TITUS
Kartlis Cxovreba II
Part No. 32
Previous part

Part: XVI  
Page of ed.: 350  
King: 82 
Line of ed.: 5  
დავით მეფე


Line of ed.: 6        და დაჯდა ძე მისი დავით მეფედ. ამ ჟამში წარმოგზავნა ხონთქარმან სპასპეტი
Line of ed.: 7     
თჳსი ლაშქრითა თჳსითა უამრავითა საქართველოსა ზედა ქრისტეს აქათ ჩ̂ფიდ, და
Line of ed.: 8     
ააოჴრეს სამცხე; ჩამოვიდეს იმერეთს და დაწვეს ქუთაისი. და მივიდეს გელათსა და
Line of ed.: 9     
დაწვეს გელათი, \ და აღიღეს ალაფი მრავალი, და ვერღარა დაუდგა ბაგრატ მპყრობელი
Line of ed.: 10     
იმერეთისა. და წარვიდენ და შეიქცენ თჳსდავე ადგილსა. და შემდგომად შექცევისა
Line of ed.: 11     
მათისა ჩამოვიდა ბაგრატ მპყრობელი იმერეთისა და დაიპყრა კუალად იმერეთი.

Line of ed.: 12        
ხოლო ეპყრა კახეთი ალექსანდრესა. და იყო კაცი კეთილი და ესუა ორი ძე. და
Line of ed.: 13     
ძემან მისმან უხუცესმან გიორგი უღალატა მამასა თჳსსა ალ\ექსანდრეს ჭალასა შინა
Line of ed.: 14     
საფურცლისასა და მოკლა მამა თჳსი, და ძმასა თუალები დასწვა, და ამიერითგან
Line of ed.: 15     
უწოდეს ავ-გიორგი, და იქმნა პატრონი კახეთისა.

Line of ed.: 16        
ხოლო იყო მეფე ქართლისა დავით, და ამის ჟამში იყო კათალიკოზი ბასილი.
Line of ed.: 17     
და მოკუდა ბასილი, და დაჯდა კათალიკოზი დორათეოს. და იყო ესე დავით კაცი
Line of ed.: 18     
ლმობიერი, მშჳდი და მოშიში ღმრთისა.

Line of ed.: 19        
და აღდგა ავ-გიორგი დავითზედა და ვერღარა დაუდგა დავით: საზღვრამდის იმერეთისამდე
Line of ed.: 20     
მოარბევდის ქართლსა მრავალგზის. და თჳთ მეფე დავით შეამწყუდია
Line of ed.: 21     
ციხესა ატენისასა, მრავალდღე ბრძოდა, და ვერ წაუღო ციხე და მიიქცა თჳსდავე
Line of ed.: 22     
ადგილსა. მაშინ რქუეს ძმათა დავით მეფესა ესრეთ ვითარმედ: "მამათა ჩუენთა კახეთი
Line of ed.: 23     
მიუღეს და აწ ქართლისაცა ჰნებავს მიღება, აწ ჩუენცა აღვდგეთ მის ზედა და ვბრძოდეთ
Line of ed.: 24     
მათ ხოლო მეფემან დავით არა ინება. მაშინ თქუა ძმამან მისმან უმრწემესმან
Line of ed.: 25     
ბაგრატ: "მომეც მე მუხრანი საუფლისწულოდ ჩემდა და დროშა, დარაჯად ჩემდა იყოს
Line of ed.: 26     
ერისთავი ქსნისა და ჴეობა არაგჳსა, და შევიწიო ძალი ქრისტესი და თემიცა მისი
Line of ed.: 27     
\ იავარ ვყო". უსმინა ძმამან მისმან დავით მეფემან და მისცა ყოველი თხოვილი მისი.
Line of ed.: 28     
მოვიდა ბაგრატ და აღაშენა ციხე მტუერისა, რომელ არს ციხისძირის თავსა, და
Line of ed.: 29     
დადგა მუნ.

