TITUS
Megrelian Texts ed. Danelia-Canava
Part No. 41
Previous part

Text: 41  
Page of edition: 330  
Line of edition: 17 
XXXXI. მეშხურე სამართალიში გომარჩქინეთ


Paragraph: 1  
Line of edition: 18    სოგიდენი ართი ქიჸანას ართი ხენწიფე ქოჸოფე. ათე ხენწიფეს ოთხი
Line of edition: 19    ვეზირი სამართალიში გომარჩქინეთ ნოხვე. ართიშახჷ თე ვეზირენს ძალამი
Line of edition: 20    მუთუნი სამართალი გუურჩქინუუნანი, ეფერი ჟანს ხენწიფეშა ართი მეშხურეს
Line of edition: 21    ქჷმუურთჷმუ დო თიგვარი საჩიარი გუუნწყუუ, ნამუდა ხენწიფეს
Line of edition: 22    ძალანს ხერხებუნ დო ვეზირეფიშა უზოჯჷ: "ე თქვანი გჷნარჩქინა სამარრალი,
Line of edition: 23    დაბა, თე მეშხურესჷთი ქააძირითია".

Paragraph: 2  
Line of edition: 24    მეშხურექ გააჯინჷ ვეზირეფიში გჷნარჩქინასჷნი, ვადუუდოხოდჷ, მააჸუნუ
Line of edition: 25    დო დუდიშე ბოლოშა დოხუუ. ხენწიფექ ენა ქოძირჷნი, მეშხურეს
Line of edition: 26    უზოჯჷ: "რახან თეჯგურა სამართალიში კვათუა გიჩქჷნიევე, სი ქჷდოხოდი
Line of edition: 27    მოსამართეთია".

Paragraph: 3  
Line of edition: 28    მეშხურექ ვარია უწუ: "ონდარო თოლი ქომიღუნი, თინი სამართალი ვაგჷმაოჩქინინენია,
Line of edition: 29    ჟირიხოლო თორს დოფთხორჷნქია -- და, თიწკჷმა მოსამართეთ
Line of edition: 30    ქჷდობხოდჷქია".

Paragraph: 4  
Line of edition: 31    ვიშოთი-აშოთი დო ბოლოს ჟირიხოლო თოლი იშენი გაწჷმააჸოთინაფუუ
Line of edition: 32    დო იშენი. ართი დიდი ჸუდე გუუკეთეს, მაჭარალეფი ქიმეჩეს; მუჭოთი
Line of edition: 33    სასამართოში რიგი რენი, თეში გუუნწყიის ირიფელი დო არძოში უნჩაში
Line of edition: 34    მოსამართეთ ქჷდაახუნეს. დიიჭყჷ ეფერი მართალი სამართალიში გორჩქინუა,
Line of edition: 35    ნამუდა ქიჸანაქ თის მიანჭუუ. ირი კოჩი მოსამართეთ თიშა გილეეშუ:
Line of edition: 36    დიდი, ჭიჭე, პატონი, ჭკორი, უჩაში, უკულაში, რჩინი, ბოში, პაპა დო
Line of edition: 37    ერი, მოჯგირე დო ნტერი . ართი სიხვათ, მისჷთი მუთუნი სადაა ქუუღუდჷ
Line of edition: 38    მითინიშანი, მითა დოსქილადჷ ვამერთჷნი, დო ირი კოჩი ოცქვანდჷ დო
Line of edition: 39    უმარდჷდჷ თიში სამართალს.
Page of edition: 332   Line of edition: 1    ართიშახჷ თე მოსამართეშა ართი კოჩქჷ დო ართი ოსურქ ქჷმორთეს.

