TITUS
Klarjeti Polycephalion
Part No. 36
Previous part

Text: 36 
Page of edition: 352 
Line of edition: 19  პოვნაჲ წმიდათა სამშჭუალთაჲ


Line of edition: 20       ხოლო ნეტარი ელენე დედოფალი სავსე იყო ღმრთისა მიმართ საწმუნოებითა
Line of edition: 21    და იყო წადიერ საღმრთოთა წიგნთა კითხვად, ძუელთა და ახალთა აღთქუმათა
Line of edition: 22    გამოეძიებდა. უფროჲსად შესძინა გულსმოდგინედ ძიებაჲ სამშჭუალთაჲ მათ
Line of edition: 23    ჯუარისათა, რომლითა უკეთურთა ჰურიათა მაცხოვარი შეჰმშჭუალეს. მოუწოდა
Line of edition: 24    იუდას, რომელსა ეწოდა კჳრიაკოს და ჰრქუა მას: ძელისა მისთჳს ჯუარისა
Line of edition: 25    აღესრულა ჩემი წადილი, ხოლო რომელნი-იგი ჯუარისა მას ზედა დამშჭუალნეს
Line of edition: 26    სამშჭუალნი მათნი, გულსა შინა მიც იჭჳ, აწ არა დავსცხრე, ვიდრემდის
Line of edition: 27    მაგისიცა ნებაჲ აღმისრულოს მე ღმერთმან, და შენ შე-ღა-ვე-სძინე და
Line of edition: 28    ევედრე უფალსა მათთჳს.
Line of edition: 29       ხოლო წმიდაჲ კჳრიაკოს ეპისკოპოსი მივიდა თხემისა ადგილსა და ერთბამად
Line of edition: 30    მის თანა ძმანი მრავალნი, რომელნი-იგი უფალსა იესუ ქრისტესა ესვიდეს
Line of edition: 31    ჯუარისა პოვნისათჳს, და მკუდარსა მას ზედა რომელ სასწაული იქმნა, აღიხილნეს
Line of edition: 32    თუალნი თჳსნი ზეცად და ჴელნი ზჱ აღიპყრნეს, იცემდეს მკერდსა, ღაღადებდეს
Line of edition: 33    უფლისა მიმართ გულსმოდგინედ და აღიარებდეს პირველთა მათ უმეცრებათა
Line of edition: 34    თჳსთა და ჰნატრიდა ყოველთა მორწმუნეთა ქრისტჱსთა.
Line of edition: 35       ხოლო ვითარ მყოვარ ჟამ გულსმოდგინედ ილოცვიდა, რაჲთამცა გამოუჩნდა
Line of edition: 36    ეგევითარი რაჲმე ნიში, ვითარცა ჯუარსა ზედა, ეგრეცა სამშჭუალთა. და
Line of edition: 37    აღსრულებასა ოდენ ლოცვისასა, ვითარმცა თქუა ოდენ ამენ და იყო ესევითარი
Line of edition: 38    ნიში, რომელ-იგი ყოველთა მათ თანამდგომთა იხილეს: ნათელი ელვარჱ ადგილსა
Line of edition: 39    მას გამობრწყინდა, სადაცა პატიოსანი ჯუარი იპოვა, რომელი ყოველთა შეუორგულებელად
Line of edition: 40    გურწმენა და ვთქუთ: აწ გჳცნობიეს, რომლისა მიმართცა გურწმენა.

Page of edition: 353 
Line of edition: 1       და მეყსეულად გამოჩნდეს სამშჭუალნი იგი, რომელნი-იგი უფლისა
Line of edition: 2    იესუჲს ჴელთა და ფერჴთა დამშჭუალულ იყვნეს, უბრწყინვალჱს ოქროჲსა,
Line of edition: 3    ქუეყანასა ზედა. მოიხუნა იგინი იუდა და მიართუნა ელენე დედოფალსა.
Line of edition: 4       მაშინ მუჴლთმოდრეკით თაყუანის-სცა მათ დედოფალმან. აღივსო სულითა წმიდითა
Line of edition: 5    დედოფალი იგი და გულსმოდგინედ სამშჭუალთა მათთჳს განიზრახვიდა, რაჲთამცა
Line of edition: 6    რაჲ ყვნა სამშჭუალნი იგი. ხოლო შე-ვეღა-სძინა სიმართლისა გზაჲ გამოკულევად,
Line of edition: 7    და მადლმან სულისა წმიდისამან გულისხმა-უყო გონებასა მისსა წინაჲსწარ
Line of edition: 8    მრავლით ჟამით უწყებული იგი. მოუწოდა კაცსა ერთსა სარწმუნოსა და გონიერსა
Line of edition: 9    მჭედელსა, რომელი წინაჲსწარვე მართლად წოდებულ იყო მრავალთაგან, და
Line of edition: 10    ჰრქუა მას: დაჯედ აქა, წინაშე თუალთა ჩემთა და შექმნენ სამშჭუალნი
Line of edition: 11    შუვად აღჳრთა ჰუნისათჳს მეფისა, რაჲთა იყოს ისრისა ჭურ ყოველთათჳს
Line of edition: 12    მტერთა ძლევად მის მიერ მეფჱ დასამშჳდებელად ბრძოლისა, რაჲთა აღესრულოს
Line of edition: 13    თქუმული იგი წინაწარმეტყუელის მიერ: "და იყოს, მას დღესა შინა, რომელი
Line of edition: 14    აღჳრთა ზედა ცხენისათა იყოს, წმიდა უფლისა წოდებულ იყოს".
Line of edition: 15       ხოლო ღმრთისმოყუარჱ ჰელენე დედოფალი სარწმუნოებითა უფლისა ჩუენისა
Line of edition: 16    იესუ ქრისტჱსითა განმტკიცებულ იყო იერუსალჱმს შინა. ყოველივე აღასრულა,
Line of edition: 17    დევნულებით ჰურიანი განასხნა, რომელნი-იგი ურწმუნო იქმნნეს და განიდევნნეს
Line of edition: 18    ჰურიასტანით. და ღმრთისმოყუარემან დედოფალმან ამცნო მამათა და დედათა
Line of edition: 19    აღსრულებად დღესასწაული პატიოსნისა ჯუარისაჲ თთუესა ვარდობისასა, მეათესა
Line of edition: 20    დღესა და რომელნი ჰყოფდეს დღესასწაულსა ჯუარისასა, ღირს იქმნენ ზეარ-ყოფად
Line of edition: 21    ნაწილსა მარიამისსა.
Line of edition: 22       და მადლი დიდი მოეცა წმიდასა მას ეპისკოპოსსა, რამეთუ ლოცვითა
Line of edition: 23    მისითა გუნდი ეშმაკთაჲ განასხა და სნეულნი განკურნნა.
Line of edition: 24       ხოლო აღესრულების საჴსენებელი ჯუარისაჲ თთუესა ვარდობისასა ორსა
Line of edition: 25    და სამ წლისა ამაღლებისა შემდგომად სადიდებელად მამისა და ძისა, წმიდისა
Line of edition: 26    სულისა აწ და მარადის და უკუნითი უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.