ARMAZI
Ioane Petrici, Explanatio in Proclum Diadochum
Part No. 35
Previous part

Chapter: 34  
Page: 86  
Line: 1 
თავი 34


Line: 2       "ყოველი ბუნებით უკუნქცევადი მისდა მიმართ ჰყოფს უკუნქცევასა,
Line: 3    ვისგანცა ჰქონდის წარმოებაჲ თჳსისა მდგომარეობისაჲ".
Line: 4    გესმაა, რამეთუ ბუნებითი დაჰრთო უკუნქცევასა? რამეთუ ყოველსა
Line: 5    ბუნებით უკუნქცევადსა განუწყუედელი მოუგიეს და დაუვსებელი
Line: 6    წადილი თჳსთა დასაწყთა მიმართ. ხოლო სადაცა ბუნებითი და პირველი
Line: 7    წადილი, მუნცა პირველი უკუნქცვაჲ; ხოლო სადაცა პირველი
Line: 8    უკუნქცევაჲ, მუნცა ერთ ქმნაჲ მიზეზოანისა და წარმოჲსადვე; და
Line: 9    ვისდა მიმართცა ერთ ქმნაჲ, მისდამიცა აღრთხმაჲ თჳსის მყოფობისაჲ.
Line: 10    ხოლო ესე ზენათა შორის გჳწყიეს, რომელ ყოველი უკუნქცევაჲ
Line: 11    და უკუნტრფობაჲ მსგავსებისა მიერ აღესრულების, ვითარ
Line: 12    რაჲ აღმყვანისა ძალის თჳსთა დ საბამთადმი.

Line: 13       "ვინაჲ და თანმევნე მისი ბუნებით, ვითარ და თანტომი".
Line: 14    ხოლო გესმეს რაჲ ვნებაჲ აქა აწ, ნუ ზედშემოსრულთა საგონ ჰყოფ,
Line: 15    რამეთუ ზედშემოსრულნი ვნებანი მათნი არიან რომელთადა ცხორებაჲცა
Line: 16    ზედშემოსრულად აქუს, ვითარცა გაცხოველებულთა და
Line: 17    არა ბუნებით ცხოველთა. ხოლო ოდეს უსხეულოჲსა არსებისათჳს
Line: 18    გესმას, ვნებაჲ თჳთებად ჰგონე, რა ეთუ თხზვასა შორის ყოვლისასა
Line: 19    ოდეს წესი შემოქმედებითი თსზვიდა ნაქუსსა და სირასა არსთასა,
Line: 20    მაშინ ყოველთა წესისა მიერ რომელიმე რომელსა ბედსა დახუდა,
Line: 21    ხოლო რომელიმე რომელსა, ვითარ გონებაჲ, სული, ბუნებაჲ, ცაჲ.
Line: 22    აწ რომლისაცა დახუდომისა იყოს წარმონაარსი, მის ტომცა არს.
Line: 23    ხოლო შენ ოდეს დახუდომაჲ გესმეს, შეწყობაჲ და ნართი
Line: 24    არსთა რჳთმოჲსაჲ თან მოიგონე. რამეთუ ყოველსა შეწყობასა
Line: 25    შორის არა ყოველი მასვე და ერთსა მიიდებს ბუნებასა, შორის წესსა
Line: 26    არსთასა. რამეთუ ესრეთ თქუა წესმან ყოვლისამან, ვინ წინააღუდგეს
Line: 27    მას, ვითარცა იტყჳს ტიმეო. ხოლო ოდეს უსსეულოთა ზედა
Line: 28    გესმეს ვნებაჲ აღრჳთმვაჲ, და წესსა შორის დაწესებაჲ მისი ჰრაცხე,
Line: 29    რამეთუ ესთა თქუაო წესმან ყოვლისამან.

Line: 30       და კუალად ზედ უკუალადებს თხზვასა და იტყჳს, ვითარმედ
Line: 31    რომელთა ვნებაჲ და ბუნებაჲ ერთ, და არსებითიცა მყოფობაჲ მათი
Line: 32    ერთ. ანუ მეორისგან მეორე, ანუ ორნივე ერთბამად სხჳსა მიერ არსისა
Line: 33    იმსგავსებოდინ. აწ უკუეთუ ერთ და იგივე არს ბუნებაჲ მიზეზისა
Line: 34    და მიზეზოანისაჲ, ვითარ ეგოს ერთი ვითარ მიზეზი და სატრფოჲ
Line: 35    და უკუნსაქცევი, ნოლო მეორე ვითარ უკუმქცე და უკუმტრფე
Line: 36    და მიზეზოანი. და არცა ორნივე ერთბამად და სწორად სხჳსა
Page: 87   Line: 1    მიზეზისგან უზესთაესისა, და არცა ორთავე ერთი და იგივე თჳთებაჲ
Line: 2    და ვნებაჲ მიზეზს და მიზეზოანსა, რამეთუ თჳსი წესი დაუპყრია
Line: 3    და თჳსსა წესსა შორის შეცვულა. რამეთუ ესრეთ თქუა წესმან ყოვლისამან,
Line: 4    ვითარც იტყჳს ტიმეოს.

Line: 5       "აქლს უკუე, რაჲთა მეორესა მეორისგან ჰქონდის წარმოარსებაჲ
Line: 6    და მყოფობაჲ და უკუნქცევაჲ". ხოლო აწ ვხედავთ, რომელ ყოველნი
Line: 7    მყოფნი პირველ პირველსა მყოფსა ეტრფვიან და პირველსა არსებასა,
Line: 8    რამეთუ მას შორის განიცდიან პირველსა შუენიერებასა, და
Line: 9    პირველსა მორთულებასა, და პირველსა წესსა, და, ვითარ მიიღებენ
Line: 10    მისგან მყოფობასა, ეტრფვიან ვითარ მიზეზსა, ვითარ ჰგიან და სამარადისოობენ
Line: 11    თჳსთა წესსა შორის შეცვულნი მის პირველისა წესისა
Line: 12    მიერ, და ვითარ ჰშუენოის მარადის ყუავილი საბწინთა და ინდალმათაჲ
Line: 13    მის პირველისა შუენიერებისა მიერ, რამეთუ იტყჳს სოკრატი
Line: 14    "ფედროსა", შორის: ნუ გიკჳრსო ნამდჳლ მყოფისა ნართთა შუენებაჲ,
Line: 15    რამეთუ ერთმან მოჰრთოო და იმუსიკელა "ოს არისტო
Line: 16    ტეხსნის თეოს" ვითარ რჩეულთ მოქმედმან ღმერთმან. ვინაჲ ყოველი
Line: 17    წესი შეირწყუმის ვითარ საყოველთაოსა შორის წესსა, და ყოველი
Line: 18    შუენიერებაჲ ოდენ უმსგავსებს მას რომელიმე ვითარ გახატებული
Line: 19    ხოლო რომელიმე ვითარ გაკერპოვნებული და რეც თუ კუალთა
Line: 20    ოდენ გარდამტჳფრველი ნამდჳლ მყოფობისა შუენიერებათაჲსა; რამეთუ
Line: 21    პირველი არსი არს ესე მორთული მის ზესთ არსისაგან: ნუ
Line: 22    გიკჳრს ესე, ვითარ ეტყოდა პარმენიდი სოკრატის, ვითარ
Line: 23    იყოღა ყრმა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.