TITUS
Liturgia Iacobi (versio I)
Part No. 32
Previous part

Paragraph: 32.  
Line of edition: 14    მღდელმან ესე ლოცვაჲ წართქუას: ღმერთო,
Line of edition: 15    რომელი მრავლითა მოწყალებითა შენითა შეუნდობ
Line of edition: 16    უძლურებასა მონათა შენთასა, ღირს მყვენ ჩუენ
Line of edition: 17    მოღებად ამის ზეცისა საკურთხეველისაგან და ნუ
Line of edition: 18    დამშჯი ჩუენ ცოდვილთა ამათ მოღებითა უხრწნელთა
Line of edition: 19    შენთა საიდუმლოთაჲთა, არამედ დამიცვენ ჩუენ,
Line of edition: 20    უფალო სახიერო, სიწმიდესა შენსა და სიმართლესა,
Line of edition: 21    რაჲთა ღირს და ზიარ ვიქმნეთ სულისა შენისა თანა
Line of edition: 22    წმიდისა და ვპოვოთ ნაწილი და სამკჳდრებელი და მადლი
Line of edition: 23    ყოველთა თანა წმიდათა შენთა, ნათელსა პირისა
Line of edition: 24    შენისასა მოწყალებითა, ქრისტჱ, შენისაჲთა.
Line of edition: 25    ამაღლება: რაჲმეთუ კურთხეულ და წმიდა და
Line of edition: 26    დიდებულ არს ყოვლად პატიოსანი და დიდად შუენიერი
Line of edition: 27    სახელი შენი მამისა და ძისა და წმიდისა სულისაჲ, აწ და
Line of edition: 28    მარადის და უკუნითი უკუნისამდე.
Line of edition: 29    ერმან: ამენ.
Line of edition: 30    მღდელმან: მშჳდობაჲ ყოველთა.
Line of edition: 31    ერმან: სულისა შენისა თანა.
Line of edition: 32    დიაკონმან: თავნი ჩუენნი.
Line of edition: 33    ერმან: შენ, უფალო.

Page of edition: 31  

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.