TITUS
Klarjeti Polycephalion
Part No. 30
Previous part

Text: 30 
Page of edition: 316 
Line of edition: 32  საკითხავნი მარტჳლიისანი. ა̂ თქუმულნი წმიდისა იოვანე მთავარეპისკოპოსისაჲ
Line of edition: 33  კოსტანტინეპოვლელისაჲ დღისა მისთჳს, რომელსა მოუვლინა სული წმიდაჲ


Line of edition: 34       ოდესმე ენანი ღმრთისა განრისხებითა განიყვნეს უკეთურებისათჳს კაცთაჲსა,
Line of edition: 35    ხოლო ამას დღესა შინა წყალობითა და მადლითა სულისა წმიდისაჲთა მოეცნეს
Line of edition: 36    შეწევნისათჳს სოფლისა. მაშინ განიბნინეს, რაჲთა მოყუასმან მოყუასისაჲ
Line of edition: 37    ნუ ისმინოს, ხოლო აწ მოეცნეს, რაჲთა ისმინონ, ისწავონ და გულისხმა-ყონ.

Page of edition: 317 
Line of edition: 1       მას ჟამსა განყოფამან ენათამან საქმჱ იგი განაქარვა, ხოლო აწ ენანი,
Line of edition: 2    რომელნი მოეცნეს, საქმენი ჭეშმარიტებისანი დაამტკიცნეს და აღასრულნეს.
Line of edition: 3    მუნ მოეცნეს, რაჲთა ზრახვანი იგი უკეთურნი განაქარვნეს, და აწ, რაჲთა
Line of edition: 4    ყური მიყონ სიტყუათა შეწევნითა. მას ჟამსა განიბნინეს ენენი გონებისა
Line of edition: 5    მისთჳს, რომელი აღიშჱნებოდა ბოროტად, ხოლო აქა მოეცნეს ენანი, რაჲთა
Line of edition: 6    დაეცნენ ცუდნი, რომელნი აღიშენებიან საცთურად. გამოვიდეს ენანი შემდგომად
Line of edition: 7    ენათასა, რაჲთა შემოიყვანნეს იგინი სახლსა მას ცხოვრებისასა.
Line of edition: 8       და მოვიდა სული შემდგომად ძისა და დაჰბეჭდა ჴსნაჲ ჩუენი ნიჭითა
Line of edition: 9    მისითა, აღმაღლდა მხოლოდშობილი იგი, რომელი დამდაბლდა ჩუენთჳს წყალობითა
Line of edition: 10    თჳსითა და გარდამოჴდა ნუგეშინისმცემელი, რაჲთა აღასრულოს ძლევაჲ ჩუენი
Line of edition: 11    წყალობითა თჳსითა.
Line of edition: 12       მოივლინა ჩუენდა აზნაურებაჲ მამისაგან ჴელითა ძისა თჳსისაჲთა
Line of edition: 13    და შემეძინნეს ჩუენ ნიჭნი ჴელითა სულისაჲთა, რომელი მისგან არს. რამეთუ
Line of edition: 14    უნდა მამასა ცხოვრებაჲ ჩუენი, გულს-იდგინა ძემანცა განრინებაჲ ჩუენი.
Line of edition: 15       რამეთუ დამდაბლდა მხოლოდშობილი იგი ჩუენთჳს, დამდაბლდა სული იგიცა
Line of edition: 16    და ფუფუნებდა კაცებასა მას ჩუენსა. განმდიდრდეს მოციქულნი იგიცა ნიჭითა
Line of edition: 17    მათითა ჩუენისა სარგებელისათჳს, განვიდეს და განეფინნეს ყოველთა კიდეთა
Line of edition: 18    ქუეყანისათა, და შეკრებისა ჩუენისათჳს ქადაგებდეს წინაწარმეტყუელნი
Line of edition: 19    ჴსნასა ჩუენსა და დაჰბეჭდნეს მოციქულთა ძლევაჲ ჩუენი.
