ARMAZI
Ioane Petrici, Explanatio in Proclum Diadochum
Part No. 32
Previous part

Chapter: 31  
Line: 28 
თავი 31


Line: 29       "ყოველი წარმოჩენილი ვისგანვე არსებით უკუნ იქცევის მისდადვე,
Line: 30    სადაჲთ იწარმოებს". იტყჳს, ვითარმედ ყოველი წარმოჩენილი
Line: 31    თჳსსა წარმომჩენელსა უკუ ეტრფისო, რამეთუ მის შორის დაუმსჭუალავნ
Line: 32    თჳსისა მყოფობისა მიზეზნი; ხოლო თუ არ უკუ ეტრფის თჳსისა
Line: 33    აობისა მიზეზსა, არცა და თჳთ თჳსისა მყოფობისა იყოს მეწადე;
Page: 82   Line: 1    ხოლო თუ თჳსისა აობისა არს მეწადე, თჳსისა მიზეზისა არს მეტრფე.
Line: 2    ხოლო მეტრფე მიზეზთა და დასაბამთ თჳსთაჲ კეთილობისა
Line: 3    არს მეწადე ხოლო ყოველი მეტრფე და მეწადე თჳსისა საწადოჲსა
Line: 4    მიმართ უკუნქცეულ არს, რამეთუ სდევს წადილი მეწადისაჲ საწადსა,
Line: 5    და მეტრფისაჲ სატრფოსა, და მიქცეულა მისდ მიმართ, და სწყურის
Line: 6    მისდამი, ვითარ ესე ცასა და მნათთა განვიცდიო. რამეთუ წადილიცა
Line: 7    მათი დაუვსებელ, და საწადოჲცა მათი თანგანუვლელ უსაზღვროობითა,
Line: 8    და სანთელიცა ყუავილთა მათ საწადოჲსათა უმრუმ, და ტრფიალებაჲცა
Line: 9    უმრუმ წადილისაჲ. რამეთუ სხუაჲ არარაჲ არს ტრფიალებაჲ
Line: 10    თჳნიერ დახშირებაჲ ნებასა წადილისასა. ხოლო ყოველი ნებაჲ
Line: 11    და ყოველი წადილი მაშინღა წადილ და ნება, ოდეს ეგოს
Line: 12    უმხილებელად მიდმო აღრჩევათაგან სულისათა. თუ არა სადა მოკლებაჲ
Line: 13    და გავსებაჲ რომელსაცა ნებას და წადილსა სდევს, იგი არცა
Line: 14    ნებად ითქუმის, არცა წადილად, არამედ ვნებად მაკნინებელად და
Line: 15    თჳსთა დართჳთთა ქცევათა შორის მხრწნელად, თჳთ თჳსისავე
Line: 16    ღრამმატურგიაჲსა, რამეთუ ყოველი წადილი კერპოვნებითი თჳთ
Line: 17    თჳსთა სიჰავეთაგანვე განიხრწნების.

Line: 18       "ვინაჲ ყოველი იწადებს კეთილსა, და მიმთხუევაჲ მისი
Line: 19    უმახლობელესისა მიზეზისა მიერ იქმნების". ესე არს ხედვაჲ ესე,
Line: 20    რამეთუ ყოველნი იწადებენ კეთილსა და მას ზესთასა კეთილსა, მაგრა
Line: 21    უმახლობელესთა მიზეზთა მიერ მიემთხუევიან, ვითარ სახეთაცა ზედა
Line: 22    იგულისხუმაე: რამეთუ ცაჲ სულისა მიერ ეტრფის გონებასა; ხოლო
Line: 23    გონებისა მიერ ზესთასა გონებათასა ნამდჳლ მყოფსა; ხოლო ნამდჳლ
Line: 24    მყოფისა მიერ ღმერთსა ღმერთთასა და ერთსა ერთთასა.

Line: 25       "რამეთუ რომლისა მიერ აქუს მყოფობაჲ თითოეულსა, მის
Line: 26    მიერცა და კეთილობაჲ; ხოლო რომლისა მიერ კეთილობაჲ, მისდა
Line: 27    მიმართცა საწადოჲ თჳსი პირველად; ხოლო რომლისა მიმართ
Line: 28    საწადოჲ პირველად, მისდა მიმართცა და უკუნქცევაჲ". გესმა
Line: 29    ოქროყუავილი ესე და ოქროთხზული აღმოჩენისაჲ, რამეთუ იტყჳს,
Line: 30    ვითარმედ ვის გამოც მიზეზი მყოფობისაჲ, მის მიერცა და კეთილობაჲ;
Line: 31    ხოლო რომლისა მიერ კეთილობაჲ, მისდამი საწადოჲ; ხოლო
Line: 32    სადა პირველი საწადოჲ, მუნცა პირველი მიქცევაჲ, და კუალად
Line: 33    უკუნქცევაჲ.

Line: 34       შეისწავე, ვითარმედ სხუასა დამინიშავს ჩუენ მიქცევაჲ, და
Line: 35    სხუასა უკუნქცევაჲ. მიქცევაჲ ოდენ მიწადებასა, ხოლო უკუნქცევაჲ
Line: 36    ორსა. რამეთუ სადა იყო პირველ, კუალად უკუნ იქცა. არამედ მიზეზი
Line: 37    უკუნქცევისაჲ თჳსთა დასაბამთადვე არს ტრფიალებაჲ. რამეთუ
Page: 83   Line: 1    ტრფიალებისა მიერ უკუ ეტრფის კუალად არსი ზესთ არსთა
Line: 2    შუენიერებისა მორთულებათა, ვინაჲცა ძალთა და ანგელთა აღმყვანებელობითთა
Line: 3    ტრფიალებითისა სირაჲსგან ვიტყჳთ, ვითარ აღმკრველთა
Line: 4    და აღმყვანეთა სიგლახაკისაგან სიმდიდრეთა მიმართ მამისათა,
Line: 5    ვითარ ეტყოდა იდიოტიმას სოკრატი რამეთუ ანაღოღოდ
Line: 6    სულთა სულთა მამისა მიმართ ტრფიალებასა დასდებდა,
Line: 7    რამეთუ ამის სანეტაროჲსა ტრფიალებისა მიერ სტრფო მყოფმან
Line: 8    მყოფთა მამასა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.