TITUS
Klarjeti Polycephalion
Part No. 8
Previous part

Text: 10 
Page of edition: 226 
Line of edition: 18    წმიდასა დღესა დიდსა, ნათლითა შემოსილსა აღვსებასა, აღდგომასა
Line of edition: 19    უფლისა ჩუენისა იესუ ქრისტჱსა საკითხავი, თქუმული წმიდისა და ნეტარისა
Line of edition: 20    მამისა ჩუენისა მელენტი ეპისკოპოსისაჲ


Line of edition: 21       ნათელ-იღე, ნათელ-იღე, იერუსალჱმ, რამეთუ მოწევნულ არს ნათელი
Line of edition: 22    შენი და დიდებაჲ უფლისაჲ შენ ზედა გამობრწყინდა და ვიდოდიან ყოველნი
Line of edition: 23    ნათესავნი ნათელსა შენსა.
Line of edition: 24       განიღჳძე, განიღჳძე, სიონ! განიღჳძე და აღდეგ იერუსალჱმ! და დაიდგ
Line of edition: 25    გჳრგჳნი სიკეთისა შენისაჲ, სიონ, და შეიმოსე11 დიდებაჲ შენი, იერუსალჱმ!
Line of edition: 26    განიძარცუე სამოსელი გლოვისა შენისაჲ და შეიმოსე12 სამკაული სიხარულისა
Line of edition: 27    შენისაჲ, ქალაქო წმიდაო, რამეთუ "აჰა ესერა, მწუხრი განისუენა ტირილმან
Line of edition: 28    და ცისკარსა ამას მოიწია სიხარული" აღდგომისაჲ.
Line of edition: 29       და დედათათჳს ვიტყჳ, რომელნი გუშინ... იყვნეს სიკუდილისათჳს ...სა:
Line of edition: 30    განემზადენით და აღიმსთუვეთ და მოელოდით აღდგომასა. და ვითარცა გარდაჴდა
Line of edition: 31    შაბათი იგი, მარიამ მაგდანელმან მოყუსებითურთ განჰმზადნეს ნელსაცხებელი
Line of edition: 32    და საკუმეველი, რაჲთა უკუმიონ ჴორცთა უფლისათა. ვიდრე იგინი
Line of edition: 33    განიზრახვიდეს და მივიდოდეს გზასა მას და იტყოდეს: "დაღაცათუ მივალთ,
Line of edition: 34    სამარესა მას შინა ვინ შეგჳტევნეს ჩუენ? დაღათუ მიგუაქუს ნელსაცხებელი
Line of edition: 35    და საკუმეველი, მკუდარი იგი ვინ გჳჩუენოს ჩუენ? გარდა-თუმცა-ვინ-აგორვა
Line of edition: 36    ლოდი იგი კარისა მისგან საფლავისა, რაჲთამცა შევედით და ვსცხეთ
Line of edition: 37    საცხებელი ესე წყლულთა მათ სამშჭუალთასა?".
Line of edition: 38       და ვითარ ამას განიზრახვიდეს ოდენ, სასმენელ იქმნა ლოცვაჲ მათი და
Line of edition: 39    ვიდრე სიტყუათა...
Line of edition: 40       ... გამოპარვად მკუდრისა მის, ვითარცა იტყოდეს ჯუარისმცუმელნი
Line of edition: 41    იგი, არამედ შეძრვად ქუეყანისა მის, სადა იყო სამარჱ იგი., და მცველნი
Page of edition: 227  Line of edition: 1    იგი შიშითა მით მიმოგანდგეს, ვითარ იხილეს, რამეთუ ლოდი იგი კარისა მისგან
Line of edition: 2    იძრვოდა და თჳთ თავით თჳსით გარდაგორვიდა. ფერჴნი მოიპოვნა ლოდმან
Line of edition: 3    მან, სლვაჲ მოიპოვა, თუალისა წამსა თჳთ გარდაგორვიდა, რამეთუ არავინ
Line of edition: 4    ჩნდა, რომელი აგორვებდა, და არცა მიმოაქცევდა ვინ და არცა მიდრკებოდა,
Line of edition: 5    არამედ თჳთ გარდაგორვიდა, დაღათუ ანგელოზი იგი აგორვებდა ლოდსა
Line of edition: 6    მას დაფარულად, ხოლო მცველთა მათ ეგრე ეგონა, ვითარმედ თჳთ გარდაგორავსო.
Line of edition: 7    ხოლო ანგელოზსა მას ვერ ჰხედვიდეს და მისგან შეძრწუნდეს
Line of edition: 8    მცველნი იგი და იტყოდეს: გან-თუმცა-რაჲ-ვირინენით თავნი ჩუენნი ამიერ,
Line of edition: 9    ნუუკუე ...ძანა სლვაჲ... ფერჴნიცა ესე ჩუენნი მავალნი და ყვნეს ვითარცა
Line of edition: 10    უძრავნი.
Line of edition: 11       გარდამოჴდა ანგელოზი განღებად კარისა მის სამარისა პირსა წინაშე
Line of edition: 12    უფლისასა, და ვინ უწყის, გარდამოსლვასა ოდენ მის ანგელოზისასა იყო აღდგომაჲ
Line of edition: 13    უფლისა მის ანგელოზთაჲსა. ანგელოზმან ლოდი გარდააგორვა, უფალი
Line of edition: 14    გამოვიდა სამარისაგან. ვითარცა იხილა მან ანგელოზმან უფალი, რამეთუ
Line of edition: 15    გამოვიდა კარსა თანა მის სამარისასა, დავარდა და თაყუანის-სცა უფალსა მას
Line of edition: 16    თჳსსა და იწყო მადლობად მისა1, რომელმან ღირს-ყო განღებად კარისა მის
Line of edition: 17    სამარისა წინაშე პირსა უფლისა მის თჳსისასა.
Line of edition: 18       უკუეთუმცა წინაწარ გარდამოსლვისა მის ანგელოზისა აღდგომილ იყო,
Line of edition: 19    რაჲ საჴმარ იყო ანგელოზისა მის განღებად კარისა მის, რამეთუ მკუდარიმცა
Line of edition: 20    არა იპოვა სამარესა? და თუ მის ჟამისა შემდგომად აღდგა, ვითარმცა არა
Line of edition: 21    პოვეს დედათა მათ, რომელნი შემდგომად ანგელოზისა მის მი-ხოლო-ვიდეს?
Line of edition: 22    არცა წინაჲსწარ ჟამისა მის აღდგა, რაჲთა ნუუკუემცა იპოვა ცოცხალი შინაგან
Line of edition: 23    კართა მით ჴშულთა და არცა შემდგომად ჟამისა მის აღდგა, რამეთუ
Line of edition: 24    მივიდეს დედანი იგი და არა პოვეს სამარესა მას.
