ARMAZI
Ioane Petrici, Explanatio in Proclum Diadochum
Part No. 40
Previous part

Chapter: 39  
Line: 7 
თავი 39
Line: 8 
განყოფისათჳს ძალთა არსებათაჲსა


Line: 9       "ყოველი მყოფი ანუ მხოლოდ არსებით ოდენ უკუნ იქცევის,
Line: 10    ანუ ცხოველობით, ანუ ცნობიერობით". აწ აქა ძალთა განჰყოფს
Line: 11    არსებათასა, რამეთუ რაჲგუარცა იყოს არსებაჲ, ეგსახეცა და უკუნქცევაჲ
Line: 12    მისი. რამეთუ უკუეთუ მხუდარ იყოს ოდენ არსებაჲ, და იყოს
Line: 13    დაკლებულ ცხოვლობითის და ცნობიერობითისა ძალისგან: არსებით
Line: 14    ოდენ უკუ ეტრფოს, ესე იგი არს მყოფობით. ხოლო თუ ჰქონდის
Line: 15    ძალი ცხოვლობითი, უკუ ეტრფოს არსებითცა და ცხოვლობით.
Line: 16    და კუალად, უკუეთუ ჰქონდის ძალი სიტყჳერებითი, რომელ არს
Line: 17    ცნობითი, უკუ ეტრფოს სიტყჳერებით, ესე იგი არს ცნობით და გულისხმისყოფით.
Line: 18    ხოლო აწ აქა სისრულეთა თანა გუაც განხილვად თითოეულთა
Line: 19    ამათ არსებათა, თუ ვითარ ჰბაძვიდენ და ესახებოდინ ზესთ
Line: 20    სახეთასა მას არსსა ნამდჳლ მყოფობისასა. რამეთუ რომელთადა
Line: 21    მყოფობაჲ ოდენ მხუდარ იყოს, ვითარ სრულიად უსულოთადა, მათდა
Line: 22    მყოფობაჲ ოდენ არს სატრფო. რამეთუ დაღათუ უცხო არს
Line: 23    ყოვლისა სულითისა და ცხოვლობითისა ძალისაგან, მაგრა გუარსა
Line: 24    შორის შეპყრობილ. რამეთუ გაგუარებულ ყოველი მყოფი, იტყჳს
Line: 25    პარმენიდი. ხოლო თითოეულისგან მყოფთაჲსა წადილი თჳსისა
Line: 26    გუარისაჲ არს. ხოლო წადილი გუარისაჲ წადილ თჳსისა ერთისაჲ
Line: 27    არს, რამეთუ ერთ ვიდრემე ყოველი გუარი. წოლო წადილი თჳსისა
Line: 28    და მის-შორისისა ერთისაჲ წადილ და ტრფიალება არს ზესთ ერთისა
Line: 29    მის. ვინაჲ ამის მიერ საცნაურ, რომელ ყოველი მეტრფე და მეწადე
Line: 30    თჳსისა ერთისაჲ, რომელ არს მყოფობაჲ თითოეულისაჲ, მის ზესთ
Line: 31    ერთისა არს მეწადე. და ესე მყოფობითისა აობისათჳს.
Line: 32    ხოლო კუალად ცხოვლობითისა ძალისათჳს, თუ ვითარ ეხატვის
Page: 93   Line: 1    და ეტრფის მას ზესა ზესთათასა. ისმინე, ამეთუ ყოველი ძალი
Line: 2    ცხოვლობითი მსგავსისა წარმოჩენასა შორის სრულ იქმნების, დაღათუ
Line: 3    დაკლებულა სიტყჳვრებითისა ძალისაგან, და მართ ოდენ ძალითა
Line: 4    ცხოვლობითითა აობს. წარმოაწენს მსგავსსა ხატებისათჳს მის
Line: 5    ერთისა, რამეთუ ვითარ იგი არობისგან არს იქმს, და წარმოაჩენს,
Line: 6    და აცხოველებს, და აერთებს ყოველსა, ესთავე აქა ძალი ცხოვლობითი.
Line: 7    არამედ მუნ ვითარ ზესთ დაზესთებულად; ხოლო აქა ანუ ხატოვნებით,
Line: 8    ვითარ სამარადისოთა ზედა; ანუ კერპოვნებით, ვითარ
Line: 9    მოკუდავთა ზედა; ხატოვნებით და მარადობით, ვითარ მზესა და
Line: 10    სხუათა ვარსკულავთა ზედა. რამეთუ აღიქმან და იგიცა მოკუდავთა
Line: 11    ნაწილისასა. მაგრა ძრვათა და მიდრეკათა მიერ, ვითარცა ეტყჳს
Line: 12    მათ ტიმეო რეცა თუ დამბადებელის გამო. ხოლო თქუენ ჰბაძევდით
Line: 13    ძალსა ჩემსა, აღიქმოდეთ ცხოველთა და ნერგთა ზრდიდით უკუე და
Line: 14    აღაორძინებდით, ხოლო კუალად მოკლებულთა შეიწყნარებდით. ესთა
Line: 15    თქუა ტიმეო მბადის გამო მორთულებისა მიმართ ვარსკულავთაჲსა.
Line: 16    ხოლო ჩუენ-შორისი ესე კერპი და აჩრდილის დასახჳთი ცხოვლობაჲ.
Line: 17    აჰა და რეც თუ წარმოაჩენს ორთა მიზეზთათჳს: პირველად, რაჲთა
Line: 18    უქმ იყოს შობითი და წარმოჩენითი ხატებაჲ მის ერთისაჲ; მეორედ
Line: 19    გებისა და სამარადისოობისათჳს, რამეთუ ვითარ უკუდავნი ეგებვიან
Line: 20    სამარადისოდ ერთობასა ზედა უქცეველობითსა, ეგრეთვე კუალად და
Line: 21    კუალადობით და სხუა და სხუობით მოკუდავთაცა ბუნებაჲ გარდაიხილავს
Line: 22    თჳს შორის სამარადისოობასა. და ესე არს სისრულე
Line: 23    ცხოველობითი.