Line of ed.: 30        
ხოლო, რაჟამს სცნა პატრონმან კახეთისამან ავ-გიორგი, იჴმო სპა თჳსი, რაოდენ
Line of ed.: 31     
ძალ ედვა, ძალითა თჳკლითა წარმოემართა და მიადგა მტუერის ციხესა, ადგა
Line of ed.: 32     
ვიდრე სამ თუემდე. მერმე მიუვლინა კაცი ერთი ავ-გიორგი და გაუგზავნა ღჳნო
Line of ed.: 33     
ერთითა საღჳნითა და შეუთუალა, ვითარმედ: "ძე ხარ მეფისა, ნუ უკუე უღჳნობითა
Page of ed.: 351   Line of ed.: 1     
მიგჭირდეს, და სუი ესე". და ვითარცა მიართუეს ბაგრატს \ სიტყუა ესე, მას ჰქონდა
Line of ed.: 2     
ორაგული ახალი და ღჳნისა წილ თევზი გამოუგზავნა და შემოუთუალა: "ხანია, რომე
Line of ed.: 3     
დგახარ პირსა ქსნისასა, და ვერ გიშოვნია ორაგული, და აწ ესე იჴმიე და წარვედ
Line of ed.: 4     
ქუეყანასა შენსა". და რაჟამს მოართუეს ავ-გიორგის, მაშინ სცნა სიმრაველე საზრდელისა
Line of ed.: 5     
მათისა. და შესწუხებოდა ჯარი მრავალდღე დგომისაგან, მაშინ წარვიდა თემთა
Line of ed.: 6     
თჳსთა.

Line of ed.: 7        
და ხანსა რაოდენსამე უკანა შეიყარა სპა თჳსი ავ-გიორგი და წარმოვიდა დარბევად
Line of ed.: 8     
ზემო ქართლისა, მივიდა, დაარბია \ ზემო ქართლი და დაბრუნდა გამარჯუებული
Line of ed.: 9     
და წარმოემართა. და რაჟამს. ესმა ბაგრატს, მპყრობელსა მუხრანისასა, შეიყარა სპა
Line of ed.: 10     
თჳსი და დაუმზირდა ჴევსა მას შინა, რომელ არს ძალის[ს]ა და ჭაპურს შუა. და ლაშქარნი
Line of ed.: 11     
ავ-გიორგისანი წინა წარმოვიდენ ნაშოვრისა მისთჳს, რომელი წარმოეღოთ.
Line of ed.: 12     
ხოლო ავ-გიორგი მცირითა კაცითა უკანა მოვიდოდა და მონადირობდა და არავისი
Line of ed.: 13     
ფიქრი ჰქონდა.

Line of ed.: 14        
და რაჟამს დაუახლოვდა, სადა მდგომარე იყო ბაგრატ, მაშინ შეუტივა გულითა
Line of ed.: 15     
სრულითა და შეიპყრა ავ-გიორგი და სპანიცა, რომელნი მის თანა იყვნენ. პატიმარ-ყო
Line of ed.: 16     
ავ-გიორგი მტუერის ციხესა, რომელ არს მუხრანს, ქრისტეს აქათ ჩ̂ფიდ.

Line of ed.: 17        
მაშინ მიუმცნო ძმასა თჳსსა მეფესა დავითს საქმე ესე. და რა ესმა საქმე ესე,
Line of ed.: 18     
განიხარა ფრიად. და ხანსა მცირედსა მოკუდა ავ-გიორგი; და რომელნიმე იტყჳან
Line of ed.: 19     
დაარჩვესო, და რომელნიმე იტყჳან თავისის დღით მოკუდაო. აღაშენა მცხეთას მცირ
Line of ed.: 20     
ეკლესია მთავარ-ანგელოზისა ჩრდილოთ \ კერძო და მუნ დამარხეს. და მიერითგან
Line of ed.: 21     
იტყჳან კახი ბატონნი, რომე \ მცხეთა სამარხო არისო ჩვენიო.

