TITUS
Klarjeti Polycephalion
Part No. 15
Previous part

Text: 17 
Page of edition: 259 
Line of edition: 12  აღვსებისა ორშაბათსა, ზატიკსა საკითხავი, თქუმული წმიდისა
Line of edition: 13  და ნეტარისა მამისა ჩუენისა კჳრილჱ იერუსალჱმელ მთავარეპისკოპოსისაჲ
Line of edition: 14  მკუდრეთით აღდგომისათჳს უფლისა ჩუენისა და სულთათჳს


Line of edition: 15       ძირი ყოვლისა საქმისა კუთილისაჲ აღდგომისა სასოებაჲ არს, რამეთუ
Line of edition: 16    მოლოდებამან სასწიდლის მომცემელისამან ძარღოვან ქმნის სული საქმედ
Line of edition: 17    კეთილისა. რამეთუ განმზადებულ არს ყოველი მუშაკი დათმენად შრომათა
Line of edition: 18    აღდგომითა უფლისაჲთა, უკუეთუ მიჰხედის შრომათა სასყიდლის კუალადგებასა,
Line of edition: 19    ხოლო რომელნი უსასყიდლოდ შურებიედ, წინაწარვე დასცის სული ჴორცთა
Line of edition: 20    თანა.
Line of edition: 21       ერისკაცი, რომელი საღუაწსა სასყიდლისასა მოელის, ბრძოლასა
Line of edition: 22    განმზადებულ არს. ხოლო არავინ განუკითხველსა მეფესა ერისკაცად განწესებული,
Line of edition: 23    ვითარმცა არა მოსცა სამართალი შრომათაჲ და იგიმცა განემზადა მისთჳს...
Line of edition: 24    ხოლო რომელსა არა ჰრწამნ აღდგომაჲ, ექმნის განჩემებულ წარსაწყმედელსა.
Line of edition: 25    რომელსა ჰრწამნ, ვითარმედ ეგნენ ჴორცნი მისნი აღდგომად, ეკრძალებინ
Line of edition: 26    სამოსელსა მას თჳსსა და არა შეიგინოს იგი სიძვითა. ხოლო რომელსა
Line of edition: 27    არა ჰრწამს აღდგომაჲ, მისცის თავი თჳსი სიძვასა, და ვითარცა უცხოჲ
Line of edition: 28    იჴმიის ჴორცი იგი თჳსი.
Line of edition: 29       დიდ უკუე არს აწ წმიდისა და კათოლიკე ეკლესიისა მცნებაჲ და
Line of edition: 30    სწავლაჲ სარწმუნოებისაჲ აღდგომისათჳს მკუდართაჲსა, დიდ და საჴმარ
Line of edition: 31    და მრავალთა მიერ საცილობელ. ხოლო მის ჭეშმარიტებისაგან სარწმუნოებისა
Line of edition: 32    გუაცილობენ ჩუენ წარმართნი, და არა ჰრწამს სამარიტელთა და გუბასრობენ
Line of edition: 33    მწვალებელნი. მრავალსახჱ არს სიტყჳსგებაჲ, არამედ ერთსახჱ არს ჭეშმარიტებაჲ.
Line of edition: 34       და გუეტყჳან ჩუენ წარმართნი და სამარიტელნი ერთად: ესრჱთ დაეცა
Line of edition: 35    იგი, რომელი-იგი აღესრულა, და დალპა და მატლად გარდაიქცა ყოვლადვე,
Line of edition: 36    და მატლიცა იგი მო-ვე-წყდა. და დამპალი ესევითარი, რომელი წარწყმედამან
Line of edition: 37    დაიპყრა ჴორცი, ვითარ-მე აღდგეს? ნავსა შინა თევზთა შეჭამნეს და
Line of edition: 38    იგიცა შე-ვე-იჭამნეს უდიდესთაგან თევზთა. მჴეცთა მიცემულნი და დათუთა
Line of edition: 39    და ლომთა, იგიცა ძუალნი დააწულილნეს და განილინეს. ყანჩთა და ყორანთადა
Line of edition: 40    გარეწარგდებულთა მკუდართა ჴორცნი შეჭამნეს და ყოველსა სოფელსა განფრინდეს.
Line of edition: 41    აწ ვინ შეკრიბნეს ჴორცნი იგი? ანუ ვინ უწყის მფრინველი იგი,
Page of edition: 260  Line of edition: 1    რომელმან შეჭამა? რომელიმე ჰინდოეთს მოკუდა, რომელიმე სპარსეთს
Line of edition: 2    და გუთეთს, და რომელნიმე ცეცხლითა დაიწუნეს და მათი იგი ნაცარი_იგიცა
Line of edition: 3    გან-ვე-იბნია წჳმისა და ქარისაგან. აწ ვითაჲ შეკრბეს ჴორცი იგი?
Line of edition: 4       შენ, კაცისაჲ, მცირეკისაჲ და უძლურისაჲ, შორს არს გუთეთი, და ჰინდოეთი
Line of edition: 5    და სპანიაჲ იგი სპარსეთ არს. ხოლო ღმერთსა, რომელსა უპყრიეს ყოველი
Line of edition: 6    ქუეყანაჲ ბრჭლითა, მახლობელ არს მისა ყოველი. აწ ნუსადა შენისაებრ
Line of edition: 7    უძლურებისა შეასმენ ძალსა ღმრთისასა, არამედ ძალსა მისსა ერჩდი
Line of edition: 8    უფროჲს.
Line of edition: 9       და აწ მზჱ მცირჱ არს ქმნილი ღმრთისაჲ. ერთითა მით მოხედვითა
Line of edition: 10    მზისთუალისაჲთა ყოველი სოფელი განტფის, და აერსა, რომელი შექმნა
Line of edition: 11    ღმერთმან, მოუცავს ყოვლითურთ, რაჲ არს სოფელსა? მომართუ მე თითოსახჱ
Line of edition: 12    თესლი ნაყოფთაჲ პირად-პირადი (რამეთუ უძლური ხარ შენ სარწმუნოებასა,
Line of edition: 13    უძლური გითხრა შენ სახჱცა) და იგიცა თესლი გიპყრიეს თითოსახეთა
Line of edition: 14    ნაყოფთაჲ მჭელსა შინა. დიდ რაჲ-მე არსა შენ კაცისაჲ, ანუ ძნელ მჭელსა
Line of edition: 15    შენსა გამოცნობად თითოეულისა თესლისა ნაყოფთაჲ, თჳსებრ ბუნებისა
Line of edition: 16    შეკრებაჲ და კუალად-გებაჲ ერთად თესლად? და შენ სამე შენსა მჭელსა
Line of edition: 17    ესე ძალ-გიც, ხოლო ღმერთსა, რომელსა უპყრიეს მჭელითა თჳსითა ყოველი
Line of edition: 18    ქუეყანაჲ გამოცნობად და შეკრებად და კუალად-გებად, ვერ-მე ძალ-უცა?
Line of edition: 19    გულისხმა-ყვენით თქუმულნი ესე, უკუეთუ არა არს უღმრთოებაჲ და უვარის-ყოფაჲ.
Line of edition: 20       მერჩდით მე მასცა სიმართლისა სიტყუასა და მოვედ თავისა თჳსისა.
Line of edition: 21    თითოსახენი გისხენ შენ მონანი: რომელნიმე კეთილ არიან და რომელნიმე
Line of edition: 22    ბოროტ. პატივ-სამე-ჰსცე კეთილთა მათ, დასაჯნე ბოროტნი იგი. და უკუეთუ
Line of edition: 23    მსაჯული ხარ, აქებ სახიერთა მათ და სტანჯავ ურჩთა მათ. და აწ შენ
Line of edition: 24    კაცისა მიერ მოკუდავისა ესე სამართლად ღმრთისა თანა ყოველთასა,
Line of edition: 25    რომელსა მსახური არავინ უვის, მეუფესა სიმართლისასა, არა მეყოსა
Line of edition: 26    სატანჯველი და კუალად-გებაჲ? არამედ უღმრთოებაჲ არს აურის-ყოფაჲ.
