TITUS
Klarjeti Polycephalion
Part No. 45
Previous part

Text: 45 
Page of edition: 385 
Line of edition: 8  გ̂ საკითხავი, თქუმული იოვანე მთავარეპისკოპოსისაჲ კოსტანტინეპოვლელისაჲ,
Line of edition: 9  სამეოცდაათთა მათთჳს მოცუქულთა უფლისათა


Line of edition: 10       დოროთეოზ ეპისკოპოსისა ტჳრელისაჲ, დაძუელებულისა კაცისაჲ, სულითა
Line of edition: 11    შემოშილისა და მოწამეყოფილისაჲ ჟამთა, ივლიანოზ მეფისათა, ესე პირველმოჴსენებული
Line of edition: 12    დიდად განთქმული კაცი, ერთად აღწერილი დაუტევა ჰრომაელებრი და ბერძული,
Line of edition: 13    რამეთუ სხუათაცა ენათა სწავლულ იყო და მრავლად მოსწავლე ყოფილ ჴელითა
Line of edition: 14    კეთილად მსახურებისაჲთა. შემდგომად სიკუდილისა დიოკლიტიანჱსისა, ლიკიანჱსიჲსა
Line of edition: 15    დაიპყრა მანცა თჳსი იგი სამკჳდრებელი მწყემსობით ტჳრელთა სამწყსოისა
Line of edition: 16    ვიდრე ივლიანესადმდე მძლავრისა. და არა თუ თჳთ ცხადად, არამედ ფარულად
Line of edition: 17    ჴელითა მთავართაჲთა ივლიანოს მოსწყუედდა ქრისტეანთა. მერმე კუალად
Line of edition: 18    დორეთიოზ მიიწია ედესელთა ქალაქად, სადაცა-იგი შეპყრობილ იქმნა ივლიანოსის
Line of edition: 19    მთავართა მიერ და მრავალი გუემაჲ იტჳრთა სიღრმესა მოხუცებულებისა მისისა
Line of edition: 20    ქრისტჱს მიერ აღსაარებისათჳს. გუემითა აღსრულებული მოკუდა, ას და შჳდისა
Line of edition: 21    წლისაჲ რაჲ იყო.
Line of edition: 22       მაშინ მერმე მოხუცებულმან დიდმან ერთად აღწერილი ჩუენ საეკლესიოჲ
Line of edition: 23    დაგჳტევა, რომლისათჳსცა სამეოცდაათთა მათთჳს მოწაფეთა მაცხოვრისათა
Line of edition: 24    სათხრობელად აღწერა და ვითარცა ვინ სად, თითოეულთა წინაწარმეტყუელთა
Line of edition: 25    და მოციქულთა ცხორებაჲ აღასრულეს. და პირველად სამეოცდაათთა მათთჳს
Line of edition: 26    მოწაფეთა მათსა იტყოდა ყოფად, რომელთაგანცა მრავალნი ეპისკოპოსნი მათგანნი
Line of edition: 27    ადგილ-ადგილ იქმნნეს ქალაქთა შინა, რომელთაცა საღმრთოჲ იგი მოციქული
Line of edition: 28    კითხვათა მათ მისთა აჴსენებს. რამეთუ შემდგომად ჴსენებისა ჩუენისა
Line of edition: 29    აღდგომისა მკუდრეთით ყოველთა მათ მოქცევასა აჩუენებს და მოციქულთა
Line of edition: 30    შერთვასა ძალთაცა სახელის წოდებასა აჩუენებს თქუმით ესრჱთ: იაკობ,
Line of edition: 31    ძმაჲ უფლისაჲ და პირველი ეპისკოპოსი იერუსალჱმს, თჳთ უფლისაგან
Line of edition: 32    კურთხეული.
Line of edition: 33       კლეოპა, ნათესავ-მოდგამი უფლისაჲ და მეორჱ ეპისკოპოსი იერუსალჱმს,
Line of edition: 34    რომელმანცა იხილა იგი შემდგომად ადგომისა მისისა მკუდრეთით.
Line of edition: 35       მატათია, რომელმან აღავსო რიცხჳ იგი ათორმეტთა მოციქულთაჲ.
