TITUS
Kartlis Cxovreba II
Part No. 35
Previous part

Part: XIX  
Page of ed.: 366  
King: 85 
Line of ed.: 28  
მეფე სვიმონ


Line of ed.: 29        და დაჯდა მეფედ მამისა მისისა წილად მეფე სჳმონ და ეკურთხა მუნვე მცხეთას.
Line of ed.: 30     და ამას ჟამსა შინა იყო კათალიკოზი ნიკოლოზ. და მოკუდა კათალიკოზი ნიკოლოზ
Line of ed.: 31     და დაჯდა დომენტი.

Page of ed.: 367  
Line of ed.: 1        და მაშინღა დაემძახლა მეფე სჳმონ კახს ბატონსა ლევანსა. და მოსცა ბატონმან
Line of ed.: 2     ლევან ქა\ლი თჳსი, ნაშობი შამხლის ქალისაგან, და ყვეს ქორწილი სახელოვანი.
Line of ed.: 3     და იყვნენ წელსა ხუთსა განსუენებით. და დაიპყრა საქართველო და პატრონობდა
Line of ed.: 4     კეთილად.

Line of ed.: 5        ამისა შემდგომად იწყო ამანცა მტერობა. შემოიყარა სპა თჳსი და ჩამოვიდა ციხედიდს.
Line of ed.: 6     და მიუმცნო ცოლის ძმასა თჳსსა კახ-ბატონიშვილს გიორგის, ითხოვა მისგან
Line of ed.: 7     შეწევნა. და მოვიდა გიორგი, ცოლის ძმა მისი, და შემოეყარა ციხედიდს.

Line of ed.: 8        მაშინ სცნეს სპარსთა და წარმოვიდეს მსწრაფლ იდუმალ რამეთუ მაშინ ხუნანი,
Line of ed.: 9     [ღვინჭრობი] და ვაშლოვანი, და თელეთები აოჴრებული იყო, მოვიდნენ და დადგნენ
Line of ed.: 10     იაღლუჯას. მუნითგან წარმოვიდნენ იდუმალ. რამეთუ მაშინ ტფილისის ციხე თათართა
Line of ed.: 11     ეპყრა და მათ არა განთქუეს, და ღამე წარმოვიდენ. და ვერა აგრძნა მეფემან სჳმონ
Line of ed.: 12     ამისთჳს, რომე ფარეშად გერმანოზის-შვილი ყარაულად იდგა მუხათგუერდს, და ის
Line of ed.: 13     ღამე აღდგომის ღამე იყო. და ასულიყო სოფელსა მუხათგუერდისასა ამისთჳს, რომ
Line of ed.: 14     აღდგომის სასწაულსა და წირვას გარდიჴდიდა და მერმე წარმოვიდოდა და გზის მცველად
Line of ed.: 15     დადგებოდა. ამაშიგან შემვლოთ ყიზილბაშთა, და ვერა ეგრძნა ფარეშადს, და
Line of ed.: 16     დაესხნეს მეფესა სჳმონს.

Line of ed.: 17        მაშინ იქმნა ბრძოლა ძლიერი, ქრისტეს აქათ ჩ̂ფო, რამეთუ იბრძოდეს ქართველნი
Line of ed.: 18     მჴნედ და მეფე სჳმონ, და მაშინ მოიკლა ძე ბატონის ლევანისა გიორგი, და
Line of ed.: 19     მოსწყდა თავადნი და აზნაურნი და მრავალნი მსახურნი, და მოსწყდა ყიზილბაშნი
Line of ed.: 20     ორი წილი. მაგრამ ბოლოს იძლივნეს ქართველნი, და ივლტოდა მეფე სჳმონ და
Line of ed.: 21     სპანი მისნი, ხოლო ყიზილბაშნი \ შეიქცენ გამარჯუებულნი, და წარვიდენ თჳსად.
Line of ed.: 22     და იქმნა გლოვა დიდი \ ძისათჳს ბატონის ლევანისა; და წარიღეს და დამარხეს სამარხოსა
Line of ed.: 23     თჳსსა ალავერდს. და რა იხილა ძმამან მეფის სჳმონისამან დავით საქმე ესე
Line of ed.: 24     (და ესე დავით იყო კაცი უღმრთო, მოყუარე სოფლისა, მეძავი და მემრუშე, რომლისა
Line of ed.: 25     გულსა არარა იყო ზრუნვა სულისა და ქუეყნისა ამის, თქმულ არს, ვითარმედ მამის
Line of ed.: 26     სიკუდილშიაც ერივაო, მეფის ლუარსაბისაშიაო) -- და ამან განცა ძმა და ქუეყანა თჳსი
Line of ed.: 27     და წარვიდა ყაენთან, და მივიდა შაჰ-თამაზთანა ყაზმინს, და გაჰყვნეს რომელნიმე
Line of ed.: 28     თავადნი აზნაურნი და მსახურნი, გათათრდა და უწოდეს დაუთხან. და მუნ დიდად
Line of ed.: 29     პატივ-სცა შაჰ-თამაზ, და უწოდა ძმად თჳსად, და ასწავლა სჯული მაჰმადისა. და გაგზავნა
Line of ed.: 30     ტფილისსა და რაოდენი ადგილი ეპყრა საქართველოსანი. და მოუმცნო სულთანსა
Line of ed.: 31     განძისასა შემწეობა მისი. და მოვიდა დაუთხან ტფილისსა, და დაიპყრა ტფილისი.