Line of edition: 27    განიზრახე თქუმული ესე: მრავალნი კაცისა მკლველნი თჳსსა საწოლსა
Line of edition: 28    ზედა აღესრულნეს. სადა არს ღმრთისა იგი სამართალი? ვინ უწყის, კაცის
Line of edition: 29    მკლველი იგი ერგასისა კაცისა კლვისა თანამდებ არს და მას თავი ერთგზის
Line of edition: 30    მოეკუეთა. სადა უკუე ორმეოცდაცხრამეტისაჲ მისცეს ტანჯვაჲ, უკუეთუმცა
Line of edition: 31    არა იყო ტანჯვაჲ და კუალად-გებაჲ შემდგომად სოფლისა ამის აღსრულებისა?
Line of edition: 32    და უკუეთუ ესრჱთ არს, მაშა, შენ ღმერთსა ცრუდ გამოაჩინებ? არამედ
Line of edition: 33    ნუ გიკჳრნ დროჲს-ყოფისა მისთჳს სარჩელისა.
Line of edition: 34       ყოველი მოღუაწჱ შემდგომად ღუაწლისა გარდასლვისა გჳრგჳნოსან
Line of edition: 35    იქმნების, გინა ჰრცხუენების. და არასადა ღუაწლისმცემელი იგ გჳრგჳნსა
Line of edition: 36    მოსცემს, ვიდრე ღუაწლსა შინა არიედ მოღუაწენი იგი, არამედ მოელიედ
Line of edition: 37    ყოველთა მოღუაწეთა ღუაწლისა აღსრულებასა, რაჲთა უკუანაჲსკნელ განიკითხოს
Line of edition: 38    და ეგრჱთ მოსცეს ძლევისა გჳრგჳნოსნებაჲ. და ეგრეცა ღმერთმანვე,
Line of edition: 39    ღუაწლი არს-ღა ამას სოფელსა, შე-ღა-ეწიის წმიდათა რაოდენმე, ხოლო
Line of edition: 40    უკუანაჲსკნელ მოსცეს სასყიდელი სრულიად.

Page of edition: 261 
Line of edition: 1       და უკუეთუ მკუდართა აღდგომაჲ არა არს, ვითარ-იგი შენ იტყჳ, რაჲსათჳს
Line of edition: 2    სამარის მძარცუველთა მათ დარჩი? უკუეთუ წარწყმდეს ჴორცნი და სასოებაჲ
Line of edition: 3    არა არს აღდგომისაჲ, რაჲსათჳს ტანჯვასა შევარდების საფლავის მტყუენველი
Line of edition: 4    იგი? ჰხედავ, აწ უკუე უვარ-ვყო ბაგითა უვარის-ყოფაჲ, ჰგიეს შენ
Line of edition: 5    თანა აღდგომისა იჭვ განუხეთქელად.
Line of edition: 6       და კუალად ხჱ მოკუეთილი აღმოსცენდის და კაცი თუ მოეკუეთოს,
Line of edition: 7    არა-მე აღმოსცენდესა? დათესული იგი და მომკუეთელი დაადგრის კალოსა,
Line of edition: 8    ვენაჴთა ნასხლევი და ხეთაგან სხუათა მოკუეთილი ყოვლად დაასხას,
Line of edition: 9    დანერგული განცოცხლდეს და ნაყოფი გამოიღოს, და კაცი, რომლისათჳს
Line of edition: 10    ესენი არიან დაბადებულ, დაეცა ქუეყანად, არა-მე-აღდგესა? ვითარცა
Line of edition: 11    შეტყუებით შრომაჲ, რომელი უდიდეს არს, ხატი კაცისაჲ, რომელი არა
Line of edition: 12    იყო პირველითგან შესაქმედ, ანუ დაცემული იგი შესაქმედ, რომელმან-იგი
Line of edition: 13    არაარსისაგან შეგუქმნნა ჩუენ ღმერთმან არაყოფილნი ესე, და დაცემულნი
Line of edition: 14    ვერ-მე აღმადგინნესა? არამედ არღა გრწმენეს წერილთაჲ აღდგომისათჳს,
Line of edition: 15    რამეთუ წარმართ ხარ სხჳსა ბუნებისაჲ, რომელნი არიან ყოფილნი საქმენი,
Line of edition: 16    იხილენ, რომელნი დღენდელადმდე. რომელნი ჩანან, გულისჴმა-ყავ. დაეთესვის
Line of edition: 17    იფქლი, გინა სხუაჲ რომელიმე თესლი, და რეცა მოკუდის და დალპის მღიერთაგან,
Line of edition: 18    უჴმარ არნ იგი საჭმლად. არამედ რომელი-იგი დამპალ არნ, აღდგის მწუანვილი
Line of edition: 19    და მცირეჱ დავარდის და აღდგის უმჯობესი. ხოლო იფქლი ჩუენთჳს შეიქმნა,
Line of edition: 20    რამეთუ ჩუენდა სამსახურებელად შექმნა იფქლი დათესული იგი, არა თავისა
Line of edition: 21    თჳსისათჳს. და აწ ჩუენთჳს შექმნული იგი და მომკუდარი განცხოვლდების.
Line of edition: 22    და ჩუენ, რომელთათჳს ესე შეიქმნა მო...გეთა.
Line of edition: 23       ზამთარი არს აწ ჟამი ესე, ვითარცა ჰხედავ. და დადგა ნასხლევი,
Line of edition: 24    ვითარცა მოკუდა რომელი. აწ სადა არს ფურცელი ლეღჳსაჲ? სადა არიან
Line of edition: 25    ტევანნი ვენაჴისანი? არამედ ზამთრის ესენი მკუდარ არიედ, და ზაფხული
Line of edition: 26    განედლდიან და ოდეს ჟამი იგი მოიწიის, ვითარცა მკუდრეთით განცხოველდიან,
Line of edition: 27    და კუალად მოსცის ცხორებაჲ, რამეთუ იცოდა ღმერთმან შენი ეგე ურწმუნოებაჲ
Line of edition: 28    და ხილულთა ამათგან აღდგომაჲ იქმნა წელიწადითი წელიწადად, რაჲთა
Line of edition: 29    ხედვიდე უსულოთა მათ და მეტყუელთაჲ გრწმენეს. და მერმე კუალად მწერნი
Line of edition: 30    და ფუტკარნი... შინა შემდგომად ჟამისა ერთისა აღდგიან, აწ რომელი
Line of edition: 31    პირუტყუთა შეურაცხთა ...მს გარდა მრ... ბუნებისა ჩუენ, რომელთათჳს
Line of edition: 32    ესე... მნ...ა ... მოგუმადლოსა?
Line of edition: 33       არამედ ეძიებენ წარმართნი მკუდრეთით აღდგომისა უფროჲს, რომელმან
Line of edition: 34    განცხადებულად და თქუენ აღღა... დგებიან ესენიმ არამედ არა... სდ
Line of edition: 35    და ეძიებენ ცხადად საცხოვარსა, და დამპალსა და აღდგომილსა.