Line of edition: 20       და მიეფინა სული იგი ყოველთა ზედა ჴორციელთა, ვითარცა თქუა წინაწარმეტყუელმან:
Line of edition: 21    "და წინაწარმეტყუელებდენ ძენი თქუენნი და ასულნი", ვითარცა თქუა, მადლი
Line of edition: 22    მისცა ღმერთმან მონათა და მჴევალთა თჳსთა ზედა _ სული იგი თჳსი. დაეცნეს
Line of edition: 23    იგინი, ვითარცა თქუა: კნინნი მდიდართა თანა. და აღივსო ქუეყანაჲ მეცნიერებითა
Line of edition: 24    მისითა, რომელი სავსე იყო საცთურითა, დამტკიცნა ჭეშმარიტებითა მისითა.
Line of edition: 25    რამეთუ შეეძრწუნა ცოდვასა, აღემართა და ჰმსახურა მას და გამოაბრწყინვა
Line of edition: 26    მას ზედა ნათელი თჳსი და მის გამო წარემართა მისლვად მისსა. იწრაფეს
Line of edition: 27    შეწევნათა მისთა და აღიფხურნეს საძირკუელნი მისნი და გულს-იდგინეს
Line of edition: 28    შეწევნათა მისთა და აჴოცნეს სავნებელნი ჩუენნი. გამობრწყინდა ჴორცთა
Line of edition: 29    ჩუენთა ზედა და განანათლნა სულნი ჩუენნი გამობრწყინვებითა
Line of edition: 30    თჳსითა.
Line of edition: 31       მოვიდა ცხადად და შეეწია გონებათა დაფარულად და იჴსნნა ათასნი ბრალისაგან
Line of edition: 32    და განარინნა ბევრნი სიკუდილისაგან. შეისხნა ჴორცნი, თანამდებნი მიწისაგანნი
Line of edition: 33    და მისგან აღიღო ძლევაჲ სრულითა სიმჴნითა. შთავიდა სიღრმეთა და წარმოტყუენა
Line of edition: 34    ტყუჱ. აღჴდა მაღლად და განუყო ნიჭი თჳსი და იქმნნეს ყორცნი მისნი მიზეზ
Line of edition: 35    კეთილის. და განარინნა სულნი ბოროტის შეპყრობისაგან. გამოუჩნდა თუალთა,
Line of edition: 36    რაჲთა გამოუჩნდეს გულთაცა. და შეესხნენ ჴელნიცა, რაჲთა დაემტკიცნენ
Line of edition: 37    გონებანიცა. შესახებელ ყვნა მადლნი თჳსნი და აჩუენა კაცთა. დაამდაბლა
Line of edition: 38    ცხორებაჲ იგი თჳსი და შეერთო მკუდართა თანა, და არა მით ხოლო კმა-ყო,
Line of edition: 39    რაჲთამცა კაც ხოლო იქმნა, არამედ მოკლულცა იქმნა, და არა თუ მოკლულ,
Line of edition: 40    არამედ დაფლულცა.
Line of edition: 41       მოვიდა მადლისა თჳსითა და მოწყჳდნა ცოდვანი ჩუენნი, და მოსცა
Line of edition: 42    ნათესავსა ჩუენსა კეთილი და თავს ისხნა ჩუენნი ჭირნი, უკუეთუმცა ძალი
Line of edition: 43    მისი არა აღდგომილ იყო შემწედ მისა, და-მცა-ადუმეს იგი უკეთურთა მათ.
Line of edition: 44    უკუეთუმცა მოწყალებასა მას თჳსსა არა დაემშჳდა, აღ-მცა-ეჴოცა ბუნებაჲ
Line of edition: 45    ესე ჩუენი. ბუნებანი ბუნებათანი ჩუენ ზედა განერისნეს ჯუარცუმასა მას მისსა
Page of edition: 318  Line of edition: 1    და შთათქმად ეგულვა ჩუენდა დაბადებულთა. რაჟამს იგი ჯუარს-აცუეს, კლდენი
Line of edition: 2    განიპნეს, სამარენი აეხუნეს, მკუდარნი განცხოველდეს, რამეთუ ცხოველნი
Line of edition: 3    იგი განცოფნეს.
Line of edition: 4       განაგდო ჯუარი იგი და აღვიდა ცად. და არა იმარხა მანკიერებაჲ
Line of edition: 5    ნათესავისა ჩუენისა თანა. მისთჳს, რამეთუ დამოჰკიდეს იგი ძელსა, მოავლინნა
Line of edition: 6    ნიჭნი თჳსნი და აღავსნა ეკლესიანი. უწოდა მკლველთაცა მათ მისთა, უკუეთუ
Line of edition: 7    უნდეს, იხარებდენ იგინიცა მეგობართა მისთა თანა. და თუ ჰრწმენეს დამდაბლებაჲ
Line of edition: 8    იგი მისი, ჴორცნი თჳსნი მისცნეს მათ სიყუარულითა თჳსითა.
