TITUS
Megrelian Texts ed. Danelia-Canava
Part No. 14
Previous part

Text: 14  
Page of edition: 202  
Line of edition: 17 
XIV. ალექსანდრე დო დავითიშ არიკი


Paragraph: 1  
Line of edition: 18    ორდჷ ართი ჩილი დო ქომონჯი, ხანიშა მიშულირი. ჸუნდჷ სუმი ქომოლსქუა.
Line of edition: 19    ორდეს დარიბო. მირაგადუ̄ თე ბოშენქ, ფარაშ ოშიბუშა მიდართესკონ.
Line of edition: 20    დოჭვეს ჭკიდი, ორზოლი, ეყარეს დო მიდართეს. იდეს ამუდღა,
Line of edition: 21    ჭუმე, ვითოხუთის, ეჩი დღას. ქიმერთეს, სუმი შარა იკართუნ ფერ დიხაშა,
Line of edition: 22    სოდეთ თაქ ხოლოს კოჩი ვახორანსჷნი. ათე შარას დუს გილაშქუდჷ სუმი
Line of edition: 23    სტოლბა, სუმი შარას -- სუმი სტოლბა გილაშქუდჷ.

Paragraph: 2  
Line of edition: 24    -- პირველ შარაშა იდასჷნ, თი კოჩქ ქონება ქეშიძინასია ძალამ. -- მუკოჭარუდჷ
Line of edition: 25    თექ სტოლბას. -- მაჟია შარაშა იდასჷნ, თიქ ხოლო დიდ ქონება ქეშიძინასია.
Line of edition: 26    ათე მასუმა შარაშა იდასჷნ, თი კოჩქ ვი მიდართას დო აშო ვა
Line of edition: 27    დირთასია.

Paragraph: 3  
Line of edition: 28    უნჩაში ჯიმას ჯოხო, ჩქიმი პატონი ექჷნი, ალექსანდრე, ოშქარ ჯიმას
Line of edition: 29    ჯოხო, ჩქიმი პატონი ექჷნი, დავითი; უკულაში ჯიმას ჯოხო გიორგი. ათე
Line of edition: 30    დავითი დო ალექსანდრექ მიდართჷ ათე ჯგირი შარეფიშა, სოლე ჯგირი
Line of edition: 31    მიკოჭარუნ თეურე. ათე გიორგიქ მიდართჷ ათე გლახა შარაშე. გიორგიქ
Line of edition: 32    დუ̄ჩინჷ ალექსანდრე დო დავითის:

Paragraph: 4  
Line of edition: 33    -- მიდგაქ ადრე მიკორთას თე შარას დო დირთას ჸუდეშან, თიქ
Line of edition: 34    ქიმკაჭარას თე შარას, მუჭ ო მა მიდაფრთი ჸუდეშან, თენა.

Paragraph: 5  
Line of edition: 35    ათაქ გამეშვიდებჷ ართიანს თენენქ დო გიორგიქ მიდართჷ ათე გლახა
Line of edition: 36    შარაშე. იდჷ, ბრელი მიდართჷ დო ქაუხვადჷ ართი ქოხის. სოდეთ ათაქ
Line of edition: 37    ცხოვრენს ართი მოხუცებული ოსური. ქიმერთჷ ათე მოხუცებული ოსურის
Page of edition: 204   Line of edition: 1    ჸუდეშა დო ოჭკომალი თხუ̄. თე ოსურქ ოჭკომალ ქოჩჷ თეს. უკული შეკითხჷ:
Line of edition: 2    -- ათე შარა სოიშა მეურსია?

Paragraph: 6  
Line of edition: 3    -- ათე შარასია, მიდურქია ართი ვერსი დო გვერდისჷნ, ეთექ რენია
Line of edition: 4    ვითოჟირი ჯიმა ნდემი. ვითოჟირი სართულიანი ჸუდე გეუდგუნია, ზაბორი
Line of edition: 5    გუჸუნსია დო კარი გილაბუნია თის, ვითოჟირი ჯიმა ართო ქუმურს და
Line of edition: 6    ვარა მუთუნ კოს ვაგა̄ჯე ინან ფერია. ჸუნანია ართი და.

Paragraph: 7  
Line of edition: 7    გიორგიქ უწუ̄: თენა ჸოფე ჩქიმი საქმევა. გამეშვიდებჷ თე ოსურს დო
Line of edition: 8    დუ̄ჩინჷ სიტყვა: თუთაშა დიფრთუქია დო ქჷდოფხვადია.

Paragraph: 8  
Line of edition: 9    გიორგიქ ქემერთჷ ათე დემიშ ოჯახიშა. ათე ვითოჟირი ჯიმა ონჯანსჷნ,
Line of edition: 10    ათე კარი გიორგიქ ხვალე განჯჷ. მინი̄ლჷ ჸუდეშა. თაქ ათე ძღაბიქ უწუ̄: --
Line of edition: 11    უჯგუშიე, მიდართ" ვარა ჩქიმი ჯიმალეფი ქჷმურს დო დორჸვილუნსია, --
Line of edition: 12    უწუ̄.

Paragraph: 9  
Line of edition: 13    გიორგიქ უწუ̄, ნამუდა: -- ეგება მა დოპილევე ვიშო. დიორდე ბძირათია
Line of edition: 14    თენავა, -- უწუ̄.

Paragraph: 10  
Line of edition: 15    გიშელჷ ჭიჭე ხანქ დო ქჷმორთჷ ართი ნდემქ, ართი ჯიმა ნდემქ.

Paragraph: 11  
Line of edition: 16    წ, კიდჷ გიორგიქ დო გიორგიქ თე ვითოჟირი ჯიმა ნდემი დოჸვილჷ არძა.
Line of edition: 17    ქოდოსქიდჷ გიორგი დო თე ძღაბიქ ხვალე თე ჸუდეს. ათე ძღაბიქ, მუ
Line of edition: 18    რაგადი ოკო, ოსერსე ქოჩჷ გიორგის, ქოდა̄რჩჷ დო ართ კრაოტის ქჷდინჯირჷ
Line of edition: 19    ჟირხოლოქ. გიორგიქ ელენწყჷ ლეკური დო შქას ქაშადჷ ძღაბ დო
Line of edition: 20    მუშწკუმა. ათაშქორდეს თენეფი ართ მარას თაქი. ათე შარა, ნამ შარას გიორგი
Line of edition: 21    გეჸუნდუნი, ათენა ხოლო მეურს ვიშო, თაქ გინმურს თე ოზეს დო,
Line of edition: 22    გიორგიქ შვკირხჷ თე ცირას:

Paragraph: 12  
Line of edition: 23    -- სოიშა მეურსია ათე შარა?