Line of edition: 36       იცოდა ღმერთმან კაცთა ურწმუნოებაჲ და მფრინველი ამისთჳს შექმნა,
Line of edition: 37    რომელსა ჰრქჳან ფუვინიკა. ესე სახელი ჰრქჳან მას, ვითარცა დასწერს
Line of edition: 38    კლემენტოს, რამეთუ მარტოდ შობილ არს და სოფელსა ეგჳპტელთასა მეხუთასესა
Line of edition: 39    წელთაჲსა აჩუენის აღდგომაჲ, არა უდაბნოთა ადგილთა, რაჲთა უცნობელ
Line of edition: 40    იყოს საიდუმლოჲ, არამედ საჩინოსა ადგილსა მოკუდის და მეხუთასესა
Line of edition: 41    წელსა კუალად მკუდრეთით აღდგის. ეგრჱ სახედ ნათესავი კაცთაჲ: ვითარ
Line of edition: 42    უძლურისა ძალისაგან შეიქმნების ენაჲ, გულად მზრახად და ჴელად მოქმედად,
Line of edition: 43    ფეჴად მორბედად და მრავალფერად ას... სახედ. და უძლური იგი იქმნის მოწაფჱ
Page of edition: 262  Line of edition: 1    და მაშენებელ, და მრავალფერისა ხუროებისა მოქმედ და მოსაგრჱ და
Line of edition: 2    მთავარ და რჩულისმდებელ მეფე.
Line of edition: 3       რომელნი შეურაცხთაგან საქმეთა ჩუენ ესრჱთ შეგუქმნნა ღმერთმან,
Line of edition: 4    დაცემულთა მათ მკუდართა აღდგინებად ვერ-მე ძალ-უცა? რომელმან შეურაცხი
Line of edition: 5    იგი ესრჱთ ჴორცად გარდააქცია, დარღუეული იგი ვერ-მე აღადგინოსა?
Line of edition: 6    და რომელმან-იგი არაარსი ქმნა, არსი იგი და დაცემული ვერ-მე
Line of edition: 7    აღადგინოსა?
Line of edition: 8       მოიღე აწ მკუდართა აღდგომისათჳს განცხადებული განჩინებაჲ ცათა შინა
Line of edition: 9    მნათობთაჲ თჳთი-თთუედ წამებული: რამეთუ მთოვარისა გუამი ყოვლადვე
Line of edition: 10    მოაკლდის და არცა ჩან სადა თავად იგი, და მერმე კუალად გა-ვე-ივსის,
Line of edition: 11    და ვითარცა პირველ იყო, ეგრევე კუალად მოეგის. ხოლო სხჳსათჳს საქმისა
Line of edition: 12    გამოჩინებისა მოწევნასა თითოეულისა წელიწადისასა მოაკლდის მთოვარჱ
Line of edition: 13    სისხლად გამოჩინებითა და კუალად მო-ვე-იღის გუამი _ ნათლის ხატი.
Line of edition: 14    რამეთუ ღმერთმან ესრეთ შექმნა იგი, რაჲთა შენცა, კაცი ეგე, რომელი
Line of edition: 15    სისხლთაგან შეყოფილ ხარ, მკუდართა აღდგომისა ნუ ურწმუნო იქმნები,
Line of edition: 16    არამედ ვითარცა-იგი მთოვარესა ცათა შინა ხედავ, ეგრევე სახედ თავისა
Line of edition: 17    შენისაჲ გრწმენინ.
Line of edition: 18       ესე სიტყუანი გაქუნდინ წარმართთა მიმართ: ხოლო რომელნი წერილისასა
Line of edition: 19    არა თავს-იდებენ უწერელთაგან, ხოლო გულისსიტყუათა გამოჩინებითა
Line of edition: 20    ამათ არცა ესაია, არცა სახარებანი, არცა პავლჱ. აწ ამიერითგან მოვედ
Line of edition: 21    სამარიტელთა, რომელნი შჯულსა ხოლო თავს-იდებენ და წინაწარმეტყუელთა
Line of edition: 22    არა შეიწყნარებენ. რომელთა უქმად სამსგავსებელ არს მათ მიერ აწინდელი
Line of edition: 23    ესე საკითხავი ეზეკიელისი, რამეთუ წინაწარმეტყუელთა, ვითარცა თქუა,
Line of edition: 24    არა შეიწყნარებენ, აწ ვინაჲთ ვარწმუნოთ სამარიტელთა?
Line of edition: 25       მოვედით ამიერითგან წერილთა რჩულისათა. ეტყჳს ღმერთი მოსეს:
Line of edition: 26    "მე ვარ ღმერთი აბრაჰამისი, ღმერთი ისაკისი და ღმერთი იაკობისი",
Line of edition: 27    ცხოველთაჲ სამე და აღდგომილთაჲ. უკუეთუ აბრაჰამ აღესრულა, და ისაკ
Line of edition: 28    და იაკობ, ღმერთი არს-მეა არაყოფილთაჲ? თქუეს-მე სადა მეუფემან,
Line of edition: 29    ვითარმედ მეუფჱ ვარ, რომელსა არა აქუნ ერი? აჩუენეს ვინ-მეა სიმდიდრჱ,
Line of edition: 30    რომელი არა აქუნ? ჯერ ვიდრე-მე არსა თქუმად, ვითარმედ დგანან აბრაჰამ,
Line of edition: 31    ისაკ და იაკობ, რაჲთა არსთა მათ ღმრთად იყოს ღმერთი? არა თქუა:
Line of edition: 32    "ვიყავო მათი", არამედ "ვარ". და რამეთუ სარჩელიცა არს, იტყჳს აბრაჰამ:
Line of edition: 33    "რომელი-ეგე შჯი ყოველსა ქუეყანასა, არა ჰყოა შჯული"? კუალად სიტყუასავე
Line of edition: 34    გჳგებენ ამისთჳსცა უცნობელნი სამარიტელნი, იტყჳან: სულთაჲ შეჰგავს
Line of edition: 35    ყოფაჲ აბრაჰამისთაჲ, ისაკისთაჲ და იაკობისთაჲ, ხოლო ჴორცთა აღდგომაჲ
Line of edition: 36    ვერ შესაძლებელ არსო.
Line of edition: 37       აწ კუერთხი მოსჱსი მართლისაჲ გუელად შესაქმედ შესაძლებელ არს,
Line of edition: 38    და ჴორცნი მართალნი ცხოვრებად და აღდგომად ვერ შესაძლებელ არიანა?
Line of edition: 39    და თჳნიერ ბუნებისაჲ იგი იქმნა, და რომელთაჲ თჳთ ბუნებაჲ არნ, არა-მე
Line of edition: 40    კუალად მოეგოსა? კუერთხი იგი აჰრონისი, მოკუეთილი და მომკუდარი,
Line of edition: 41    თჳნიერ წყლისა სულისა აღდგა და აღმოსცენდა.
Line of edition: 42       დ...სა იყო, რომელი-იგი ველსა გარე ცენებულ ოდესმე იყო, ჴელსა
Line of edition: 43    ქუეშე მდგომარემან მრავლით წყლითგან რწყულთაჲსა უფროჲს ღამესა ერთსა
Line of edition: 44    მოსცა ნაყოფითურთ კუერთხი იგი აჰრონისი, ვითარცა მკუდრეთით აღდგა,
Line of edition: 45    და თავადი აჰრონ არა-მე აღდგა? და რაჲთა მღდელმოძღურებაჲ მათი ღმერთ\მან
Page of edition: 263  Line of edition: 1    აღჰმართოს, ძალითა მით სასურველი იქმნა და მას თჳთ აჰრონს არა-მე
Line of edition: 2    მოჰმადლოსა აღდგომაჲ?
Line of edition: 3       დედაკაცი თჳნიერ ბუნებისა მარილად გარდაიქცა და ჴორცი მარილ
Line of edition: 4    იქმნა, და აწ ჴორცი ჴორცადვე ვერ-მე მოეგოსა? ძეგლ მარილის იქმნა
Line of edition: 5    ცოლი ლოთისი და ცოლი აბრაჰამისი არა-მე აღდგესა? რომლითა სახითა
Line of edition: 6    გარდაიქცა ჴელი მოსჱსი და ერთსა შინა ჟამსა იქმნა ვითარცა თოვლი,
Line of edition: 7    და მერმე კუალადვე მოეგო ღმრთისა ბრძანებითა. და მაშინ ბრძანებაჲ
Line of edition: 8    იგი ძლიერ იყო, აწ არღა ძლიერ არსა?