Line of edition: 9       დასაბამად ნიჭთა მისთა ჴორცნი თჳსნი განუყვნეს და სისხლნი თჳსნი
Line of edition: 10    უსასყიდლოდ მისცნეს. უსასყიდლოდ ეკლესიათა თჳსთა განუყვნა ენანი, რაჲთა
Line of edition: 11    ქადაგონ ჭეშმარიტებაჲ მისი.
Line of edition: 12       და მოუვლინა ნიჭი მისი, რაჲთა წამონ სარწმუნოებაჲ მისი. და იქმნა
Line of edition: 13    იგი თავსმდებელ სოფლისა სასწაულებითა თჳსითა, ვითარმედ მე ვარ ღმერთი,
Line of edition: 14    და დააბა მან წიგნწერილებაჲ იგი სასწაულითა ძალისა თჳსისაჲთა, ვითარმედ
Line of edition: 15    მე ვარ დამბადებელი.
Line of edition: 16       იგი არს დამბადებელი და იგი არს მჴსნელი. მის გამო აღესრულნეს
Line of edition: 17    საქმენი და მის გამო იჴსნნეს კაცნი, მის გამო გამოჩნდა მამაჲ და მის
Line of edition: 18    გამო გამოცხადნა შემოქმედი იგი. და სულისა გამო დაებეჭდა ჭეშმარიტებასა
Line of edition: 19    და განიყვნეს ნიჭნი მადლითა მისთანი. და ეწამების დამდაბლებაჲ იგი
Line of edition: 20    მისი და უფლებისა მისისათჳს დაჰბეჭდა ძალმან მისმან.
Line of edition: 21       და ღაღად-ყვეს სასწაულთა მისთა ძალითა თჳსითა, რამეთუ: ღმერთი
Line of edition: 22    არს ჭეშმარიტად, რამეთუ აღასრულნა ჭეშმარიტად სიტყუანი თჳსნი. ვითარმედ
Line of edition: 23    შემოქმედი არს ჴელოვანთმოძღუარი სიტყჳთ და საქმითაცა, და არწმუნა სოფელსა
Line of edition: 24    და იმიერ და ამიერ მისცა არგანი დაბადებულთა, რამეთუ დასნეულდა კაცებაჲ
Line of edition: 25    ესე ჩუენი. და განამრავლნა შეწყნარებანი თჳსნი, რამეთუ დასნეულდა თავისუფლებაჲ
Line of edition: 26    თჳსი.
Line of edition: 27       რამეთუ დაავიწყდა იგი, დაითმინა მისი და შეაჯერა მას, და შეეშინა
Line of edition: 28    მას სიმდიდრისაგან მისისა, შეეწია მას მარჯუენითა თჳსითა შემდგომად
Line of edition: 29    ნათესავისა მის მისისა, ვითარმედ განიძარცუეს დიდებაჲ, რომელ შთააცუა
Line of edition: 30    ამას ადამსა. შეირცხჳნა მიხედვად, ვითარცა მამანი თჳსნი, რომელ განეძარცუნეს,
Line of edition: 31    სამოთხესა მას შინა. იხილა შიშულობაჲ იგი მისი და გარე-მიიქცა პირი
Line of edition: 32    მისი ცოდვათაგან მისთა. განბანა და განწმიდა ესე ლხინებითა თჳსითა
Line of edition: 33    და შეამკო და შემოსა ესე დიდებითა თჳსითა, დაამტკიცა ესე დასაბამსვე
Line of edition: 34    და მით გამოძიება ყო უკუნისამდე. არა თუ ხარკით დაჰბადა, არცა ხარკით
Line of edition: 35    იჴსნა და არცა ხარკით ქმნის კეთილი. ნებითა თჳსითა მოვიდა მეძიებელად
Line of edition: 36    ვნებათა ჩუენთა და წყალობითა თჳსითა გარდამოჴდა ჴსნად აზნაურებისა
Line of edition: 37    ჩუენისა. ნებითა ჩუენითა თანამდებ ვექმნენით და ნებითა ჩუენითა ვეძიებდით.