Paragraph: 13  
Line of edition: 24    ათე ცირაქ უწუ̄ გიორგის:

Paragraph: 14  
Line of edition: 25    -- ართი ვითი ვერსის მიდურქიენ, თექ ცხოვრენსია ნდემიში სქუა,
Line of edition: 26    ცირა, ნამუთ უღუნია თის მარგატელი, ათაშ დუწკანტუანსჷნ, კოს დუს
Line of edition: 27    მეჭკირუნსია ხათე. თი ძღაბის ოზეს გუჸუნსია სუმოშ სუმონეჩი მასარი,
Line of edition: 28    არძას კოჩიში დუდი მოგჷნია მასარს, ართიშ მვტის; სი ქემურქუნ, დორჸვილუნს
Line of edition: 29    სი ხოლო თეშ დო ეთექ ქჷმგოგანსია მასარს. ვედა, უჯგუშიე სქანოვა.
Line of edition: 30    გიორგიქ უწუ: -- ათენა ჸოფე ჩქიმი საქმევა, -- თე ძღაბის ვადუჯერჷ
Line of edition: 31    დო მიდართჷ.

Paragraph: 15  
Line of edition: 32    თე ძღაბიშ ჸუდეს რე დიდი ოქროულობა დო დუჩინჷ: -- თუთაშა დიფრთუქ
Line of edition: 33    დო ბარგი კირილო ქჷდმოხვამილევა. გიორგიქ მიდართჷ დო ქიმერთჷ
Line of edition: 34    თე ძღაბიშ ჸუდეშა. ჭიშკარიშა ქიმერთჷნ, დასურო ქჷმოგჷ დუდეფი,
Line of edition: 35    მუჭო თე ზღაბიქ უწუ̄ნ, თეშ. მარა ჭიშკარი გა̄ნჯუ დო მინი̄ლჷ ვიშო, წჷმა̄ჯინუნ,
Line of edition: 36    ათე აბარწას, ბალკონს, ძღაბი გიტარას მითქა̄განს. ძღაბიქ
Line of edition: 37    მიკა̄ჯინუნჷ:

Paragraph: 16  
Line of edition: 38    -- ენა ორე მიდგარენ შორიშ კოჩი, დიო დევერაგადებუქია, უკული მეპკვათჷ
Line of edition: 39    დუსია. -- იფიქრჷ. გიორგიქ ეშელჷ ბალკონიშა. ზალაში სტოლს,
Line of edition: 40    ნამუ მარგატელი უღუდჷ თე ცირასჷნ, სტოლს ქიგეძჷ თენან ქოძირჷ გიორგიქ.
Page of edition: 206   Line of edition: 1    მინი̄ლუ დო გეჭოფჷ მარგატელი, ჯიბეშა ქალდჷ ვიშო. ათე ძღაბიქ
Line of edition: 2    უწუ̄ გიორგის: -- ათე მარგატელს მა მიდგა მიდამღანდუნ, თიქ ოკო იჸუკო
Line of edition: 3    ჩქიმი ქომონჩქ. მუ რაგა̄დი ოკო, გიორგი დო თე ძღაბიქ ქჷდოსქიდეს ამსერი
Line of edition: 4    თაქ. ოსერშე ოჭკომეს დო ქიდინჯირეს. მუჭოთ პირველი ძღაბიწკალა
Line of edition: 5    ლეკური აშედჷ შქასჷნ, თეშ ქა̄შედჷ ლეკური თაქ ხოლო, ტანქ ვამკაწაწუკო
Line of edition: 6    ართიანსჷნ, თიშენი. ათაშ ქორენა თენეფი თაქ ართ მარას.

Paragraph: 17  
Line of edition: 7    ართ მარაშ უკული გიორგიქ ათე ცირას: -- თე შარა სოიშა მეურსია, --
Line of edition: 8    კირხჷ. -- თენა ვარენია სქანო საჭირო; თაურე კოჩქ მიდართჷ დო აშო დირთუე.
Line of edition: 9    დღას ვაჸოფენია, -- უწუ̄. გიორგიქ უწუ̄: -- მა, ათე შარაქ ვადელიას ეშ,
Line of edition: 10    ირიათო ოკო იბდევე, ჩქიმი დუდიშა პირობა მაფჷ მეჩამილია. ათე ძღაბიქ,
Line of edition: 11    უწუ̄: რადგანს ვეჯერქიენი, თექიან შინაარსის, თექ მუს მოხვადუქ, ქოიწინქია
Line of edition: 12    მა სი: -- "მიდურქია ართი ვითი, ვითოხუთი ვერსიშ მანძილსჷნ, თექ
Line of edition: 13    ცხოვრენსია კაჟან-დემი დო ეჩდოხუთი მუში სქუა, ნამუთ ეჩდოხუთი სართულიან
Line of edition: 14    ჸუდეს რენან დო, კარი გილუბუნა, ეჩდოხუთი ჯიმა ართო გა̄ჯანს
Line of edition: 15    და ვარა -- მეტო ვაგინჯენ ფერი დო ვარა კაჟან-დემი გა̄ნჯანს ხვალენ ფერია.
Line of edition: 16    ათე ჩქიმი მარგატელია თინენს არძას მეკვათუნსია დუს, ხოლოთ,
Line of edition: 17    კაჟან-დემიწკუმა ვაგმოდირთუნ დო გოტირხუნია, ტყურათ ვეხვარავა ვარა.

Paragraph: 18  
Line of edition: 18    მარა იშენ მიდართჷ გიორგიქ. ქიმერთჷ დო ხვალე გა̄ნჯჷ თე კარი, ეჩდოხუთი
Line of edition: 19    კოჩი ონჯანს თე კარი, ხვალე მუქ გა̄ნჯუ. მინი̄ლჷ დინახალე,
Line of edition: 20    ეშელჷ ჸუდეშა, ათე ეჩდოხუთი ოთახ არძა კილერი ჸოფე კილათ დო ათენა
Line of edition: 21    არძა გოფახჷ გიორგიქ, არძაშ ჟი ოთახის ქიმლახვილუ̄ ართი ზისუნახავი
Line of edition: 22    ცირა. მუჭო ჯგირი ბოში გიორგინი, ათე ცირას ეწყინჷ თეშ თაქიან ძირაფაქ.
Line of edition: 23    -- უჯგუშიენია მიდართენი, მუშენ მიოჸოთია დუდი სქანიჯგუა ჯგირი
Line of edition: 24    ბოშიქ". მარა გიორგიქ, უწუ: "-- მა არძას დოპილუნქია სქანი ჯიმალენს დო
Line of edition: 25    მუმას, მა დო სი იპითია ჩილი დო ქომონჯი. " რაგადი გა̄თეს დო გიორგიქ
Line of edition: 26    მოლართჷ თუდონი სართულიშა. ათე დროს ქჷმორთჷ ართი ჯიმა ნდემქ.
Line of edition: 27    ჭიშკარი გონჯამილი ქომირჷ.