Line: 24       ხოლო სიტყჳერებითი სრულებაჲ ზესთა ძეს ამათ ყოველთა;
Line: 25    რამეთუ უმეტესსა წესსა და მორთულებასა მიიღებს; რამეთუ განაშუენებს
Line: 26    და შეამკობს, სადაცა მითესულ იყოს ძალი სიტყჳსაჲ, და
Line: 27    ამკობს ჴელოვნებათა მიერ უმკობელობასა ნივთისასა, და, ვითარ
Line: 28    კეთილი ღმერთი, სახოვან ჰყოფს ზედმიწევნულებათა მიერ ნაზავსა
Line: 29    და ნათხზსა ამათ ოთხთა ასოთასა. რომლისათჳს თქუა ვინმე ბრძენთამან,
Line: 30    რამეთუ შთამოავლინაო მბადმან ყოვლისამან სიტყუაჲ არსებითი,
Line: 31    რომელ არს სული, რაჲთა ჰკაზმოსო და ადამკოს პირი ქუეყანისაჲ.
Line: 32    ვინაჲ ამათ ყოველთა ზედა არა თავს იდებს ვიდრე აქამდე
Line: 33    ქმასა და დაშთენასა, არამედ ემხედვარების ყოველსა არსთა ანაქუსსა
Line: 34    და მორთულებასა და მათ მიერ, ვითარცა რაჲ ჴელპყრობილი, აღიწევის
Line: 35    არსთა მამისად. და ესე არს უკუტრფობაჲ სულთა თჳსთა
Line: 36    დასაბამთადვე.

Line: 37       ვინაჲ ესე სრულებანი არსთანი ითქუნეს შესაბამად ბუნებათაჲსა,
Page: 94   Line: 1    რამეთუ ყოველი უკუმეტრფე, ვითარცა აღიქუს მბადისა მიერ, ეგესახედცა
Line: 2    უკუ ეტრფვის მქუსველსა თჳსსა, რამეთუ საზომნი წარმოობათანი
Line: 3    მოქცევსა შორის სირაჲსასა კუალად შესაბამადვე უკუნ აქცევენ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.