TITUS
Klarjeti Polycephalion
Part No. 13
Previous part

Text: 15 
Page of edition: 254 
Line of edition: 19  თქუმული მისივე აღდგომისათჳს უფლისა


Line of edition: 20       დღეს აღესრულნეს, საყუარელნო, რომელ-იგი წინავე მრავალთა ნათესავთა
Line of edition: 21    თქუა დავით სიტყჳთა თჳსითა, ვითარმედ: "მწუხრი იყვნენ ტირილით და
Line of edition: 22    ცისკარსა_სიხარულით". რამეთუ მწუხარებაჲ, რომელ შთაეცუა მოწაფეთა
Line of edition: 23    მათ ჟამსა ჯუარცუმისა მისისასა, იგი განიძარცუეს და სიხარული შეიმოსეს
Line of edition: 24    ჟამსა აღდგომისა მისისასა. და მხიარულებაჲ იგი, რომელ შთაეცუა მწუხრი
Line of edition: 25    ჯუარისმცუმელთა მათ მისთა, აღიმსთუეს და განიძარცუეს და შეიმოსეს
Line of edition: 26    მის წილ სირცხჳლი პირისა მათისაჲ. ცისკარსა მას აღდგომისა მისისასა
Line of edition: 27    ვითარცა-იგი სირცხჳლეულ იყვნეს ძჳრისმეტყუელნი იგი დანიელისნი,
Line of edition: 28    რაჟამს გამოვიდა იგი მღჳმისა მისგან და ლომნი იგი არა ეუფლნეს მას,
Line of edition: 29    და მთავარიცა იგი ბაბილონელთაჲ სირცხჳლეულ იყო, რაჟამს სამნი იგი
Line of edition: 30    ყრმანი საჴუმილისა მისგან განურყუნელად გამოვიდეს, უფროჲსად მათსა
Line of edition: 31    ჯუარისმცუმელნი იგი სავსე იყვნეს სირცხჳლითა და კდემითა, რაჟამს
Line of edition: 32    გამოვიდა უფალი ჩუენი საფლავით და განცხოველდეს მართალნი... ნიშითა
Line of edition: 33    მისითა უწყოდაცა, რამეთუ არა ჰრწმენა ურწმუნოთა მათ აღდგომაჲ იგი
Line of edition: 34    მისი, აღადგინა მართალნი სხუათა საფლავთაგან, რაჲთა იყვნენ იგინი
Line of edition: 35    ქადაგ აღდგომისა მისისა, საკურველი დიდი არს ესე, ვითარმე არა ჰრწმენა
Line of edition: 36    ესე, რაჟამს ჰხედვიდეს თუალნი მათნი განხუმასა სამარეთასა და ესმოდა
Line of edition: 37    ყურთა მათთა ქადაგებაჲ მკუდართაჲ. ხოლო არავე რაჲ დიდი არს ესე,
Line of edition: 38    რამეთუ არა ისმინეს მათ ღაღადებაჲ მკუდართაჲ, რომელნი ქადაგებდეს
Line of edition: 39    მისთჳს: მათ, რომელთა ღმერთი და ძისა ღმრთისაჲ არა ჰრწმენა, ვითარმცა
Line of edition: 40    მართალთაჲ ისმინეს, რომელნი-იგი საფლავით გამოვიდეს? და ჯუარისმცუმელნი
Line of edition: 41    იგი მწუხარე იყვნეს, რაჟამს მკუდარნი უთხრობდეს დიდებასა მისსა,
Line of edition: 42    ხოლო მოწაფეთა მისთა უხაროდა.
Page of edition: 255  Line of edition: 1    მკუდარნიღა იგი ღაღადებდეს უფლისა მათისათჳს და ანგელოზნი _ საფლავსა
Line of edition: 2    მისსა. რამეთუ ანგელოზნი, რომელნი არა ეახლნეს ჟამსა ჯუარცუმისა
Line of edition: 3    მისისასა, იპოვნეს შემოსილნი დიდებითა საფლავსა ზედა და უთხრობდეს
Line of edition: 4    აღდგომასა მისსა მოწაფეთა მისთა.