Paragraph: 19  
Line of edition: 28    -- მიქ გა̄ნჯუა თე კარი, გიორგიქ მორთჷ-და ვარავა! გიორგიქ: -- გიორგიქ
Line of edition: 29    მოფრთია, -- უწუ̄. ათაქ ათე მარგატელით დუდი მეკვათჷ თე ნდემს,
Line of edition: 30    თითო, ჟი-ჟირო დო თე ეჩდოხუთ ჯიმას არძას მეკვათჷ მარგატელით
Line of edition: 31    დუდი. ბოლოს ქჷმორთჷ კაჟან-დემქ. მუჟანს ქოძირჷ მუშ სქუალეფ ღუთელინ,
Line of edition: 32    დემქ გელენწყჷ ლეკური, მარა გიორგიშ ლეკური ჭიჭე რდუ დო ნდემიშ
Line of edition: 33    ლეკური დიდი რდჷნი, გიორგიქ დუ̄ძახჷ კაჟან-დემს: -- ლეკურით ჩქი
Line of edition: 34    იპჩხუპათ, ყაზაყალა ვარენია, დო გელენწყჷ ლეკური დო გიორგიქ ვიშო
Line of edition: 35    ქა̄ჸოთჷ. დემსჷთ დეონჯღორჷ დო ვიშო ქა̄აჸოთ თე მუშ ლეკური ხოლო. დო
Line of edition: 36    ხე ქემეთხეს ართიანს ღონეთ. ირკინეს ამუდღა, ამუსერი, ჭუმე, სუმ დღა
Line of edition: 37    დო სუმ სერს ქორკინენდეს. უკული, მუ გავაგძელა ეზუმა, გიორგიქ
Line of edition: 38    დოჸვილჷ თე კაჟან-დემი. შულადირი გიორგიქ ეშლჷ, თე ძღაბი ცხოვრენსჷნ,
Page of edition: 208   Line of edition: 1    თე ოთახუშა. მუ რაგადი ოკო, თე ძღაბის სამხიარულო აფუ თენა, თე
Line of edition: 2    ბოშიქ ცოცხალქ ქჷდოსქიდუნ. ტანი გა̄ბონაფუ̄, გაგმითირუ̄ დო ოსერშე
Line of edition: 3    ოჭკომესჷნ, ქიდინჯირეს ვიშო. ათაქ თენენქ ბეჭედი გოთირეს ვისო, ნამუთ
Line of edition: 4    მიკოჭარჷ თე ცირაშ სახელი დო გვარი რე ბეჭედისჷნ. თაქ ქოცხოვრენა
Line of edition: 5    ართ მარას. ართ მარაშ უკული დოკირჷ თენენქ თაქ მუთ ქოძჷდჷნ ვეში,
Line of edition: 6    ფარა, ოქრო, ბრილიანტი, ჩქიმი ჰატონიექჷნ, დო ვითოჟირო ცხენიში ხარგა
Line of edition: 7    ფარა მოლეღეს: ქჷმორთჷს, მარგატელი უღუდუნ, თი ცირაშ ჸუდეშა. იმ
Line of edition: 8    სერს თექ ორდეს. მაჟირა დღას გინი̄ლეს დო მოლართეს. თე ძღაბისჷთ
Line of edition: 9    ქჷნოღვედჷ ართ ხუთ ცხენიშ ხარგა ფარა. ქჷმორთეს პირველო, ვით ოჟირი
Line of edition: 10    ჯიმა ნდემ ჸვილუნ, თი ძღაბიშ ჸუდეშა. იმ სერს თაქ ქორენა. თე ძღაბის
Line of edition: 11    ხოლო ქონოღვე ვით თე ცხენიშ ხარგა ფარა. თენა ხოლო მოლეღეს, გინი̄ლეს
Line of edition: 12    დო მოლართეს. ქჷმორთეს, მოხუცებული ოსურქ ოჭკუმალი ჩუნ, ათეშ
Line of edition: 13    ჸუდვშა. ექ ცოცხალქ ქუდოხვადუ დო მოლეჸონჷ თენა ხოლო გიორგიქ,
Line of edition: 14    გინი̄ლჷ დო მოლართჷ ჸუდეშ მაულარო. ქჷმორთეს ეთი სუმი შარა ოკართუშა.
Line of edition: 15    გიორგიქ მიკა̄ჯინჷ თე სტოლბენს მარა, ვემკოჭარჷ ნამთინ ჯიმალეფიშ
Line of edition: 16    დორთა აშო -- ჸუდეშა მოლართჷნი. ათე ცირენს უწუ̄ გიორგიქ -- ათე
Line of edition: 17    შარეფიშა ულირიე ჩქიმი ჯიმალეფი. თქეა თაქ ქორდათ ჩქიმი მულაშაეა.

Paragraph: 20  
Line of edition: 18    იკითხჷ თაქ მუშ ჯიმა ალექსანდრე, მარა მითინქ ვა̄წურუ̄ სოთინ თენა.
Line of edition: 19    ბოლოს გიშელჷ ართი დიდი მინდორიშა, სოდეთ ჩანს თაქ ბრელი წიფურინი.
Line of edition: 20    ტყას თუდო ქეითორე ღეჯეფი დო ართი კოჩი წიფურიში კაკალს ქორაჸუნს;
Line of edition: 21    ქეგმახე ჟი ჯას დო იფიქრჷ: თეს ხოლო ქოპკითხენქია.
Line of edition: 22    მერთუნ, მიკა̄ჯინჷ -- მუშ ჯიმა, ალექსანდრე.

Paragraph: 21  
Line of edition: 23    -- ბოში, ბუ გოკოლჷ აქია, -- უწუ̄.

Paragraph: 22  
Line of edition: 24    -- მა მოჯაიაგირეთ პუნქია ი კოს, ჩქიმი პატონი, ღეჯიშ მათხილეთ დო
Line of edition: 25    ოში მანათის მარზენსია წანმოწანასია.

