TITUS
Mamata scavlani
Part No. 63
Previous part

Text: 63._Makar._Verba_II  
Page of edition: 313  
Line of edition: 23   კუალად ჰკითხეს მას: რაჲსთჳს რომელთა გემოჲ იხილეს *
Line of edition: 24   ზეცისა სიტკბოებისაჲ და არა განძღეს მისგან


Line of edition: 25        მიუგო ბერმან და ჰრქუა: ღმერთმან უწყნის უძლურებანი კაცთანი,
Line of edition: 26     ვითარმედ მსწრაფლ აღზუავნების. ამისთჳს დააყენის მადლი მისი
Line of edition: 27     მათგან და მიუტევის შრომად კაცი. და ოდესმე მცირედ მიიღის კაცმან
Line of edition: 28     მადლისაგან და ვერვინ შემძლებელ არნ მისა წინა-დადგომად სიქადულისა და ზუაობისაგან.

Line of edition: 29        ვითარ უკუეთუმცა განძღა, ვინმცა შეუძლო მიახლებად მისა, არამედ
Line of edition: 30     ღმერთმან ცნა უძლურებაჲ კაცისაჲ და იგი განაგებს დღეთა ჩუენთა მრავლითა
Line of edition: 31     განსაცდელითა, რაჲთა არა ავმაღლდეთ, არამედ მარადის მდაბალ ვიყვნეთ და
Line of edition: 32     ვეძიებდეთ შეწევნასა მისსა. ვითარცა კაცმან შიშუელმან და გლახაკმან
Line of edition: 33     პოვა პაჲვასიკი სავსე ოქროჲთა, და სიხარულითა და ზუაობითა იწყო
Line of edition: 34     ღაღადებად, ვითარმედ: ვპოვე მე ოქროჲ დიდძალი, და მე ამიერითგან მდიდარ
Line of edition: 35     ვარ, ესმამცა ესე უფალსა მის პაჲვასიკისასა და მივიდა და მოუღო იგი
Line of edition: 36     მისგან, და დაშთა იგი მწუხარებასა და სიგლახაკესავე შინა თჳსსა.

Line of edition: 37        და კუალად სხუაჲ მდიდარი განლაღებულ იქმნა და იწყო ყოველთა
Line of edition: 38     გინებად და შეურაცხებად და წუნობად ყოვლეთა კაცთა. ესმა მისთჳს მეფესა,
Page of edition: 314   Line of edition: 1     მიავლინა და წარიღო ყოველი საფასე მისი და მონაგები, და
Line of edition: 2     იქმნა იგი ყოველთა კაცთა უმდაბლეს არა ნებსით. ესრეთვე მადლისაგან *
Line of edition: 3     ღმრთისა ოდესმე მიიღის კაცმან მცირედ და ვერ შეუძლის გონიერად პყრობაჲ მისი,
Line of edition: 4     არამედ მუნთქუესვე აღზუავნის და წარწყმდის მადლი იგი მისგან. კაცი ნებსით თჳსით იქმს
Line of edition: 5     კეთილსა და ნებსით თჳსით იქმს ბოროტსა. არნ ოდესმე და კაცმან
Line of edition: 6     შერაცხილმან და მთავართა ნაშობმან და დიდებულმან მონაგებითა ნებსით დაუტევის *
Line of edition: 7     სიმდიდრე თჳსი და სიგლახაკე აღირჩიის ღმრთისათჳს, და უნდოჲთა და
Line of edition: 8     შეურაცხითა სამოსლითა შეიმოსის და მისცის თავი თჳსი სიმდაბლესა და
Line of edition: 9     შეურაცხებასა კაცთაგან პატიოსნებისა მის წილ პირველისა, და ეგრეთვე
Line of edition: 10     რომელთამე მისცნიან თავნი თჳსნი ნებსით ბოროტისა საქმესა და
Line of edition: 11     მრავალსა უსახურებასა და უბადრუკებასა, და ესრეთ აღასრულნიან დღენი მათნი.

Line of edition: 12        ჯერ-არს მონაზონისა, რაჲთა განუშორებელად აქუნდეს შიში ღმრთისაჲ
Line of edition: 13     გულსა თჳსსა სარწმუნოებითა შეუორგულებელითა. ესევითარი არაოდეს
Line of edition: 14     დაბრკლოლდეს. მრავალნი კაცთაგანნი ევედრნეს ღმერთსა, და განუღო მათ
Line of edition: 15     კარი წყალობისაჲ და სენი იგი დაუნჯებული, და სიხარულით იწყეს
Line of edition: 16     ღაღადებად: საფასე გჳპოვნიეს; და ვითარცა მცირედ უდებ იქმნნეს, მიიღო
Line of edition: 17     მათგან საფასე იგი, და გამოისხნეს მიერ. მაშინ იწყეს მწუხარებით
Line of edition: 18     ბრალობად თავთა მათთა და იტყოდეს: ვაჲ ჩუენდა, რამეთუ ვპოეთ საფასე და
Line of edition: 19     უდებებითა ჩუენითა კუალად წარვწყმიდეთ იგი.

Line of edition: 20        კაცმან ვინმე დიდებულმან მთავართა შვილმან, მდიდარმან ფრიად,
Line of edition: 21     განყიდა ყოველი მონაგები თჳსი და განუყო გლახაკთა და განათავისუფლნა
Line of edition: 22     მონანი თჳსნი და შეურაცხ-ყო სოფელი ესე და ყოველნი საქმენი მისნი,
Line of edition: 23     რამეთუ იყო იგი ბრძენ და მეცნიერ. და მცირედ შემდგომად შეჰრაცხა თავი
Line of edition: 24     თჳსი დიდსა საქმესა მიწევნად და აღზუავნა და შთავარდა იგი მთხრებლსა ბოროტსა
Line of edition: 25     დამწჳრისა სიმყრალესა. და სხუამან კაცმან მისცა თავი თჳსი
Line of edition: 26     ღუაწლსა წამებისასა და გუამი მისი მრავალთა სატანჯველთა. და შემდგომად
Line of edition: 27     მისა განჴდა სახელი მისი, ვითარმედ: ძლიერ არს იგი, და რამეთუ წარბნი
Line of edition: 28     და წამწამნი მისნი მოეწუნეს ცეცხლითა ტანჯვასა მას შინა უშჯულოთა მიერ.
Line of edition: 29     მაშინ იდიდებოდა იგი კაცთაგან და პატივ-სცემდეს მას მრავალნი ლოცვისა დაწყებასა.
Line of edition: 30     მაშინ აღზუავნა და უდებ იქმნა იგი და გონებაჲ მისი განშორებულ
Line of edition: 31     იქმნა ღმრთისაგან, და დაეცა იგი, ვიდრემდის ვერ შემძლებელ იყო სმენად
Line of edition: 32     სიტყუასა საღმრთოსა, და წარწყმდა.

Page of edition: app.A  
Line of edition: n.313,23     და კუალად D ^
Line of edition: n.314,2     ნეფსით D ^
Line of edition: n.314,6     ნეფსით D ^



Next part


This text is part of the TITUS edition of Mamata scavlani.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.