Line of edition: 9       ვინაჲ უკუე დასაბამსა შექმნა კაცი, რომელთა კაცთა უუცნობილესნო
Line of edition: 10    სამარიტელნო? მოვედით პირველსა მას წიგნსა, რომელსაცა თქუენ შეიწყნარებთ:
Line of edition: 11    და დაჰბადა ღმერთმან კაცი, მიწაჲ ქუეყანით, მიწაჲ ჴორცად გარდაიქცევის
Line of edition: 12    და ჴორცი ჴორცად ვერ-მე მოეგოსა? გკითხო თქუენცა, ვინაჲ წარმოჴდეს
Line of edition: 13    კაცი, და ქუეყანაჲ, და ზღუაჲ? ანუ ვინაჲ მზჱ, და მთოვარჱ, და ვარსკულავნი?
Line of edition: 14    ვითარ კუალად წყალთაგან მფრინველნი და მცურვალნი? ვითარ უკუე ქუეყანით
Line of edition: 15    საცხოვარნი ყოველნი? ესოდენნი ბევრეულნი არაარსისაგან არსებად მოიყვანნეს
Line of edition: 16    და ჩუენ კაცნი, რომელთა ხატი მისი გუაქუს, ვერ-მე აღგუადგინნესა?
Line of edition: 17       ჭეშმარიტად საქმენი ესე ურწმუნოებითა სავსე არიან და მრავალი კდემაჲ
Line of edition: 18    აქუს ურწმუნოთა, რაჟამს აბრაჰამ ეტყჳს ღმერთსა: რომელი ჰშჯი ყოველსა
Line of edition: 19    ქუეყანასა, და არა ჰრწამს, რომელნი ისწავებენ შჯულსა. რამეთუ წერილ
Line of edition: 20    არს "ქუეყანისაგან კაცი" და არა ჰრწამს, რომელნი აღმოიკითხვენ ამას,
Line of edition: 21    მათ ურწმუნოთა ესე, ხოლო წინაწარმეტყუელთაგან ჩუენ მორწმუნეთა,
Line of edition: 22    რამეთუ წინაწარმეტყუელთასა ვიეთნიმე იკითხვენ, და არა ჰრწამს წერილისაჲ
Line of edition: 23    მის და დაგჳდგიან ჩუენ იგი, ვითარმედ: "არა აღდგენ უღმრთონი სარჩელსა".
Line of edition: 24    და კუალად: "უკუეთუ შთავიდეს კაცი ჯოჯოხეთს, არღარა აღმოჴდეს."
Line of edition: 25    და კუალად: "არა თუ მკუდარნი გაქებდენ შენ, უფალო". რამეთუ კეთილად
Line of edition: 26    დაწერილთა ბოროტად აღმოიკითხვენ. ჰკითხე, რაჲთა თანაწარსლვითა წინამიგებად
Line of edition: 27    მათა. და უკუეთუ თქუას, ვითარმედ... რამეთუ... უფალო, ამას აუწყებს,
Line of edition: 28    რამეთუ სინანულისა და მოტევებისა დროჲ ამას ხოლო ცხორებასა აქუს,
Line of edition: 29    თქუა, ვითარმედ: რომელნი იშუებდენ _ აქებენვე. არა არს მიერითგან
Line of edition: 30    სიკუდილისა, რომელნი ცოდვასა შინა აღესრულნეს, ვითარცა კეთილისმყოფთა
Line of edition: 31    ქებაჲ, არამედ გოდებაჲ. ქებაჲ მადლისმიმცემელთაჲ არს, ხოლო გოდებაჲ
Line of edition: 32    არს ტანჯულთაჲ. მართალნი იგი მაშინ აქებდენ, ხოლო რომელნი აღესრულნეს
Line of edition: 33    ცოდვასა შინა, მიერითგან ჟამი აღსარებისაჲ არღარა აქუს. ხოლო ამისთჳს,
Line of edition: 34    ვითარმედ: "შთა-თუ-ჴდეს კაცი ჯოჯოხეთა. არღარა აღმოჴდეს", არამედ
Line of edition: 35    იკითხე შემდგომი ამისი, რამეთუ წერილ არს: "არღარა აღმოჴდეს და
Line of edition: 36    არცა მიიქცეს მერმედ სახიდ თჳსა". ოდეს სოფელი ყოველი წარჴდეს და
Line of edition: 37    ყოველივე ერთბამად განიჴრწნეს სახლები, ვითარ-მე უკუე თჳსა სახლად
Line of edition: 38    მი-ვინ-მე-ვიდეს? მიერითგან ახალი იყოს ქუეყანაჲ? ჯერ არს მათა
Line of edition: 39    სმენად, ვითარ-იგი იტყჳს იობ: "ფრიად არს... სასოებაჲ, და უკუეთუ...
Line of edition: 40    ენდეს და მორჩი მისი არა მოაკლდეს. და-ღათუ-ბერდეს ქუეყანასა ზედა, აღესრულოს
Line of edition: 41    ძირი მისი კლდესა ზედა. ძელი მისი სულისაგან წყლისა ყუაოდის, და ყოს
Line of edition: 42    მან ნაყოფი, ვითარცა ახალნერგმან, ხოლო კაცი მოკუდა და წარჴდა, დაეცა
Page of edition: 264  Line of edition: 1    კაც და არღარა არს?" არა ხოლო იძულნებით და შერისხვით ესრეთ ჯერ-არს?
Line of edition: 2    ესრეთ აღმოვიკითხე, რომელი-იგი თქუეს, ვითარმედ: არღარა არსა? აწ
Line of edition: 3    ხჱ დაეცეს და აღ-სამე-დგის, და თჳთ იგი კაცი, რომლისათჳს იგი ხჱ
Line of edition: 4    შეიქმნა, არა-მე აღდგესა? და რაჲთა არა გეგოს, ვითარმედ ძალითა
Line of edition: 5    გარწმუნებ, აღმოიკითხე შემდგომი ამისი. რამეთუ მერმე იტყჳს, რეცა
Line of edition: 6    თჳთ ჰკითხავს: "დაეცა კაცი, არღარა აღდგესა?" და მერმე იტყჳს: "უკუეთუ,
Line of edition: 7    მოკუდა კაცი, ცხონდა". და მეყსეულად იტყჳს: "ხოლო დავითმინო მე
Line of edition: 8    ვიდრემდის კუალად ვიყო მე". და სხუასა ადგილსა იტყჳს, ვითარმედ: "რომელსა...
Line of edition: 9    ქუეყანით აღდგინებად ტყავი ჩემი, რომელმან აღავსო ესე".
Line of edition: 10       ხოლო ესაია წინაწარმეტყუელი იტყჳს: "აღდგენ მკუდარნი, განიღვიძონ,
Line of edition: 11    რომელნი არიან საფლავებსა". და განცხადებულად ეზეკიელ წინაწარმეტყუელი
Line of edition: 12    იტყჳს: "აჰა ესერა, მე აღვაღო საფლავებსა თქუენსა და აღმოგიყვანნე
Line of edition: 13    თქუენ საფლავებით თქუენით". და მერმე კუალად დანიელ იტყჳს: "მრავალნი
Line of edition: 14    მძინარენი ქუეყანისაგან მიწით აღდგენ, რომელნიმე ცხორებად საუკუნოდ,
Line of edition: 15    რომელნიმე სირცხჳლად საუკუნოდ". და მრავალნი წიგნნი წამებენ მკუდართა
Line of edition: 16    აღდგომისათჳს. რამეთუ არიან სხუაცა მრავალსიტყუა ამისთჳს, რეცა
Line of edition: 17    თუ მოსაჴსენებელად.
