ARMAZI
Ioane Petrici, Explanatio in Proclum Diadochum
Part No. 36
Previous part

Chapter: 35  
Line: 24 
თავი 35


Line: 25       "ყოველი მიზეზოანი ჰგიეს შორის მიზეზსა თჳსსა, და
Line: 26    იწარმოებს მისგან, და უკუნ იქცევის მისდადვე"ესე თავი აღმოაჩენს,
Line: 27    ვითარმედ ყოველსა მიზეზოანსა თჳსსა მიზეზსა შორის დაუმანვან
Line: 28    არსებისა თჳსისა საფუძველნი. და ვითარ თჳთებაჲ დასაბამისაჲ, ეგ
Line: 29    სახეცა და დასაბამის-გამოთაჲ. ხოლო თუ ოდენ ეგოს შორის მიზეზსა,
Line: 30    არ ვინაჲ განეყოს თჳსსა დასაწყსა და არცა წარმოვლოს ნათხზმან
Line: 31    სირაჲსამან და არცა გათჳთდენ მხოლონი მყოფთანი. ხოლო
Line: 32    თუ განეყოს მიზეზსა მიზეზოანი, მყის განყოფასავე თანა დაუერთბამდეს
Line: 33    და წარმოობაჲცა მისი, და იყოს ვითარ იგივე სხუაჲ: იგივე
Line: 34    უკუე მსგავსებისა მიერ, ხოლო გასხუაებულ უმსგავსოობისგან,
Page: 88   Line: 1    რამეთუ მოვალს სიტყუაჲ, ვიოარმედ არცა მსგავსი თჳნიერ უმსგავსოობისა
Line: 2    და არცა უმსგავსოობაჲ თჳნიერ მსგავსებისა. მაგრა რომელთამე
Line: 3    შორის მსგავსებაჲ და იგივეობაჲ უჭარბებს, ვითარ გონებითსა და
Line: 4    გონიერსა შორის ნამკსა; ხოლო რომელთამე შორის უმსგავსოობაჲ,
Line: 5    ვითარ გრძნობადთა შორის. რამეთუ სადაცა შთაეჭრეს ნივთი, მუნ
Line: 6    ამრუმდების ნათელი იგივეობისა და მსგავსებისაჲ.

Line: 7       "ხოლო თუ ეგოს ოდენ, არაჲთ გამეყოს მიზეზსა". და კუალად
Line: 8    თუ იწარმოოს ოდენ და არ ეგოს მიზეზსა შორის, განეყოს ყოვლითურთ
Line: 9    თჳსსა მეშვესა, და არდა უკუ ეტრფოს მისდამი და იწადნოოს
Line: 10    თჳსი მაერთებელი მიზეზი: რომელ ესე არს უღონო და მარღუ
Line: 11    წესსა საუკუნოჲს ზესთასა. რამეთუ ერთმან თქუაო წესი ყოვლისაჲ.
Line: 12    ვინაჲ სათანადო არს, რაჲთა ეგოსცა და წარმოიარსოსცა და
Line: 13    გასხუავდესცა.

Line: 14       "ხოლო თუ უკუნ იქცევის მხოლოდ, ვითარ არა ჰქონდის არსებაჲცა
Line: 15    მისგან?" ესრეთ იტყჳს, ვითარმედ უკუნ, ექცევის თუ და არა
Line: 16    არს მიზეზ მისდა, ვითარ ეგოს ესე? რამეთუ ყოველი უკუმქცე არსებითისა
Line: 17    მიზეზის მიმართ თჳსისა უკუნ იქცევის, და არა ვითარ დახუდეს.
Line: 18    რამეთუ უცხოსა ვითარ უკუე ეტრფოს ბუნებით.