Line of edition: 25       უკუეთუ თქუას ვინმე, ვითარმედ: ღამჱ აღდგა და გამოვიდა სამარისა
Line of edition: 26    მისგან კართა ჴშულთა. უკუეთუ ეგრე იყო, რაჲ საჴმარ იყო განღებად კარი
Line of edition: 27    სამარისაჲ მის? და თუ დედათა მათთჳს განეღო, რაჲთა იხილნენ ტილონი იგი
Line of edition: 28    და გულისხმა-ყონ, რამეთუ არა არს სამარესა მას, და თუ ეგრე არს, რაჲსა-მე
Line of edition: 29    არა თქუან, ვითარმედ აღდგომისა ჟამსა განეღო? რამეთუ ორი საქმე კეთილი
Line of edition: 30    იქმნებოდა ამით, რამეთუ: ერთი, ანგელოზი შიშით განაღებდა კარსა მას
Line of edition: 31    სამარისასა წინაშე პირსა უფლისასა, რომელ გამოვიდოდა მკუდრეთით, და
Line of edition: 32    მეორედ, რაჲთა გამოაჭეშმარიტონ, ვითარმედ ნანდჳლ ჴორცნი იყვნეს, რომელნი
Line of edition: 33    განცხოველდეს.
Line of edition: 34          და უკუეთუ აღვსენისათჳს რიცხჳსა მის სამთა დღეთაჲსა მეექუსესა ჟამსა
Line of edition: 35    ღამისასა აღდგა და მისთჳს ჰგონებენ, ვითარმედ ღამე აღდგა, და თუ განღებასა
Line of edition: 36    კარისასა აღდგა, რაჲთა დაჴშულთა მათ კართა განღებითა დაეყოს პირი
Line of edition: 37    მათი, რომელნი იტყჳან, ვითარმედ: ჴორცნი ზეცით ჰქონდესო6. ხოლო
Line of edition: 38    თქუმად ორისაგანვე მიზეზისა არს, არა ხოლო აღსრულებისა
Line of edition: 39    რიცხჳსა მის სამთა დღეთაჲსა, არამედ მახარებელთა აღწერილთაგანცა, რამეთუ
Line of edition: 40    ერთი იგი იტყჳს, ვითარმედ: "მწუხრი შაბათსა მოვიდეს დედანი იგი",
Line of edition: 41    და ერთი იტყჳს, ვითარმედ: "მზისა აღმოსლვასა ოდენ მოვიდეს"...
Line of edition: 42       გამოვიდა უფალი სამარისაგან და დაჯდა ...სა მას ზედა, რაჲთა
Line of edition: 43    ბრწყინვალედ ხილვითა მით მიაწიონ შიში და ძრწუნებაჲ მცველთა მათ ზედა.
Line of edition: 44    და აღსარებისა მის სიტყუათა მიაწიოს ნუგეშინისცემაჲ სასმენელთა მგლოვა\რეთასა,
Page of edition: 228  Line of edition: 1    დაღათუ გამოსლვასა ოდენ უფლისასა სამარისაგან ზე დგა ანგელოზი
Line of edition: 2    იგი, ხოლო შემდგომად გამოსლვისა მის დაჯდა ლოდსა მას ზედა, რაჲთა
Line of edition: 3    სისპეტაკითა სამოსლისა მისისაჲთა შეამკოს კარი სამარისაჲ მის უფლისა
Line of edition: 4    თჳსისაჲ და ბრწყინვალებისა გამოტევებითა მით აოტოს ბნელი სამარისა მისგან,
Line of edition: 5    და მცველნი იგი იქმნეს, ვითაცა მკუდარნი შიშითა მით, და საკჳრველ
Line of edition: 6    ესე იყო, რამეთუ სიკუდილსა მას უფლისასა მკუდარნი აღდგებოდეს და აღდგომასა
Line of edition: 7    მას ცოცხალნი იგი მცველნი შეიქმნნეს, ვითარცა მკუდარნი.
Line of edition: 8       ანგელოზი იგი, რომელი... არამედ აღდგა, და ვითარცა იხილე, მე
Line of edition: 9    ვწამებ. და თქუა: არა თუ ვითარ მოვედ მე, მაშინღა აღდგა. და ვითარცა
Line of edition: 10    მოვედ, აღდგომილი ვპოვე ცხოვრებად. ნუ ეგრე გგონიეს, ვითარმედ ცვალა
Line of edition: 11    ვინმე ამიერ ადგილით, გინა თუ წარ-ვინმე-იპარა, არამედ აღდგა, ვითარცა
Line of edition: 12    წინაჲსწარ თქუა, რამეთუ ვერ ეგებოდა, ვითარმცა დაეყუდნეს სიტყუანი იგი,
Line of edition: 13    რომელთა იტყოდა: დგეს ეგრეთ დასულებულნი დედანი იგი და განიზრახვიდეს
Line of edition: 14    გონებასაცა, ვითარ ვინ-მე არს ესე, რამეთუ მოწაფეთა მათგანი არა არს,
Line of edition: 15    და ვითარ-მე გურწმენეს სიტყუაჲ ამისი თჳნიერ სასწაულისა? ვიდრე იგინი
Line of edition: 16    დაკჳრვებულნი დგეს სიტყუასა მას ანგელოზისასა და კითხვად ეშინოდა, გამოეცხადნეს
Line of edition: 17    ორღა სხუა ანგელოზ, რაჲთა დაემტკიცნენ სიტყუანი იგი პირველისაჲ
Line of edition: 18    მის. წამებანი მტკიცე იყო... ვითარ განცხოველდა და აღდგა
Line of edition: 19    სამარით. დაღათუ პირველისა მის წამებაჲ მტკიცე იყო, არამედ ორგულობისათჳს
Line of edition: 20    ურწმუნოთაჲსა მოწამენი მრავალნი, რომელთა წამონ აღდგომისათჳს
Line of edition: 21    და რამეთუ ვნებათა მათთდს შეორგულდეს გონებანი კაცთანი სიტყუათა მათ
Line of edition: 22    ზედა, რომელთა წინაჲსწარ იტყოდა. მოვიდეს ანგელოზნი იგი მოჴსენებად და
Line of edition: 23    მოქცევად მათა ჭეშმარიტებისათა მათ მიმართ სიტყუათა. ჰრქუეს დედათა მათ:
Line of edition: 24    "მოიჴსენეთ, რასა-იგი გეტყოდა თქუენ გალილეას", არამედ მაშინმცა ჯერ-იყო
Line of edition: 25    თქუნდა წუხილი, უკუეთუმცა აღსრულებულ იყვნეს სიტყუანი იგი საქმითურთ,
Line of edition: 26    რომელ იტყოდა: წინაჲსწარ ეჩუენნეს ორნი იგი ანგელოზნი, რაჲთა
Line of edition: 27    არა შეაძრწუნნეს დედანი იგი, არა ეჩუენნეს საშინელითა ხილვითა მით, არამედ
Line of edition: 28    რაჲთა გულისხმა-ყონ, ვითარმედ ნან... შემძლებელ იყვნეს თუალმიდგმად,
Line of edition: 29    რამეთუ თქუა: ბრწყინვალე იყვნეს. და საშინელებისა მისგან თავდაკიდებულად
Line of edition: 30    და შეშინებულად დგეს დედანი იგი. რამეთუ აღდომასა უფლისასა ქადაგებდეს,
Line of edition: 31    და რომელ-იგი აღდგა დ მას ვერ ხედვიდეს დედანი იგი, ეჩუენნეს
Line of edition: 32    მათ აეროვნითა ხილვითა, რამეთუ აეროვანითა ხილვითა მით დაემტკიცოს აღდგომაჲ
Line of edition: 33    იგი.