Paragraph: 23  
Line of edition: 26    გიორგიქ უწუ̄: -- ქემიოტე ღეჯი დო მოლართი ჩქიმიწკუმავა, -- უწუ̄.

Paragraph: 24  
Line of edition: 27    ვადუჯერჷ ალექსანდრექ, მარა გიორგიქ მოლეჸონჷ მუშ ჯიმა ალექსანდრე.
Line of edition: 28    ქომიჸონჷ ქალაქიშა, გეგმანწყუ̄ ჯგირი ბარგით, ცხენი ქუჸიდჷ,
Line of edition: 29    ონანგერი ქუჸიდჷ დო -- მეუა, -- უწუ, -- ეთი შარათ, თექი ენია ჩქიმი ვეში დო
Line of edition: 30    ოსურეფია. სი თექ ქორდა დო მა დავით იშ ოგორუშა მიდურქია, მაჟი ჯიმაშია,
Line of edition: 31    -- უწუ̄.

Paragraph: 25  
Line of edition: 32    ალექსანდრექ მოლართჷ, თე ცირეფ რენან, თაქი. გიორგიქ მიდართჷ
Line of edition: 33    თე მაჟია ჯიმა რე დავითინ, თე ქევანაშა. მიშელჷ თაქ დო კითხულენს მუშ
Line of edition: 34    ჯიმა დავითის ირ კოს. ირ იკითიჷ მარა, მითინქ ვაწურუ̄. ბოლოს ართი დიდი
Line of edition: 35    ხვიმონაშა მიშელჷ. ათაქ ართი კოჩი ხვიმას ქურაჸუნს ღორღონჯენს. ქიმერთუნი,
Line of edition: 36    მუში ჯიმა, დავითი.

Paragraph: 26  
Line of edition: 37    უწუ̄: -- მოლართია აშოვა.

Paragraph: 27  
Line of edition: 38    ექ უწუ̄: -- მავა სუმი წანა რენია ვალინა თე კოსია, ფარა მერზუ̄ სუმოში
Line of edition: 39    მანათია.

Paragraph: 28  
Line of edition: 40    მარა ვადეჯერჷ დო მოლეჸონჷ დო ქჷმიჸონჷ ქალაქიშა. თაქ გეგმანწყუ
Line of edition: 41    ბარგით, ცხენით, ონანგერით, ალეჸუნუ̄ დო მიდეჸონჷ ცხენით გიორგიქ.
Line of edition: 42    ქჷმორთეს, სოდე თე ოსურეფი დიტუ გიორგიქჷნ, თიშა. პირველო, ვითოჟირი
Line of edition: 43    ჯიმა უჸვილუნ, თეს უწუ̄:
Page of edition: 210   Line of edition: 1    -- უნჩაში ჯიმა ალექსანდრეში ოსური რექია დო თეს ქალურინუ̄.

Paragraph: 29  
Line of edition: 2    მაჟირა, ნამუ ძღაბის მარგატელი უღუდუნ, მუშ ოშქარ ჯიმა დავითის ქალურინუ̄
Line of edition: 3    დო: -- თენა სქანი ოსურია: -- უწუ̄ გიორგიქ.

Paragraph: 30  
Line of edition: 4    -- ჯიმალეფია, -- უწუ̄, -- ათაშ ეჩიდოხუთი ცხენიშ ხარგა ოქრო დო
Line of edition: 5    ბრილიანტი რე თენავა დო ჩიქიმი ჸუდშა ქიმურთიე, დიდა დო მუმა ცოცხალი
Line of edition: 6    ქორენან-და, გაჭირებას გითიბლითჷნ თენა რენია. -- უწუ̄.

Paragraph: 31  
Line of edition: 7    ეიჸარეს დო მოლართეს ჸუდეშ მალუო. იდეს ამუდღა. ჭუმე, მოულა
Line of edition: 8    თიჯგუა ქევანას, კოჩი ვა̄ხორანს სახოს სოთინი. ათაქ ქჷმაჸუქ ქჷმაჸუმყნეს თიჯგუაქ,
Line of edition: 9    ათე ჸუმენიშ გინოღალა ვეშულებუნან, თიჯგუაქ. ათაქ ართ ჯაშ
Line of edition: 10    ოროს ქეითიბარგეს. სოთინ დოგორანი ოკო ოშუმალი წყარი. ათაქ ქოძირეს
Line of edition: 11    ართი ვითი მეტროშ მაფართა თხორილი დო თუდო წყარი მეურს სოდგარენ
Line of edition: 12    შორსჷნ ეფერი. ოკო დოღობანი გიძღუ, ენი̄ლას ართი ჯიმაქ დო ოკო
Line of edition: 13    გეშეღან წყარი. დოღობეს გიძღუ დო ქუმუსქვეს თოკი. გიორგიშ მეტიქ
Line of edition: 14    ვენა̄თინჷ თაქ მითინქ. გიორგიქ გედოხოდჷ გიძღუს, ქჷდეკინჷ ფოხალი დო
Line of edition: 15    მიდართჷ გიმე. იდჷ, იდჷ, დო თოკიშა მეუთხჷ ჯიმალენს ხე, თოკიე გირძე.

Paragraph: 32  
Line of edition: 16    გიორგიქ დუჩინჷ: -- მუჟანს თოკის დუქანცუანქიე, ეშე გეშამჸონითია. თე
Line of edition: 17    ჯიმალენქ მი̄რაგადეს თაქ, -- თე ჯიმაშ მოინალეფი იპით ჩქი იროვა.
Line of edition: 18    ოსური თეს უში̄ბჷ ჩქინო, ქონება თეს უშიბჷ ჩქინო, მორთი, მებკვათათ
Line of edition: 19    თოკი დო გუტუათ გიმევა, -- უწი̄ს ართიანს. მეკვათეს ათე თოკი, ნამუ გიძღუს
Line of edition: 20    მუსქუდუნ დო ქიდიჭყეს გარა: -- მეხორცქუა თოკიქ, ოსურეფიშ ოღორებელო.
Line of edition: 21    ე ოსურეფქ ხოლო ინგარეს, მუ რაგადი ოკო, მუჭოთ ჸოროფა
Line of edition: 22    უღუნა თე გიორგიშ ე ქომონჯეფიშ მეტი. გარა გა̄თეს დო ეყარეს დო მოლართეს
Line of edition: 23    თე ჟირი ჯიმაქ, თე ოსურენქ მუნეფიშ ჸუდეშა. შარას უწი̄ს თე
Line of edition: 24    ოსურენს: ჸუდეშა ქიმურთ ჩქიე, გიორგი შურო ვამიჩქუნა, მი რენიე", უწი̄ა,
Line of edition: 25    რკითხანიე, ვარა დუს მეკვართუნთია.