Line of edition: 36       თადეოს, რომელმან წიგნი იგი ავგაროსს მიართუა ედესად და განკურნა
Line of edition: 37    სენი იგი და ყოველი უძლურებაჲ მისი.
Line of edition: 38       ანანია, რომელმანცა ნათელ-სცა წმიდასა პავლეს დამასკოს და შემდგომად
Line of edition: 39    რამოდენისამე ჟამისა ეპისკოპოს იქმნა დამასკეს...

Page of edition: 386 
Line of edition: 1       ...ლინა, რომელი შემდგომად პეტრე მოციქულისა ჰრომს იქმნა
Line of edition: 2    ეპისკოპოს.
Line of edition: 3       გაიოს, რომელსა მოციქული აჴსენებს, რომელი ეპისკოპოს იქმნა ეფესოს
Line of edition: 4    შემდგომად ტიმოთესა, მოწაფისა პავლჱსისა.
Line of edition: 5       ფილიოლოგე, რომლისათჳს მასცა მოაჴსენებს მოციქული, რომელი ეპისკოპოს
Line of edition: 6    იქმნა ანდრეა მოციქულისაგან სინოპს.
Line of edition: 7       პოლონპოს.
Line of edition: 8       როდიოს, რომლისათჳს მათცა მოციქული აჴსენებს, რომელთა პეტრეს
Line of edition: 9    თანა მოციქულისა ნერონის მიერ კეისრისა ჰრომს თავი წარეკუეთა.
Line of edition: 10       ლუკა, რომლისათჳს მისცა ჰრომაელთა წიგნსა აჴსენებს, რომელი ეპისკოპოს
Line of edition: 11    იქმნა ლავრიკიას ასურეთისასა.
Line of edition: 12       სოსიპატროს, რომლისათჳს მასცა პავლე მოციქული აჴსენებს ჰრომაელთასა,
Line of edition: 13    რომელი ეპისკოპოს იქმნა იკონიელთასა.
Line of edition: 14       იოსან, რომელსა მოციქული აჴსენებს წიგნსა შინა, რომელი ეპისკოპოს
Line of edition: 15    იქმნა ხარსონს.
Line of edition: 16       ტერენტიოს, რომელმან ჰრომაელთაჲ იგი დაწერა წიგნი, რომელი ეპისკოპოს
Line of edition: 17    იქმნა მეორედ იკონიას შინა.
Line of edition: 18       ერასტოს, რომლისათჳს მასცა აჴსენებს მასვე წიგნსა, რომლისათჳს
Line of edition: 19    მგულებელცა იერუსალჱმს იქმნა ეკლესიასა და მერმე ეპისკოპოს იქმნა პანდიას.
Line of edition: 20       კუარტოს, რომელისათჳს მასცა აჴსენებს მასვე წიგნსა შინა, რომელი ეპისკოპოს
Line of edition: 21    იქმნა ბივრიტოს.
Line of edition: 22       აპოლო, რომლისა სახელსა კორინთელთა პირველსა წიგნსა აჴსენებს
Line of edition: 23    მოციქული, რომელი ეპისკოპოს იქმნა კესარიას.
Line of edition: 24       კეფას, რომელსა მოციქულმან პავლე ანტიოქიას ამხილა, რომელი ეპისკოპოს
Line of edition: 25    იქმნა იკონიას.
Line of edition: 26       სოსთინე, მასცა აჴსენებს მოციქული, რომელი ეპისკოპოს იქმნა კოლონფონიას
Line of edition: 27    შინა.
Line of edition: 28       ტჳქიკოს, რომლისათჳს მასცა მოციქული აჴსენებს, რომელი ეპისკოპოს
Line of edition: 29    იქმნა მუნვე კოლონფონიას შინა.
Line of edition: 30       ეპაფროდიტე, რომელსა მოციქული აჴსენებს, რომელი ეპისკოპოს იქმნა
Line of edition: 31    დორაქსს.
Line of edition: 32       კესარ, რომელსა მოციქული აჴსენებს, რომელი ეპისკოპოს იქმნა ადრიას.
Line of edition: 33       მარკოზ თანანათესავი, რომელი ეპისკოპოს იქმნა პოლინადას.
