TITUS
Klarjeti Polycephalion
Part No. 34
Previous part

Text: 34 
Page of edition: 344 
Line of edition: 7  საკითხავი მარტჳლიისა სემდგომად, დღესა ოთხშაბათსა აღმართებაჲ
Line of edition: 8  პატიოსნისა ჯუარისაჲ მცხეთას


Line of edition: 9       რა რაჟამს იყო ჟამი ესე, მო-რაჲ-იქცა ყოველი ქართლი, ზრახვა-ყვეს
Line of edition: 10    მღდელთა მათ, რომელნი-იგი მოსთხოვნა მირეან მეფემან კოსტანტინე კეისარსა
Line of edition: 11    აღმართებად ნიში ჯუარისაჲ. და ჰქუეს მღდელთა მათ მირეან მეფესა: ჯერ
Line of edition: 12    და წეს არს აღმართებად საუფლოჲ ნიში ჯუარისაჲ. და სათნო უჩნდა მეფესა
Line of edition: 13    და ყოველსა მას ერსა. და სიხარულით შეიწყნარეს სიტყუაჲ იგი მღდელთაჲ
Line of edition: 14    მათ და სწავლაჲ. და უბრძანა მირეან მეფემან ძალისაჲ საჯუარედ მოღებად.
Line of edition: 15    და წარვიდეს ხურონი და მოჰკუეთეს ხჱ ერთი აეროვანი და დიდად შუენიერი.
Line of edition: 16    და უბრძანა მეფემან შექმნაჲ ჯუარისაჲ, ხოლო მღდელნი იგი ასწავებდეს
Line of edition: 17    სახესა მას ჯუარისასა. და რაჟამს შექმნეს ჯუარი იგი, მოვიდეს და უთხრეს
Line of edition: 18    მირეან მეფესა ხუროთა მათ: ჩუენ შევქმენით ჯუარი იგი, ვითარცა მასწავეს
Line of edition: 19    მღდელთა მათ. და მეყსეულად აღდგა მეფჱ იგი სიხარულით და ყოველი ერი
Line of edition: 20    მის თანა მოვიდეს ხილვად ნიშისა მის ჯუარისა. და ვითარცა იხილეს სახჱ
Line of edition: 21    იგი ჯუარისა მის, უკჳრდა ფრიად, ადიდებდეს ღმერთსა.
Line of edition: 22       მას ჟამსა გულისხმა-ყო და მოეჴსენა მეფესა, ოდეს-იგი დღჱ უბნელდა
Line of edition: 23    მთასა ზედა, ვითარ-იგი ნათელი ბრწყინვალებისა დიდისაჲ იხილა მსგავსად
Line of edition: 24    ჯუარისა, და იცნა იგი. მაშინ უთხრობდა მღდელთა მათ და ყოველსა ერსა
Line of edition: 25    ხილვასა მას პირველსა, და ვითარ განუნათლა მას ბნელი იგი ნიშმან ჯუარისამან
Line of edition: 26    წინაშე თუალთა მისთა. მაშინ ვითარცა ესმა ერსა მის სიტყუაჲ იგი მეფისაჲ
Line of edition: 27    უფროჲსღა და უმეტჱს ფრწმენა ნიში ჯუარისაჲ და ყოველთა ერთობით სიხარულით
Line of edition: 28    თაყუანის-სცეს მას და ადიდებდეს ღმერთსა.