Page of ed.: 368  
Line of ed.: 1        ეძჳნებოდა მეფესა სჳმონს და ყოველსა საქართველოსა საქმე ესე შეიყარა ჯარი
Line of ed.: 2     მეფემან სჳმონ \ და წარვიდა დაუთხანზედა, ქრისტეს აქათ ჩ̂ფჲჱ. და მოვიდა მეფე
Line of ed.: 3     სჳმონ დიღვამს; და რა სცნა დაუთხან, მოიცა ძალი ყაენისაგან და, რაოდენი ჯარი
Line of ed.: 4     ჰყვანდა ტფილისსა და გარეშემო საქართველოსნი, შემოიყარა და წარმოვიდა და
Line of ed.: 5     მოეგება წინა მეფესა სჳმონს დიღვამს. და ეწყუნენ ურთიერთას, და იქმნა ბრძოლა
Line of ed.: 6     ძლიერი, და მოისრა დაუთხანის სპისაგან მრავალი. და მისცა ღმერთმან ძლევა მეფესა
Line of ed.: 7     სჳმონს, და ივლტოდა დაუთხან და შევიდა ციხესა ტფილისისასა, და მოადგა მეფე
Line of ed.: 8     სჳმონ გარე, და დაიპყრა ყოველნივე გარემონი, და დადგა მრავალხან. და შეაწუხეს,
Line of ed.: 9     და ადგნენ ხანსა რაოდენსამე.

Line of ed.: 10        და რა შეწუხდა დაუთხან, გაგზავნა კაცი სარდალს უსეინ ბეგთანა ყარამანლუსა,
Line of ed.: 11     და აუწყა შეწუხება თჳსი და ითხოვა მისგან შეწევნა. და რაჟამს ესმა უსეინ ბეგს,
Line of ed.: 12     მსწრაფლ წარვიდა. და ვერა სცნა მეფემან სჳმონ მოსვლა მისი, და შემოვიდა ციხესა
Line of ed.: 13     ტფილისისასა, დაუდვა იმედი დაუთხანს, განიხარა.

Line of ed.: 14        და რა სცნა სჳმონი, \ უკუ-ეცალა, და ავიდა ტაბაჴმელასა. და რა სცნა დაუთხან
Line of ed.: 15     საქმე ესე, განლაღდა და განვიდა ბრძოლად. და ეწყუნეს ურთიერთას ტაბაჴმელას.
Line of ed.: 16     შეიქმნა ბრძოლა ძლიერი. და გალომდა მეფე სჳმონ და ქართველნი, და მოსრეს სპა
Line of ed.: 17     დაუთხანისა \ ურიცხჳ და იოტეს ბანაკი მისი. და შემოადგა ციხესა მეფე სჳმონ და
Line of ed.: 18     შეაწუხა დაუთხან, და უზრახა სჳმონ მეფესა, რომელნი მას თანა ჰყვნეს ქართველნი,
Line of ed.: 19     ხოლო მათ არა ინებეს მოსვლა მის თანა. და სცნა მეფემან სჳმონ სიმაგრე ციხისა
Line of ed.: 20     და უკუ-ეცალა.