Paragraph: 33  
Line of edition: 26    ქჷმორთეს ჸუდეშა. დიდა დო მუმაქ ხათე გიორგი იკითხუ. ჯიმალენქ
Line of edition: 27    უწუ̄: -- გიორგია ჩქი ვამიძირუნანია შურო, მუჭო შარას დევეთხი̄თიე. აშონანს
Line of edition: 28    გებგითია, დიფრთითიე, მუჭო დოღურუე. ოსურით მოლეპონიითია
Line of edition: 29    თიშო, მარა გებგითია, მუჭო დოღურუე.

Paragraph: 34  
Line of edition: 30    ათე ჯიმალენქ, ჩქიმი პატონი ექჷნ, ქიდიხორეს თეშ ნამუდა, ხენწფეს
Line of edition: 31    დოხორეს ვაძჷ, აქ ძჷნ ენა, დო გიორგიშ ნაშიბ მუნეფიშო გინი̄თინესჷნ,
Line of edition: 32    გენდიდრჷ ენენქ ძალამი (ასე ქორდას ენა თაქ).

Paragraph: 35  
Line of edition: 33    ათე გიორგიქ გიძღუამო ქეჲთანთხჷ თუდონ ქივანას. თაქ გიორგიქ
Line of edition: 34    წყარი გეიობჷ, ე თოკიქ ჟი ქიმკოსქიდჷ. მუჟანს დუქანცუ̄ დო კოს ვემეუღჷ
Line of edition: 35    ეშენ, გეგმაზინდჷ გიმე დო ქოძირჷ, მუჭო თოკი მეუკვათუნანი.

Paragraph: 36  
Line of edition: 36    გიორგიქ ქი̄ჩინჷ, მუჭო დინაფილიენ. აქ გიჯინუნ, ხალხი ოხორანს,
Line of edition: 37    ეიყარჷ დო მიდართჷ ართ კოჩიშ ჸუდეშა. მინი̄ლჷ ჸუდეშა დო კათას გამარჯობა
Line of edition: 38    უწუ̄.

Paragraph: 37  
Line of edition: 39    ბოლოს ოჭკომალი ქიმითხუ̄. ოჭკომალი ირფერი მიღუნანია მარა,
Page of edition: 212   Line of edition: 1    წყარი ვამიღუნანია, -- უწუ̄ თე ჸუდეშ მინჯექ. -- წყარი ვარენიავო, ბოში,
Line of edition: 2    დინარე წყარი მეურსია ამარია? თქვა ვამგაღინენანია-და, მა ქომუჩით
Line of edition: 3    ჭკუჯი დო მა ქიმიბღანქია, -- უწუ̄ თე კათას გიორგიქ. "ათე წყარია რენია
Line of edition: 4    გვერშაპიშ, მუდა ფოხალი წყარს მიბღანთიე, იდა კოჩიშ შური ოკო მეფჩათიე.
Line of edition: 5    ამდღა ხენწჷფეშ სქუა ეკოკირჷნია გვერშაპიშო დო ომორგუალო ვორეთია
Line of edition: 6    თიში.

Paragraph: 38  
Line of edition: 7    გიორგიქ ვადეჯერჷ, ქიმი̄ღჷ წყარი, გა̄კეთებაფუ̄ ოჭკომალი დო ოჭკომჷ.
Line of edition: 8    -- ასე ქომოძირითია, სჷდე ეკოკირუნია თი ძღაბი? -- კჷთით ქა̄ძირეს: -- დიდი
Line of edition: 9    ცხაცხუშ ჯინს სტოლბა გეშქუნია რკინაშ დო ეთის მიკოკირუნია თი
Line of edition: 10    ძღაბი.

Paragraph: 39  
Line of edition: 11    გიორგიქ მიდართჷ დო დასურო ქოძირჷ თი ძღაბი, მუჭო ქოკირჷ ჯაჭვითინ.
Line of edition: 12    მუჭოთ ქიმერთჷ გიორგიქჷნ, გეიაშქჷ ე ძღაბი დო დუდი ქიმკოდჷ
Line of edition: 13    თაქ. უწუ̄ ე ძღაბის: -- მუჭოთ ქუმურს გვერშაპიე, (ართი ქუა ქჷდაკინუ̄ ხეს
Line of edition: 14    დო) ათენა ქეგმაშქვია დუსია; სი ვაგაშქურინას, მა დოპილუნქია
Line of edition: 15    გვერშაპის.

Paragraph: 40  
Line of edition: 16    მაინჯექ ქჷმა̄დირთჷ დო მოლართჷ გვერშაპიქ. ძღაბიქ ქოძირუნი, ვამა̄სქიდჷ
Line of edition: 17    ქუაში მიოგამალო გიორგიში დო გარა ქიდიჭყჷ. თოლიში ჩილამურქ
Line of edition: 18    გიორგის პიჯიშ სახეს ქუგაწუ̄ დო გიორგიქ გოკურცხჷ. გიორგიქ
Line of edition: 19    ბარგი გამკინწყუ, თე ძღაბის ქემეჩჷ. ლეკურით მიდართუ დო გვერშაპი დოჭკირჷ
Line of edition: 20    დო დოჸყილჷ. ბოლოს ძღაბის უწუ̄: -- მიფშვათია ასე სქანი ჸუდეშა.

Paragraph: 41  
Line of edition: 21    ძღაბი დო გიორგი მეულა ჸუდეშანი, ხენწჷფეში ჭიჭკარიშ გიმარენჯქ
Line of edition: 22    ქოძირუ. ხენწჷფეს გინოჩეს: სქანი ოსურსქუა მიდგარენ ართ კოს ქჷმოუნსია.
Line of edition: 23    ხენწჷფექ გინოჩჷ პრიკაზი: -- მავა ჩქიმი სქუას ვაბღებულენქია, ვამიჸონას
Line of edition: 24    აშო, ვარა ჟირხოლოს გობრხუნქია. მარა გიორგიქ ვადეჯერჷ დო
Line of edition: 25    ძღაბი ქიმიჸონჷ ხენწფეშ კაბინეტიშა დო მინი̄ლჷ ვიშო. ძღაბი ქუმლეტუ̄
Line of edition: 26    მუმაწკჷმა დო მუქ ბალკონს ქაწოდოხოდჷ. მუმაქ კირხჷ სქუა ძღაბის: -- მუშენ
Line of edition: 27    მორთია აშოვა? ძღაბიქ უწუ̄: -- ე ბოშიქია გვერშაპი დოჸვილუა, დუდ
Line of edition: 28    მვკვათჷ დო ემერ გილაძუნია დო მა მუშე გილებცადუდჷ ექია, აშო
Line of edition: 29    მოლაფრთია.