Line of edition: 38    უკუეთუ შეეზავნენ ნებანი ჩუენნი ნებასა მისსა, ვსუფევდეთ მის თანა.
Line of edition: 39    და ჴდომად აღუდგეთ მას, თანამდებ ვიქმნნეთ მისგან, ძლევაჲ მისი თჳნიერ
Line of edition: 40    დამტკიცნეს, და რომელი მას არა მიეახლოს, არა განეშოროს ბოროტისაგან,
Line of edition: 41    რამეთუ განსასუენებელი ცოდვისაჲ ნათხოვ არს და ვასხებული.
Line of edition: 42       რამეთუ უნდა წყალობით ფუფუნებაჲ, ყოველთა ზედა ავასხა ღმერთმან,
Line of edition: 43    რაჲთა გულისხმა-ყონ კაცთა. და უჩუენებს, რაჲთამცა გულისხმა-ყვეს და
Line of edition: 44    უფროჲსი მიიღეს. განიკურნნეს ზეცისაჲთა, რომელთა უნდეს კურნებაჲ სულთაჲ,
Line of edition: 45    რაჲთა ღირს იყოს ღმრთისა მისითა მით, რომელი გამო\უბრწყინდეს
Page of edition: 319  Line of edition: 1    მათ ზედა. განემზადნეს კეთილნი მისნი, და არავინ იყო მიმღებელ. დაეპყრა
Line of edition: 2    სიმდიდრე მისი, და არასადა იყვნეს ჴუებულნი. და ჯერ-იჩინა მან, რაჲთამცა
Line of edition: 3    იპოვნეს მიმღებელნი, რომელნი ღირს-იყვნეს მადლითა მისითა, რამეთუ ღირს-ყოფად
Line of edition: 4    მადლისა მისისა თჳნიერ აზნაურებისა ვერ შეუძლონ. რამეთუ აზნაურებაჲ
Line of edition: 5    ხოლო ღირს არს ღმრთისა კეთილითა ნებითა წმიდათა და ჭეშმარიტებითა ზრახვითა.
Line of edition: 6    რამეთუ მეცნიერებაჲ არა თუ თავისუფალ არს, არამედ ჴელმწიფებასა დამორჩილებულ
Line of edition: 7    არს და ქმნულკეთილობაჲ ძლიერებისაჲ განშორებულ არს კეთილისაგან. და
Line of edition: 8    არა არს ღმრთისა ღირს, გარნა ნებაჲ კეთილი. და ჴელმწიფებანი ქმნულკეთილობამან
Line of edition: 9    ჴორცთა-მან განუსუენის ჴორცთა, და ქმნულკეთილობამან ნებათმან ღმერთსა ახარის.
Line of edition: 10       არიან კეთილნი განსასუენებელად ჴორცთა, არამედ ქმნულკეთილობასა
Line of edition: 11    მას წმიდათა სულთასა ვინ-მე შეუძლოს პოვნად? ქმნულკეთილობაჲ ნებაჲ
Line of edition: 12    უყუარს უფალსა და მისვე კეთილისათჳს მოვიდა ძჱ ღმრთისაჲ. ეგრჱვე ქმნულობაჲ
Line of edition: 13    შეიმოსა, არა თუმცა ვითარ-იგი მან შემკო, არამედ რაჲთა ესე მის გამო
Line of edition: 14    შეიმკოს. და რამეთუ ხატი მისი არს ქმნულკეთილობაჲ ესე ჩუენი.
Line of edition: 15       აღიყვანა და დასუა იგი ცათა შინა. და რამეთუ განაქარვა იგი სახელმან
Line of edition: 16    მან ადამისმან უსახურებითა ნებისა მათისაჲთა, გარდამოჴდა, განაახლა
Line of edition: 17    და გამოწერა იგი. აღიღო და დასუა იგი ცათა შინა. და პატივმან მან მისმან
Line of edition: 18    შემოსა იგი, და თაყუანის-სცეს მას ყოველთა დაბადებულთა.