Line of edition: 34       და დედანი იგი, რომელ მივიდეს ცხებად მკუდრისა მის, ექმნეს მეყსეულად
Line of edition: 35    მახარებელ აღდგომისა მის. რომელ-იგი მივიდეს ტირილად სამარესა მას,
Line of edition: 36    მოიქცეს მუნვე ქალაქად ნუგეშნისცემად მოწაფეთა მათ. რომელნი მივიდეს
Line of edition: 37    მწუხარებით, მიიქცეს მუნვე სიხარულით, რამეთუ სიტყუანი, ვითარმედ სრბით
Line of edition: 38    მოვიდეს... ხოლო მათ თანა ჯუარცუმასა მას ჩას, რამეთუ აღდგომასა მასცა
Line of edition: 39    არა უხაროდა, არა ეგრე წრაფით რბიოდა აბრაჰამ ჟამსა მას, რომელსა მიაქუნდა
Line of edition: 40    ჴბოჲ იგი ანგელოზთა მათთჳს, რომელმან-იგი აღუთქუა მას მიცემად შვილი,
Line of edition: 41    ვითარ მწრაფლ რბიოდეს დედანი იგი მისლვად და თხრობად ანგელოზთა მათ
Line of edition: 42    ხარებაჲ აღდგომისათჳს უფლისა. მარიამ მაგდალოელი უსწრობდა და წინა-\წარუსწრო
Page of edition: 229  Line of edition: 1    მოყუასთა მათ, ვითარცა იოვანე, რომელი წინა-რბიოდა პეტრესა, ვიდრე
Line of edition: 2    იგინი მივიდოდეს სამარესა მას. ვითარცა შევიდა მარიამი მოწაფეთა, გულგდებულად
Line of edition: 3    შეურვებულთა, რომელნი დანაბულად სხდეს შიშისაგან ჰურიათაჲსა,
Line of edition: 4    რომელნი დაფარულ და დამალულ იყვნეს თქუმულისათჳს ჯუარისმცუმელთაჲსა.
Line of edition: 5    ესე, რომელ უმეტესად მოყუასთასა გულს-ეტყოდა უფლისათჳს,
Line of edition: 6    შევიდა პეტრესა და იოვანესა. მიხედეს პირსა მის დედაკაცისასა, რამეთუ მხიარულ
Line of edition: 7    და შეშინებულ იყო, და იგი, რომელმან სრბასა მას არა გამოუცხადა,
Line of edition: 8    იწყო დიდითა ჴმითა, სავსემან მხიარულებითა, ღაღადებდა დაუთმენელად და
Line of edition: 9    გულგდებულად. მხიარულებითა გონებისა მის აღძრვითა მხიარულებისა მისგან
Line of edition: 10    თუალ-უყოფდეს, რაჲთამცა დადუმნა და ვერ დაადუმებდეს. შეჰრისხნეს
Line of edition: 11    და იგი არავე დასცხრა და ჰრქუა: დღჱ არს ხარებისაჲ და ვითარ დამადუმებთ?
Line of edition: 12    ჟამი არს სიხარულისაჲ და არა ეგების დუმილი. დასულებით მით სიხარულისაჲთა
Line of edition: 13    არა უწყოდა, რასა იტყოდა და თქუა: "აღიღეს უფალი სამარისაგან
Line of edition: 14    და არა უწყი, სადა დადვეს". ჵ მარიამ, არა-მე გგონიეს, რასა-ეგე
Line of edition: 15    იტყჳ? ვინმცა წარიღო უფალი? აჰა, მცველნი გარემოდგომილნი სცვიდეს სამარესა
Line of edition: 16    მას და მოწაფენი იგი ივლტოდეს. აწ ვინმცა იყო, რომელმან აღიღო
Line of edition: 17    და წარიპარა იგი?... რასა მხიარულად გიპყრიეს, ვითარცა მახარებელსა,
Line of edition: 18    რამეთუ სახარებასა აღდგომისასა არა ჰქადაგებ? სიტყუანი ეგე პირსა მაგას არა
Line of edition: 19    ეწამებიან და ჴმაჲ ეგე არა სიხარულისაჲ არს, ვითარმედ აღდგა. სიტყუანი ეგე
Line of edition: 20    ბავთისანი არიან, ვითარმედ აღდგა. უკუეთუ ვინმე აღიღო და წარიპარა,
Line of edition: 21    ჩას, რამეთუ აღდგა. და თუ არა აღდგა, რაჲსა ეგრე მხიარულ ხარ მწუხარებისა
Line of edition: 22    წილ? და ვითარცა დასცხრა მცირედ ოდენ გონებაჲ იგი მარიამისი და
Line of edition: 23    მოყუასნი იგიცა მოვიდეს და უთხრობდეს აღდგომისა მისთჳს. დაღათუ ყოვლადვე
Line of edition: 24    არა რწმენა მოწაფეთა მათ და არცა ნაცილს ჰყოფდეს სიტყუათა მათ
Line of edition: 25    დედათასა, იწყეს მცირედ-მცირედ განღჳძებად გონებათა მათთა დასულებულთა
Line of edition: 26    და რომელნი-იგი სავსენი მწუხარებითა სხდეს შეშინებულნი, აღივსნეს სიხარულითა
Line of edition: 27    მით აღდგომისაჲთა და შეურაცხ-ყვეს შიში იგი ჯუარისმცუმელთაჲ
Line of edition: 28    მათ. რომელნი დამალულნი სხდეს ადგილსა ერთსა, აღდგეს განცხადებულად,
Line of edition: 29    სრბით მივიდოდეს სამარესა მას. ხოლო მოწაფჱ იგი ერთი დაღათუ
Line of edition: 30    ფერჴითა უმალჱ იყო, ხოლო გულითა არა უმტკიცჱს იყო პეტრესა, დაღათუ
Line of edition: 31    სიმალითა მით წარუსწრო პეტრეს და უმალეს მიიწია, ხოლო შიშითა ვერ იკადრა
Line of edition: 32    შესლვად სამარესა მას მარტომან. და ვითარცა მიიწია პეტრეცა, შევიდეს და
Line of edition: 33    იხილეს, რამეთუ ტილონი ხოლო იყვნეს მდებარენი და ვარშამაგი იგი დაკეცილი
Line of edition: 34    იდვა ერთსა ადგილსა, ხოლო ანგელოზნი იგი ვერ იხილნეს სამარესა მას. და
Line of edition: 35    არა თუ რამეთუ მუნ იყვნეს ანგელოზნი იგი, არამედ თჳსაგან ხატისა მიეფარნეს,
Line of edition: 36    რაჲთა, ვისსა ჯერ-იყოს, ეჩუენენ თჳსთა ხატითა და ვისგან დაფარვად
Line of edition: 37    იყოს, დაეფარნენ. უკუეთუმცა არა მუნ იყვნეს ანგელოზნი იგი,
Line of edition: 38    ვითარმცა დაიცვნეს? სამარესა მას ჴორცთა მათ უფლისათა სცვიდეს მცველნი
Line of edition: 39    იგი მიპარვისათჳს და ტილოთა მათ ანგელოზნი იგი ეკრძალებოდეს, რაჲთა
Line of edition: 40    ნუუკუე ვინმე მიიპაროს ტილონი იგი, რომელ დაშთეს. ერთ ამისთჳს, რაჲთა
Line of edition: 41    იყვნენ მოწამე აღდგომისა მის უფლისაჲსა, მეორედ ამისთჳს, რაჲთა გამოიწეროს
Line of edition: 42    მათგან ზრახვაჲ იგი მკუდართა აღდგომისაჲ, რამეთუ ვითარცა-იგი დიდებით
Line of edition: 43    აღდგა და არა ტილოჲთა მით, ეგრეცა ჩუენ საქმით ადგომად ვართ და
Line of edition: 44    არა სამოსლთა, შრომითა, და არა სამკაულითა.

