ARMAZI
Ioane Petrici, Explanatio in Proclum Diadochum
Part No. 39
Previous part

Chapter: 38  
Line: 21 
თავი 38


Line: 22       "ყოველი წარმოარსებული უმრავლესთა მიზეზთაგან, რაოდენთაცა
Line: 23    მიერ იწარმოოს, ეგოდენთაცა მიერ უკუნ ექცეს". ესთა
Line: 24    გუეტყჳს ჩუენ ხედვაჲ ესე, ვითარმედ, რაოდენც იყვნენ მიზეზნი
Line: 25    მიზეზოანისანი წარმოვლასა შორის სირაჲსასა, ეგეოდენთაცა საშუვალთა
Line: 26    მიერ კუალად უკუნქცევაჲ პირველისა მიზეზისადვე. რამეთუ
Line: 27    არ ეგების, თუმცა უსაშოვლოდ უკუ ეტრფო პირველთა მიზეზთა და
Line: 28    დასაწყთა. რამეთუ რაოდენცა იყვნენ საშუალნი მიზეზნი, ყოველთა
Line: 29    უკუტრფობისა მიერ უნდა უკუტრფობაჲ კუალად პირველისა მიზეზისადმი
Line: 30    და წყაროჲსა. ხოლო თუ უსაშუვლო იყოს, და თანუსაშოვლოდცა
Line: 31    იქმნეს უკუნქცევაჲ. რამეთუ ყოველი უკუნქცევაჲ მსგავსებისა
Line: 32    მიერ. გესმაა, ვითარ მსგავსებისა მიერ ყოველი ერთ ქმნაჲ და
Line: 33    უკუტრფობაჲ დასაბამთადმი? იუწყე, რომელ მსგავსებაჲ ორ სახედ
Line: 34    მოქმედებს: პირველად ამყოფებს მიზეზოანსა მიზეზსა შორის, და
Line: 35    კუალად უკუ უტრფობს დასაბამისადმი. ხოლო უმსგავსოებაჲ ოდენ
Line: 36    ასხუაებს და ამრავლებს წარმონაარსთა. და რაოდენცა უმახლობელეს
Line: 37    იყოს მსგავსებაჲ, ეგეოდენცა და უკუნქცევაჲ.

Page: 92  
Line: 1       "ვინაჲ, რაოდენთაცა მიერ ჰქონდის მყოფობაჲ, ეგოდენთავე
Line: 2    მიერ კეთილობაჲ თითოეულისაჲ, ანუ თუ წინა-უკუმო". ესთა იტყჳს,
Line: 3    ვითარ, რაოდენთაცა მიზეზთა მიერ ჰქონდის მყოფობაჲ, ეგეოდენთავე
Line: 4    მიერ გაკეთილდეს მის-შორისი კეთილობაჲ. "ანუ თუ წინა-უკუმო",
Line: 5    ესე იგი არს, ვითარმედ, რაოდენცა მიზეზნი, ეგეოდენცა და კეთილობაჲ;
Line: 6    და რაოდენცა კეთილობაჲ, ეგეოდენცა მიზეზნი.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.