Line of edition: 19       აღიყვანა იგი ცად და უდენ-ყო იგი ქუეყანასა ზედა. მივიდა ხატითა
Line of edition: 20    თჳსითა და მოვიდა სულითა მით თჳსითა. მიიღო მსგავსებაჲ ესე ჩუენი და
Line of edition: 21    მომცა ჩუენ სული იგი წმიდაჲ ნუგეშინისმცემელი.
Line of edition: 22       აღვიდა ჴორცითა, მოვიდა ჴორცითა თჳნიერ, არა თუ დადვა იგი და
Line of edition: 23    გარდაცვალა, და არა დაუტევა იგი და მოვიდა.
Line of edition: 24       რამეთუ ესე არს ბუნებაჲ ღმრთეებისაჲ. და არა არს მისა დაყენება,
Line of edition: 25    ძალ-უც ყოვლისა საქმედ და თჳთ არარაჲ იქმნების. შემძლებელ არს უწყებად
Line of edition: 26    ყოვლისა, და იგი ვერ საუწყებელ არს, რამეთუ იგი მხოლოჲ საცნაურ არს.
Line of edition: 27    ვითარ ვერ მისაწდომელ არს, მან ხოლო უწყის ყოველი, და ვითარ არს
Line of edition: 28    ყოველი.
Line of edition: 29       რამეთუ დამბადებელი არს იგი ყოვლისაჲ, რამეთუ იგი ხოლო შემძლებელ არს
Line of edition: 30    ცნობად ყოვლისა, ვითარ რაჲ არს. რამეთუ ყოვლისა უფროჲს არს და უფალი
Line of edition: 31    ყოველთაჲ არს.
Line of edition: 32       მიხედეთ წმიდითა გონებითა და იხილეთ, რამეთუ ესე არს, რაჲთა არა
Line of edition: 33    აღირღუეთ ცილობითა და დაჰკერძნეთ ჭეშმარიტებისაგან მისისა. ბუნებისა
Line of edition: 34    მისისათჳს წიგნნიცა მოწამე არიან, ვითარმედ იგი არს და ნიჭნი იგი სულისანი
Line of edition: 35    დაჰბეჭდვენ, ვითარმედ ქველისმოქმედი არს, განცხადებულ არს, ვითარმედ
Line of edition: 36    არს და ჩანს, რამეთუ ქველისმოქმედ არს. დაბადებულნი მისნი ეწამებიან
Line of edition: 37    მას, ვითარმედ იგი არს, და საქმენი მისნი ღაღადებენ, ვითარმედ ქველისმოქმედ
Line of edition: 38    არს.
Line of edition: 39       მოწამჱ არს ჴელი იგი მხოლოდშობილისაჲ, და დაჰბეჭდა სულითა თჳსითა.
Line of edition: 40    მამაჲ მოწამჱ არს ძისა თჳსისათჳს სრულითა სიყუარულითა თჳსითა, და ძჱ
Line of edition: 41    ქადაგებს მამისა თჳსისათჳს სრულითა ჭეშმარიტებით თჳსითა. და სოფელი
Line of edition: 42    ფუფუნებითა თჳსითა აუწყებს მადლისა მისისათჳს, წინაწარმეტყუელნი წამებენ
Line of edition: 43    და მოციქულნი ღაღადებენ, გონებათა ეწამებიან საქმენი. რამეთუ დაბადებით
Line of edition: 44    დაბადებულ არიან, დაბადებულნი თუალ-ყოფით იტყჳან, ვითარმედ კეთილისა
Line of edition: 45    მისგან გებულნი არიან. ღაღადებენ წიგნნიცა, ვითარმედ
Page of edition: 320  Line of edition: 1    წყალობით დაცვულ არიან, სხუა ფერ და სხუა ხატ არიან ზოგნი მათგანნი
Line of edition: 2    აზნაურებით და ზოგნი მათგანნი ძლით. და რამეთუ მადლისა გამო არა დაიჴსნებიან,
Line of edition: 3    განცხადებულ არიან წინაშე ღმრთისა აღსასრული ყოვლისაჲ. და უწყის, რაჟამს
Line of edition: 4    წეს არს აღსასრული.
Line of edition: 5       და რამეთუ წარსლვად არს შუენიერებაჲ ამის სოფლისაჲ, და არა თუ
Line of edition: 6    სოფელი, და განახლებად არიან დაბადებულნი. და არა თუ განკფდენ, და
Line of edition: 7    წარჴდენ, და იყვნენ, ვითარცა არაყოფილნი.