Line of edition: 29       მაშინ განიზრახვიდა მეფჱ იგი ყოველსა მას ერსა თანა, ვითარმედ
Line of edition: 30    რომელსამე ადგილსა აღჰმართონ ჯუარი იგი. ხოლო კაცად-კაცადი იტყოდა,
Line of edition: 31    სადაცა ვის მარჯუე უჩნდა და ვერ სადა გამოარჩიეს. მას ჟამსა მირეან
Line of edition: 32    მეფჱ ილოცვიდა და იტყოდა: უფალო იესუ ქრისტე, რომელი გურწამ ტყჳსა
Line of edition: 33    მისგან და გუასწავეს მღდელთა მათ შენთა, შენ იესუ ქრისტე, რომელმან
Line of edition: 34    თავი თჳსი დაიმდაბლე და ხატი მონისა შენისაჲ შთაიცჳ სიმდაბლითა შენითა,
Line of edition: 35    რომელი გარდამოჰჴედ წიაღთაგან მამისათა, რომელმან დაუტევენ ჩუენთჳს
Line of edition: 36    საყდარნი, უფლებანი და ძალნი და დაემკჳდრე საშოსა ქალწულისა მარიამისსა,
Line of edition: 37    და მერმე ჯუარს-ეცუ პონტოელისა პოლატეს ზე, დაფალ გულსა ქუეყანისასა
Line of edition: 38    და ასდეგ მესამე დღესა და აღასრულე ყოველი თქუმული წინაწარმეტყუელთაჲ,
Line of edition: 39    აჰმაღლდი ზეცად და დაშჯედ მარჯუენით მამისა, და მერმე მოსლვად ხარ
Line of edition: 40    განშჯად ცხოველთა და მკუდართა, და დაგჳტევე ჩუენ ნიში შჯულისა შენისაჲ
Line of edition: 41    დასარღუეველად უხილავთა მანქანებათა მტერისათა, ხოლო ჩუენ, მოშიშთა
Line of edition: 42    შენთა, მოგჳღებიეს სასწაულად, რაჲთა განვერნეთ პირსა ეშმაკისასა, რომ\ლისაგანცა-იგი
Page of edition: 345  Line of edition: 1    წარტყუენულ ვიყვენით. ხოლო აწ შენ, უფალო ღმერთო, მაცხოვარო ჩუენო,
Line of edition: 2    ინებე გამოცხადებაჲ ადგილისაჲ, რომელსა ზედა აღვჰმართო ნიში ჯუარისა
Line of edition: 3    შენისაჲ, რაჲთა იხილონ მოძულეთა შენთა და ჰრცხუენოდის, რამეთუ შენ,
Line of edition: 4    უფალო, შემეწიენ ჩუენ და ნუგეშინის-მეც ჩუენ. და ვითარცა დამწუხრდა,
Line of edition: 5    მას ღამესა ჩუენებით დაადგრა ანგელოზი უფლისაჲ მირიან მეფესა და უჩუენა
Line of edition: 6    მას ბორცჳ ერთი არაგუსა წყალსა ზედა წიაღ კერძო, მახლობელად მცხეთასა.
Line of edition: 7    და ჰრქუა მას: ესე ადგილი გამოურჩევიეს ღმერთსა და ამას ზედა აღჰმართე
Line of edition: 8    ნიში იგი ჯუარისაჲ. და ვითარცა განთენა, უთხრა მირეან მეფემან მღდელთა
Line of edition: 9    მათ ჩუენებაჲ იგი ანგელოზისაჲ მის და სიტყუაჲცა იგი ანგელოზისაჲ, რომელსა
Line of edition: 10    ეტყოდა, უთხრა მათ და ყოველსა ერსა და ბორცჳცა იგი უჩუენა მათ. ვითარცა
Line of edition: 11    ესმა ჩუენებაჲ იგი და ადგილიცა იხილეს, სათნო უჩნდა ყოველსა მას ერსა
Line of edition: 12    ბორცჳ იგი და სიხარულითა და გალობითა დიდითა ყოველმან ერთბამად აღიღეს
Line of edition: 13    ჯუარი იგი და აღჰმართეს ბორცუსა მას ზედა მძლჱ ნიში ჯუარისა მცხეთასა
Line of edition: 14    მახლობელად, მართალ წინაშე აღმოსავალით, დღესა კჳრიაკესა, აღვსებისა
Line of edition: 15    შემდგომად ზატიკის-ზატიკსა.
