TITUS
Megrelian Texts ed. Danelia-Canava
Part No. 18
Previous part

Text: 18  
Page of edition: 236  


Line of edition: 1 
XVIII. სუმი ჯიმა დო ნდიში არიკი.


Paragraph: 1  
Line of edition: 2    ქოჸოფე, ქოჸოფე ართი ხენწჷფე დო ნოჸვე სუმი სქუა; სუმიხოლო ართიანიში
Line of edition: 3    უჯგუში მიკაჯინალო. ხენწჷფექჷ ქიიგჷნჷ ღურაში მუახლოება,
Line of edition: 4    ქიიჭანუ̄ სუმიხოლო მუში სქუა დო უწუ̄: "მა ვღურუქჷნი, ეს თქვათი ქაარწყეთ;
Line of edition: 5    მარა ღურა დღაშა ართი მუდგა რენი მიღუ თქვანდა დააჩინალი დო
Line of edition: 6    ჯგჷრო დეემახსოვრით, მუსჷთი დოგიჩინანთჷნი: ჩქიმი სახენწჷფო დიდი
Line of edition: 7    რენდო ფართო, მინდორი დო ტყა ართიანიზჷმა, გვალა დო ბარი თანასწორი.
Line of edition: 8    ირი დიხაშა გილართით, ირი ქიჸანა დიილით. ირიფელი ძირით,
Line of edition: 9    მარა ვაგჷგანჭყორანი ღორონთქჷ დო ჩქიმი დოხორეწკჷმა ტყა რენი, ეთი
Line of edition: 10    ტყაშა ონადირუშა ვემთორთათ. პატი̄ცით ართიანც, გი̄ჸორდა ი ართიანი;
Line of edition: 11    გაჭირებაში დროს ოხვარჷდათ ართი-მაჟიას დო სიცოცხლე ვაზოგათ
Line of edition: 12    ჯგჷრი საქმეში გურიშენი.

Paragraph: 2  
Line of edition: 13    ჩქიმი ქონებას ართო უგურთუო გიტენთ დო აბა, სქუალეფი, თქვა გიჩქჷნა,
Line of edition: 14    თქვანი გლახა საქმეთ მა შურც ვაწამიჸონყნთჷ-და დო ჸოროფილო
Line of edition: 15    ქიიცხოვრენთჷ-და". ქოთქუ თენა დო ხენწჷფექ დოღურუ. სქუალენქ მუჭო
Line of edition: 16    დაასქვანდჷდჷნი, თეში დიინგარეს დო თეში დონთხორეს მუმა. მჷკიილჷ
Line of edition: 17    ბრელი ხანქ. სქუალენქ მუმა გამკი̄რგიის, ცხოვრენდეს მუჭოთი დოჩინელი
Line of edition: 18    აფუდუ მუმასჷ დო მუთუნი გლახა ინენც ვაღოლამუნა (ვეშეხვალამუნა).