Page of edition: 230 
Line of edition: 1       მარიამ, ვითარცა იხილა, რამეთუ წარვიდეს მოწაფენი იგი მისლვად
Line of edition: 2    სამარესა მას, აღდგა და წარვიდა იგიცა მათ თანა. და ვითარცა შევიდეს მოწაფენი
Line of edition: 3    იგი, გამოვიდეს და წარვიდეს, ხოლო მან სიყუარულითა ვერ დაუტევა სამარე
Line of edition: 4    იგი, რამეთუ იტყჳს: დგა სამარესა მას თანა, ტიროდა და საწყალობელითა
Line of edition: 5    ჴმითა ცრემლოოდა. დაღათუ ტირილით ტიროდა, ხოლო შესლვად სამარესა
Line of edition: 6    ეშინოდა და შეეკერტნეს და ხედვიდა სამარესა მას, დაღათუ უფალი
Line of edition: 7    არა იხილა, ხოლო ანგელოზნი _ მონანი უფლისანი იხილნა. დაღათუ აკლდა
Line of edition: 8    ხილვაჲ უფლისაჲ, არამედ ღირს იქმნა ხილვად მღჳძარეთა უფლისათა. რამეთუ
Line of edition: 9    ვერ იხილნა ჴორცნი იგი, რომელ დაემორჩილნეს სიკუდილსა, იხილნა ზესკნელნი
Line of edition: 10    იგი, რომელ უზეშთაეს არიან სიკუდილისა. რამეთუ არა პოვა მან ღმერთი
Line of edition: 11    იგი, რომელსა შეემოსნეს ჴორცნი. პოვნა მუნ ცეცხლის მსგავსნი იგი,
Line of edition: 12    რომელნი გარდაიცვალნეს ხატად ჴორცთა. და რამეთუ დღჱ იგი დიდ იყო,
Line of edition: 13    რომელმან ახარა ცათა და ქუეყანასა, ამისთჳს ანგელოზნი იგი სამოსლითა სპეტაკითა
Line of edition: 14    გამოეცხადნეს და მხიარულ იყვნეს და ადიდებდეს დღესა მას შობისა
Line of edition: 15    მისისა, ეგრეცა აეროვანნი და სავსენი ... შობისასა. მწყემსთა მათ
Line of edition: 16    მიეხარა სახარებაჲ იგი და დღესა მას აღდგომისასა დედანი იგი, მგლოვარენი
Line of edition: 17    და ჭირვეულნი, ღირს იქმნნეს სახარებისა, რამეთუ დღესა მას სიკუდილისასა,
Line of edition: 18    რამეთუ დღჱ იგი ვნებათაჲ იყო და არავინ ღაღად-ყო სიკუდილისა მისთჳს.
Line of edition: 19    დღესა მას შობისასა ერნი ანგელოზთანი მიივლინნეს ბეთლემდ ხარებად და
Line of edition: 20    დღესა მას აღდგომისასა მღჳძარენი ერთი ერთსა უსწრობდეს მახარებელად
Line of edition: 21    აღდგომისა მის. დღესა მას ნათლისღებისასა ნათელი გამობრწყინდა ზედა იორდანესა
Line of edition: 22    და დღესა მას ჯუარცუმისასა დაბნელდა მზჱ ცათა შინა. და იტჳს, რამეთუ:
Line of edition: 23    "მიხედა მარიამ და იხილნა ანგელოზნი არა მდგომარენი, არამედ მჯდომარენი".
Line of edition: 24    უკუეთუმცა მუნ ყოფილ იყო უფალი, არამცა ეფლო დაჯდომად. სხდეს
Line of edition: 25    უშიშად, რაჲთა ჯდომითა მით საცნაურ იყოს, ვითარმედ ნანდჳლვე გამოსრულ
Line of edition: 26    არს უფალი მიერ სამარით. და მე ... პატივ-უყოს ადგილსა მას, სადა
Line of edition: 27    ისხნეს ჴოცნი უფლისანი, რამეთუ რაოდენ განამრავლეს მას ზედა გინებაჲ
Line of edition: 28    ქუესკნელთაჲ, უფროჲს განადიდეს მის ზედა პატივის-ყოფაჲ: ზესკნელთა ქუესკნელნი
Line of edition: 29    მიწისაგანნი პირსა ჰნერწყუვიდეს, ზესკნელი იგი, მაღალთა შინა
Line of edition: 30    მყოფნი, არცა ადგილსა მას, სადა-იგი ისხნეს ჴორცნი, ჴელ-იწიფეს დაჯდომაჲ,
Line of edition: 31    რამეთუ იტყჳს: ერთი იგი ჯდა ერთ კერძო ადგილსა მას, და ერთი ჯდა სასთუნლით.
Line of edition: 32    პატივ-უყვეს სასთუნლითსა მას ადგილსა თავისა მისთჳს, რომელ
Line of edition: 33    დაადგეს გჳრგჳნი ეკლისაგან საგინებელად ერმან მან. პატივ-უყვეს სასთუნლითსა
Line of edition: 34    მას მისთჳს, რომლისა მსგავსად წინაწარმეტყუელისა მის დავითისა განჴურიტნეს
Line of edition: 35    ჰურიათა მათ ფერჴნი მისნი.
Line of edition: 36       ჰკითხვიდეს ანგელოზნი მარიამს და ჰრქუეს: შენ დედაკაცო, "რაჲსა
Line of edition: 37    განმწარებულ ხარ ეგოდენ და სტირ? ვის ეძიებ?" და ვინ უწყის, იტყოდაცა
Line of edition: 38    გონებასა თჳსსა, სამარესა ამას თანა ვდგა და ვტირ და თუქენ იტყჳთ,
Line of edition: 39    ვითარმედ: ვის ეძიებ? ხოლო აღმოთქუმად ვერ იფლო, რაჲ-იგი გონებასა იყო,
Line of edition: 40    და თქუა საწყალობელითა ჴმითა მაღლითა, ვითარმედ: "აღიღეს უფალი მიერ
Line of edition: 41    და არა უწყი, სადა დადვეს იგი". ჵ სიყუარული ერთგულებისაჲ და გონებაჲ
Line of edition: 42    მორწმუნე! რამეთუ ეგოდენთა ვნებათა, რომლითა ტანჯნეს იგინი დღესა
Line of edition: 43    მას პარასკევსა, არა სარგებელ-იყო თავსა თჳსსა. და შემდგომად ამის დღისა
Page of edition: 231  Line of edition: 1    წარპარვისა და მერმე უფლით ჰხდით და დიდითა გულსმოდგინებითა ეძიებდეს
Line of edition: 2    მას მკუდარსა, წარპარულსა.