Line of edition: 8       ხოლო ჩუენ, ძმანო, ყოფად ნებისა ღმრთისაჲსა ვზრუნვიდეთ მარადის,
Line of edition: 9    ვითარმედ ვითარ-ძი ცვავნეს დაბადებულნი და განაახლოს სოფელი. რამეთუ
Line of edition: 10    საქმე, რომელი ჩუენდა არა განცხადებულ არს, ნუ დაშურებით მისთჳს, არამედ
Line of edition: 11    გულს-იდგინეთ ყოფად ნებისა ღმრთისაჲსა, რომელი სავსე არს ცხორებითა
Line of edition: 12    და სიხარულითა, და აცხოვნენ სულნი ჩუენნი.
Line of edition: 13       შევიწყნაროთ იგი ნიჭითა მისითა შესაწევნელად ჩუენდა. სული იგი
Line of edition: 14    წმიდაჲ, რომელი აღგჳთქუა პირითა წინაწარმეტყუელთაჲთა, აჰა განჰყოფს
Line of edition: 15    და მისცემს ნიჭთა მისთა ღირსთა თჳსთა. განუმზადნეთ სულნი ჩუენნი და
Line of edition: 16    ჴორცნი და აღვამკვნეთ სულიერითა კეთილითა შრომითა ჩუენითა, რაჲთა ღირსს
Line of edition: 17    ვიქმნეთ მისა სადგურად. და დაიმკჳდრონ ჩვენ თანა ფასთა სიმდიდრითა
Line of edition: 18    მისითა.
Line of edition: 19       დღეს აღესრულა სიტყუაჲ იგი, რომელი თქუა პირითა წინაწარმეტყუელისა
Line of edition: 20    მისისაჲთა, ვითარმედ: "მოვჰფინო სულისაგან ჩემისა ყოველსა ზედა
Line of edition: 21    ჴორციელსა და წინაწარმეტყუელებდენ ძენი თქუენნი და ასულნი
Line of edition: 22    თქუენნი".
Line of edition: 23       იხილეთღა, არა-ძი აღესრულაა სიტყუაჲ იგი მოციქულთა მათ მიმართ
Line of edition: 24    ჟამსა მას, რომელსა შეკრებულ იყვნეს ერთბამად ქორსა ზედა და გამოუჩნდეს
Line of edition: 25    მათ ნაწილნი, ვითარცა ცეცხლისაგან? იწყეს წინაწარმეტყუელებად, სიტყუად
Line of edition: 26    ენად-ენათა, რაჲთა დააკჳრვონ ნათესავთა მათ ზედა, რომელნი შეკრიბნა
Line of edition: 27    და მოიყვანნა სულმან მან, რაჲთა იხილნენ დიდებულნი იგი საქმენი
Line of edition: 28    ღმრთისანი.
Line of edition: 29       და ჩუენცა, ძმანო, ნუმცა თანა-წარვსცოდავთ სულთა ჩუენთა ზიარებისაგან
Line of edition: 30    სულისა წმიდისა, ნუ მოიჴდით გონებასა, არამედ ჩუენ თუ გჳნდეს, მოწევნულ
Line of edition: 31    არიან ჩუენ ზედა მადლნი.
Line of edition: 32       და თუ თქუას ვინმე, უკუეთუ შეიწყნარებოდეს მორწმუნენი, და აწცამცა
Line of edition: 33    შეწყნარებად არცამცა იქმნებოდეს სასწაულნი, ვითარ-იგი მაშინ იქმნებოდეს
Line of edition: 34    სასწაულნი.
Line of edition: 35       დღეს აღივსო მოძღურებითა უფლისა ჩუენისაჲთა ყოველი ქუეყანაჲ და
Line of edition: 36    ჰრწმენა ცის კიდეთა. ქადაგებაჲ იგი მოციქულთაჲ განცხადებულ არს, რამეთუ
Line of edition: 37    არღარა ჴმანან სასწაულნი.
Line of edition: 38       რამეთუ არს ჟამი, რომლისათჳსმე საქმისა იქმნებიედ სასწაულნი.
Line of edition: 39    ხოლო რაჟამს თჳთ საქმე იგი განცხადნის, იქმნა იგი მიერითგან სასწაულ
Line of edition: 40    სასწაულთა მისთა.