Paragraph: 5  
Line of edition: 2    კოჩქ შეეხვეწჷ:

Paragraph: 6  
Line of edition: 3    -- ათე ოსურიში მახორობაშა ქიმეფრთია ჯორამო, ჩქიმი ჯორს გინი
Line of edition: 4    მოჸუნდუა დო ქჷდვოკირია; გინქ წუალა გეუჭყუა, ენა თე ოსურქ ქოძირუევე,
Line of edition: 5    გაგმარაგუა, გინს ქაატაკუა დო მა ღაჭალი გეემიჭყუა: "ენა ჩქიმი გინი
Line of edition: 6    რენია დო სქანი ჯორიწკჷმა მუ ოკორდუა?" მა ვარია ბთქვიი, დუდი იპილი,
Line of edition: 7    მარა ეწკჷმა მუთაქ გომირთჷ, გინი იშო მიდაჩაკალაფუუ. ენა მათი ვაფქიმინი,
Line of edition: 8    ჩქიმი საქონელი კარჷთი მა დჷვანები, წეებკიდითჷ დო ასე სქანდა
Line of edition: 9    გახოლითია. მიოჯინი სქანი ღორონსჷ დო სი დჷმაზეეთია.

Paragraph: 7  
Line of edition: 10    ენა თაში უწუ̄, მარა განიშე ტყობააშე ბრელი ფარა ქილააჭირინუუ დო
Line of edition: 11    მეუჩინჷ:

Paragraph: 8  
Line of edition: 12    -- არე ფარა სი ქოგიღუდასია, თე ოსურიწკჷმა ონჯღორეს
Line of edition: 13    ვამოძირანქია-და.

Paragraph: 9  
Line of edition: 14    მარა ე მოსამართექ სამართალს იშენი ვეგინუუკინჷ დო მუუჩინჷ:

Paragraph: 10  
Line of edition: 15    -- მა მუჭო შემილებუნია, სამართალი ვარენია და, ძალო ი ოსურს გინი
Line of edition: 16    მიდუუღევე?

Paragraph: 11  
Line of edition: 17    ი ოსურს უწუუ: "სი მუს იტყუქია?" ოსურქ უწუუ:

Paragraph: 12  
Line of edition: 18    -- პატონია, ჩქიმი ჸუდეშა თე კოჩქ ჯორიში გეხუნელო ქჷმორთუა დო
Line of edition: 19    ართი ოხვამერი გინამი ჩხოუში მეტი ჩქიმოთ ანდაღებული მუთა იპალუუდუვა.
Line of edition: 20    ათე ჩქიმი გინქ თე კოჩიში ჯორიშა ქიმერთჷ დო ლაჸაფი დუულაჸაფუუ:
Line of edition: 21    ითამ წჷნდჷკონი, თეში ნიჩვიში ჩირქოლი დუუჭყუა. ე კოჩქ ენა
Line of edition: 22    ქოძირჷნი, იფირქ: "ე გინს წორეთ ქიიპოთანქია", -- ქჷმააბირძღჷ მუშოთ,
Line of edition: 23    მარა, მუგაშინუაფუ, მა ინა იშა ვამატენედჷნი დო სქანი სამართალს ირი
Line of edition: 24    კოჩი ოცქვანსჷნი, მათი სქანი კარიშა ქჷმოფრთი დო ვაველჷქ უსამართოთ
Line of edition: 25    დიიბჭვევე.

Paragraph: 13  
Line of edition: 26    მოსამართექ ე ჟირხოლოში საჩიარი მიირჩქილუუ დო ათე განაჩენი ქჷდოდუ:
Line of edition: 27    " რახანო ჯორს დღას სქუა ვაშიიბუნ დო ვააშიინი, დო გინი იშენი
Line of edition: 28    შურო ვაშიილებედჷ ჯორს ქუუხუუდჷკონ, ათეშენი თე კოს გინი გაგჷწუუჸონანჷ
Line of edition: 29    დო ათე ოსურს, თი გინიში დიდაჩხოუში მინჯეს, ქიმეჩანია".

Paragraph: 14  
Line of edition: 30    ე სამართალქ ირი კოს ძალანქ მეეწონჷ დო რეჯგურა ჯგირი მოსამართეს
Line of edition: 31    ღორონთქჷთი თე ჭყოლოფუა ღოლუ: თე გინიში მინჯე ოსურიში ცახორცით
Line of edition: 32    ჟირიხოლო თოლი გუუთელჷ დო ეუხილუ. უკული ჟირიხოლო
Line of edition: 33    თოლითი ქუუდუდჷ, მარა ღურადღაშახჷ იშენი წიმინდე სამართალს კვათჷნდჷ
Line of edition: 34    დო დოღურუნი, ჩხონდჷ.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.