ARMAZI
Ioane Petrici, Explanatio in Proclum Diadochum
Part No. 37
Previous part

Chapter: 36  
Line: 14 
თავი 36


Line: 15       "ყოველი წარმოობით გამრავლებულთა პირველნი უსრულეს
Line: 16    შემდგომთა, და შემდგომნი უშემდგომესთა თჳსთა" ესე გულისჴმის
Line: 17    ყოფაჲ ზემოთაცა შორის გარდამოგჳცემია, ვითარმედ პირველნი და
Line: 18    მოახლენი თჳსთა დასაბამთაჲსა უსრულე არიან თჳსთა უშემდგომესთა.
Line: 19    რამეთუ მოიღე და სახეთაცა და გასაცნაურდეს: რამეთუ
Line: 20    თჳთოსა სირასა შორის მყოფთასა უმახლობელესი დასაბამისაჲ უპატიოსნეს
Line: 21    და უფრო ღმრთივ, ვითარ ოდეს რაჲ იყოს სირაჲ გონებათაჲ
Line: 22    უმახლობელესი ნამდჳლ მყოფისაჲ უფრო ღმრთივ; და ესთა
Line: 23    შემდგომითი შემდგომად. და კუალად მოახლე სული პირველსა სულსა
Line: 24    და საყოველთაოსა უფრო ღმრთივ; და კუალად ბუნებაცა მოახლე
Line: 25    პირველსა ბუნებასა ყოვლისასა უფრო ღმრთივ; და კუალად ესთავე
Line: 26    სხეულთა ზედა, რამეთუ მოახლე უმცთომსა სფეროსა უფრო ღმრთივ,
Line: 27    ვიდრე შემდგომთა სფეროთასა. რამეთუ სფეროსა დიდისა კრონოჲსასა
Line: 28    და მთუარისასა რაჲზომი განყოფილებაჲ მოაქუს თჳს შორის,
Line: 29    და კუალად ქმნისა და ხრწნისა მიზეზთაცა ზედა ესთავე. რამეთუ
Line: 30    სფეროჲ ეთრიოჲსა ცეცხლისაჲ უფრო ღმრთივ სხუათა ასოთასა
Line: 31    რამეთუ საუკუნესა თანგანზომილად თან ჰყვების, და სამარადისოდ
Line: 32    მიდრკების, ვითარცა სხუანი უკუდავისა ხუედრისა ნაწილნი. ვინაჲ
Line: 33    კუალად უკუნქცევასაცა და უკუტრფობასაცა შორის დაიცვენ თჳსთა
Line: 34    წესთა, რამეთუ წესმან ყოვლისამან ესთა თქუაო, იტყჳს ტიმეო.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.