Line of edition: 18       ხოლო აწ თანაწარსრბით ვთქუათ ლაზარესი ოთხისა დღისა მკუდრეთით
Line of edition: 19    აღდგომაჲ. თანა-წარვჴდე ჟამისა ამისთჳს სიმცირისა და ძისა მისთჳს
Line of edition: 20    ქურივისა, აღდგომილისა მკუდრეთით, მოვიჴსენებთ. ხოლო წარმოვიღოთ
Line of edition: 21    აწ ასულისა მისთჳს შესაკრებელთმთავრისა. მოვიჴსენო აწ და ვთქუათ
Line of edition: 22    განხეთქაჲ კლდისაჲ, და საფლავთაჲ აღებაჲ და მრავალთა გუამთა წმიდათა
Line of edition: 23    აღდგომაჲ. და ყოვლისა წინა მოიჴსენე, რამეთუ ქრისტე მკუდრეთით აღდგომილ
Line of edition: 24    არს. თანა-წარვლო ელიასი იგი და ძისა მის ქურივისაჲ, რომელი-იგი
Line of edition: 25    მკუდრეთით აღადგინა მან, და ელისჱ ორგზის აღადგინა მკუდარი ცხორებასა
Line of edition: 26    და შემდგომად აღსრულებისა მისისა, ვითარცა ცხოველმან ქმნა აღდგომაჲ
Line of edition: 27    სულითა თჳსითა. რაჲთა არა სულსა ხოლო პატივ-სცეს მართალთასა, არამედ
Line of edition: 28    სარწმუნო ექმნეს, ვითარმედ არს ჴორცთაცა შინა მართალთასა ძალი.,
Line of edition: 29    რომელი-იგი დავარდა საფლავსა ზედა ელისჱსსა მკუდარი, მკუდარისა
Line of edition: 30    გუამისა წინაწარმეტყუელისასა შეეხო და განცოცხლდა. და ჴორცთა მათ
Line of edition: 31    წინაწარმეტყუელისათა აღასრულეს საქმჱ სულისა ცხოველისაჲ. და აღსრულებულმან
Line of edition: 32    და მდებარემან ცხორებაჲ მოსცა აღსრულებულსა მას. და მო-რაჲ-ჰსცა
Line of edition: 33    ცხორებაჲ მკუდარსა მას, იგი ეგრევე ეგო მკუდართა თანა. რაჲსათჳს-მე?
Line of edition: 34    არამედ აღ-თუმცა-დგა ელისე სულსა ხოლო მისსა ესმა ესე საქმჱ იგი,
Line of edition: 35    არამედ რაჲთა გამოჩნდეს სული იგი ღმრთისაჲ. არა თანა-იყო, არს ძალიცა
Line of edition: 36    რაჲმე ჴორცთა შინა წმიდათა ამისთჳს, რამეთუ ესოდენთა წელთა დამკჳდრებულ
Line of edition: 37    იყო მას შინა მართალი იგი სული, რომელსა-იგი მსახურ ყოფილ იყო.
Line of edition: 38    და ნუმცა ურწმუნო ვართ, ვითარმცა არა ყოფილ იყო ესე.
Line of edition: 39       უკუეთუ სუდარები და ოლარები, რომელ გარეშე იყო ჴორცთა მათ
Line of edition: 40    წინაწარმეტყუელისათა, აღადგინონ მკუდარი. და იყომცა მრავალი სიტყუაჲ
Line of edition: 41    ამას ზედა დღითი-დღედ მითხრობასა ამას საქმესა საკჳრველსა. ჟამისა
Line of edition: 42    ამისთჳს პირველ წარსრული თუქენისა დადგრომილებისა მარხვისა და ღამისთევისაჲ
Page of edition: 265  Line of edition: 1    იგი წარსლვითა ითქუას მცირედ განთესული, რაჲთა თქუენ კეთილისა მისებრ
Line of edition: 2    ქუეყანისა შეიწყნაროთ თესლი და ნაყოფი გამოიღოთ ფართოდ.
Line of edition: 3       მოვიჴსენოთ, რამეთუ მოციქულთა მკუდარნი აღადგინნეს: პეტრე
Line of edition: 4    იოპეს _ ტაბითა, პავლე ტროადს _ევტჳქოს, და სხუათა მოციქულთა ყოველთა,
Line of edition: 5    დაღათუ არა წერილ არს, ყოველინ თითოეულად საკჳრველებათა მათთა საქმჱ.
Line of edition: 6       მოიჴსენეთ კორინთელთა მიმართ პირველსა თავსა წერილი ყოველი, რომელი
Line of edition: 7    მიწერა მათთჳს პავლე, რომელნი იტყჳან: "ვითარ-მე აღდგენ მკუდარნი?
Line of edition: 8    ანუ რომლითა ჴორცითა მოვიდენ?" "და უკუეთუ მკუდარნი არა აღდგენ,
Line of edition: 9    არცა ქრისტე აღდგომილ არს". და რამეთუ უგუნურით ჰხადის ურწმუნოთა
Line of edition: 10    და ყოვლისავე მისთჳს, მას შინა მოძღურებისა მკუდართა
Line of edition: 11    აღდგომისათჳს.
Line of edition: 12       თესალონიკელთა მიწერა: "არა მნებავს უმეცრებაჲ თქუენი, ძმანი, შესუენებულთა
Line of edition: 13    მათთჳს, რაჲთა არა სწუხდეთ, ვითარ-ცა სხუანი, რომელთა არა აქუს
Line of edition: 14    სასოებაჲ" და ამის შემდგომი ყოველი, უფროჲს ხოლო ესე, ვითარმედ:
Line of edition: 15    "მკუდარნი იგი ქრისტჱსმიერნი აღდგენ პირველად". უმეტესად შეისწავეთ,
Line of edition: 16    არა ხოლო თითისა ჩუენებით პავლჱ იტყჳს ამას, ვითარმედ: "ჯერ-არს
Line of edition: 17    ჴრწნილისა მის შემოსად უჴრწნელებაჲ და მოკუდავისა მის შემოსად უკუდავებაჲ".
Line of edition: 18    რამეთუ ჴორცი ესე ჩუენი აღდგეს და არა ხოლო ესევითარი ეგოს უძლური
Line of edition: 19    აღდგომად, ესე აღდგეს. არამედ შეიმოსოს უჴრწნელებაჲ, სხუასახჱ იქმნეს,
Line of edition: 20    ვითარცა რკინაჲ ცეცხლსა შინა იქმნეს ცეცხლ. უფროჲსღა, ვითარცა-იგი
Line of edition: 21    იცის აღმადგინებელმან უფალმან. აღდგენ ჴორცნი ესე, არამედ არა იყვნედ
Line of edition: 22    ესრევე, არამედ საუკუნო იყვნედ.
Line of edition: 23       არღარა საზრდელი ესევითარი უჴმდეს საცხორებელად, არცა კიბენი
Line of edition: 24    აღსავალად. იყოს საკჳრველ რაჲმე სტყუად, ვითარ-იგი ღირსვე რას შემძლებელ
Line of edition: 25    ვართ თქუმად. იტყჳს, რამეთუ: მართალნი გამობრწყინდენ, ვითარცა მზჱ*,
Line of edition: 26    და "მთოვარჱ და ბრწყინვალებაჲ სამყაროჲსაჲ". წინაწარ იცოდა ურწმუნოებაჲ
Line of edition: 27    კაცთაჲ ღმერთმან, მატლთა მცირეთა ზაფხულისა მოსცა ნათლის სახჱ,
Line of edition: 28    გამობრწყინვებაჲ, ნათობაჲ ჴორცთაგან, რაჲთა საჩინოთა ესევითართა
Line of edition: 29    სარწმუნო იქმნეს მოსალოდებელი იგი. რომელმან ზოგი იგი მოსცა, ძალ-უც
Line of edition: 30    ყოველიცა მოცემად, და რომელმან-იგი მატლსა მას ბრწყინვალებაჲ მოჰმადლა,
Line of edition: 31    რაოდენ უფროჲს განანათლოს მართალი კაცი.
