TITUS
Megrelian Texts ed. Danelia-Canava
Part No. 19
Previous part

Text: 19  
Page of edition: 240  
Line of edition: 21 
XIX. სუმი ჯიმაშ არიკი


Paragraph: 1  
Line of edition: 22    ორდეს სუმი ჯიმა კოჩი. ჟირი ორდჷ მახაჩქალი, მასჷმა ორდჷ მონადირე,
Line of edition: 23    ნადირიში მაჸვილარი. სუმიხოლო ჩილამისქუამი რდეს, მუ საკურელიე.
Line of edition: 24    ათე ჟირი ჯიმა მუშენდჷ ჸვანას, მასჷმა ჯიმა ნადირიში ხორცით
Line of edition: 25    ეთეიჯუმანდჷ ჯალაბის. ართ დღას ორე თე კოჩი ონადირუს დო ეფერი დიხაშა
Line of edition: 26    მიდართჷ, დღას ვაულ აურეშე. ართი დიდი წყარს ქიმიოდირთჷ. მოლე
Line of edition: 27    მუთუნქ ვა̄შუ̄ ოჸვილარონ, იფიქრჷ:

Paragraph: 2  
Line of edition: 28    -- მორთი, მინი̄ბლე მელე, ეგებ მუთუნი ბძირევე.
Line of edition: 29    დინი̄ლჷ წყარიშა დო მელენ ქიანას ეკილჷ. მუჭო ეკილჷ ძგაშა დო ზისნახეთ
Line of edition: 30    გინი̄რთჷ თე მონადირექ. ეფერი ზისნახეთ ნამჷდა, კოჩიში თოლი
Line of edition: 31    ეში უჯგუშის მუთას ძირუნს. მუ ქიმინას ე კოჩქ? ირსიოლჷ; მარა გინორთელი
Line of edition: 32    რე ცირათ დო ქორე.

Paragraph: 3  
Line of edition: 33    ათე მელენ ქიანას გინულირიე ონადირუშა ხენწჷფეში სქუა. ტყას ქაშახვილუ̄
Line of edition: 34    ზისნახეჯგურა ცირა თე ბოშიქ. მეწონჷ თე ცირაქ, მიდეჸონჷ მუშ
Line of edition: 35    ჸუდეშა დო გურგინი ქიგიდგჷ. გეურჩქინდჷ ართი ქომოლსქუაქ, მაჟირა
Line of edition: 36    ქომოლსქუაქ ხოლო გეურჩქინდჷ, დრო დო ხანქ გიშელუნ. წუხენს ე ცირა
Line of edition: 37    ძალამს მუში დუდიშო, ონარღჷ აქ სქუალეფიში ერჩქინა დო ექ მუში ჸუდეს
Line of edition: 38    ჩილი დო სქუალეფიში დოტება. იფიქრჷ ართიშა:
Page of edition: 242   Line of edition: 1    -- მორთი, მიდურქ ჩქიმი ქიანაშა დო ქობძიოჷ ჩილი დო სქუას შორიშე
Line of edition: 2    იშენი, დაბა მუჭო რენან დო მუჭო ვარიე.

Paragraph: 4  
Line of edition: 3    გეგმოტყობჷ დღაშით დო მოლართჷ. ქჷმორთ თე წყარიშა, მუნილჷ დო
Line of edition: 4    გინირთჷ ჭაკი ცხენო. შიწუხჷ ნაბეტანი: -- ზისნახე ვორდი დო ჭაკი ცხენო
Line of edition: 5    გინიბრთია.

Paragraph: 5  
Line of edition: 6    კინი მელე მინილჷ -- იშენი ჭაკი ცხენქ იჸუ̄. მიდართუ დო ხენწჷფეში
Line of edition: 7    ცხენენს ქახოლჷ. ეშელჷ ვარყაქ დო კვიცი ფაშატი ქჷდაშქჷ. მაჟირაშა
Line of edition: 8    ხოლო კვიცი ფაშატიქ იჸუ̄ დო მორდჷ თენა ხოლო. გიშელჷ დრო დო ხან
Line of edition: 9    ქჷნ, იფიქრჷ:

Paragraph: 6  
Line of edition: 10    -- მიდურქ ხოლო დო თი წყარს მინიბლენქია.