Paragraph: 42  
Line of edition: 30    ხენწფვქ, დასარწმუნებელო დუდიშ, სუმი კოჩი გუ̄ტუ. ამბე ქუმუღჷ თე
Line of edition: 31    სუმ კოჩიქ, მუჭო გვერშაპი ჸვილირიდჷ დო თავისუფალიე ხალხი, წყარი
Line of edition: 32    სოლე ოკოდეს, თეურე გილეღესკონ. ხენწფექ დიდ მორდებით თე ბოშიშა
Line of edition: 33    ქიმერთჷ დო შეკითხჷ: -- მუ გოკონია მერჩევე, თე სახენწიფოშ გვერდის
Line of edition: 34    მერჩა, გოკონ-და გვალო მერჩანქია, -- უწუ̄.

Paragraph: 43  
Line of edition: 35    გიორგიქ უწუ̄: -- მა ვამოკონია სქანი სახენწიფო, ვართ ქონება, მა მოკონია
Line of edition: 36    აკა ცხენი დო ონანგერი, სახარჯო ფარა ტანისამოსიშ ოჸიდე დო მეტი
Line of edition: 37    მუთუნ ვამოკონია, -- უწუ̄. ხენწჷფე, მუ რაგადი ოკო ეს ვემეჩანდუო, მუთ
Page of edition: 214   Line of edition: 1    ოკონ სახარჯონ, ცხენი დო ონანგერინ ირფელით დააკმაყოფილჷ ე ბოში.
Line of edition: 2    მუ რაგადი ოკო, ოსერშო ოჭკომეს დო ათე ძღაბის, ნამუთ გიორგიქ მიჸონუნ,
Line of edition: 3    მუმაქ უწუ̄: -- სია ამუსერი გიორგის ქალა̄ნჯირი წყინაროვა.

Paragraph: 44  
Line of edition: 4    ქოდიჯირეს ძღაბი დო ბოშიქ, მარა გიორგიქ ძღაბი ვემიღჷ. მაჟრა ოჭუმარეს
Line of edition: 5    გიორგიქ ხენწჷფეშო გურმულირო გედირთჷ, ათე ძღაბი ალუნჯირუნ
Line of edition: 6    თიშ გურიშენი.

Paragraph: 45  
Line of edition: 7    -- ინა ჩქიმი სქუა რდუა, ჩქიმი და რდუა დო მაჟიაშქას ათეჯგუა ვაბღოლავა,
Line of edition: 8    -- უწუ̄. ხენწჷფექ მინავათობა უწუ̄.

Paragraph: 46  
Line of edition: 9    ბოლოს გამეშვიდებჷ ხენწჷფეს დო გინი̄ლჷ დო მიდართჷ გიორგიქ.
Line of edition: 10    გიშელჷ თე სახენწჷფოს დო მიშელჷ მაჟია სახენწჷფოშა. მეურს დღაშით,
Line of edition: 11    მარა კოჩი ვეგლევალჷ, ირ კოჩიშ ჸუდეშ კარი კილერიე. ართი ჯგირი მახორო,
Line of edition: 12    ჯგირი დვორეცი ქოძირჷ, ჩქიმი პატონი, დო დაცჷ ცხენს მართახი
Line of edition: 13    დო მინი̄ლჷ -- დვორეციშა მინი̄ლჷ. გიმელჷ ცხენს, ცხენი ქიმკა̄კირჷ დო
Line of edition: 14    დუხაბაკუ̄ კარს. უცებ კარი გამკა̄ნჯჷ კოჩქ დო "მალას მუნილია", უწუ̄. გიორგიქ
Line of edition: 15    მინი̄ლჷ მალას. თენა ჸოფე ხენწჷფეშ ჸუდე. ხენწჷფექ კითხჷ: -- მუ
Line of edition: 16    კოჩი ექ ჯიმა სი, დღაშით გილურქ თე ქივანასიე, -- უწუ̄.

Paragraph: 47  
Line of edition: 17    -- დღაშიშ გილულა ვარენია გასაკვირი, -- მუ ორე ამუდღა თქვა თაქ ირ
Line of edition: 18    კოჩი ართო მილატყობუთ კარ კილეროვე, ათენა ქომიწი̄ა, -- უწუ̄.

Paragraph: 48  
Line of edition: 19    ხენწჷფექ უწუ̄: -- მიკა̄ჯინია. -- ხენწჷფეშ ჸუდეშ უკახალე არწივს გიმუდგჷ
Line of edition: 20    ოგვაჯე დო მართვე გეუხე ჯირი. ათაქ კოჩი გიმელენს ამდღან, ათე არწივი
Line of edition: 21    გიანთხუნ დო მუშ მართვენს არზენს ათე კათას. თენა თაშ ქუწუ̄ ხენწჷფექ
Line of edition: 22    გიორგის. გიორგიქ: "ქომუჩით არგუნია!" დო ქემეჩეს გიორგის არგუნი.
Line of edition: 23    მიდართჷ, ათე არწივიშ ოგვაჯე გიმადგუნჷ, თე ჯაშ ოკვათუშა. არწივიქ
Line of edition: 24    მუჭო ქოძირჷ გიორგინ, მოლართჷ გიორგიშ ოხვამილაფუშა. გიორგიქ
Line of edition: 25    არწივიოჭოფჷ: -- ვაპილა გიორგია, -- უწუ̄ არწივიქ, -- დო ღორონთი თანდებო
Line of edition: 26    მემიჩამჷ, კოჩიშ არსის ვეშვეხიევე დო სქანი ქივანა ხოლო ქჷგოძირევე,
Line of edition: 27    -- უწუ̄.