Paragraph: 3  
Line of edition: 19    ართი დღას უნჩაში ჯიმაქ ონადირუშა მიდართჷ. ულა დროს ოშქარი
Line of edition: 20    დო უკულაში ჯიმალენქ მუმაში ნარაგადჷ ქჷგააშინესჷ. უნჩაში ჯიმაქ დოკაზჷ
Line of edition: 21    რაში დო მიდართჷ. მჷკიილჷ ართი დღაქ, მაჟირაქ, მარა უნჩაში ჯიმაქ
Line of edition: 22    ვამკორჩქინდჷ. დო ხოლო იმენდის ვეეჸოთანდეს ხენწჷფეში სქუალეფი დო
Line of edition: 23    ირი დღას ელჷდეს, მარა ვეეჸუ იშ მულაქჷ. ეთიწკჷმა ოშქარი ჯიმაქჷ ქიგიაჸუნუ.
Line of edition: 24    ჸუდეს ხვალე უკულაშიქჷ ქჷდოსქჷდჷ. თექჷთი უჯინჷ მუზმა რდჷნი
Line of edition: 25    დღას დო მუჟანცჷთი ვართი ართიქ მოოთჷ დო ვართი მაჟიაქჷნი, გინოჭყვიდჷ
Line of edition: 26    ჯიმალეფიში გორუა. ქიმკანწყუ̄ ჸუდეს ირფელი, ქიგედგჷ რაშის
Line of edition: 27    ონანგერი, დი̄რთჷ მორძგკიშე დო მიდართჷ. თიქ ხათეხოლო ქიმეხვადჷ,
Line of edition: 28    მუში ჯიმალეფი სოლე იშესჷნი დო ტყაშა გუ̄რქუ რაშის. მერთჷ ხოლოშანი,
Line of edition: 29    რაშიშ ფოლოში გინადგჷმა ქიიჩინჷ. ხათეხოლო ქიიჩინჷ მუში ჯიმალეფიში
Line of edition: 30    რაშეფიში კუჩხიში გინაბიჯგეფი. ქოტკაჩჷ რაშის მართახი დო
Line of edition: 31    თოლიში დოვალაფაზჷმა ხანც ტყას მითახალე გორჩქინდჷ. ეფერი უკუმელა
Line of edition: 32    ქორდჷ ტყაში გურც, ნამდა თოლიშა კითი ვემიღედჷ. მარა ეფერი რაშის
Line of edition: 33    გეხედჷ თე ბოში, ნამდა თოლეფიშე დაჩხჷრც მაარღვანდჷ დო ეთიში სინთეთ
Line of edition: 34    შარას იძირაფუანდჷ ხენწჷფეში სქუა. იდჷ ართი დღა, იდჷ მაჟირა, მიარო
Line of edition: 35    იდჷ დო, აჰა, ბოლოს, სუმი წანაში უკული, შორც, თოლიში ოჭირინატუს,
Line of edition: 36    კვარიაში დუდიში მაშხვათ სინთე ქოძირჷ. ბოშის იმენდიქჷ ქიმიაჩჷ.
Line of edition: 37    ქოტკაჩჷ რაშის მართახი დო ქარიში მამალას ართი დიდი მინდორიშა გაიშერულუ.
Line of edition: 38    ათე მინდორც ეფერი სინთე ქორდჷ, ეფერი, ნამდა დიო თოლქ
Line of edition: 39    ვაგაანჯინჷ, მარა მუჟანცჷთი ქიმიორჩქვანუ̄ თოლინი, საარიკო მუდგა
Line of edition: 40    რენი ქოძირჷ: ათე მინდორც ართი ოდა ქიგედგჷნი, ქაარწყე ნდო სინთე
Page of edition: 238   Line of edition: 1    ეთეურეშე რე ირფელც ართო გინოძჷნი. მინილჷ ოზეშა "ეი, მენძელია" დიიძახჷ
Line of edition: 2    ართიშა, მაჟიაშა, მასუმაშა, მარა სქანი დუდქჷ კადომიღურუ იში მეტი,
Line of edition: 3    მითინი ხოოციელქ მანგიორი პასუხი ვემეჩჷ. თიწჷმა გეგმასხაპჷ რაშიშე,
Line of edition: 4    ქიმკაკჷრჷ ჯას დო ეშელჷ აბარწაშა. გიიჯინჷ, მიიჯინჷ იშო-აშო.

Paragraph: 4  
Line of edition: 5    მითინ ვაძირჷ. დიილჷ არძა ოთახი დო ბოლოს ართი კჷლერი ოთახის ქიმიოდჷრთჷ.
Line of edition: 6    დუუხაკუუ, მარა პასუხი მითინქჷ ვემეჩჷ: ქიმიანჯირჷ კარცჷნი,
Line of edition: 7    ვაგი̄ნჯჷ; მუ̄რთჷ გურქჷ დო მუკიფურინუ ქურცი დო ქოზეპუ. კარი ხინკიცალო
Line of edition: 8    გინაართინუ დუ მინილჷ. მინილჷ დო გიიჯინჷნი, ართი საარიკო
Line of edition: 9    სქვამი, ზისნახეჯგუა ცირა ქიგლახე დო ქიინგარცჷნი, ქოძირჷ. ბოშიქ
Line of edition: 10    მიაკჷნჷ ხოლოშა. ცირაქ ქოძირჷ ხენწჷფეში სქუანი, ნგარა ქიმიოტუ. ჭიჭე
Line of edition: 11    ხანც თაში მუნჯიცალო ქუ̄ჯინედეს ართიანცჷ დო ბოლოს ბოშიქ კითხჷ:

Paragraph: 5  
Line of edition: 12    -- მინ რექ სიავა?