Paragraph: 7  
Line of edition: 11    მინილჷ მელე დო ფინია ჯოღორო გინირთჷ, ჯუა ჯოღორო. ისოფჷ,
Line of edition: 12    იკეკჷ, "მუ ღორონქ გუმაჭყორჷ, მუჭო ჯოღორო გინიფრთია", მარა მუთაქ
Line of edition: 13    მეხვარჷ. მინილჷ მელე დო ქიმერთჷ მუში ხენწჷფეში ჸუდეშა. ეფერი სქვამირე
Line of edition: 14    თე ჯოღორი მიოჯინალო, ნამჷდა კოჩი უჯგუშის მუთას ძირუნს.
Line of edition: 15    ქორე ხენწჷფეში დოხორეს თე ჯოღორი დო ჟირი ლაკვენქ ქაშუ̄, ჟირხოლო
Line of edition: 16    მუმულქ, მორდჷ ენეფი ხოლო.

Paragraph: 8  
Line of edition: 17    ასე მიშელჷ კინი თი აზრიშა ნამჷდა, ხოლო მინი̄ბლე თი წყარს დო მიდურქ
Line of edition: 18    ჸუდეშავა.

Paragraph: 9  
Line of edition: 19    მოლართჷ აშო დო მინი̄ლჷ თე წყარი. მუჭო ეკილჷ დო -- კინი მუჭო
Line of edition: 20    ორდჷ მონადირენ, თინერო ვაგინირთუო! და̄ჭყჷ ულა დო მოლართჷ მუშ
Line of edition: 21    ჸუდეშა. იჸუ̄ ძალამი მხიარულებაქ ართიანწკჷმა. გიშელჷ დრო დო ხანქ.
Line of edition: 22    ათე ქიანას ორე ართი ხენწჷფე, მეტი სქუა ვაჸუნს მუთუნი აკა ძღაბიშ მეტი.
Line of edition: 23    გინოჩჷ თე ხენწჷფექ აბალენიეფი ირი სახენწიფოშა:

Paragraph: 10  
Line of edition: 24    -- ართი ქვაბი ბჯას მინდორს ქიმწობდგუნქ დო მიდგა თის რაგადით
Line of edition: 25    იოფუნუანსიე, თის ჩილო ქიმეფჩა ჩქიმი ოსურსქუასია.

Paragraph: 11  
Line of edition: 26    მეურს ქიანაში კოჩი, მარა მითინიში სიტყვას ვეიაფუნუ̄ ბჯაქ.

Paragraph: 12  
Line of edition: 27    ათე მონადირე კოჩი ვარენო რენი, თექ იფიქრჷ:

Paragraph: 13  
Line of edition: 28    -- მა მიდურქ დო ქვეჩიებუქ ირფელი ჩქიმი გაჭირებას თი ბჟას დო ვეშილებენო
Line of edition: 29    ქიგეგონუასიე?!

Paragraph: 14  
Line of edition: 30    გინი̄ლჷ თე კოჩქ დო მეურს ამდღა ხენწჷფეში დოხორეშა. გაჯინჷნმუში
Line of edition: 31    სქუა ჟირი ბოშეფი ქიგეხენა მუში სქუა ცხენენს დო მუში სქუა ჟირი
Line of edition: 32    ჯოღორეფი გვერშაპეფი ქეკოჸუნა უკახალე. ქეკაჭიშეს თე ბოშენქ თე მონადირეს
Line of edition: 33    შარას. უჩაში სქუა მუში მეურს წოხოლე დო თეს უწუ̄:

Paragraph: 15  
Line of edition: 34    -- თქვა სიდე მეურთჷნ, თექ მეურქ მახოლო, ჭიჭე დიხა მიდამიჸონი დო
Line of edition: 35    მარდი გერგებუ, ბაბა!