Line of edition: 3       ჵ დედაკაცო! ვინმემცა იკადრა გამოღებად მაგიერ მკუდრისა მის, რამეთუ
Line of edition: 4    აჰა, სამარე იგი დაბეჭდულ არს და მცველნი მღჳძარე1 და განკრძალულ
Line of edition: 5    არიან მახჳლითა და წათებითა? და ვინმემცა იკადრა შესლვად, უადვილესმცა
Line of edition: 6    უჩნდა მას სიკუდილი, ვიდრეღა არა შესლვად და გამოღებად ჴორცთა უფლისათა
Line of edition: 7    სამარისაგან. და წარ-ვინმე-იღო, ვითარ-ეგე იტყჳ, ტილონი ესე, ვითარ
Line of edition: 8    სამარესა სხენან, რამეთუ მცველთა მათ, რომელთა გაიყევს სამოსელი
Line of edition: 9    მისი დღისი, ვითარმცა არა განიყვნეს ტილონი ესე ღამესა ამას?
Line of edition: 10    ოდეს სადა ვინ განიღო მკუდარი და დაუტევნა ესრეთ ტილონი? და წარ-მცა-იპარა
Line of edition: 11    მკუდარი და უდებმცა ყო ესრეთ ვარშამაგი იგი? უკუეთუმცა
Line of edition: 12    პატივად რაჲმე უჴმდეს ჴორცნი იგი, ტილონი იგიმცა არა გინებულ იყვნეს,
Line of edition: 13    და თუ შეურაცხებით ცვალეს ადგილისაგან, ვარშამაგსამცა არა პატივ უპყრეს?
Line of edition: 14    და თუმცა წარიპარეს, არამცა შიშუელი წარიპარეს. და თუმცა განძარცუეს და
Line of edition: 15    მივიდეს, სამოსელი იგი განძარცუეს და არამცა მკუდარი იგი წარიპარეს.
Line of edition: 16    ანუ ესრე ჰგონებ მკუდარი იგი უფროჲს შეჰრაცხეს, ვიდრე ტილონი
Line of edition: 17    იგი?
Line of edition: 18       და ვითარ დიდსა ურვასა შინა იყო მარიამ და გარდამოსდიოდა ცრემლნი
Line of edition: 19    მისნი, მიხედა და იხილა კაცი იგი, რომელსა ეძიებდა. ხოლო არა ეგრესახედ
Line of edition: 20    იხილა, ვითარსახედ ეძიებდა. ჰრქუა მას: "შენ, დედაკაცო, რაჲსა სტირ? ვის
Line of edition: 21    ეძიებ?".
Line of edition: 22       ხოლო მარიამ, რამეთუ უდებად იხილა, რამეთუ ჰგონებდა, ვითარ მემტილჱ
Line of edition: 23    იგი მოსრულ არს ნუგეშინისცემად მისა დიდისა მის ტირილისათჳს,
Line of edition: 24    რომელ ესმოდა, და იწყო ვედრებად მისა ცრემლით და ჰრქუა: "შენ თუ აღიღე3
Line of edition: 25    უფალი იგი, მითხარ მე, სადა დასდევ?".
Line of edition: 26       ჵ მარიამ, მაგან აიღო, ვითარცა-ეგე იტყჳ. ხოლო არასადა დადვა,
Line of edition: 27    ვითარცა-ეგე შენ ჰგონებ. ვისცა ჰკითხვიდე, არავის თანაა? გარნა მა... თანა
Line of edition: 28    აქუს და არა თუ სადა დაუდებიეს. ეგე არს, რომელსაცა ეძიებდ, ეგე არს,
Line of edition: 29    რომლისასა იკითხავ, და ეგე არს, რომლისათჳს-იგი სტიროდე და აღმოგჳვიდოდეს
Line of edition: 30    სულნი ტკივილითა გონებისაჲთა. ეგე არს მპარავი იგი, რომელსა-ეგე
Line of edition: 31    ჰკითხევდ და ეგე არს ნაპარევი იგი, რომლისა ძიებად გამოსრულ იყავ. ხედავ
Line of edition: 32    და ვერ იცნა უფალი, რამეთუ სხუად ხატად ცვალებულ იყო. და ესმოდა და
Line of edition: 33    ვერ გულისხმა-ყო, რამეთუ სხუად ცვალა ჴმაჲ იგი.
Line of edition: 34       უკუეთუ ნანდჳლ ეგე არს მემტილე იგი, რომელმან წარიღო, ვითარმედ
Line of edition: 35    ჭეშმარიტად წარ-ვე-მან-იღო, და შემდგომად წარღებისა მის, ვითარ არს, ვითარმცა
Line of edition: 36    მერმე შენვე მოგცა? და თუ შენდა მოცემად იყო, რაჲსამცა მერმე
Line of edition: 37    აღიღო? და რომელმან-იგი აიღო, არა თუ მიცემით ხოლო არა მოგცეს შენ,
Line of edition: 38    არამედ მიახლებადცა არა გიფლოს შენ მისა.
Line of edition: 39       ვითარცა იხილა უფალმან, რამეთუ ეგრევე გულსმოდგინედ დგა
Line of edition: 40    ჯუარსა მას თანა და გულპებულისა მის თანა იქცია ჴმაჲ უცხოჲ. და მუნქუესვე
Line of edition: 41    უცხოსა მას ჴმასა თანა ვითარცა უწოდა სახელით, მოიქცა უცნობლობისა
Line of edition: 42    მისგან ცნობად, და ურწმუნოებისა მისგან _ სარწმუნოებად, და უსასოებისაგან _
Line of edition: 43    სასოებად, მწუხარებისაგან _ სიხარულად და ურვისაგან _ მხიარულებად. და რამეთუ
Line of edition: 44    სიხარულისა მახარებელ არს მწუხარებაჲ, რამეთუ აღამცირნეს მძიმენი
Page of edition: 232  Line of edition: 1    და წარმდებ-ყვნეს ყუდრონი და უგუნურ-ყვნის გონიერნი, ეგრეცა დაავიწყდა
Line of edition: 2    მარიამს თავი თჳსი სიხარულითა მით, ვითარცა დაავიწყდა მწუხარებასა
Line of edition: 3    მას და არა მსგავსად ჩუეულებისა ეგრე წარჴდა წესსა სიდაშნისასა. და არა
Line of edition: 4    მოეჴსენა შიში და სიხარულითა... აღდგომისა, ვითარცა წინაჲსწარ აღდგომისა
Line of edition: 5    მის მიისწრაფდა.
Line of edition: 6       ჰრქუა უფალმან გულსმოდგინესა მას ერთგულებისა მისთჳს სიხარულისა:
Line of edition: 7    "ნუ შემომეხები მე, რამეთუ არღა აღსრულ ვარ მამისა ჩემისა".
Line of edition: 8       იტყჳან რომელნიმე, ვითარმედ ამისთჳს არა უფლო მარიამს მიახლებად
Line of edition: 9    ჴორცთა მათ, რამეთუ ორგულ იქმნა ჴმასა მას ანგელოზთასა, რომელთა
Line of edition: 10    მიახარეს მას აღდგომისათჳს. ხოლო ესე მით არა სარწმუნო არს, რომელი-იგი
Line of edition: 11    თომაჲს ზედა იქმნა. უკუეთუ მას ორგულობისათჳს, რომელ მიეხარა ანგელოზთაგან
Line of edition: 12    და არა უფლო მიახლებად, და თომას, რომელსა არა ჰრწმენა
Line of edition: 13    სახარებისაჲ მის დედათაგან და არცა მათ მოყუასთაჲ, ვითარ... თომაცა
Line of edition: 14    შეორგულებულ იყო, წყლულთა მათ ჯერ-იყო ჩუენებაჲ და არა განშორებაჲ.