Paragraph: 49  
Line of edition: 28    გიორგიქ გუ̄ზტუ̄ არწივი, მორთჷ ხენწჷფეშ ჸუდეშა. ხენწჷფეს უწუ: -- გინოჩია
Line of edition: 29    თენერი ფონოგრამა სქანი სახენწჷფოს: "გილართით ირ კოჩქია,
Line of edition: 30    მუჭო არწივი ვახუ̄ მითინსჷნი. " ხენწიფექ, მუ, რაგადი ოკო, გინოჩუ ტელეფონოგრამა
Line of edition: 31    დო გეთავისუფალჷ თე სახენწჷფოქ არწივიშ გურიშენი.
Line of edition: 32    -- მა მუჟანს საჭირო მაჸინ, თიწკმა ქოიწი̄ნქია, -- უწუ̄ არწივის.
Line of edition: 33    ორე ართ მარას, ვითოხუთის ხენწჷფეშ ჸუდეს. იფიქრჷ: "ეთი არწივიქსქანი
Line of edition: 34    ჸუდეს ქუგოძირანქ მიწუ̄ე, ქოპკითხე აკავა დო მიდართჷ არწივიშა.
Line of edition: 35    არწივიქ გიორგი ქოძირუ დო მოლართჷ დო გიორგიწკჷმა ქჷდა̄ფურინჷ.
Line of edition: 36    გიორგიქ შეკირხჷ არწივის: -- სი მავა ჸუდე სქანს გოძირანქ მიწი̄ე, მუნერო
Line of edition: 37    გაძირებაფე სი ჩქიმდა ჸუდევა, თიშ ოკითხეშა მოფრთია, -- უწუ̄.
Page of edition: 216   Line of edition: 1    არწივიქ უწუ̄ გიორგის: -- სია ქომიშია გიძღუ
Line of edition: 2    დიდი, ჟირ ათას ხოჯი
Line of edition: 3    ჭკირილო გინტირედასიე ეფერია, იახავა, დო მა თინა ჯაჭვით ქეგმოკირითია
Line of edition: 4    დო ჟი ქივანაშა მიდაიჸონანია
Line of edition: 5    გიორგიქ ქჷმორთჷ ხენწჷფეშა დო: -- ჟირ ათასი ხოჯი ქომუჩი, გიძღუ
Line of edition: 6    ოკო ქომიშუე დო ათაშ-ათაშიე ჩქიმი საქმე, ოკო მიდაფრთე ჩქინი ქივანაშა,
Line of edition: 7    პირობა მუჩუ არწივიქია.

Paragraph: 50  
Line of edition: 8    გიორგის თენა გაგმუნწყი̄ს ირფელი დანიშნულ დღაშო. დანიშნულ
Line of edition: 9    დღას არწივიქ ქჷმორთჷ, ქიგიოფურინჷ თე გიძღუს, ქალუდოხოდჷ გიორგიქ,
Line of edition: 10    მიბუმუ̄ ირფელი ართო დო მიდართჷ ეშე-მუდა სუას დუვალუანს, იდა
Line of edition: 11    ქილა ხორცის მილუჭკუმუანს გიორგი.

Paragraph: 51  
Line of edition: 12    ფურინჷ არწივიქ დო ქჷდა̄ხუნუ̄ თენა მუშ ქივანას. არწივიქ ვიშო მიდართჷ
Line of edition: 13    მუშ ქივანაშა, ბოშიქ ქჷდოსქიდჷ ჟი, გამეშვიდებეს ართიანსჷნ.
Line of edition: 14    გიორგიქ მოლართჷ მუშ ჸუდეშა. ონჯუა რე. ქჷმორთჷ ჭიჭკარიშა. დუძახჷ:

Paragraph: 52  
Line of edition: 15    -- მენძელია! ეურე დუძახეს: -- მუ გონებუნია?

Paragraph: 53  
Line of edition: 16    -- მა ვორექია გესერელი კოჩი დო ვეშილებენიავო, სერი გომოთანაფუათ
Line of edition: 17    ამუსერიე?

Paragraph: 54  
Line of edition: 18    -- მოზოჯი, პატონია, -- უწის.

Paragraph: 55  
Line of edition: 19    მინი̄ლჷ გიორგიქ. გამარჯობა უწუ̄ მუშ დიდა დო მუმას, ნოსალენს დო
Line of edition: 20    ჯიმალეფი ვარენა იშენ ჸუდეს. ქოდოხოდჷ დო რაგადეს. მუმას ენა ვოუჩქჷ,
Line of edition: 21    მუშ სქუა რენ, მარა მუმას კირხჷ მუშის: -- მუ ორე, სი უჩა მოკგოქუნსიე?

Paragraph: 56  
Line of edition: 22    -- მა პუნდუა სქუა, სუმი სქუავა, სუმხოლოქ ოში̄ბუშა მიდართესია.
Line of edition: 23    არძაშ უჯგუშ სქუასია გიორგი ჯოხოდჷ დო თინა დოღურენია -- მედინუა
Line of edition: 24    თიქია, დოღურუა. -- მუმა ურაგადჷ სქუას -- , დანარჩენი ჯიმალენსია გიორგიშ
Line of edition: 25    ღურა ვანოჩქენანია დო თვითანია თიშო ხოლო ოსური ქუთხუნანია
Line of edition: 26    დო ათენავა თიშ საოსურო რენია, მეუზიმუ̄ ართ ოსურს ხე-დო. ესე იგი,
Line of edition: 27    გიორგი ჩინებული ვააფუ მუშ დიდა დო მუმას დიო. გიორგიქ ათე სუმხოლო
Line of edition: 28    ნოსალენს, მუჟანს ქჷმორთეს დო ოკო დოხოდას თაქჷნ, შეკირხჷ ენენს:

Paragraph: 57  
Line of edition: 29    -- თქვავა მიშ სქუა რეთია? კითხჷ პირველ დემიშ დას. -- მავა დემიშ სქუა
Line of edition: 30    ვორექია, -- ძღაბიქ უწუ̄. თე ჯიმალენქ ხოლო ქჷმორთეს ასე, თაქ რენა,
Line of edition: 31    გიორგიშ ჯიმალენქ. ურჩქილენა თე შეკითხვას.

Paragraph: 58  
Line of edition: 32    -- მავა პუნდუა ვითოჟირი ჯიმა ნდემია, ქჷმორთუა გიორგიქ, დომიჸვილუა
Line of edition: 33    ინეფი, "ნოსათ მოკოქ" მიწუა დო აშო მოლამჸონუა.

Paragraph: 59  
Line of edition: 34    მაჟია ჯიმაშ ჩილს კირხჷ: -- თქვა მინ ორეთია?

Paragraph: 60  
Line of edition: 35    -- მავა დემიშ სქუა ვორექია. გიორგიქ ქჷმორთუა დო მარგატელი მიდამღუა.
Line of edition: 36    ჯიმალეფი დომიჸვილჷ დო აშო მოლამიჸონუა.