Paragraph: 16  
Line of edition: 36    -- ენა მუჭო გამიბედი მა სია. -- თქუ̄ ბოშიქ, მოუნჭჷ მართახი დო ძალამი
Line of edition: 37    გოლახჷ ე კოჩი. უკულაში ჯიმა გეჸუნს უკახალენ, თექ ქჷმაჭიშუ̄ ეზჷმა
Line of edition: 38    ხანს დო გაჭყორჷ მუში ჯიმას: -- მოხუცებული კოჩი მუჭო ლახი სია?
Page of edition: 244   Line of edition: 1    გეგუ ე უკულაში ბოშიქ, მუშა რდჷ საქმენ. ქიმკიხუნუ̄ ე კოჩი ცხენიშა
Line of edition: 2    დო ქიმერთჷ ხენწჷფეში დოხორეშა. მინდორს ქვაბი ქიგედგჷ ბჟაში ეფშა.
Line of edition: 3    ქუგურენა მუკ-მუკი ირი სახენწიფოშე მულირი ბოშეფი დო ქეჩიებუნა მუნეფიში
Line of edition: 4    ამბე დო საჩიარს, მარა ბჟა ვაფუნს, ქორე გაჩემებული. ქიმერთ ხენწჷფეშა
Line of edition: 5    თე მოხუცებული კოჩქ დო თხუ̄:

Paragraph: 17  
Line of edition: 6    -- მა ქომიღუნო ნება, ქევეჩიე ბჟას ირფელი ჩქიმი გაჭირება დო ქოფუას
Line of edition: 7    ბჟაქჷნ, ოსურო ქომუჩანთ თქვანი სქუას დო ვარი?

Paragraph: 18  
Line of edition: 8    -- განჩინებით გინოჭყვადილი მაფჷ, -- უწუ̄ ხენწჷფექ, -- მიგიდაში სიტყვა
Line of edition: 9    დო რაგადი ბჟას იოფუნუანსჷნ, თის ოკო ქიმეფჩე ჩქიმი ოსურსქუა:

Paragraph: 19  
Line of edition: 10    ოკონ, მუქ დეკინას, ოკონ, შხვას აჩუქას, ინა ვარე ჩქიმი საქმე.

Paragraph: 20  
Line of edition: 11    -- აბა ჯგირია, -- თქუ ბადიდიქ.

Paragraph: 21  
Line of edition: 12    მოლართჷ დო ქჷმკუდიოთჷ ბჟაში ეფშა ქვაბის ირ კოს გუკვიროდჷ: -- თე
Line of edition: 13    მოხუცებულს მუოთ ოკო თენა დო ვარდა ეში რაგადიქ მუ ოკო ჭკიოასიე.
Line of edition: 14    ქიდი̄ჭყჷ ე კოჩქ დუდი ე მუში გაჭირება დო ირფელი ართო ქოთქუ̄.

Paragraph: 22  
Line of edition: 15    გა̄თუ̄ რაგადი დო ქოფუ̄ ბჟაქ.

Paragraph: 23  
Line of edition: 16    ეჯგურა სა̄რკო ვოუძირჷ კოს დო უკვენს არძას. ათე ბოშეფი რენა თაქჷნ,
Line of edition: 17    თენენს ქუჩქუ ანწი მუშა რე საქმენი.

Paragraph: 24  
Line of edition: 18    ხენწჷფექ ქიმიჸონჷ მუში ოსურსქუა დო ხეს ქჷდა̄კინუ̄ ბადიდის, ბადიდიქ
Line of edition: 19    მიკა̄რთჷ მუში სქუალენს დო უწუ̄:

Paragraph: 25  
Line of edition: 20    -- თქვარ ქიჸით დარწმუნებული, მუჭო მა თქვანი მუმა ვორექჷსი. უჩაში
Line of edition: 21    სქუას ეკუთნებუდჷ ე ცირა, მარა, რადგანს სი გობლახი დო უმარდული რექ
Line of edition: 22    ჩქიმიწკჷმან, თეშენი უკულაშის ვარზენქ მა ეს, მუჭოთ ჭკვერი დო მარდიანი
Line of edition: 23    ჸოფე თინან თეში.

Paragraph: 26  
Line of edition: 24    ეუკინჷ დო უკულაში სქუას ქჷდახვამჷ ოსურო რე ცირა. ექ იჸუ̄ ირკოჩიშო
Line of edition: 25    სახიოლოქ, დუდო ხენწჷფეშო, მუ საკურელიე, დო უკული შხკაშო.

Paragraph: 27  
Line of edition: 26    ხენწჷფექ ხენწჷფალა გეგლენწყჷ დო მუში სინჯას ქჷდახვამუ, რადგანს
Line of edition: 27    თინა ღირსეული ბოში ჸოფენ. ბოშიქ მოლეჸონჷ არძა ბადიდი ი ჸუდეშარეფი
Line of edition: 28    დო აცხოვრენდჷ მუწკჷმა გემუანო.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.