Line of edition: 15    და ზოგნი იტყჳან, ვითარმედ: ამისთჳს არა უფლო მიახლებად მარიამს,
Line of edition: 16    რაჲთა მიზეზითა მით პირველისა მის დედისაჲთა, რომელმან-იგი აცთუნა პირველი
Line of edition: 17    იგი ადამი, მოვიდა მეორე იგი ადამი ვნებითა მით და განკითხვითა
Line of edition: 18    ჯუარისაჲთა.
Line of edition: 19       და ზოგნი იტყჳან: არა ნათელ-ეღო მარიამსა, მისთჳს არა უფლო მიახლებად,
Line of edition: 20    რაჲთა გამოაცხადოს, რამეთუ შემდგომად აღდგომისა არა თუ ხოლო
Line of edition: 21    მტერთა მათ არა უფლო მიახლებად მისა, არამედ არცაღა საყუარელთა მათ
Line of edition: 22    თჳნიერ ნათლისღებისა.
Line of edition: 23       და რომელნიმე იტყჳან, ვითარმედ: ნაყოფ პირველ და ახალ იყვნეს ჯოჯოხეთით
Line of edition: 24    ჴორცნი იგი, რომელნი აღმაღლებად იყვნეს ზეცად და დაჯდომად
Line of edition: 25    მარჯუენ...ლსა შეიხებდა, რაჲთა დაუმარხოს აღსამაღლებელად მას მარჯუენესა,
Line of edition: 26    რომლისა მიერ დადგმად იყო გჳრგჳნი შემდგომად ამაღლებისა მის.
Line of edition: 27       და რომელნიმე იტყჳან, ვითარმედ: ვიდრე ვნებად არას პატივს-უყოფდა
Line of edition: 28    ჴორცთა მათ, ამისთჳს არა უფლო მარიამს მიახლებად შემდგომად აღდგომისა
Line of edition: 29    მის, რაჲთა საცნაურ იყოს, ვითარმედ იდიდნეს ჴორცნი იგი შემდგომად აღდგომისა
Line of edition: 30    მის უფროჲს, ვიდრე ვნებად და აღდგომამდე. ხოლო ნეტარი ეფრემ
Line of edition: 31    იტყჳს, რამეთუ: ვითარცა წინაწარმეტყუელებდა უფალი ვნებათა მათთჳს და
Line of edition: 32    წინაჲსწარ ვნებათა მათ _ აღდგომაისათჳს, ეგრეცა წინაწარმეტყუელებდა ამაღლებისა
Line of edition: 33    მისთჳს.
Line of edition: 34       ჰრქუა მარიამს: "ნუ შემომეხები", რაჲთა მივიდეს და ახაროს მოწაფეთა ამაღლებისა
Line of edition: 35    მისთჳს. ამისთჳს ჰრქუა მას: "მივედ და უთხარ ძმათა ჩემთა, არა თუ
Line of edition: 36    ვნებისათჳს, რამეთუ ვივნე, და არცა აღდგომისათჳს, რამეთუ აღდგომილ ვარ
Line of edition: 37    ესერა, არამედ მივედ და არქუ ესრე: აღსლვად ვარ მამისა ჩემისა და მამისა
Line of edition: 38    თქუენისა, ღმრთისა ჩემისა და ღმრთისა თქუენისა", რამეთუ წინაჲსწარ
Line of edition: 39    ვნებისა იქადაგნეს ვნებანი იგი და წინაჲსწარ აღდგომისა მის იქადაგა აღდგომაჲ
Line of edition: 40    იგი, წეს არს, რაჲთა ამაღლებამდე იქადაგოს დღე იგი ამაღლებისაჲ. ყოველთავე,
Line of edition: 41    რომელთა მიახარეს მოწაფეთა მათ, აღდგომაჲ იგი უფლისაჲ ხოლო
Line of edition: 42    მიახარეს, ხოლო მარიამ აღდგომაჲცა იგი და ამაღლებაჲ, რამეთუ თქუა: მივედ
Line of edition: 43    და უთხარ ძმათა ჩემთა, ჰრცხუენოდენ მწვალებელთა, რომელნი იტყჳან,
Line of edition: 44    ვითარმედ: არა ჴორცნი იყვნეს იგინი უფლისა და ჴორცთაგან. და თუმც არა
Page of edition: 233  Line of edition: 1    შეემოსნეს უფალსა ჴორცნი ესე, არამცა უწოდა მათ ძმად თჳსა, არამედ,
Line of edition: 2    რაჲთა გულისხმა-უყოს, ვითარმედ ძმანი მისნი არიან ადამისაგან.
Line of edition: 3       დაღათუ არა დაემორჩილებიან მას მარკეანოსნი, არამედ ნათესავცა მისსა
Line of edition: 4    არიან აბრაჰამისგან, დაღათუ არა ჰრწამს სამარიტელთა, არამედ უწოდავე მოწაფეთა
Line of edition: 5    ძმად თჳსა, ვითარცა სახენი იგი ურთიერთას დაამტკიცებენ, რამეთუ
Line of edition: 6    ვნებასა მას სიკუდილი იგი არ დაამტკიცებს და სიკუდილსა მას _ აღდგომაჲ
Line of edition: 7    იგი, და აღდგომასა მას ყოველსა დაამტკიცებს ამით, რამეთუ ძმად უწოდა
Line of edition: 8    მოწაფეთა მათ.
Line of edition: 9       და იტყჳან ჴორცნი იგი: "აღვალ მამისა ჩემისა და მამისა თქუენისა,
Line of edition: 10    ღმრთისა ჩემისა და ღმრთისა თქუენისა".
Line of edition: 11       ანგელოზი იგი პირველი, რომელი მივიდა გარდაგორვებად ლოდისა მის
Line of edition: 12    პირისა მისგან სამარისა, რაჲთა ნუუკუე ოდეს ესმეს ჰურიათა მათ დედათა
Line of edition: 13    მათგან და მოწაფეთა მათ, რაჟამს მიმოდასდებდენ აღდგომასა უფლისასა,
Line of edition: 14    ვითარ პატივ რაჲმე უპყრეს მოძღუარსა თჳსსა, გამოჩნდა საშინელითა ხატითა
Line of edition: 15    და დაჯდა ზედა ლოდსა მას, რაჲთა საშინელებითა მით, რომლითა შეაძრწუნნა
Line of edition: 16    მცველნი იგი და წარავლინნეს და ყვნეს იგინი მახარებელ აღდგომისა მის.
Line of edition: 17       წარვიდეს მცველნი იგი მღდელთმოძღუართა მათ შეშინებულნი და შეძრწუნებულნი.