Line: 19       "ხოლო თუ ჰგიესცა თჳსსა მიზეზსა შორის; და იწარმოებსცა
Line: 20    და არ უკუნ იქცევის" ესე არს ესე, ვითარმედ ჰგიეს თუ მიზეზსა
Line: 21    შორის და იწარმოებს, უკუნ ექცესცა თჳსისა წარმომაყენებელისადმი.
Line: 22    რამეთუ არ ვინაჲ ეგოს, რაჲთამცა თჳსისა მყოფობისა მიზეზსა
Line: 23    არა უკუ ეტრფო. ხოლო თუ არ უკუ ეტრფოს არცა ვიდრემე პირველ
Line: 24    განყოფისა ყოფილ მის შორის. არამედ ესე უღონო არს, რაჲთამცა
Line: 25    მიზეზოანი არ იყო თჳსისა არსებისა მიზეზსა შორის. ვინაჲ
Line: 26    საჭირვო არს, რაჲთა უკუ ეტრფოსცა თჳსს დასაბამსა.

Line: 27       "ხოლო თუ ჰგიეს ოდენ, იქცევის და არ იწარმოებს მისგან,
Line: 28    ვითარ განუყოფელმან შეუძლოს უკუტრფობაჲ მისდადვე?" იტყჳს:
Line: 29    უკუეთუ ჰგიეს და უკუნ ექცევის, ვითარ არ იწარმოებს? რამეთუ
Line: 30    ყოველი უკუნქცევაჲ მეწარმოეთა და განყოფილთაჲ არს: რამეთუ
Line: 31    განყოფასა და წარმოობასა გებაჲ ეპირატების: ხოლო უკუნქცევასა
Line: 32    წარმოქმნაჲ და განყოფაჲ, რამეთუ ყოველსა უკუნქცევასა პირველ
Line: 33    განყოფაჲ აქუს: რამეთუ რაჲ უკუნექცეს, უკუეთუ პირველ არ იწარმოოს
Line: 34    და განეყოს მისგან?

Line: 35       "რამეთუ ყოველ უკუნქცევადი ჰბაძავსო აღდნობადსა ვისდადვე".
Line: 36    აღდნობად იტყჳს, ვითარ ესე ოთხთა ასოთა მიერ შენაზავთა,
Page: 89   Line: 1    რამეთუ, დაიხსნნეს რაჲ, კუალად ოთხთა ასოთადვე აღდნებიან.
Line: 2    საჭირო არს უკუე, რაჲთა ანუ ეგოს მხოლოდ, ანუ უკუნ ექცეს მხოლოდ,
Line: 3    ანუ იწარმოოს მხოლოდ, ანუ შეაკრნეს კიდურნი ურთიერთას, ანუ საშუალ
Line: 4    შორის თითოეულსა კიდურთასა იყოს ყოველი. აქა ყოველთა სახეთა
Line: 5    მიზეზისა და მიზეზოანისათა გამოსცდის. ხოლო შენ ესრ გაიმეცნე,
Line: 6    რომელ ამათ მიერ მხოლო მხოლოთა სირაჲ არსთაჲ არ აღეგების,
Line: 7    რამეთუ ვერცა გებაჲ ოდენ შეუძლებს მარტოჲ, და ვერცა წარმოქმნაჲ
Line: 8    მარტოჲ, და ვერცა კიდურთა შემკრველობაჲ ვერ მესაშუვლისაჲ,
Line: 9    და ვერცა კიდურთა შორის ყოფაჲ ოდენ რას წარმოსთხზავს არსთა
Line: 10    სირაჲსასა. კიდურად იუწყენ, ვითარ მიზეზი და მიზეზოანი. და ვითარ
Line: 11    ესენი გამარტოებულნი ვერ აკმავნა მყოფოა წარმოშობისათჳს,
Line: 12    მერმე იტყჳს, ვითარმედ სათანადო არს, რაჲთა ეგოს ყოველივე შორის
Line: 13    მიზეზსა თჳსსა, და იწარმოოს მისგან, და უკუნ იქცეს მისდადვე.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.