჳთებასა და იგივეობასა
Line: 2    უძრავად. ხოლო მპყრობელი თჳთებისა და იგივეობისაჲ მიზეზ
Line: 3    სხუჱ შობისაჲ. ხოლო წარმოქმნაჲ ყოველი მწყობრსა შორის
Line: 4    სირაჲსასა სხუჱ შობითისა მიზეზისგან, ხოლო გასხუაებაჲ უცხო
Line: 5    თჳთობისა და იგივეობისგან ვინაჲ სხუაჲ ვიძიოთ მიზეზი რომელი
Line: 6    ასხუაებდეს ყოველთა წარმონაარსთა ნათხზსა შორის სირაჲსასა,
Line: 7    რომელ არს უმსგავსოობაჲ. იუწყე, რომელ უმსგავსოობისა მიერ
Line: 8    გასხუავდების ყოველი გასხუაებული, რამეთუ არა თუმცა იყო ძალი
Line: 9    და მიზეზი გამასხუაებელი, არამცა ეგო სირაჲ რიცხუთაჲ, არცამცა
Line: 10    სირაჲ მყოფთაჲ. ხოლო ვინაჲთგან არს და ჰგიეს სიმრავლე სირათა
Line: 11    შორის გასხუაებული ურთიერთობისგან. უმსგავსოობისა მიერ განმრავლებულ
Line: 12    და გასხუაებულა. ხოლო შემოკლებულად იყოს გასაგონო,
Line: 13    რამეთუ ყოველი მსგავსებითი ძალი აიგივებს, და არაჲთ განჰყოფს
Line: 14    მიზეზისგან მიზეზოანსა: ხოლო შთამოიჭრეს რაჲ საშუალ უმსგავაოებაჲ,
Line: 15    წარმოშობს და სხუა ჰყოფს შობილსა მშობელისგან, და
Line: 16    მიზეზოანსა მიზეზისგან. ხოლო ესეცა გაიმეცნე, რომელ ყოველსა
Line: 17    უსხეულოსა შორის აღმკულსა უფროჲს და უმეტეს მსგავსებასა და
Line: 18    თჳთობასა დაუპყრია უსხეულოჲ ადგილი, ხოლო აქა ბნელ და
Line: 19    ბინდის გუარ. ვითარ იტყოდა ეპედოკლი რამეთუ გონებითი
Line: 20    ყოველი აღმკული დაიპყრაო და ხუდა სიყუარულსა რომელ არს
Line: 21    ერთობაჲ. ხოლო მზუელავი ესე არსისაჲ ვიტყჳ გრძნობადსა, ძლევამან
Line: 22    დაიპყრაო. ესე იგი არს, რამეთუ სადაცა ძლევსჲ, მუნცა
Line: 23    წინამწყოჲ და ბრძოლაჲ. ესე ამის საძიებელისათჳს აწ თანწარვლის
Line: 24    სახედ ჩემ მიერ დაიდვა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.