TITUS
Klarjeti Polycephalion
Part No. 46
Previous part

Text: 46 
Page of edition: 387 
Line of edition: 24  დიდი იგი დორეთიოზ მოაჴსენებს ათორმეტთა მათცა მოციქულთა უწყებითა,
Line of edition: 25 
თუ სადა მათგანმან ვინ ქადაგა ქრისტესთჳს


Line of edition: 26       პეტრე გალიას და შუვა გალიას, პონტოს და ყოველსა კაბადუკიასა
Line of edition: 27    
და ბითჳნიასა ქადაგებდა სახარებასა მას შემდგომად მოქცევისა მისისა
Line of edition: 28    
ანტიოქიაჲთა, მერმე ყოველსა იტალიასა და ჰრომსა ქადაგებდა, რომელიცა
Line of edition: 29    
ნერონისგან ჯუარს-ეცუა, მუნვე, ჰრომს, დაფლულ არს უპირადჱს სამისა
Line of edition: 30    
მის კალანდისა ივლისისასა.
Line of edition: 31       
ანდრეა, ძმაჲ მისი, ყოველთა ზღჳს კიდეთა ბითჳნიაჲსათა და პონტოჲსათა,
Line of edition: 32    
თრაკთასა და სკჳთელთასა მოვლო და ქადაგებდა უფალსა. შემდგომად მისა
Line of edition: 33    
წარვიდა სებასტიელთა ქალაქსა მას დიდსა, სადა ბანაკი იგი იყო აფსარელთაჲ,
Line of edition: 34    
და ფასისი მდინარჱ, სადა-იგი უშინაგანჱსნი ეთიოპელთანი დამკჳდრებულ
Line of edition: 35    
არიან. ხოლო დაეფლა პალატარას აქაელთასა, ჯუარს-ეცუა თხისის მოქმედისა
Line of edition: 36    
მიერ.
Line of edition: 37       
იაკობ ზებედესი შემდგომად ქადაგებისა მის ქრისტჱსისა ათორმეტთა
Line of edition: 38    
მათ ნათესავთა ისრაჱლისათა მოიკლა ჰეროდესგან, ოთხთა სამთავროთა მთავრისა
Line of edition: 39    
კესარიას პალესტინისასა.
Line of edition: 40       
იოვანე, ძმაჲ მის, რომელმანცა სახარებაჲ დაწერა, ეფესოს ქადაგა
Line of edition: 41    
ქრისტჱ და ტრაინასოსის მიერ მეფისა პატმოს ჭალაკად სიტყჳსა მისთჳს
Page of edition: 388  Line of edition: 1    
ქრისტჱსისა განჴდილ იქმნა. და მერმე აღმაღლებაჲ ჴორცთა მისთაჲ განითქუა
Line of edition: 2    
ენუქის და ელიაჲს თანა, აწცა ჴორცთა შინა ყოფასა იტყჳან.
Line of edition: 3       
ფილიპე მოციქულმან ფრიგჳას ქადაგა სახარებაჲ იგი და დაეფლა იერაპოლისს
Line of edition: 4    
თანა შჳდით ასულით მისითურთ, რომელნიცა ლუკა მახარებელმან საქმესა
Line of edition: 5    
მოციქულთასა მოაჴსენნა.
Line of edition: 6       
ბართლომე მოციქულმან ჰინდოთა მათ, "წოდებულთა მდიდრად", უქადაგა
Line of edition: 7    
ქრისტჱ და მისცა მათ მათჱს სახარებაჲ და დაიძინა ურბანას ქალაქსა შინა
Line of edition: 8    
დიდსა სომხითისასა.
Line of edition: 9       
თომა მოციქულმან პართელთა და გერმანელთა და ივრკანელთა და პატრელთა
Line of edition: 10    
და მოგუთა უქადაგა სახარებაჲ იგი ქრისტჱსი, აღესრულა ქალაქსა ჰინდოთასა,
Line of edition: 11    
რომელ ეწოდების კათამიტელთაჲ.
Line of edition: 12       
მათე მახარობელმან ებრაელთა ჴმითა სახარებაჲ იგი ასწავა, იერუსალჱმელთა
Line of edition: 13    
ეკლესიასა უქადაგა ქრისტჱ, აღესრულა იეროპოლისს ასურეთისასა.
Line of edition: 14       
იუდა იაკობისმან ყოველსა შუვამდინარესა უქადაგა ქრისტჱ, აღესრულა
Line of edition: 15    
ედესას და მუნვე დაეფლა.
Line of edition: 16       
სიმონ, რომელსა ეწოდა იუდა, ელევთერეპოლილს და გაზას ვიდრე ეგჳპტედმდე
Line of edition: 17    
ქადაგა ქრისტჱ, დაეფლა უსტრაკას, ქალაქსა ეგჳპტელთასა, ჯუარცუმული
Line of edition: 18    
ტრიანოსისგან მეფისა.
Line of edition: 19       
მატათია, რომელი შერაცხილ არს ათომეტთა მათ ნაცვალად იუდაჲსა,
Line of edition: 20    
პირველსა ეთიოპისასა ქადაგა ქრისტჱ, აღსერულა და დაეფლა მუნვე.
Line of edition: 21       
სიმონ მოშურნემან ყოველთა მავრიტიანთა და აფრიკიელთაჲ ქუეყანაჲ
Line of edition: 22    
მოვლო და ქადაგა ქრისტჱ. მერმე ბრეტანიას ჯუარ-ეცუა და მათგან აღესრულა
Line of edition: 23    
და მუნვე ქუეყანასა მათსა დაეფლა.
Line of edition: 24       
ესე ჩუენ დორეთიოს საწარმართოჲსაგან და ებრაელებრისა ერთად შეკრებული
Line of edition: 25    
მოგუცა ჰრომაელებრითა წერილითა, რომელი ჩუენ, ვითარცა საჴმარი და ადვილად
Line of edition: 26    
შესაწყნარებელი, ერთად შეკრებული საცნაურ ყოველთა ვყავთ და მადლი მივეცით
Line of edition: 27    
ღმერთსა, რომლისაჲ არს დიდებაჲ უკუნითი უკუნისამდე.
Line of edition: 28    
ამენ.


Next part



This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.