Line of edition: 34       ისე, რომელსა ეწოდა იოსტოს, რომელსა აჴსენებს მოციქული, რომელი
Line of edition: 35    ეპისკოპოს იქმნა პისტროსს.
Line of edition: 36       არტემა, რომლისათჳს მასცა აჴსენებს მოციქული, რომელი ეპისკოპოს
Line of edition: 37    იქმნა ელევთეროპოვლის შინა.
Line of edition: 38       კლემენტოს, რომლისათჳს მასცა იგივე მოციქული აჴსენებს, და იტყჳს
Line of edition: 39    კლემენტოჲთურთ და საქმის მოდგამით ჩემთაჲთურთ, რომელისაცა ნათესავთა
Line of edition: 40    შორის წარმართთასა პირველად ჰრწმენა ქრისტჱ, რომელიცა მერმე ეპისკოპოს
Line of edition: 41    იქმნა სარდიკიას.
Line of edition: 42       ონესიფორე, რომლისათჳს მასცა აჴსენებს მოციქული, რომელი ეპისკოპოს
Line of edition: 43    იქმნა კორონოს ქალაქსა შინა.

Page of edition: 387 
Line of edition: 1       ტჳქიკოს, რომლისათჳს მოციქული აჴსენებს, რომელი ეპისკოპოს იქმნა ქალკიდონს
Line of edition: 2    ბითჳნიაჲსასა.
Line of edition: 3       კარპოს, რომელი ეპისკოპოს იქმნა ებერიას შინა არაკელისასა.
Line of edition: 4       ევდიოს, რომელი პირველ ეპისკოპოს იქმნა პეტრჱს მიერ ანტიოქიას
Line of edition: 5    შინა დედაქალაქსა.
Line of edition: 6       არისტაქოს, რომელსა მოციქული აჴსენებს, რომელი ეპისკოპოს იქმნა
Line of edition: 7    აპამიას ასურეთისასა.
Line of edition: 8       მარკოზ, რომელსა იოვანეცა ეწოდა, რომელსა ლუკაცა საქმესა მოციქულთასა
Line of edition: 9    აჴსენებს, რომელი ეპისკოპოს იქმნა ბაბილონსა.
Line of edition: 10       ზენან შჯულის მწერალი, რომელი ეპისკოპოს იქმნა დჳოსპოლიას.
Line of edition: 11       ფილემონ, რომლისა წიგნი იგი მიწერა მოციქულმან, რომელი ეპისკოპოს
Line of edition: 12    იქმნა გაზას შინა ქალაქსა.
Line of edition: 13       არისტაქოს, კებოდი, ტროფიმოს _ ესე სამნივე ყოველთა მათ დევნათა
Line of edition: 14    მოციქულთა თანა იჭირვოდეს, აღესრულნეს ჰრომსვე მოციქულისა თანა, ნერონის
Line of edition: 15    კეისრისა მიერ თავი წარეკუეთა.
Line of edition: 16       ესე ყოველნი წმიდანი მოციქულნი სამგზის სანატრელმან და ყოვლითა
Line of edition: 17    შუენიერებითა სავსემან დორეთიოზ, ჰრომსა შინ მყოფმან, ჴელითა ჰრომაელებრ
Line of edition: 18    მეტყუელებითა მოსაჴსენებელთა დაუცვა, რომლისათჳს ჩუენ გარდავცვალეთ
Line of edition: 19    განმარტებით ბერძენთა ენად. საცნაურად ყოველთა ყავთ სამეოცდაათთა მათ
Line of edition: 20    მოწაფეთაჲ წესი და სარწმუნოებაჲ, ჭეშმარიტებით ესე შეიწყნარეთ, რამეთუ
Line of edition: 21    მოციქულიცა პავლე მიწერით ამათთჳს იტყოდა, თუ რომელნი იგი პირველ ჩემსა
Line of edition: 22    იყვნეს მოწაფენი უფლისანი, ესე ყოველნი ეპისკოპოსნი არიან, რომელთა
Line of edition: 23    სახარებაჲ იგი ქრისტჱსი ყოველსა სოფელსა მიჰფინეს.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.