Line of edition: 5       უკუეთუმცა ჟამსა ვნებისა ჯუარცუმისა მისისასა გამოჩინებულ
Line of edition: 6    იყვნეს ანგელოზნი, შე-მცა-ძრწუნებულ იყვნეს ჯუარისმცუმელნი იგი
Line of edition: 7    მისნი. და რაჲთა-მემცა აღესრულა მოსლვაჲ იგი მისი, რაჲთამცა ცხონდეს
Line of edition: 8    სიკუდილითა მისითა თაყუანისმცემელნი მისნი. არამედ ჟამსა მას ვნებისა
Line of edition: 9    მისისასა განეშორნეს ანგელოზნი ბრძანებითა მისითა, რაჲთა აღესრულოს
Line of edition: 10    მის ზედა ნებაჲ იგი უკეთურთაჲ. ხოლო ჟამსა მას აღდგომისა მისისასა
Line of edition: 11    გარდამოიყვანნა ანგელოზნი ზეცით, რაჲთა ახარონ აღდგომაჲ მისი მოწაფეთა.
Line of edition: 12    რამეთუ ვითარცა შთავიდა იგი წიაღთა მარიამისთა, აღიმსთუეს ანგელოზთა
Line of edition: 13    და ახარეს მწყემსთა შობისა მისისათჳს, რომელი-იგი იყო ქალწულისაგან.
Line of edition: 14    ეგრეთცა, რაჟამას გამოვიდა იგი ჯიჯიხეთისაგან, აღიმსთუეს ანგელოზთა
Line of edition: 15    და ახარეს მოწაფეთა მისთა აღდგომისა მისისათჳს, რომელ-იგი სამარისაგან
Line of edition: 16    იყო. იხარებდინ ამიერითგან ეკლესიაჲ ამას დღესა შინა, და არქუთ
Line of edition: 17    იერუსალჱმსა, ვითარმედ: ნუ გიხარინ მტერსა მაგას ჩემსა, რამეთუ
Line of edition: 18    დავეცი და მერმე აღვემართო. და რამეთუ დავჯედ ბნელსა და უფალმან
Line of edition: 19    განმანათლოს.
Line of edition: 20       მერმეცა არქუნ წინაწარმეტყუელმან ეკლესიასა: "აღდეგ და განათ...
Line of edition: 21    რამეთუ მოწევნულ არს ნათელი შენი და დიდებაჲ უფლისაჲ შენ ზედა გამობრწყინდეს",
Line of edition: 22    რამეთუ გამოუბრწყინდა დიდებაჲ იგი მისი ეკლესიასა მისსა ზედა, რომელ-იგი
Line of edition: 23    არს ყოველსა ქუეყანასა.
Line of edition: 24       ესერა თაყუანის-სცემენ დიდებასა მისსა მეფენი სოფლისანი და
Line of edition: 25    მსაჯულნი ქუეყანისანი, ვითარცა ჰრქუა მას წინაწარმეტყუელმან, ვითარმედ:
Line of edition: 26    "განეხუნენ ბჭენი სამარადისონი დღე და ღამე და ნუ დაიჴშვიედ, და
Line of edition: 27    შევიდენ შენდა ერნი თესლთანი და შარავანდედნი მათნი". ხოლო ყავნ
Line of edition: 28    მოწყალემან, რამეთუ ვითარცა გევნებოდა თქუენ ჟამსა მას ჯუარცუმისა
Line of edition: 29    მისისასა, იხარებდით და იშუებდით დღესა აღდგომისა მისისასა და ეზიარენით
Line of edition: 30    წმიდათა მისთა თანა სასწაულსა მისსა და ჩუენდა გამოვთქუათ დიდებაჲ
Line of edition: 31    სიმდიდრისა მისისაჲ უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.