Line of edition: 32       აღვდგეთ სამე აწ და საუკუნენი ჴორცნი გუემოსნენ ყოველთა, არამედ
Line of edition: 33    არა ყოველთანი მსგავს იყვნენ.
Line of edition: 34       უკუეთუ ვინმე იყვნენ მართალი, მოიხუნენ ჴორცნი იგი ზეცისათანი,
Line of edition: 35    რაჲთა შემძლებელ იყოს ანგელოზთა თანა სლვად, ვითარ-იგი ღირს უკუეთუ
Line of edition: 36    ვინმე იყოს ცოდვილ, მოიხუნეს ჴორცნი საუკუნენი, ტანჯვასა მოთმინენი
Line of edition: 37    ცოდვილთათჳს, რაჲთა საუკუნოდ ცეცხლითა დაიწუებოდის და არასადა განილიოს
Line of edition: 38    და სამართლად ორ კერძოთავე მათ განწესებულთა მოსცეს ღმერთმან
Line of edition: 39    ესე.
Line of edition: 40       რამეთუ არარაჲ გარეშე ჴორცთა გჳქმნიეს ჩუენ. ვჰგმობთ ჴორცითა, ვილოცავთ
Line of edition: 41    ჴორცითა, ვისიძავთ ჴორცითა, სიწმიდესა ვიქმთ ჴორცითა, მოვიტაცებთ
Line of edition: 42    ჴორცითა და მოწყალებასა ვიქმთ ჴორცითა. და ეგრეთვე სხუასა ყო\ველსა,
Page of edition: 266  Line of edition: 1    რამეთუ ყოველსა ვჰმსახურე ჴორცითა, და მერმესა მას თანა მოიღოს
Line of edition: 2    საქმეთაჲ მათ.
Line of edition: 3       ვერიდნეთ უკუე აწ, ძმანო, ჴორცთა ამათ და ნუმცა, ვითარცა უცხოთა,
Line of edition: 4    ვიჴმევთ მათ, ნუცა მწვალებელთა მათებრ ვიტყჳთ, ვითარმედ უცხო არს
Line of edition: 5    ჴორცთა ესე სამოსელი, არამედ ვითარცა თჳსსა, ვეკრძალნეთ. რამეთუ
Line of edition: 6    ჯერ-არს ჩუენდა სიტყუაჲ მიცემად უფალსა ყოველთათჳს ჴორცთა მიერ
Line of edition: 7    ქმნულთა. ნუ იტყჳ, ვითარმედ არავინ მხედავს, ნუცა ჰგონებ, ვითარმედ
Line of edition: 8    მოწამე არა არს საქმეთაჲ, არამედ კაცი, ვინ უწყის, არა არს მოწამჱ,
Line of edition: 9    ხოლო დაუვიწყებელი იგი მოწამჱ ჰგიეს ცათა შინა და ჰხედავს საქმეთა,
Line of edition: 10    და ძჳრნი იგი ცოდვანი ჰგიან ჴორცთა შინა, ვითარცა წყლულებანი, რომელნი
Line of edition: 11    ჴორცთა შინა არიედ. დაღათუ განიკურნის ბრძჳლი იგი, ჰგიესვე ეგრევე,
Line of edition: 12    ცოდვამან წყლის სული და ჴორცნი. და სახენი იგი ჰგიედ ბრძჳლისანი
Line of edition: 13    ყოვლითურთ, გარნა ნათლისღებითა ხოლო განიძარცუვიან, რომელნი ღირს
Line of edition: 14    იქმნიან მას მოღებად. პირველნი იგი სულისა და ჴორცთა წყლულებანი
Line of edition: 15    განკურნის ღმერთმან ნათლისცემითა, მიერითგან მერმესა მას ჩუენ ვეკრძალნეთ
Line of edition: 16    ყოველნი ზოგად, რაჲთა წმიდად ჴორცთა ესე სამოსელი დავიმარხოთ, ნუ
Line of edition: 17    მცირითა სიძვითა და გულისთქუმითა, გინა სხჳთა რომლითავე ცოდვითა
Line of edition: 18    წარვიწყმიდოთ ზეცისა იგი ცხორებაჲ, არამედ რაჲთა დავიმკჳდროთ სასუფეველი
Line of edition: 19    საუკუნჱ, რომელსა ჩუენ ყოველნი მადლითა მისითა ღირს მყვენინ უფალმან.
Line of edition: 20       და ესე ჩუენ მიერ ითქუნეს საწამებელად მკუდართა აღდგომისათჳს, ხოლო
Line of edition: 21    სარწმუნოებისაჲ იგი მითხრობაჲ თქუენდა მიმართ კუალად, რომელნი ითქუნეს
Line of edition: 22    ჩუენ მიერ ყოვლითა მოწრაფებითა გამორჩევისაჲთა, ჩუენ მიგითხართ
Line of edition: 23    და მოგეჴსენოს.
Line of edition: 24       ხოლო აღთქუმული იგი სარწმუნოებისაჲ შემდგომითი-შემდგომად გაქუს,
Line of edition: 25    რომელი-იგი ითქუა, ვითარმედ ერთ ნათლისღებაჲ სინანულის მოსატევებელად
Line of edition: 26    ცოდვათა, და ერთისა მიმართ წმიდისა კათოლიკე ეკლესიისა, ჴორცითა
Line of edition: 27    აღდგომისა და ცხორებად საუკუნოდ.
Line of edition: 28       ხოლო ნათლისღებისათჳს და სინანულისა პირველთა მათ სწავლათა
Line of edition: 29    გჳთქუამნ ჩუენ და აღდგომისათჳს მკუდართაჲსა რომელი ვთქუათ, და ადგომისათჳს
Line of edition: 30    ჴორცთაჲსა თქუმულ არს და კუალად ითქუნენ ნეშტნი იგი. მერმეცა კუალად
Line of edition: 31    ამისთჳს, ვითარმედ ერთისა წმიდისა კათოლიკე ეკლესიისა, რომლისათჳს
Line of edition: 32    მრავალი ვთქუ, შესაძლებელ არს, ვითარმედ მცირედ ვთქუათ.
Line of edition: 33       კათოლიკჱ ჰრქჳან მისთჳს, რამეთუ ყოვლისა სოფლისაჲ არს, კიდითგან
Line of edition: 34    ქუეყანისაჲთ ვიდრე კიდედმდე მისა, და სწავლისათჳს სოფლივისა და
Line of edition: 35    უკლებელად ყოველივე მეცნიერებისათჳს კაცთაჲსა, ვითარ-იგი ღირს მოსლვად
Line of edition: 36    ბრძანებანი განჩინებად ხილულთა და არახილულთა საქმეთა ზეცისათა
Line of edition: 37    და ქუეყანისათა და ყოველნი ნათესავნი კაცთანი კეთილსა მსახურებასა
Line of edition: 38    დამორჩილებად: მთავართა, და რომელნი მთავართა ქუეშე არიან, აზნაურთა
Line of edition: 39    და დარეთა _ სოფლისა კურნებისათჳს და სიცოცხლისა და ყოვლისავე ცოდვათა
Line of edition: 40    სახისა, სულისაგანისა და ჴორცთაჲსა, რომელნი იქმნებიან, და მოპოვნებაჲ
Line of edition: 41    მას შინა ყოველივე სახჱ სახელდებული სათნოებისაჲ საქმეთაგან და
Line of edition: 42    სიტყუათა და ყოვლითა სულიერითა თითოფერითა მადლითა.
Line of edition: 43       ეკლესია ჰრქჳან სახელშემსგავსებულად ყოველთათჳს შესაკრებელსა,
Line of edition: 44    და მოსახადელისა და ერთად მოსლვისა, ვითარცა-იგი ლევიტელთასა იტყჳს უფა\ლი,
Page of edition: 267  Line of edition: 1    ვითარმედ: "ყოველსა კრებულსა მოუწოდე კართა ზედა კარვისა საწამებელისათა",
Line of edition: 2    და სასწაულება არს, რამეთუ მოუწოდე.