Line of edition: 18    და არა თუ კაცთა რღაჲ ჰგვანდეს, არამედ ვითარცა განრინებულნი
Line of edition: 19    ჯოჯოხეთისაგან, უნდა სიტყუად და ვერ ეტყოდეს, და ენება მითხრობაჲ და
Line of edition: 20    ვერაჲ თქუეს. და ძნიად სულნი მოიქცინეს და იწყეს ბრალობად მღდელთმოძღუართა
Line of edition: 21    მათ და ჰრქუეს: რაჲ სიკუდილი თანა-გუედვა, რამეთუ წარმავლინენით
Line of edition: 22    ჩუენ მოწყუედად სამარისა მას ზედა? მცირედღამცა ვიდრემდე შევიწუენით
Line of edition: 23    ალისა მისგან ბრწყინვებისა, რომელ გამოჰკრთებოდა ანგელოზისა
Line of edition: 24    მისგან. ძრვაჲ და საშინელებაჲ იყო სამარესა მას ზედა და ლოდი იგი
Line of edition: 25    კარისა მისგან თჳთ გარდაგორვიდა. და არცა იგი უწყით, და თუ ძრვისა მისგან
Line of edition: 26    გარდაგორვიდა, და არცა იგი უწყით, თუ ანგელოზი იგი, რომელი ჯდა ზედა,
Line of edition: 27    აგორვებდა გამოუჩინებელად. და რამეთუ განეღო კარი სამარისაჲ მის, ვიხილეთ,
Line of edition: 28    რამეთუ იგი, ვინ განაღო, იგი არა ვცნათ, ზაკუვით და ტყუვილით
Line of edition: 29    არა იყო. უწყით ხოლო, რომელ სამარესა მას შინა არა არს, მასცა ვწამებთ
Line of edition: 30    და რამეთუ არავინ ვიხილეთ გამომავალი სამარისა მისგან, ჭეშმარიტად
Line of edition: 31    უწყით, რამეთუ არცა მუნ ძეს მკუდარი იგი, რომელ დადვეს, იგიცა არა ვიცით,
Line of edition: 32    არა ნაცილ არს. და რამეთუ გამოსლვაჲ ჴორცთაჲ მათ არა ვიხილეთ და
Line of edition: 33    რამეთუ შინაცა არარაჲ ძეს, იგი თუალითა ჩუენითა ვიხილეთ. და თუმცა შიშითა
Line of edition: 34    არა განტეხილ ვიყვენით, ტილონი იგი მო-მცავე-ვიხუენით სასწაულად.
Line of edition: 35    და თუმცა ძრვისა მისგან არა შეძრწუნებულ ვიყვენით, ვარშამაგიცამცა მოვიღეთ
Line of edition: 36    სასწაულად.
Line of edition: 37       ხოლო აწ რაჲღა საჴმარ არიან მოწამენი, სადა სამარა იგი წამებს და
Line of edition: 38    რაჲსა-მე დაშურებით მიგებად, რამეთუ აჰა, ტილონი იგი იტყჳან აღდგომისა
Line of edition: 39    მისთჳს? და რაჲმცა ყენება იყო, თქუენცა თუმცა მიხუედით და იხილეთ ვიდრე
Line of edition: 40    სრბით მისულსა მას ჯუართცუმულისასა? აწ განვედით და იხილეთ ადგომაჲ
Line of edition: 41    იგი, რამეთუ არა გრწმენა მზისა მის დაბნელებაჲ, მივედით და იხილეთ
Line of edition: 42    სამარჱ იგი განათლებული ბრწყინვალებითა, რომელი გამოჰკრთების ანგელოზთა
Line of edition: 43    მათგან. მჴდომად ღმრთისა დაგუადგინენით დღეს. ჵ მღდელთმოძღუარნო,
Line of edition: 44    და ანგელოზთა გუაბრძოლებთ ღამე ყოველ. მოწაფეთა მათთჳს განგუაკრძალებთ
Line of edition: 45    ჩუენ და გარდამოჴდეს ჩუენ ზედა მღჳძარენი.

Page of edition: 234 
Line of edition: 1       ბრძოლად შევიჭურენით და განვემზადენით ბრძოლად მოწაფეთა მათ.
Line of edition: 2    და მოივლინნეს ჩუენ ზედა ანგელოზნი. ჩუენ ქუესკნელთა მათ ვეჭუდით და
Line of edition: 3    მოვიდეს და მოიწინეს ჩუენ ზედა ზესკნელისანი. ჩუენ ჴორციელთა მათთჳს
Line of edition: 4    განკრძალულ ვიყვენით და მოეტევნეს ჩუენ ზედა სულიერნი. უწყოდეთ, რამეთუ
Line of edition: 5    ძჱ ღმრთისაჲ არს, რაჲსა ჯუარს აცუთ? და მეცნიერ იყვენით, რამეთუ
Line of edition: 6    აღდგომად არს, რაჲსა მოჰკლევდით? რაჲსათჳს თქუენისა შურისათჳს და რაჲსათჳს
Line of edition: 7    თქუენისა მოშურნებისაგან ცხოველნიმცა შთავჴედით ჯოჯოხეთა?
Line of edition: 8    მყუვარ ჟამ, ვითარცა ცეცხლსა შინა, ეგრე ვდეგით ჩუენ ბრწყინვალებითა
Line of edition: 9    მით ანგელოზთაჲთა, ვითარცა ალსა ატყინებულსა ვდეგით. უკუეთუმცა დედანი
Line of edition: 10    ვინმე არა მოსრულ იყვნეს, შე-მცა-ვეწუენით ალსა მას. და თუმცა შეწუვით
Line of edition: 11    შევეწუენით, ხოლო შიშითა მითმცა მო-ვე-მცა-ვწყედით. მოჴსენებულ
Line of edition: 12    კეთილსა შინამცა არიან დედანი იგი, რომელნი ტირილით... პილატეს, ნუ
Line of edition: 13    ჰზრუნავთ: ჩუენ ვარწმუნოთ და დავამშჳდოთ გულისწყრომაჲ მისი. უკუეთუ
Line of edition: 14    შემოგჳდგეთ და ნაცილ-ჰყოთ, რაჲ-იგი იხილეთ თუალთა თქუენითა და ჩუენითა
Line of edition: 15    წამებითა ნაცილ-ჰყოთ, უკუეთუ ვინმე იტყოდეს აღდგომასა იესუჲსსა.
Line of edition: 16    ხოლო ძილსა შინა დაპყრობისათჳს ჩუენ ვარწმუნოთ მსაჯულსა მას და ვთქუათ,
Line of edition: 17    ვითარმედ: ერთი ერთისასა ჰგონებდა, მღჳძარჱ იყოსო, და მიეძინა ყოველთავე,
Line of edition: 18    რამეთუ ღამე ყოველ უძილ იყვნეს. და მსთუად განთიადსა მას,
Line of edition: 19    ცისკარს ოდენ, უზრუნველ იყვნეს, თქუეს ვითარმედ: აწ დაგჳცავს მკუდარი
Line of edition: 20    იგი. და უდებ-იქმნნეს მპარავთა მათთჳს.