Line of edition: 16       და აღემართა ნიში ჯუარისაჲ ქართლს შინა. მეყსეულად მას ჟამსა
Line of edition: 17    შინა ყოველნი კერპნი, რომელნი იყვნეს საზღვართა ქართლისათა, დაეცნეს
Line of edition: 18    და შეიმუსრნეს და საკერპონიცა მათნი და-ვე-ირღუეს. ვითარცა იხილეს
Line of edition: 19    საკჳრველებაჲ ესე სასწაული, რომელი ქმნა ცხოველისმყოფელმან მან ნიშმან
Line of edition: 20    ჯუარისამან კერპთა მათ ზედა, უფროჲს განუკჳრდებოდა საქმჱ ესე და ადიდებდეს
Line of edition: 21    ღმერთსა და სიხარულით თაყუანის-სცემდეს პატიოსანსა ჯუარსა. და ყო მირიან
Line of edition: 22    მეფემან და ყოველმან ერმან ქართლისამან შესაწირავი დიდი მას დღესა
Line of edition: 23    შინა. და დააწესეს მსახურებაჲ პატიოსნისა ჯუარისაჲ უკუანა ზატიკის-ზატიკსა,
Line of edition: 24    დღესა კჳრიაკესა, ყოველმან ქართლმან ვიდრე დღენდელად
Line of edition: 25    დღედმდე.
Line of edition: 26       და იყო, რაოდენისამე ჟამისა შემდგომად, მარტჳლიისა უკუანა, დღესა
Line of edition: 27    ოთხშაბათსა იხილეს საკჳრველებაჲ დიდი და საშინელი სასწაული. და აჰა
Line of edition: 28    ესერა, სუეტი ნათლისაჲ სახედ ჯუარისა დგა ზედა ჯუარსა მას და ათორმეტნი
Line of edition: 29    ანგელოზნი დაგჳრგჳნებულ იყვნეს. ხოლო ბორცჳ იგი ჯუარისაჲ ერცახედ კუმოდა
Line of edition: 30    სულნელად. და ვითარ ხედვიდეს სასწაულსა მას, მრავალნი უღმერთოთაგანნი
Line of edition: 31    მოიქცეოდეს და ნათელს-იღებდეს და აღაშჱნებდეს ეკლესიათა. ხოლო მორწმუნენი
Line of edition: 32    უფროჲს განმტკიცნებოდეს და ადიდებდეს ღმერთსა.
Line of edition: 33       და მერმე იხილეს სხუაჲ სასწაული პატიოსანი ჯუარისაჲ: ვითარცა
Line of edition: 34    ცეცხლი დგა და ვითარცა ალი აღეგზებოდა, ზედა თავსა ჯუარისასა შედგებოდა
Line of edition: 35    მზისა უბრწყინვალჱსი, და ვითარცა საჴუმილისა რაჲ ნაბერწყალი აღვალნ
Line of edition: 36    ძლიერად, ეგრესახედ ანგელოზნი აღვიდოდეს და გარდამოვიდოდეს პატიოსანსა
Line of edition: 37    ჯუარსა. ხოლო ბორცჳ იგი ჯუარისაჲ იხილვებოდა ძლიერად და ყოველი ქუეყანაჲ
Line of edition: 38    იძრვოდა, და მთათა და ბორცუთა და ღელეთა არმული ნისლისაჲ სულნელისაჲ
Line of edition: 39    აღვიდოდა, კლდენი შეიმურვოდეს და სულნელებაჲ დიდი მიეფინებოდა ყოველსა
Line of edition: 40    ზედა ქუეყანასა. და ესე არა ზედამოჲთ იყო, არცა თანაწატაცებით, არამედ
Line of edition: 41    მყოვარ ჟამ ჴმანი დიდნი ოხრიდეს და ყოველი იგი ერი ხედვიდა მას და
Line of edition: 42    ესმოდა ოხრაჲ იგი გალობისაჲ მის. შეშინდეს და უკჳრდა ფრიად ხილვაჲ
Line of edition: 43    იგი, განუკჳრდებოდა, შიშითა და ძწოლით თავყანის-სცემდეს პატიოსანსა
Line of edition: 44    ჯუარსა და სიხარულითა დიდითა აკურთხევდეს და ადიდებდეს
Line of edition: 45    ღმერთსა.

Page of edition: 346 
Line of edition: 1       და იყო რავდენისამე ჟამისა შემდგომად ვითარცა სასწაულნი იგი და ხილვანი
Line of edition: 2    დასცხრებოდეს, ეგრჱცა ძრვაჲ იგი დიდი და საშინელ და-ვე-სცხრებოდა.