Line of edition: 3       წიგნთა შინა თქუმულ არს აწ, ოდეს-იგი აჰრონს უფალი მღდელთმოძღურად
Line of edition: 4    დაადგინებს.
Line of edition: 5       და მეორესა შჯულსა იტყჳს მოსე, ვითარმედ: "მრქუა მე უფალმან,
Line of edition: 6    მომიწოდე მე ერსა და ისმინენ სიტყუანი ჩემნი". და მერმე კუალად
Line of edition: 7    მოსაწოდებელისა ამის სახელსა მოიჴსენებს, რომელ არს ეკლესიაჲ, ფიცართა
Line of edition: 8    მათთჳს ქვისათა, ვითარ იტყჳს, ვითარმედ: "ზედა წერილ იყვნეს ყოველნი
Line of edition: 9    იგი სიტყუანი, რომელთა იტყოდა უფალი თქუენდა მიმართ მთასა ამას
Line of edition: 10    ზედა, შორის ცეცხლსა, დღესა მას წოდებისასა", ვითარ-იგი იტყოდა
Line of edition: 11    განცხადებულად დღესა მას, რომელსა იწოდენით ღმრთისა მიერ. და მეფსალმუნჱ
Line of edition: 12    იტყჳს: "აღგიარო, შენ ეკლესიასა შინა დიდსა, ესე იგი არს საწოდებელსა
Line of edition: 13    შინა დიდსა და ერსა შორის ძლიერსა".
Line of edition: 14       პირველადვე გალობდა ფსალმუნი, ვითარმედ: მოსაწოდებელთა შორის,
Line of edition: 15    ესე არს: "ეკლესიათა შორის აკურთხევდით ღმერთსა და უფალსა წყაროთაგან
Line of edition: 16    ისრაელისათა", ვინაჲთგან საქმისა მისთჳს მაცხოვარის მიმართ ჩუენისა
Line of edition: 17    ძჳრისზრახვისაგან განითხინეს ჰურიანი მადლისაგან. მეორედ აღაშენა
Line of edition: 18    მაცხოვარმან წარმართთაგან ჩუენ ქრისტეანეთა ეკლესიაჲ, რომლისათჳს
Line of edition: 19    ჰრქუა პეტრეს, ვითარმედ: "ამას კლდესა ზედა აღეშენოს ეკლესიაჲ ჩემი
Line of edition: 20    და ბჭენი ჯოჯოხეთისანი ვერ ერეოდიან მას".
Line of edition: 21       ორთავე ამათთჳს წინაწარმეტყუელებდა დავით. პირველისა მისთჳს
Line of edition: 22    განგდებულისა იტყჳს: "მოვიძულე მე ეკლესიაჲ განგდებულთაჲ". ხოლო
Line of edition: 23    მეორისა მისთჳს აღშენებულისა მუნვე იტყჳს მეფსალმუნჱ იგი: "უფალო,
Line of edition: 24    შევიყუარე შუენიერებაჲ სახლისა შენისაჲ". და შემდგომად იტყჳს: "ხოლო
Line of edition: 25    მე ეკლესიასა შინა გაკურთხევდე შენ, უფალო".
Line of edition: 26       ოდეს-იგი ჰურიასტანს ერთი განვარდა შესაკრებელი ჰურიათაჲ,
Line of edition: 27    მიერითგან ყოველსა სოფელსა განმრავლდებიან ეკლესიანი ქრისტჱსნი,
Line of edition: 28    რომელთათჳს ფსალმუნთა შინა იტყჳს: "უგალობდით უფალსა გალობითა ახლითა,
Line of edition: 29    ქებაჲ მისი ეკლესიასა შინა წმიდათასა". რომელ ამისსა მსგავსად წინაწარმეტყუელი
Line of edition: 30    ეტყჳს: "რომლითა არა არს ნებაჲ ჩემი თქუენ შორის _ იტყჳს უფალი
Line of edition: 31    ყოვლისა მპყრობელი". და შემდგომად ამისსა იტყჳს, ვითარმედ: "აღმოსავალითგან
Line of edition: 32    მზისაჲთ და მიდასავალადმდე სახელი ჩემი დიდებით არს წარმართთა შორის".
Line of edition: 33    ამისთჳსვე წმიდისა კათოლიკე ეკლესიისათჳს მისწეს ტიმოთესსა პავლე,
Line of edition: 34    ვითარმედ: "რაჲთა უწყოდი, ვითარ-იგი ღირს სახლსა ღმრთისასა სლვაჲ,
Line of edition: 35    რომელ არს ეკლესიაჲ ღმრთისაჲ ცხოველისაჲ, სუეტი და სიმტკიცჱ ჭეშმარიტებისაჲ".
Line of edition: 36       და რამეთუ ეკლესიისა სახელი მრავალსახელთათჳს ითქუმის საქმეთა,
Line of edition: 37    ვითარცა-იგი ერისა მისთჳს საკითხავსა მას ეფესელთასა, ვითარცა-იგი
Line of edition: 38    წერილ არს, ვითარმედ: "და ვითარცა ესე თქუა, განუტევა", ეკლესიისაჲ
Line of edition: 39    იგი მტკიცედ ვიდრემე სათქუმელ არს. და ჭეშმარიტად ეკლესიაჲ, ხოლო უკეთურთა
Line of edition: 40    შესაკრებელი იგი მწვალებელთაჲ, მარკიანელთასა ვიტყჳ და მანიქეველთასა.

Page of edition: 268 
Line of edition: 1       ამისთჳს უკუე შენ აწ კრძალულად მიგცა სარწმუნოებამან, ვითარმედ
Line of edition: 2    ერთისა მიმართ სარწმუნოებისა და ერთისა მიმართ წმიდისა კათოლიკე
Line of edition: 3    ეკლესიისაჲსა, რაჲთა მათისა მისგან ბილწისა შეკრებისა ივლტოდი ხოლო.
Line of edition: 4    და დაადგრე წმიდასა კათოლიკე ეკლესიასა ამას მარადის, რომელსაცა
Line of edition: 5    შინა კუალად იშევ. უკუეთუ ოდესმე შეხჳდე ქალაქსა რომელსამე, ნუ
Line of edition: 6    რომელსავე, არამედ გამოიკითხე, ვითარმედ, სადა არს საუფლოჲ? რამეთუ
Line of edition: 7    სხუათაცა უღმრთოთა მწვალებელთასა ქუაბებსა ეკლესიავე ჰრქუან მათ.
Line of edition: 8    ნუცაღა იკითხავ ლიტონად, ვითარმედ, სადა არს ეკლესიაჲ? არამედ თქუ,
Line of edition: 9    სადა არს კათოლიკე ეკლესიაჲ? რამეთუ ესე განჩინებულად ჰრქუან წმიდასა
Line of edition: 10    მას და დიდებულსა ჩუენ ყოველთასა, რომელ-ესე სძალი არს უფლისა ჩუენისა
Line of edition: 11    იესუ ქრისტჱსი, მხოლოდშობილისა ძისა ღმრთისაჲ. რამეთუ წერილ არს:
Line of edition: 12    "ვითარცა-იგი ქრისტემან შეიყუარა ეკლესიაჲ და თავის თჳსი მისთჳს
Line of edition: 13    მისცა" და ვითარცა-იგი შემდგომითი-შემდგომად იტყჳს. ხოლო ხატი აქუნდა
Line of edition: 14    მსგავსებაჲ ზეცისაჲ იერუსალემისაჲ, რომელსა-იგი... მოგეცა თქუენ
Line of edition: 15    ზიარებად სულისა წმიდისა, საკურთხეველსა ზედა ახლისა რჩულისასა
Line of edition: 16    წმიდათა საიდუმლოთათჳს, რომელთა დასაბამი მიეღო, რაოდენი საღმრთოთა
Line of edition: 17    წიგნთა მოსცეს, და რაჲ-იგი არს ამათი ძალი, ვითარ არს მოსლვაჲ ამათდა
Line of edition: 18    და ოდეს და ვითარ-იგი ჴამს პყრობად. და უკუანაჲსკნელ ყოვლისა, ვითარ-იგი
Line of edition: 19    თქუენ მომავალთა ჟამთა საქმეთა კეთილთა და სიტყუათა ღირსად მადლისა
Line of edition: 20    მის ყოფად, რაჲთა შეუძლოთ თქუენ ყოველთა მოღებად ცხოვრებაჲ საუკუნოჲ.
