TITUS
Klarjeti Polycephalion
Part No. 12
Previous part

Text: 14 
Page of edition: 253 
Line of edition: 8  თქუმული მისსივე აღდგომისათჳს უფლისა ჩუენისა


Line of edition: 9       ამას დღესასწაულსა შინა, საყუარელნო, იხარებენ ცანი და მწუხარე
Line of edition: 10    არს ჯოჯოხეთი და უკეთურნი ჰურიანი. იხარებენ ამას შინა ცანი, რამეთუ
Line of edition: 11    ამაღლდა მათ ზედა შემოქმედი მათი. მხიარულ არს ეკლესიაჲცა, რამეთუ
Line of edition: 12    განცხოველდა მაცხოვრებაჲ იგი მისი. მწუხარე არიან ამას შინა ურჩულონი
Line of edition: 13    ჰურიანი, რამეთუ აღდგა, რომელმან არცხჳნა მათ. ვითარცა ჰრცხუენოდა
Line of edition: 14    დედაკაცსა მას მეგჳპტელსა განლიგებულსა, რაჟამს ხედვიდა იოსებ დიდებულსა
Line of edition: 15    ეტლთა ზედა, ეგრეცა ურჩულონი ჰურიანი სირცხჳლეულ არიან დღეს, რაჟამს
Line of edition: 16    ამას დღესა დაადგინნეს მცველნი სასყიდლითა საფლავსა მისსა ზედა
Line of edition: 17    და ესერა აუღებიეს მეუფესა შარავანდითურთ მათით. შევლენ ტაძარსა
Line of edition: 18    მისსა და თუ არა ჰრწმენეს იგი, რომელ წერილ არს, იხილეთ ესე, რომელ
Line of edition: 19    საქმით იქმნების.
Line of edition: 20       ვინ-მე უკუე არწმუნა ყოველსა ქუეყანასა, რაჲთამცა ჰრწმენა
Line of edition: 21    ჯუარი მისი? ანუ ვინ დაუმორჩილა მას ყოველი დაბადებული, რაჲთამცა
Line of edition: 22    აღიმკო ამას დღესასწაულსა ვითარცა სძალი ეზოსა შინა, რაჲთა გარეშეიმოსოს
Line of edition: 23    სპეტაკი საქმე კეთილი? ჰხედვიდედ თუალნი თქუენნი ამას დღესასწაულსა
Line of edition: 24    ყოველთა კიდეთა ქუეყანისათა და იხილეთ მზის აღმოსავალით ვიდრემდე
Line of edition: 25    დასავალადმდე მისსა, რამეთუ ყოველსავე ადგილსა დაუგებენ საკურთხეველსა
Line of edition: 26    და შესწირვენ მსხუერპლსა წმიდისა სახელისა მისისათჳს. უკუეთუ თქუან
Line of edition: 27    მტერთა მათ, ვითარმედ: არა სთნავს, შემოქმედსა მსახურებაჲ ესე,
Line of edition: 28    იგინი ტყუიან. მაშინ რომელმან არა შეუნდოს მცირედ ოდენ ერსა, რომელნი-იგი
Line of edition: 29    ცთომილ იყვნეს, ვითარ-მე-მცა შეუნდო ყოველთა დაბადებულთა, სიცრუვესა
Line of edition: 30    თუმცა ზედა დგეს? რამეთუ არა ჴდომით ხოლო აღუდგა ეკლესიათა მამაჲ,
Line of edition: 31    რომელთა ჰრწმენა მხოლოდშობილი იგი მისი, არამედ უფროჲსღა სიმდიდრითა
Line of edition: 32    განამდიდრა ჴელმწიფებაჲ იგი მისი. დამდაბლებით დაამდაბლა რქაჲ მტერთა
Line of edition: 33    მისთაჲ.
Line of edition: 34       უკუეთუ თქუენ ჰურიათა, ვითარმედ: არა აღდგა ქრისტე საფლავით,
Line of edition: 35    ვითარცა თქუა, უკუეთუ ეგე ეგრეთ არს, არცა იგინი განიბნინეს, ვითარცა-ესე
Line of edition: 36    ვხედავთ. აწ ფრიად სარწმუნოა სიტყუაჲ იგი წინაწარმეტყუელისაჲ, რომელ
Line of edition: 37    თქუა: "აღდეგინ ღმერთი და განიბნიენ ყოველნი მტერნი მისნი". იხილე
Line of edition: 38    დღეს, ვითარ განბნეულ არს ერი იგი და შეკრებულ არიან წარმართნი,
Line of edition: 39    ვითარცა ჰრქუა მოციქულთა თჳსთა, რაჟამს განცხოველდა, ვითარმედ:
Line of edition: 40    "განვედით და ქადაგებდით სახარებასა ჩემსა ყოველთა წარმართთა შორის,
Line of edition: 41    დაიმოწაფენით იგინი სახელითა მამისაჲთა და ძისაჲთა და სულისა წმიდისაჲთა.
Page of edition: 254  Line of edition: 1    ვითარცა იხილეთ, რამეთუ განმრავლდეს შვილნი ქურივისანი უფროჲს შვილთა
Line of edition: 2    ქმრის ცოლისათა, რამეთუ ესერა შეიძინეს სძალნი ახალნი სამწყსოთა
Line of edition: 3    ქრისტესთა და მოიღეს ძეთა და ასულთა ჩუენთა ნათლისცემაჲ და წინადაცუეთაჲ
Line of edition: 4    გულთაჲ, წინადაცუეთისა მის წინ არს ბეჭედი ჴორცთა, მსგავსად მის
Line of edition: 5    სიტყჳსა, რომელ-იგი თქუმულ არს წინანდელთა ჟამთა, ვითარმედ: "აღდეგ,
Line of edition: 6    ღმერთო, განსაჯე ქუეყანაჲ, რამეთუ შენ დაიმკჳდრენ ყოველნი წარმართნი".
Line of edition: 7    ვაკურთხევდით ამიერითგან დიდებულსა მას, რომელმან განამრავლა მაცხოვარებაჲ
Line of edition: 8    თჳსი დღეთა ჩუენთა და ზიარ-მყვნა ჩუენ.
Line of edition: 9       ზრახ... ვყოთ დღესასწაული ესე სიხარულით და ვითხოვდეთ მოწყალისა
Line of edition: 10    მისგან გულსმოდგინედ, რაჲთა ყოს აღშენებაჲ დღეთა ჩუენთაჲ და განაგრძვნეს
Line of edition: 11    დღენი მეფეთა ჩუენთა მრავალთანი, დაიცვნეს შარავანდნი მათნი თავსა
Line of edition: 12    ზედა მათსა, და უძღოდენ მთავართა სიმრავლით და ახარენ მდიდართა
Line of edition: 13    და გლახაკთა. განამტკიცენინ აზნაურნი და მონანი და აკურთხენინ მამანი
Line of edition: 14    და დედანი და განმხიარულდინ ქალწულნი და წმიდანი ქმრის ცოლნი და
Line of edition: 15    იყავნ ჯუარი იგი მისი, ვითარცა ზღუდე გარემოს სოფელსა ჩუენსა და
Line of edition: 16    დაიცვენინ სოფელი ჩუენი და ყოველნი მკჳდრნი მისნი და მოავლინენ
Line of edition: 17    წყალობაჲ მისი ყოველსა ამას ზედა ერსა ჩუენსა. და ერთბამად ამოვთქუათ
Line of edition: 18    დიდებაჲ სამებისა წმიდისაჲ უკუნისამდე.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.