ARMAZI
Ioane Petrici, Explanatio in Proclum Diadochum
Part No. 33
Previous part

Chapter: 32  
Line: 9 
თავი 32


Line: 10       "ყოველი უკუნქცევაჲ მსგავსებისა მიერ აღესრულების,
Line: 11    უკუნქცეულთაჲ". საკჳრველად და აღმყვანებელად შემდგომთა
Line: 12    პირველთა მიმართ ტრფიალებასა დასდებენ იდიოტიმა და სოკრატი.
Line: 13    ხოლო ტრფიალებაჲ თჳნიერ მსგავსებისა არ ეგოს, რამეთუ
Line: 14    არ სადა ეტრფოს უმსგავსოჲ უმსგავსოსა, ვინაჲ იყოს პირველი მიზეზი
Line: 15    მსგავსებაჲ, უკუნქცევისა და აღყვანებისაჲ, მიზეზოანთა თჳსთა
Line: 16    მიზეზთადმი.

Line: 17       ხოლო თუ თქუას ვინ სწავლის მოყუარეთამან, ვითარმედ ნივთი
Line: 18    უგუარ ყოვლითურთ უმსგავსო არს ზესთა გუართასა, და ვითარ
Line: 19    ეტრფის მას, ისმინენ წადილმან მოსწავლისამან, რამეთუ ნივთი
Line: 20    დაღათუ უმსგავსო და უსახო, მაგრა განაღა ვითა ნივთი უსახოჲ
Line: 21    ერთი და იგივე არს, და არა სხუა და სხუა, რაჲთა არა გაგუარებულად
Line: 22    ვთქუათ იგი. რამეთუ ყოველი სხუა და სხუაობაჲ გუართა
Line: 23    განყოფილებისაჲ არს. ხოლო განყოფილებაჲ უსახოსა და უგუაროსა
Line: 24    შორის არა არს, და ვინაჲთგან ერთ და იგივე ნივთი, ვითარ აღმოიჩინა.

Line: 25       აწ ისმინე, რამეთუ ერთობითა ჰგავს მას ზესთასაცა ერთთასა,
Line: 26    რამეთუ ზესთაჲ ერთთაჲ ერთი, ვითარ ზესთ მდებარე და განყენებული
Line: 27    ყოველთაგან ერთი არს, და ვითარ კეთილობასა თანწარმოდგომილ.
Line: 28    ხოლო ერთი ნივთისა უგუაროჲსაჲ დაკლებულ ყოველთა
Line: 29    საზღვართა და გუართაგან, და უსახო და უმდგო ყოვლითურთ,
Line: 30    ვითარ პლატონ იტყჳს, ვითარმედ ოდენ ნამრღუევსა და ეს ვითა
Line: 31    ნაცთსა გულმყისიერებასა შორის მონაგონი. ხოლო ერთობითა უბაძავს
Line: 32    და უმსგავსებს ზესთ განკარგულსა ერთსა, და ვინაჲთგან ჰგავს
Line: 33    რაჲთვე წადნოჲს ტრფიალებად მისდმი და გაკეთილებად ზესთ კეთილობათა
Line: 34    მისთაგან. ესე გაიხარიეტე, სწავლის მეძიებელო.

Page: 84  
Line: 1       "რამეთუ ყოველი უკუნმქცევი თჳსისა მიზეზისა მიმართ და სადაჲთ
Line: 2    იწარმოა ისწრაფის შერთვად და წადნოჲს, რაჲთა ერთ ექმნეს
Line: 3    თჳსსა სატრფოსა". გუესმა აწ აქა და განგუეღო დიდი საქანი
Line: 4    გულისხუმის ყოფისაჲ. ისმინე საიდუმლოჲ მარად მყოჲსაცა ზესთაჲ;
Line: 5    იტყჳს გებასა გონებათასა გონიერთასა, სულისასა სულთასა, ბუნებისასა
Line: 6    ბუნებათასა, სხეულისასა სხეულთასა - ერთ ქმნისა და შეერთებისა
Line: 7    მიერ გებად; რამეთუ რაოდენცა უმეტეს იყვნენ ერთ ქმნად
Line: 8    და გებად მიზეზოანნი მიზეზთადმი და ნაწილნი ყოვლობისადმი,
Line: 9    ეგოდენ უპატიოსნეს არსი და უფრო ერთის გუარ, ვითარ ნამდჳლ
Line: 10    მყოფი ყოველთა მყოფთა, და სული ყოველთა ბუნებათა, და ბუნებაჲ
Line: 11    ყოველთა სსეულთა. რამეთუ რომელნიცა არსთანი უფრო შეუძლებენ
Line: 12    ერთ ქმნასა, მოაქუს თჳს შორის უპატიოსნესი და პირველობაჲ,
Line: 13    რამეთუ რომელნიმე მიდრეკისა მიერ ერთ იქმნებიან, ვითარ სული,
Line: 14    რამეთუ არს თჳთ თჳსდა მიმდრეკ დ ვითარ ცაჲ ესე ხილული, რამეთუ
Line: 15    დაღათუ სულისა მიერ მიდრკების და ცხოვლობს სულისა მიერ,
Line: 16    არამედ სატრფო და ჰაზრ მისდა არს შეერთებაჲ თჳსისა კენტროჲსა
Line: 17    მიმართ, რომელ არს თესლი მის ზესთათა ზესთისაჲ. ხოლო გონებაჲ
Line: 18    და გონიერი ყოველი ნათხზი სირაჲსაჲ მიუდრეკელად ერთ იქმნების,
Line: 19    ამისთჳს რომელ არცა ჟამი არცა ადგილი შთამოუვარდების
Line: 20    საშუვალ შეყრისათჳს ნაწილთა მოქმედებათა თჳსთაჲსა რამეთუ
Line: 21    ჰგიეს უძრავად გამანებული სიტყჳსა მიერ შემოქმედებითისა, რომელმან
Line: 22    ვითარცა ღმერთი აღამკო ნამდჳლ მყოფი ყოველთა შემდგომთადმი.
Line: 23    და ესრეთ ყოველი არსთა ბუნებაჲ ჰბაძავს თჳსსა საგონსა,
Line: 24    დაღათუ დასცილდების ანუ შეპყრობად ანუ მიმთხუევად, არამედ
Line: 25    ჰგონებს და ჰაზრობს უბე ქმნად მისდა, და წადნოის მისდამი განცჳბრებული,
Line: 26    და ვითარ რაჲ იმისნობს მას, აღმძარცუე და გამგდე
Line: 27    თჳსთა თჳთებათაჲ, და ყოვლითურთ მიმქმნე მის ზესთ საუკუნოჲსა
Line: 28    სიკეთისადმი.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.