Line of edition: 41       იხილეთ ღმერთი, რამეთუ დიდ არს. ერთიღა დევი გამოჴდის, ანუ ესე
Line of edition: 42    ყოველნიღა გუნდნი დევთანი დევნულ არიან სიტყჳთა მოძღურებითა მოციქულთაჲთა,
Line of edition: 43    რომელი წარმოითქუა ჩუენთჳს. სასწაული დიდი არს და საკჳრველი,
Line of edition: 44    აღ-თუ-ვინმე-ადგინნეს მკუდარნი, არამედ უფროჲს საკჳრველ არს იგი,
Line of edition: 45    აცხოვნნეს თუ ვინმე მრავალნი სულნი, რომელნი მომკუდარ არიან ცოდვითა
Line of edition: 46    და საცთურთა.

Page of edition: 321 
Line of edition: 1       არამედ არიან სასწაულნი ჴელთაგან ჭეშმარიტისა მორწმუნისათა და კურნებანი
Line of edition: 2    იქმნებიან მართალთა ჟამთაჲსა და არა განშორებულ არს მათგან სული იგი,
Line of edition: 3    რომელი იყო წინაწარმეტყუელთა, მოციქულთა და მოწამეთა თანა, და მათ
Line of edition: 4    თანა, რომელთა აღიარეს იგი. რამეთუ ჭეშმარიტ არს სიტყუაჲ იგი მოციქულისა
Line of edition: 5    ჩუენისაჲ, რომელ თქუა, ვითარმედ: "თქუენ თანა ვარ მიაღსასრულადმდე
Line of edition: 6    სოფლისა".
Line of edition: 7       ამიერითგან, ძმანო, ვიდრე ჟამი ესე ჴელთაღა შინა ჩუენთა არს,
Line of edition: 8    მოვიქცეთ უფლისა და ვიდრე ადვილღა არს ჩუენდა, მივეახლნეთ მოწყალებათა
Line of edition: 9    მისთა და ვიდრე ახლოსღა არიან ჩუენდა ნიჭნი მისნი, მოვირეწოთ ჩუენ
Line of edition: 10    კეთილი, რაჲთა მიმიახლნეს ჩუენ, გარნა თუ ღირს-ვიქმნნეთ, ეშმაკთა თუ
Line of edition: 11    განვასხმიდეთ და თუ ვწინაწარმეტყუელებდეთ და თუ მათ არა ვეზიარნეთ,
Line of edition: 12    გარეშე ბჭეთა დაშთომილ ვიქმნნეთ. ამიერითგან, ვზრუნვიდეთ სარგებელისა
Line of edition: 13    ჩუენისათჳს, რაჲთა მივეწივნეთ ცხორებასა მას ნიჭითა სულისა წმიდისაჲთა,
Line of edition: 14    მოვიხუნეთ გჳრგჳნნი და ენითა, რომელნი არიან მათ შინა თარგმანებითა,
Line of edition: 15    დავიმოწაფნეთ და ვასწაოთ უცებთა და განვანათლნეთ დაბნელებულნი და დავამტკიცნეთ
Line of edition: 16    უძლურნი და დავანელნეთ უჰამონი და ვიღუაწნეთ სნეულნი და გამოვზარდნეთ
Line of edition: 17    ჴუებულნი, და ღმერთსა, რომელი მოვიდა მაცხოვრად ჩუენდა, ვემსგავსნეთ
Line of edition: 18    და მცნებითა ვიმარხვიდეთ და ნებაჲ მისი ვყოთ.
Line of edition: 19       და ნაყოფითა სულისაჲთა ვჰმსახუროთ, რაჲთა მოსაგებელი კეთილი ქველისმოქმედისა
Line of edition: 20    უფლისაგან მოვიღოთ სასუფეველსა შინა მისსა, იგი, რომელ არა წარმავალ
Line of edition: 21    არს. და ერთბამად კეთილთა, რომელ ქმნნა და რომელთა იქმს ჩუენთჳს, დიდებაჲ
Line of edition: 22    და პატივი ჴელმწიფებისა მისისა აღმოვთქუათ მადლითა მისითა აწ და მარადის
Line of edition: 23    და უკუნითი უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.