Line of ed.: 22        
ხოლო შემდგომად ავ-გიორგის დაჭერისა, დაიპყრო კახეთი მეფემან დავით. და
Line of ed.: 23     
დარჩა ძე გიორგისა, რომელსა ეწოდა ლევან, მცირედ. და წარმოიყვანა [...] ყრმა იგი
Line of ed.: 24     
დედითურთ და დამალა პატივითა სახლსა ჩოლაყაშვილისა გარსევანისასა, რომელი
Line of ed.: 25     
იყო სახლთ-უხუცესი, რამეთუ ეყოდა დედასა მისსა. და რა \ სცნა მეფემან დავით,
Line of ed.: 26     
წარავლინა ძმა თჳსი ბაგრატ და ერისთავი ქსნის და ამილახორი, რათა დასჩხრიკონ
Line of ed.: 27     
კახეთს მსახლობელნი დიდით ვიდრე მცირემდი, რათა იპოვონ ყრმა იგი. მაშინ წარვიდენ
Line of ed.: 28     
საძებნელად, დასდვეს შიში და ზარი ყოველთავე კაცთა ზედა და დააფიცეს, რათა
Line of ed.: 29     
არა უწყოდენ ყრმა იგი თუ სადა არს, და ყოველთავე შეჰფიცეს, რომე არა ვიცითრაო.
Line of ed.: 30     
შემდგომად მოვიდნენ სახლსა ჩოლაყაშვილის სახლთ-უხუცესისასა გარსევანისასა.
Line of ed.: 31     
და მოეპოვა გარსევანს საქმე ესე, რამეთუ მოიყვა\ნა ყრმა იგი ლევან მონისა თჳსისა
Line of ed.: 32     
ძია მსგავსად, და მას დღესა მეღჳნედ იმსახურებდა ყრმასა მას, ვითარცა მონასა.
Line of ed.: 33     
და დღესა მეორესა შეფიცა ფი\ცითა საშინელითა ბაგრატს, ვითარმედ: "რაოდენიცა
Line of ed.: 34     
თქუენ ჩემსა სახლში არ იხილენით და არც თქუენმან თვალმან არა ნახა, იმის მეტი
Line of ed.: 35     
არა მყვანდეს, არა დიდის კაციშვილი და არც ცოტასი". შეიჯერა ფიცითა ამით.

Page of ed.: 352  
Line of ed.: 1        
და ესენი რა წამოვიდნენ, ბაგრატ და ერისთავი და ამილახორი მაშინ ჩოლაყაშვილმან
Line of ed.: 2     
გარსევან ვეღარა თავს იდვა სახლსა თჳსსა დაფარვა ლევანისა და წარმოიყვანა
Line of ed.: 3     
და შეიყვანა ციხესა მას ოჩონისასა, რომელ არს თავსა ივრისასა. შემოეხვივნენ
Line of ed.: 4     
ზემოურნი და გარემონი კახნი და მიერთ[ნენ] ლევანს. წარმოემართა და ჩამოვიდა კახეთად.

Line of ed.: 5        
და ესმა ესე დავით მეფესა, შეიყარა სპა თჳსი და წარემართა კახეთად. და გარდავლო
Line of ed.: 6     
გომბორი, და ჩავიდა კახეთად. და შემოყარნენ კაცნი ისრევე მეფესა დავითს,
Line of ed.: 7     
და ვეღარა აღდგა ლევან წინა, ივლტოდა და შევიდა ციხესა, რომელ არს თავსა
Line of ed.: 8     
მაღნარისასა. ხოლო მოიცვა მეფემან გარემონი ციხისა და დაუწყო ბრძოლა \ ძლიერად.
Line of ed.: 9     
მას ჟამსა მოვიდა ოსმალუ და მოეოჴრებინა სამცხე, და ვერავინ წინააღსდგომოდა
Line of ed.: 10     
სამცხესა და მოვიდენ შიდა ქართლსა; და ვერავინ წინააღუდგა ქართველი, ამისთჳს,
Line of ed.: 11     
რომე კახეთს იყვნენ ლაშქრად.

Line of ed.: 12        
ხოლო მეფესა დავითს მოართუეს ამბავი ესე კახეთს. და რა ესმა ესე, მას ჟამად
Line of ed.: 13     
დაფარა, რამეთუ ციხესა მყოფნი ლევან და დედა მისი შეეჭირვებინა, საქმისა ამისთჳს
Line of ed.: 14     
მუნ დგომა აღარ ეძლო; და წარუვლინა დედასა მისსა მოციქული. ამილახორი და
Line of ed.: 15     
მთავარეპისკოპოსი და სთხოვა ციხე, და რა ესმა დედასა ლევანისასა და მეციხოვნეთა
Line of ed.: 16     
მოსვლა მოციქულისა, ღონე არღარა ჰქონდათ, და შეწუხებულ იყვნენ მიცემისაგან კიდე.
Line of ed.: 17     
მისვლასა მთავარეპისკოპოზისასა აღდგა დედა ლევანისა შემთხუევად მთავარეპისკოპოზისა, -- იდუმალ
Line of ed.: 18     
რქუა მთავარეპისკოპოზმან: "მაგრად იყავ, ამაღამე წავალთ". რა ესმა
Line of ed.: 19     
დედასა ლევანისასა, განიხარა და თჳსთა ყოველივე აუწყა, და ყოველთა თქუეს სიმაგრე
Line of ed.: 20     
და მიუცემლობა. და რა ესმნეს მოციქულთა \ ესე, წარმოვიდენ და მოაჴსენეს მეფესა
Line of ed.: 21     
დავითს და ესევითიარი ციხეს მაგრობა. და ვეღარა დადგა მეფე და წარმოვიდა.