Paragraph: 61  
Line of edition: 37    დიდა დო მუმაქ უწის: -- თქვა "გიორგი ვამიძირუნან" იჩიებუდითჷნ, მუ
Line of edition: 38    ორდუა?

Paragraph: 62  
Line of edition: 39    -- ბოშენქ მიწი̄სია. "ვაგაცხადათ, ვარა დორჸყილუნთია", მიწი̄სია.

Paragraph: 63  
Line of edition: 40    გიორგიქ გააცხადჷ, " მუჭო მუ რე გიორგინი. უწუ̄ ჯიმალენს:
Page of edition: 218   Line of edition: 1    -- თქვანი დუდი მიპატიებჷ ათე ნოსალეფიშავა! -- იჸუ კამპანიაქ, ხარებაქ,
Line of edition: 2    ზარბაზანი ვა̄რკუდუნ იშ მოლახ, მუთუნი ვა̄რკუდჷ.
Line of edition: 3    გოღა თექ ვორდი დო ამდღა თაქ ვორეექ.

Paragraph: 64  
Line of edition: 4    ღ5. ხენწიფეშ ბოში "სანარტია"

Paragraph: 65  
Line of edition: 5    ართი ხენწიფე ქოჸოფე, ე ხენწიფექ თეში დიირჩინჷ, სქუა ვაჸუნდჷნი
Line of edition: 6    ძალამი ორჩინუეს ქააშუუ მუში ჩირს არნ ქომოლისქუაქჷ. სახელი ქიგიოდვეს
Line of edition: 7    თი ბოშის "სანარფია", ნამუქჷთი მიირდჷ დო ძალამი ჯგირი დო
Line of edition: 8    ჭკუ̄ერი ბოშიქ ქიიჸუუ, ათაში ნამუდა ქიჸანაში შურდგმილეფი სო მუ ორ
Line of edition: 9    დესჷნი, ირიფელს ქიმეხვადჷდჷ; მარა დიდას ვაურჩქილედჷ. ათეშენი გააჯოგჷ
Line of edition: 10    მუში დიდასჷ დო უწუუ თე ხენწიფეში ჩირქ მუში ქომონცჷ:

Paragraph: 66  
Line of edition: 11    -- რახანჷ თე ბოშის დიდაში მუთა წანსჷნი, მიდეეჸონი დო დიდი ტობა
Line of edition: 12    ზღუ̄ას გიოჸოთი.

Paragraph: 67  
Line of edition: 13    მუმაქ ძალამი შიიწუხუ. მარა ჩილიში ნარაგადჷქჷ ვაგააცუდინჷ. თე
Line of edition: 14    დიდა დო მუმაში სხუნუას ქიმეხვადჷ ათე ბოშიქჷ, მარა ვადეეურჩჷ დიდა
Line of edition: 15    დო მუმაში გინოჭყვიდილი საქმეს. უკული მუმაქ უწუუ:

Paragraph: 68  
Line of edition: 16    -- მიდავრთათჷ დო ქალაქი ქიიბძირუათია.

Paragraph: 69  
Line of edition: 17    ათეწკჷმა ე ბოშიქ მუმას უწუუ:

Paragraph: 70  
Line of edition: 18    -- ბაბა, ჭიჭე ფარა ქომუჩია.

Paragraph: 71  
Line of edition: 19    მუმაქ ფარა ქიმეჩჷ დო მიდართეს ქალაქიში ოძირაფუშა. ქიმერთესჷ
Line of edition: 20    თექინი, ი ბოშიქ თე ფარათჷ ქიიჸიდჷ: ართი არგუნი, ხამეფი, ლეში დო
Line of edition: 21    ძაფი, საკვეცი დო ობედი. ეურეშე მუკირთესჷ დო ათე ზღუ̄აში ხოლოშა
Line of edition: 22    ქჷმორთესჷნი, ათე ბოშიქ ართი დიდი ჭყონიში ჯათი მოსოფუ დო ხუჯიშა
Line of edition: 23    ქიკილეედუ. მუჟანსჷთი ზღუ̄აში პიჯიშა ქჷმორთესჷნი, სქუაში წოხოლე
Line of edition: 24    მუმაქჷ ქინააჯინჷ ზღუ̄ასჷ დო სქუას უწუუ:

Paragraph: 72  
Line of edition: 25    -- მორთი, აბა, მუჭომი დიდი ჩხომი გოძირეევე.

Paragraph: 73  
Line of edition: 26    სქუაქ ქიმერთჷ გინააჯინუუშანი, მუმაქ გეგჷნააჸოთჷ, ჯა მეუღუდუნი
Line of edition: 27    თეში, ათე დიდი ზღუასჷ დო ჩხომქ გეჸირტჷ; მუკიირთჷ დო მუმაქ მუში
Line of edition: 28    ჸუდეშა ქჷმორთჷ. ზღუას ათე ბოშიქ ჩხომიშ ქვარას დინახალე დაჩხირი
Line of edition: 29    ოკაარზჷ; ათე ჩხომს ქვილითი გამკოკვათჷ, დოჭუ დო ოჭ კომჷ. ათე ჩხომიშ
Line of edition: 30    ქვილითით ეჩიდოვითი წანას ჩხომიშ ქვარას ქოსქიდჷდჷ; უკული, მუჟანსჷთი
Line of edition: 31    დიშქაქ, საკვეცი დო ობედიქ დალიებაშა ქიმიოჭირინუუნი, ოკაარზჷ
Line of edition: 32    ძალამი დიდი დაჩხირი. ათე ჩხომქ გოფურუნი, წყარიშე გეშასხაპუ დო
Line of edition: 33    სქირჷს ქიგიანთხჷ. ათე ბოშიქჷ თქუუ: "გუუკვათჷნქჷ ქორას ათე ჩხომსჷ
Line of edition: 34    დო ქობძირჷნქჷ დინახლე წყარს, კჷნი გელავჭაანქ, სქირჷს ქორენდა,
Line of edition: 35    გვალას გობკვათჷ დო გიშეებლენქია". ჭიჭე გოკვათჷ დო ქოძირჷ, მუჭო
Line of edition: 36    მინდორს გინოძენი; გვალო გოკვათჷ დო გიშეელჷ ჩხომიში ქვარაშე დო
Line of edition: 37    მინდორს დაჩხირი ეკაარზჷ დო გამკოკეათჷ თი ჩხომსჷ ხორცი, დოჭუ დო
Line of edition: 38    ოჭკომუ.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.