Paragraph: 6  
Line of edition: 13    -- მა ზღვაში ხენწჷფეში ოსურიქუა ვორექჷ დო ასე ნდის პუნქ ჭოფილ
Line of edition: 14    ოვა.

Paragraph: 7  
Line of edition: 15    -- სო რე თი ნდია? -- კითხჷ ბოშიქჷ.

Paragraph: 8  
Line of edition: 16    -- ასე ონადირუშა მიდართჷ, ალბათ მალას დიირთუ̄ დო გლახა დღას
Line of edition: 17    გიგორინუანც სიავა, -- უწუ̄ ცირაქჷ.

Paragraph: 9  
Line of edition: 18    -- ვაგაშქურინას, ის ჩქიმდა მუთა აღოლე, იში თოლისერც ქჷგოძირანქია,
Line of edition: 19    -- უწუ̄ ბოშიქჷ.

Paragraph: 10  
Line of edition: 20    -- ვაი იში მეფი, სი იშა მუთუნქ გაღოლუას: თე დღალენც, მიდგა
Line of edition: 21    რდჷნი, ჟირი ბოშიქჷ ქმორთჷ; ნდიქ ჟირიხოლო დოჸვილჷ დო ჸუდეს
Line of edition: 22    თუდო მითუსვანჯჷ. სქანი მულათი ვაახიოლე ი ჭყელცჷ დო რთხი̄ნქ:

Paragraph: 11  
Line of edition: 23    დი̄ფული დო ვარა მეუ კჷნი იშოვა, -- შეეხვეწჷ ცირაქ.

Paragraph: 12  
Line of edition: 24    ბოშიქ ქაწააჩოქჷ წოხოლე დო მანგიორო უწუ: *

Paragraph: 13  
Line of edition: 25    -- სი ჩქიმი ჩილობაში ვარიას ვათქუანქჷ-და, ათაურეშეთი მიდაგიჸონა,
Line of edition: 26    ნდისჷთი დოპილჷ დო ჩქიმი ჯიმალენცჷთი გუოცოცხლებაფუანქ
Line of edition: 27    სქანი მახვაამილაფარი ნდისია.

Paragraph: 14  
Line of edition: 28    ცირაქ თანახმაქ იჸუ. ძალამქ ეწყინჷ, მუჟანცჷთი ქჷგეგჷ, ეთი ღურელეფი
Line of edition: 29    თე ბოშიში ჯიმალეფი რდჷსი. უკულაში ჯიმაქჷ გეშასკანჯუ̄ მუში
Line of edition: 30    ჯიმალეფი ეშე ოდაშა, ლოგინცჷ ქიგლასვანჯუ̄ დო აბარწაშა გჷმილეს
Line of edition: 31    ჟირხოლო ჩილი დო ქომონჯქჷ. უცებ ართიანც ოღურჟოლჷდესჷ დო ოხუტოლჷდესჷნი,
Line of edition: 32    თიწკმა მიკააჯინესო, ნდი დიხა-უჩას ქჷმონწყუნცჷ დო
Line of edition: 33    ქჷმურცჷნი ქოძირეს. მჷნილჷ ნდიქ ოზეშა დო რაში ქოძირჷნი, ჭკომუა მუნდომუ.
Line of edition: 34    ბოშიქ დუუძახჷ აბარწაშე:

Paragraph: 15  
Line of edition: 35    -- ვაგჷგანჭყორას ღორონთქჷ დო რაში ვაჭკომავა.