Line of edition: 3    და შემდგომად ამისა სხუანი მრავალნი სასწაულნი იქმნებოდეს პატიოსნისა
Line of edition: 4    ჯუარისა ზედა ზეცით გარდამო. და ხედავნ მას ყოველი იგი ერი და შიშითა
Line of edition: 5    და ძწოლით მივლენედ და თაყუანი-სცემედ გულსმოდგინედ პატიოსანსა ჯუარსა
Line of edition: 6    და წარვიდიან სიხარულით და ადიდებედ ღმერთსა.
Line of edition: 7       მას ჟამსა იყო ვინმე კაცი ერთი მოშიში ღმრთისაჲ და მსახური ქრისტჱსი,
Line of edition: 8    რომელსა სახელი ერქუა რევ, ძჱ მეფისაჲ. და იყო ძჱ რევისი სნეულ და
Line of edition: 9    მიწევნულ იყო იგი სიკუდიდ, რამეთუ იგი ხოლო მარტოჲ ესუა მას. მოიღო
Line of edition: 10    იგი და დადვა პატიოსანსა ჯუარისა წინაშე და ცრემლით ითხოვდა მისგან:
Line of edition: 11    უკუეთუ მომიბოძოს ყრმაჲ ესე ჩემი, გუნბადი აღვაშენო საყოფელად შენდა.
Line of edition: 12    და ვითარცა იგი მწარედ და უწყინოდ ტიროდა პატიოსნისა ჯუარისა წინაშე,
Line of edition: 13    მონქუესვე განიკურნა ყმაჲ იგი მისი და სიხარულით დიდითა წარიყვანა
Line of edition: 14    ყრმაჲ იგი მისი განკურნებული და განცხოველებული და ადიდებდა ღმერთსა.
Line of edition: 15    და მერმე მოვიდა აღთქუმულისა აღსრულებად და ყო მადლისა მიცემაჲ დიდითა
Line of edition: 16    სიხარულითა და გულსმოდგინებითა გუნბადი აღაშენა მცხეთისაჲ. რევის ძემან
Line of edition: 17    წლითი-წლად მოვიდის და აღსრულის მსახურებაჲ პატიოსნისა ჯუარისაჲ. და
Line of edition: 18    მიერ ჟამითგან უფროჲს ხოლო და უმეტჱს მოვიდოდეს სნეულნი მრავალნი და
Line of edition: 19    უძლურნი და განიკურნებოდეს და სიხარულით ადიდებდეს პატიოსანსა
Line of edition: 20    ჯუარსა.
Line of edition: 21       იყო ვინმე ჭაპუკი ერთი და ორნივე თუალინი დადგომილ იყვნეს. მოვიდა,
Line of edition: 22    შეურდა პატიოსანსა ჯუარსა და ევედრებოდა გულსმოდგინედ. და შემდგომად
Line of edition: 23    შჳდისა დღისა აღეხილნეს თუალნი და სიხარულით ადიდებდა ღმერთსა და პატიოსანსა
Line of edition: 24    ჯუარსა.
Line of edition: 25       მერმე დედაკაცი ვინმე იყო ერთი, მარადის გუემული სულითა უკეთურითა,
Line of edition: 26    და ეგოდენ გონებაჲ მიეღო, რაჟამს პატიოსანსა ჯუარსა შეამთხუევედ, სამოსელსა
Line of edition: 27    ჯუარისასა მოაპებნ. და იყო, მეათოთხმეტესა დღესა განიკურნა დედაკაცი
Line of edition: 28    იგი და წარვიდა იგი სიხარულით ფერჴითა თჳსითა და ადიდებდა იგი ღმერთსა
Line of edition: 29    და პატიოსანსა ჯუარსა.