Line of edition: 21    და ესე თუ ღმერთსა უნდეს _ ითქუნედ.
Line of edition: 22       ხოლო "ამიერითგან, ძმანო ჩემნო, გიხაროდენ უფლისა მიერ მარადის".
Line of edition: 23    მერმე გეტყჳ: "გიხაროდენ", "რამეთუ მოწევნულ არს გამოჴსნაჲ თქუენი!
Line of edition: 24    და თქუენისა მაგის ცხორებისა. მოელიან ზეცით ანგელოზთა ერნი, და
Line of edition: 25    ჴმაჲ იგი ამასვე ღაღადებს უდაბნოსა:...
Line of edition: 26       და შემდგომად ამისა იტყჳს: "მეყსეულად ისმინეთ ჩემი, და ჭამეთ
Line of edition: 27    კეთილი, და იშუებდენ კეთილსა შინა სულნი თქუენნი". და მცირედ შემდგომად
Line of edition: 28    კეთილისა მის საკითხავისა ისმინეთ, ვითარ-იგი იტყჳს: "ნათელ-იღე,
Line of edition: 29    ნათელ-იღე, იერუსალემ, რამეთუ მოწევნულ არს ნათელი შენი", რომლისა
Line of edition: 30    იერუსალემისათჳს წინაწარმეტყუელი იტყჳს, ვითარმედ: "ამისა შემდგომად
Line of edition: 31    გეწოდოს შენ ქალაქი სარწმუნოჲ, სიონი". სიონით გამოსრულისა მისთჳს
Line of edition: 32    რჩულისა, სიტყჳსა უფლისა იერუსალემით, რომელი-იგი ამიერ ყოველსა
Line of edition: 33    სოფელსა განიფინა, რომლისა მიმართ თქუენთჳს წინაწარმეტყუელი იტყჳს:
Line of edition: 34    "აღიხილენ გარემოჲს შენსა თუალნი შენნი, და იხილენ შემოკრებულნი
Line of edition: 35    შვილნი შენნი".
Line of edition: 36       ხოლო იგი მიუგებს და იტყჳს: "ვინ არიან ესე, რომელნი ვითარცა
Line of edition: 37    ღრუბელნი ფრინვენ, და ვითარცა ტრედნი მართ... ჩემდამო"? ღრუბელ
Line of edition: 38    სულიერებისა მისთჳს, და ტრედი უუ... ესე-იგი არს უმანკოებისა მისთჳს.
Line of edition: 39       და კუალად იტყჳს: ვის ესმა ესევითარი და ვინ იხილა ესე, უკუეთუ
Line of edition: 40    მიუდგა ქუეყანაჲ დღესა ერთსა, და უკუეთუ შვა ნათესავი ერთბამად,
Line of edition: 41    რამეთუ მიუდგა და შვნა სიონმან ყრმანი თჳსნი სიხარულითა გამოუთქუმელითა.
Page of edition: 269  Line of edition: 1    ყოველნივე აღვივსენით მეტყუელისა მისთჳს, ვითარმედ: "აჰა ესერა
Line of edition: 2    მეყო იერუსალემი სიხარულ ყოვლისა ქუეყანისა და ერისა ჩემისა მშჳდობა",
Line of edition: 3    იხარებდით ცანი და მხიარულ არს ქუეყანაჲ. და შემდგომად ამისა იტყჳს,
Line of edition: 4    რამეთუ: "შეიწყალა ღმერთმან ერი თჳსი და დამდაბლდა ერისა თჳსისათჳს
Line of edition: 5    და ნუგეშინის-სცა".
Line of edition: 6       ესე იყოს უფლისა კაცთმოყუარებითა, რომელსა-იგი თქუენდა მომართ
Line of edition: 7    იტყჳს, რამეთუ: "აჰა ესერა აღვჴოცენ, ვითარცა ღრუბელნი, უშჯულოებანი
Line of edition: 8    შენნი, და ვითარცა ნისლნი_ცოდვანი შენნი". რამეთუ თქუენდა სახლსა
Line of edition: 9    მას მორწმუნეთასა ღირს იქმნენით, რომლისათჳს წერილ არს: "რომელნი
Line of edition: 10    მმონებდენ მე, ეწოდოს სახელი ახალი, რამეთუ იკურთხეოდის ქუეყანასა
Line of edition: 11    ზედა". და თქუთ სიხარულით: "კურთხეულ არს ღმერთი და მამაჲ უფლისა
Line of edition: 12    ჩუენისა იესუ ქრისტესი, რომელმან გუაკურთხნა ჩუენ ყოვლითა მით კურთხევითა
Line of edition: 13    სულიერითა ცათა შინა ქრისტჱს მიერ", რომლითა გუაქუს გამოჴსნაჲ სისხლითა
Line of edition: 14    მისითა, მოტევებაჲ ცოდვათაჲ სიმდიდრისაებრ მადლისა მისისა, რომელი
Line of edition: 15    გარდაჰმატა ჩუენ ზედა და შემდგომად ამისა.
Line of edition: 16       და მერმე იტყჳს, ვითარმედ: ღმერთი, რამეთუ დიდ არს წყალობითა
Line of edition: 17    მრავლითა და სიყუარულითა მისითა, რომლითა შემიყუარნა ჩუენ და ვიყვენით
Line of edition: 18    ჩუენ მკუდარ ცოდვითა ჩუენითა, რომელმან გუაცხოვნა ჩუენ ქრისტჱს
Line of edition: 19    თანა. მერმე კუალად ეგრევე ყოვლითა კეთილითა უფალსა აქებდით და
Line of edition: 20    იტყოდით, ვითარმედ: ოდეს-იგი სიტკბოებაჲ და კაცთმოყუარებაჲ გამოგჳჩნდა
Line of edition: 21    ჩუენ მაცხოვრისა ჩუენისა ღმრთისაჲ*, არა საქმეთაგან სიმართლისათა,
Line of edition: 22    რომელ ვქმნენით ჩუენ, არამედ წყალობითა თჳსითა მიჴსნა ჩუენ ბანითა
Line of edition: 23    მით მეორედ შობისაჲთა, განახლებითა სულისა წმიდისაჲთა, რომელი-იგი
Line of edition: 24    მოჰფინა ჩუენ ზედა მდიდრად იესუ ქრისტჱს მიერ, მაცხოვრისა ჩუენისა,
Line of edition: 25    რაჲთა განვმართლდეთ მადლითა მისითა და მკჳდრ ვიქმნნეთ სასოებითა
Line of edition: 26    ცხორებისა საუკუნოჲსაჲთა.
Line of edition: 27       ხოლო თავადმან "ღმერთმან და მამამან უფლისა ჩუენისა იესუ ქრისტჱსმან,
Line of edition: 28    ღმერთმან დიდებისამან, მოგეცინ თქუენ სული სიბრძნისა და მეცნიერებისაჲ
Line of edition: 29    და გამოცხადებისაჲ ცნობითა მისითა და განანათლენინ თუალნი გონებისა
Line of edition: 30    თქუენისანი" და დაგიცვენინ თქუენ მარადის საქმითა და სიტყჳთა და
Line of edition: 31    ცნობითა კეთილითა, რომლისაჲ არს დიდებაჲ და პატივი სულით წმიდითურთ
Line of edition: 32    აწ და მარადის და უკუნითი უკუნისამდე.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.