Paragraph: 16  
Line of edition: 36    ნდიქ ეშეჯინჷ ეშე დო ხენწჷფეშჷი სქუა ზისნახეწკჷმა ქოძირჷნი, ართი
Line of edition: 37    ქიმიოღვეჟელუ დო დუუძახჷ ბოშის:

Paragraph: 17  
Line of edition: 38    -- მუჭო გაბედი, სი ჩიჩიე, დო უჩქიმეთ მუჭო გოტახი ჩქიმი ოთახჷში
Line of edition: 39    კარია!

Paragraph: 18  
Line of edition: 40    -- ენა სქანი საქმე ვარენ დო მუჭო გაბებდინი, ეს ასეხოლო ქჷგოძირასქია,
Line of edition: 41    -- მიოძახჷ ბოშიქჷ დო გიმელჷ გიმე.

Paragraph: 19  
Line of edition: 42    ნდი პიჯიშე დანჩჷრც ორღვანდჷ, თიჯგუა გურიმულირი ქორდჷ, მარა
Page of edition: 240   Line of edition: 1    ხენწჷფეში სქუაქ ბრელი ვააცალჷ დო ქაადირგეს ართიანცჷ. სუმი დღა დო
Line of edition: 2    სერც ქორკინებულენდესჷ. ბოლოს დუურთჷ ბოშიქ ნდისჷ დო კისერიშა
Line of edition: 3    დიხაშა დაალუ ნდი. გელესოფუ ლეკური დო ოკოდჷ დუდი მეცქალატუკო
Line of edition: 4    ნდისჷნი, ეთიწკჷმა ნდიქ შეეხვეწჷ:

Paragraph: 20  
Line of edition: 5    -- ვა პილა დო მუთი გოკო ნი, შეგისრულენქია.

Paragraph: 21  
Line of edition: 6    -- აბა ჩქიმი ჯიმალეფი გამითელი დო უკული ათე მხარეს სქანი ნაბუძგულუ
Line of edition: 7    ვა ბძირავა, -- უწუ.

Paragraph: 22  
Line of edition: 8    გეშეჸონჷ ნდი დიხაშე დო ღურელი ჯიმალეფიშა ქიმიჸონჷ. ნდიქჷ ქიგნაფურტინჷ
Line of edition: 9    ჟირხოლოსჷ დო გააცოცხლჷ. -- "აი, ჯიმა-ღურელი, მუზმა
Line of edition: 10    ხანც ქჷნობრულუენანია", თქვის ჟირხოლოქ. გიიჯინესჷ დო მუნეფიში
Line of edition: 11    უკულაში ჯიმა ქოძირესჷ. ქიგნაღურჟოლეს ართიანცჷ დო მუჟანცჷთი ირფელი
Line of edition: 12    ქჷგეგესჷნი, ხოლო უმოსო ახიოლეს. ნდიქ ხათეხოლო გეგჷნოდინჷ
Line of edition: 13    უკული იში კვალი ვაუძირჷ შურდგჷმილი კოცჷ. ბრელი დრო გაატარეს
Line of edition: 14    დო მხიარულო დო ბოლოს უნჩაში დო ოშქარი ჯიმალენქ მუნეფიში სახენწჷფოშა
Line of edition: 15    მიდართესჷ, უკულაშიქ თაქი ქჷდოსქჷდჷ. თი ჟამიში უკული
Line of edition: 16    ცხოვრენდეს სუმიხოლო ჯიმალეფი ბედინერო. მითინი ვაბედჷდჷ ინეფიში
Line of edition: 17    გენთრხაფასჷ დო თეში დააშქურინეს ირი კოჩი, ნამჷდა ინეფიში სახენწიფოში
Line of edition: 18    დიხაშა კუჩხიში გედგჷმაშათი ოშქურუდესჷ. ჟი ჩიტის ვეგნიფურინუანდესჷ
Line of edition: 19    დო თუდო ჭკჷჭკჷნტიას ვაითახოხედჷ.

Paragraph: 23  
Line of edition: 20    ღუმა თექი ვორდი დო ამჷდღა აშო გახოლით.


Paragraph: Add.  
Page of edition: Fn.  
Line of edition: 1    ამ ხაზის ქართული თარგმანი არ ჩანს^



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.