Line of edition: 21       ხოლო ერისაგანნი იგი, ანგაჰრნი და ნაყროვანნი, ძჳრისმკრებელნი და მომხუეჭელნი,
Line of edition: 22    წყეულნი და მოსისხლენი, ანგაჰრებითა დაემორჩილნეს განცრუვებად
Line of edition: 23    ჭეშმარიტისა მის საქმისა, რომელ იხილეს. და წარწყმიდეს არარაჲთა დიდი
Line of edition: 24    იგი მადლი, რომელ ემთხჳა მათ წარმავალითა ჭურჭლითა, განჴდეს ცხოვრებისაგან,
Line of edition: 25    რომელი არა წარსავალ არს.
Line of edition: 26       უკუეთუმცა ჰრწმენა ხილვაჲ იგი ანგელოზისაჲ მის და აღდგომაჲ იგი
Line of edition: 27    უფლისაჲ, საღუაწი ჴორცთაჲ მათმცა არა აკლდა და სასყიდელი მახარებელთაჲმცა
Line of edition: 28    მიეღო. ხოლო მათ ჭურჭლისა მისთჳს ნაცილ-ყვეს ძრვაჲ იგი, რომელი
Line of edition: 29    იხილეს და ხილვაჲ ანგელოზისაჲ მის, რომელ ეჩუენა.
Line of edition: 30       დაღათუ მცველთა მათ ჭურჭლისა მისთჳს განთქუეს ჰანბავი ჰურიათა
Line of edition: 31    შორის, ვითარმედ "მოწაფეთა მისთა წარიპარეს", ხოლო მარიამ, რომელ-იგი
Line of edition: 32    მას ჟამსა მუნვე მეორედ მოვიდა, მოვიდა მეორედ და ჰრქუა მოწაფეთა
Line of edition: 33    მათ: არა ხოლო თუ აღდგა, რომელ-იგი მცველთა მათცა მიუთხრეს მღდელთა
Line of edition: 34    მათ, არამედ აღ-ცა-დგა და აღ-ცა-მაღლებად არს.
Line of edition: 35       და ვიდრე იგი იტყოდაღა, მოვიდეს და მოიწინეს მოყუასნი მისნი, რომელთადა
Line of edition: 36    შემთხუეულ იყო უფალი, და უთხრობდეს მოწაფეთა მათ, ვითარმედ:
Line of edition: 37    ნანდჳლ აღდგა უფალი და ჩუენ ვიხილეთ. რამეთუ ვიდრე-იგი იტყოდესღა
Line of edition: 38    ამას, მოიწინეს კლეოპაეთნი და ახარეს მოწაფეთა მათ, ვითარმედ: ვიხილეთ
Line of edition: 39    უფალი და გამოგჳთარგმანა ჩუენ ყოველთა წიგნთაგან აღდგომისა
Line of edition: 40    მისისათჳს, ვიდრე-იგი მივედით ევმაოსად ქალაქად.
Line of edition: 41       და ვიდრე იგინი ახარებდეს, მიიღეს სახარებაჲ ათორმეტთა მათგანცა, ვითარმედ:
Line of edition: 42    "ნანდჳლ აღდგა უფალი და ეჩუენა პეტრეს". და ვითარ-იგი
Line of edition: 43    უთხრობდეს კლეოპაეთნი ყოველსა მას, რასა ეტყოდა მგზავრ და აჰა, უფალი
Line of edition: 44    თჳთ გამოეცხადა მოციქულთა და ჰრქუა: მშჳდობაჲ თქუენ თანა! და ვითარ
Page of edition: 235  Line of edition: 1    კართა ჴშულთა შევიდა და მოწაფენი იგი შესულებულ იყვნეს შიშისა მისთჳს
Line of edition: 2    ჰურიათაჲსა, "ჰგონებდეს, ვითარმედ საუცარი რაჲმე იხილეს". ხოლო
Line of edition: 3    მან გულისხმა-ყვნა ზრახვანი მათნი და ჰრქუა: "რაჲსა ეგოდენ შეძრწუნებულ
Line of edition: 4    ხართ ჰურიათა მათგან? ანუ ჩემთჳს რაჲსა პირად-პირადნი ზრახვანი მოვლენედ
Line of edition: 5    გულთა თქუენთა" და ორგულებთ? უჩუენნა მათ ჴორცნი იგი და
Line of edition: 6    წყლული იგი სამშჭუალთაჲ მათ და გუერდთაჲ. ხოლო იგინი
Line of edition: 7    ორგულებდესვე.
Line of edition: 8       მაშინღა გამოუცხადა მათ ყოველივე. მოითხოვა პური და ჭამა მათ წინაშე
Line of edition: 9    და იწყო მერმე სწავლად მათა და ჰრქუა, ვითარმედ: სული საძიებელ
Line of edition: 10    არა არნ. ვითარ-ეგე მე თქუენ გამომცადეთ და მიხილეთ და არცა ჴორციელებისა
Line of edition: 11    შედგეს, ვითარცა ჴორცთა ამათ თანა დამორჩილებულ არს მსგავსად
Line of edition: 12    თქუენთა მაგათ ჴორცთა. და ვითარცა გულისხმა-ყო ყოველივე საქმითურთ,
Line of edition: 13    იწყო მიერითგან სწავლად სიტყუათა ყოველივე, რაჲ წერილ არს მისთჳს
Line of edition: 14    წიგნთა შინა წმიდათა.
Line of edition: 15       ვითარცა იხილნეს წყლულნი იგი ჴორცთა მისთანი და გულისხმა-ყვნეს
Line of edition: 16    ძლიერებანი იგი სიტყუათანი მით ყოვლითა, რომელ იხილეს თუალითა, და
Line of edition: 17    განეხუნეს გონებანი მათნი და გულისხმა-ყვნეს იგავნი წიგნთანი.
Line of edition: 18       ამას დღესა, რომელსა აღდგა მხოლოდშობილი ძჱ ღმრთისაჲ, მიჰფინა
Line of edition: 19    სული წმიდაჲ მოწაფეთა მათ ზედა და ჰრწმენა ამისი მოციქულთა მათ, რამეთუ
Line of edition: 20    აღდგომაჲ იგი, რომელ იქადაგა ანგელოზთაგან და უნდა, ნაცილ-ყვეს
Line of edition: 21    მცველთა მათ. გარდამოჴდა სული წმიდაჲ და დაემკჳდრა მოწაფეთა მათ თანა,
Line of edition: 22    რაჲთა მიმოდადვან ძლიერებითა და სასწაულებითა შორის წარმართთა აღდგომისათჳს,
Line of edition: 23    რომელ აცილობდეს ჰურიანი იგი მისა, რომელი-იგი მოვიდა
Line of edition: 24    ჯუარცუმად და აჩუენა სიყუარული თქუენ ზედა. და შთაჴდა ჯოჯოხეთა მრავლისა
Line of edition: 25    მის წყალობისათჳს, რომელი აქუნდა ჩუენდა მიმართ. და განცხოველდა
Line of edition: 26    და აღდგა და გამოწერა სახჱ აღდგომისა ჩუენისაჲ მის თანა მღჳძარეთაგან
Line of edition: 27    უკუდავთა ყოველთაგან, რომელნი წარჴდეს და წარსლვად არიან და მათგან,
Line of edition: 28    რომელნი დაშთომად არიან ცხოველნი მოსლვასა მას მისსა და მამისა მისისა,
Line of edition: 29    რომელმან მოავლინა იგი. და წმიდასა სულსა დიდებაჲ და პატივი აწ, მარადის
Line of edition: 30    და უკუნითი უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.