Line of edition: 30       მერმე მისა შემდგომად იყო ვინმე დედაკაცი სხუაჲ, რომელსა ესუა
Line of edition: 31    წული ყრმაჲ ერთი. და მეყსეულად დაწყჳდნა ყრმასა მას და აღიქუა იგი
Line of edition: 32    დედამან მისმან და მიიღო და დადვა იგი წინაშე პატიოსნისა ჯუარსა. და
Line of edition: 33    იდვა ყრმაჲ იგი მწყდარი წინაშე წმიდასა მას პატიოსანსა ჯუარსა დილეულითგან
Line of edition: 34    ვიდრე მწუხრადმდე. ხოლო დედაკაცი იგი ტირილით ილოცვიდა წინაშე პატიოსნისა
Line of edition: 35    ჯუარისა. სხუანი იტყოდეს: მომკუდარ არს ყრმაჲ ეგე, წარიღე და დაჰმარხე,
Line of edition: 36    ნუღარა აწყინებ. ხოლო მან არავე წარიკუეთა სასოებაჲ, არამედ უფროჲსღა
Line of edition: 37    საწყალობელად ცრემლოოდა, ხოლო მწუხრისა ჟამსა ოდენ სულნი უკუნ-იხუნა
Line of edition: 38    და თუალნი აღიხილნა და შემდგომად სამისა დღისა განკურნებული წარიყვანა
Line of edition: 39    იგი დედამან მისმან და ადიდებდა ღმერთსა და პატიოსანსა ჯუარსა.
Line of edition: 40       და ვითარცა იხილეს ყოველთა სასწაული ესე და ნიშენი და კურნებანი
Line of edition: 41    დიდ-დიდნი პატიოსნისა ჯუარისანი, მრავალნი უშვილონი მოვლენედ და ითხოვედ
Line of edition: 42    შვილიერებასა, და შვილითა განძღიან და შესაწირავთა და მადლთა მისცემედ.
Line of edition: 43    არა ხოლო მუნ მოვლენედ, რომელნი მათ ხოლო მიჰმადლებედ თხოვასა, რამედ
Line of edition: 44    მათცა, რომელნი შორს არიედ, გინა თუ ბანაკსა, ღუაწლსა
Page of edition: 347  Line of edition: 1    შინა ხადიედ პატიოსანსა ჯუარსა მცხეთისასა, მუნქუესვე მძლე ექმნის
Line of edition: 2    მტერთა მათ შეწევნითა ქრისტჱსითა და პატიოსნისა ჯუარისაჲთა და დიდითა
Line of edition: 3    სიხარულითა მივიდიან მადლისა მიცემად პატიოსნისა ჯუარისა. მრავალნი
Line of edition: 4    უღმრთონიცა დიდსა ჭირსა შეცჳვიან, ხოლო რაჟამს სარწმუნოებით ხადიედ
Line of edition: 5    პატიოსანსა ჯუარსა მცხეთისასა, მუნქუესვე განერიან და სიხარულით ადიდებენ
Line of edition: 6    პატიოსანსა ჯუარსა, და მოვიდიან სიხარულით და ნათელ-მოიღიან და შეემთხჳნიან
Line of edition: 7    პატიოსანსა ჯუარსა. და სხუანი მრავალნი ჭირსა მრავალსა შეცჳდეს და
Line of edition: 8    ცედრებითა პატიოსნისა ჯუარისაჲთა განიკურნნეს და მრავალნი სნეულნი
Line of edition: 9    პირად-პირადითა სენითა მოვლენედ ვედრებად პატიოსნისა ჯუარისა და განიკურნებიედ
Line of edition: 10    ვიდრე დღენდელად დღედმდე.
Line of edition: 11       და სხუანიცა მრავალნი სასწაულნი იქმნნეს წინაშე პატიოსნისა ჯუარისა
Line of edition: 12    მცხეთისასა ზეცით გარდამო ღმრთისა მიერ, რომელნი არა დაწერილ არიან
Line of edition: 13    წიგნსა ამას. ხოლო ესოდენ დაიწერნეს საქებელად ღმრთისა და სადიდებელად
Line of edition: 14    მორწმუნეთათჳს, და რაჲთა ჩუენნ ყოველნი ვადიდებდეთ მამასა და ძესა
Line of edition: 15    და წმიდასა სულსა, რომლისაჲ არს ძალი და მადლი, პატივი და თაყუანისცემაჲ
Line of edition: 16    აწ და მარადის და უკუნითი უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.