ARMAZI
Ioane Petrici, Explanatio in Proclum Diadochum
Part No. 38
Previous part

Chapter: 37  
Page: 90  
Line: 1 
თავი 37


Line: 2       "ყოველნი მებრ უკუნქცევით მდგომნი პირველნი უნაკლულეს
Line: 3    მეორეთა და ესევე შემდგომითი შემდგომად". ყოველი ხედვაჲ ამის
Line: 4    თავისაჲ სხუასა გუარსა გჳთხრობს ჩუენ სრულებისასა, ვითარმედ
Line: 5    სფეროსა შორის არსთა უკუნქცევისასა პირველისად მიზეზისა,
Line: 6    შემდგომნი და უკუანაჲსკნელნი უფრო სრულო. ხოლო შენ, გესმას
Line: 7    რაჲ სრულებაჲ, ნუ პირველსა და შემოქმედებითსა არსთა წარმოთხზვისა
Line: 8    სრულებასა ჰგონებ, არამედ უკუნქცევითსა. და კუალად სადაჲთ
Line: 9    იწყეს, და წარმოიარეს მათვე დასაბამთა უკურწყუმითსა, და
Line: 10    ვითარ რაჲ სფეროჲ ჰგონე ყოველი ანაქუსი არსთა მორთვისაჲ. ხოლო
Line: 11    ყოველი სფეროჲ უკუნქცევასა შორის უკუანაჲსკნსა ჰყოფს
Line: 12    პირველ, ხოლო პირველსა უკუანაჲსკნელ. ხოლო აქ პირველ ყოფაჲ
Line: 13    ესთა გამეგონების, რამეთუ ოდეს გასრულდეს ნათხზი სირაჲსაჲ, მაშინ
Line: 14    სრულებით უკუანაჲსკნელსა არღარა აქუს ძალი სხჳსა წარმოყენებად,
Line: 15    და არცადა წარსძრავს თჳსს თჳთებასა სხჳსა წარმოქმნად,
Line: 16    არამედ მყის დასასრულსავე თანა კუალად უკუ ისფერებს თჳსთა დასაბამთადვე,
Line: 17    და არა თუ ჟამი გამოვლის შუა უკუნქცევისადმი. ეს
Line: 18    ვითა ხედენ ცისა სოეროსა შორის, რამეთუ ერთ და იგივე წარმოვლაჲცა
Line: 19    და კუალად უკუნქცევაჲცა, სადაჲთ იწყო წარმოვლილმან.

Line: 20       "ხოლო თუ უკუნქცევანი იქმნებიან მრგულივ, ვისგანცა
Line: 21    პირველი წარმოობაჲ, მისდადვე და უკუნქცევაჲცა. რამეთუ ზესთ
Line: 22    სრულისაგან გზავნაჲ წარმოობისაჲ, და უკუნქცევაჲცა ზესთ სრულისადვე".
Line: 23    გუეტყჳს აქა, ვითარმედ, სადაჲთ იწყო პირველმან
Line: 24    წარმოობამან გზავნისამან, კუალად მუნვე და მისდამი პირველიცა უკუნქცევაჲ.
Line: 25    ხოლო ესე საცნაურ თუ სადაჲთ იწყო. იწყო უკუე ზესთ
Line: 26    სრულისგან და ზესთ ერთისგან, რამეთუ მის მიერ წარმოექანნეს,
Line: 27    უპირატეს ყოველთა პირველთა, წყარონი ორნი: მიზეზნი დ ზესთ
Line: 28    შესაქმენი მყოთანი. არ ვითარ ორღანებრივნი და უდარესნი საქმოთანი,
Line: 29    არამედ ვითარ ზესთ სრულნი მიზეზნი შემოქმედებითნი და
Line: 30    არა ორღანებითნი. რამეთუ საკუთრებით არცა მიზეზ ერქუმის პლატონის
Line: 31    მიერ ორღანებითთა მიზეზთა, არამედ თანმიზეზ. ხოლო
Line: 32    მიზეზი და თანმიზეზი გაიყოფვიან ესთა: რამეთუ მიზეზ გულის
Page: 91   Line: 1    ჴელოვნებაჲ მკურნალისაჲ სიმრთელისათჳს, ხოლო თანმიზეზ დაკაზმვაჲ
Line: 2    წამალთაჲ. და ესთავე მიზეზ ასოთა მწერალი, ხოლო თანმიზეზ კალამი.
Line: 3    ვინაჲ აწ იხილე, რამეთუ მიზეზსა უდარეა მიზეზოანი, ხოლო თანმიზეზსა
Line: 4    ორღანებრივსა ზესთა ძეს. ხოლო ოდეს ორნივე ესე თუალნი
Line: 5    მყოფთა აგებისანი მის უთქჳსა მიერ წარმოიყენნეს, ვითარ ზესთ
Line: 6    მიზეზნი ერთთა და არსთანი და არა ვითარ თანმიზეზნი, რაჲთამცა
Line: 7    უდარეს იყვნეს ნამიზეზებთა? და არცა ვითარ მარტივად მიზეზნი,
Line: 8    არამედ ვითარ ზესთ მიზეზნი და ზესთ სრულნი, ამით რომელ მიზეზ
Line: 9    ყოველი თან მისცემს თჳსისა არსებისგან თჳს გამო მიზეზოანთა. ხოლო
Line: 10    მათ ზესთ უპყრია თჳთებაჲ თჳსი არსთა თხზულებისაგან, და
Line: 11    ზესთ განკარგულად ჰგიან თჳსსა მიზეზსა შორის რომელ არს ერთი
Line: 12    ზესთაჲ ყოველთ მიზეზთაჲცა. და ამის გამო ყოველნი გამონი, და
Line: 13    კეთილთა კეთებანი, და კუალად მისდადვე, რაჲთა დაუწყუედელ იყოს
Line: 14    და უსაზღვრო წყაროჲ არსთა დენისაჲცა და კუალად უკუნქცევისაჲ.

Line: 15       ხოლო კუალად იტყჳს "უკუნჴცევასა შორის", უკუანაჲსკნელნი
Line: 16    პირველ და უსრულესო. ესთა გაიგონების სიტყუაჲ ესე, რამეთუ,
Line: 17    სადაჲთცა დაიწყოს პირველ აღძრვად და აღდგომად მის ზესთ პირველისადმი,
Line: 18    იგიც უსრულე და უპირველეს არს. ხოლო, ვითარ
Line: 19    ვთქუთ, სფეროჲსა უკუნქცევასა შორის უკუანაჲსკნელი იქმნების
Line: 20    პირველ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.