Line of ed.: 22        
და მოვიდა ზემო-ქართლად და შეება ოსმალუს ჯარსა. მისცა ძლევა ღმერთმან
Line of ed.: 23     
მეფესა დავითს და ამოსწყჳტა ოსმალუ და გაემარჯუა, და შეიქცა ოსმალუ თჳსდავე
Line of ed.: 24     
ადგილად. ხოლო მცირესა ჟამსა უკან გაილაშქრა კახეთად მეფემან დავით.

Page of ed.: 353  
Line of ed.: 1        
რაჟამს წამოსულიყო მეფე დავით, გამოსულ იყო ლევან და მისვლოდეს კახნი და
Line of ed.: 2     
ექმნა პატრონად მათდა. და იყო ლევან მაშინ წლისა შჳდისა. და რაჟამს მივიდა მეფე
Line of ed.: 3     
დავით საგარეჯოსა, შემოეყარნენ საგარეჯო[ელ]ნი და მას-აქეთნი კახნი და წარვიდა
Line of ed.: 4     
მეფე დავით ქისიყსა, და იყო ლევან მუნ და ახლდა მცირე ჯარი. რა მივიდა მეფე
Line of ed.: 5     
დავით, ეწყუნეს ურთიერთას ქისიყსა. დაუმარცხდა მეფესა დავითს და წარმოვიდა თჳსთა1
Line of ed.: 6     
ხოლო ლევან დაიპყრა კახეთი და მოიყვანა ცოლად ასული გურიელისა თინათინ.

Line of ed.: 7        
ამა თინათინისასა იტყჳან, სიყრმესა შინა ნახა ჩუენება ესე: "შეგირთავს მთავარი
Line of ed.: 8     
ვინმე და მისვლასა შენსა ადგილსა ერთსა" უჩუენა ადგილი ნიშანი და რქუა
Line of ed.: 9     
ესრეთ: "და მუნ იქმნება შინდი თეთრი ერთი. და უშენე მონასტერი ერთი დედასა
Line of ed.: 10     
ღმრთისასა". ხოლო რაჟამს მოიყვანეს შუამთასა და ჩამოაჴდინეს განსასუენებელად, და
Line of ed.: 11     
რაჟამს იხილა თინათინ ადგილი იგი, იყო ყოველივე ნიშნეული ჩუენებისა და შინდი
Line of ed.: 12     
თეთრიცა. რაჟამს იქორწინეს, შემდგომად აღაშენა ეკლესია შუამთისა და დაადგინა
Line of ed.: 13     
მოძღუართ-მოძღუარი. და შვა ორ ძე: ალექსანდრე და ვახტანგ. და მიიცვალა თინათინ
Line of ed.: 14     
და დაემარხა ეკლესიასა თჳსსა შენებულსა. ამისთჳს არა დაეფლა ქმრისა მისისა
Line of ed.: 15     
თანა, რამეთუ იყო ლევან კაცი მეძავი. და შემდგომად ისუა ლევან სხუა ცოლი, ყარა
Line of ed.: 16     
მუსალის შამხლის ასული, \ მანცა უშვა ძე სამი: გიორგი, ელიმირზონ და ქაიხოსრო.

Line of ed.: 17        
ხოლო მეფე ქართლისა დავით იყო თჳსთა, ხანსა რაოდენსამე უკანა იქმნა მონოზან
Line of ed.: 18     
და ჰყვანდა სამნი ძენი: ლუარსაბ, დემეტრე და რამაზ, მისცა მეფობა თჳსი ძმასა
Line of ed.: 19     
თჳსსა უმრ\წემესსა გიორგის. მეფე დავით ხანსა რაოდენსამე უკანა მიიცვალა ქალაქსა
Line of ed.: 20     
ტფილისისასა, ქრისტეს აქათ ჩ̂ფკზ.



Next part



This text is part of the TITUS edition of Kartlis Cxovreba II.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.