ARMAZI
Ioane Petrici, Explanatio in Proclum Diadochum
Part No. 34
Previous part

Chapter: 33  
Line: 29 
თავი 33


Line: 30       "ყოველსა მეწარმოესა ვისგანვე და უკუნმქცევსა მრგულივი
Line: 31    აუქს მოქმედებაჲ".

Line: 32       გუეტყჳს ჩუენ ხედვაჲ ამისი, ვითარმედ ყოველი წარმონაარსი
Line: 33    და მიზეზოანი კუალად უკუნ იქცევის თჳსისა დასაბამისადმი,
Line: 34    რომლისგანცა იწარმოა. არა თუ პირველ წარმოობაჲ იყო
Line: 35    და მერმეღა უკუნქცევაჲ, ესვითა სხეულებითთა მიზეზთა და
Page: 85   Line: 1    მიზეზოანთა ზედა. რამეთუ ვერას შემძლებელ არს სხეული ვითარ სხეული,
Line: 2    არამედ თანზიარებითა უსხეულოჲსაჲთა ჩანს იგი მიზეზად, და
Line: 3    საგონ არს, მაბრა დასცილდების თჳსითა ბუნებითა პატივგა და მოქმედებასა
Line: 4    უსხეულოჲსასა, ხოლო ყოველი უსხეულოჲ მიზეზი ზესთა
Line: 5    ჟამისა წარმოაყენებსცა და კუალად უკუნ იქცევის თჳსდადვე წარმონაარსსა,
Line: 6    და იქმნებიან მრგუალნი, რომელნიმე დიდნი, ხოლო რომელნიმე
Line: 7    მცირენი. უკუეთუ ახლოთა მიზეზოანთაგან იყვნენ, იყვნენ და
Line: 8    მრგუალნიც მცირე მონაქც. ხოლო უკუეთუ შორს და გაზიდულთა
Line: 9    მიზეზოანთაჲთ იყოს უკუნქცევაჲ მიზეზთა მიმართ, იყვნენ მრგუალნი
Line: 10    დიდ და ჰმატდეს სხუაჲ სხუასა, ვითარ და სახეთაცა ზედა განვაცხადოთ.
Line: 11    რამეთუ არს ნამდჳლ მყოფი რომელი პირველად არსებად იცნა
Line: 12    სიტყუამან, და პირველად მორთულებად, და პირველად ნაქუსად, და
Line: 13    პირველად შუენიერებად. ხოლო აწ ოდეს ესე ნამდჳლ მყოფი უკუ
Line: 14    ეტრფვოდის ყოველთა მიზეზსა ერთსა, იქნების მოქცევი მრგულისაჲ
Line: 15    მცირე, რამეთუ პირველი არსებაჲ არს, და უმახლობელეს თჳსსა
Line: 16    მიზეზსა. ხოლო ოდეს ანუ გონიერთაჲთ იქმნას უკუნქცევაჲ, უფრო
Line: 17    მრგუალი. და კუალად ოდეს სულისა ანუ სულთაგან, უმეტეს უფრო.
Line: 18    და კუალად უკუეთუ ანუ ბუნებისაგან ანუ ბუნებითთაგან იქმნეს
Line: 19    უკუმრგულებაჲ, უმეტეს უფრო. და კუალად უკუეთუ ცისა მიერ და
Line: 20    სხუათა სფეროთაჲთ უკუნქცევაჲ, უფრო მოქცევი მრგულისაჲ. და
Line: 21    ესთა იპყარ ვიდრე უსახოობამდე ნივთისა.

Line: 22       შეისწავე, რომელ ყოველი სხეული, ვითარ იგი არს სხეულ, დაკლებულა
Line: 23    ღირსებასა და პატივსა დასაბამობისა დ მიზეზისასა, ვინაჲ
Line: 24    სხეულთა შორის მამობაჲცა ზედშემოსრულად, და ოდენ სეხნაობით;
Line: 25    რამეთუ მამანი და მიზეზნი უსხეულონია, და უსხეულოთა შორის
Line: 26    განიცდების მამობაჲ და ძეობაჲ უხრწნელად და სამარადისოდ და
Line: 27    არა წარმატებით, გინა მოკლებით, რამეთუ ესე მათი არს, რომელთა
Line: 28    დასაწყი არაობისგან ჰქონდის. ხოლო აობისანი მარადის აობენ,
Line: 29    მიზეზნიცა და მიზეზოანნი.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.