Line of ed.: 21        და მიუმცნო დაუთხან შაჰ-თმაზს საქმე ესე. მაშინ მოუწერა შაჰ-თამაზ ჩერქეზსშამხალს
Line of ed.: 22     სულთანსა შაქისასა, რათა წარვიდეს ლაშქრითა შაქელითა და ყარაბაღელისათა.
Line of ed.: 23     და წარმოემართა შამხალ-სულთანი სპითა მრავლითა და მოვიდა ქართლად.

Line of ed.: 24        რა სცნა სჳმონ მეფემან, შეიყარა სპა თჳსი და მოვიდა აწუფისს, და ისინი
Line of ed.: 25     მოვიდეს ფარცხისს. ხოლო წარვიდა კახაბერი ყორღანაშვილი და მიეგება განჯას და
Line of ed.: 26     მიერითგან მოუძღოდა იგი \ და ეტიკობდა. და ეძჳნებოდა ყიზილბაშთა მოსვლა ქართლად,
Line of ed.: 27     და ამან ყორღანაშვილმან გაუადვილა და ესრეთ უთხრა: "სისხლი თქუენი ჩემსა
Line of ed.: 28     ქედსაო, უკეთუ გევნოსთო რამეო". და მან წარმოიყვანა.

Page of ed.: 369  
Line of ed.: 1        და რა სცნა მეფემან სჳმონ მოსვლა მათი ფარცხისს, ჩავიდა და ეწყო მუნ. და
Line of ed.: 2     იქმნა ბრძოლა ძლიერი, და მოსწყდეს ორგნითვე მრავალი. შეუტივა მეფემან სჳმონ
Line of ed.: 3     ყიზილბაშსა ერთსა და სცა ოროლი და მოკლა იგი. და შეუტივა სხუათა და განშორდა
Line of ed.: 4     სპასა თჳსსა. მაშინ უთხრა კახაბერ ყორღანაშვილმან ყიზილბაშთა, ვითარმედ
Line of ed.: 5     მეფე სჳმონ განშორდა სპასა თჳსსა, და აცნობა. და რა სცნეს ყიზილბაშთა, შემოეხჳვნეს
Line of ed.: 6     მეფესა სჳმონს და შეიპყრეს მეფე სჳმონ და ივლტოდეს სპანი ქართველთანი.

Line of ed.: 7        და წარიყვანეს მეფე სჳმონ შაჰ-თამაზთანა და რა მივიდა შაჰ-თამაზ დიდად
Line of ed.: 8     პატივ-სცა მეფესა სჳმონსა და მიანიჭა ნიჭი მრავალი და ხანსა მრავალსა აიძულა
Line of ed.: 9     დატეობა სჯულისა. ხოლო მეფემან \ სჳმონ არა დაუტევა სჯული ქრისტესი და ეგო
Line of ed.: 10     სიმტკიცესა ზედა, ამისთჳს შეიპყრა და ტყუე-ყო ციხესა ალამუთისასა.

Line of ed.: 11        ხოლო ჟამსა ამას შინა მიიცვალა ბატონი ლევან, მპყრობელი კახეთისა, წელსა
Line of ed.: 12     ქრისტეს აქათ ჩ̂ფოვ. და დაჯდა მის წილად კახეთს ძე მისი პირმშო ალექსანდრე.
Line of ed.: 13     ხოლო ნაშობნი შამხლის ქალისანი, ელიმირზონ ძე ლევანისა და ხოსრო-მირზა, უწინ
Line of ed.: 14     სჳმონ მეფის მოყურობით გათამამებულნი იყვნენ და განძლიერებულნი. არა უმდაბლეს
Line of ed.: 15     ალექსანდრესა. და \ მიერთნენ რომელნიმე კახნი და -- რამეთუ ჩუეულებაცა არს
Line of ed.: 16     კახთა, -- და მივიდეს თორღას ელიმირზონ და ხოსრო-მირზა.

Line of ed.: 17        და რა სცნა ბატონმან ალექსანდრე, შეიყარა მანცა სპა თჳსი და წარვიდა მათ
Line of ed.: 18     ზედა. მივიდა და ეწყუნენ ურთიერთას. და ქმნა ბრძოლა ძლიერი და მოისრა ორგნითვე
Line of ed.: 19     სპანი მრავალნი და მოიკლნეს ელიმირზონ და ხოსრო-მირზა ორნივე ძმანი.

Line of ed.: 20        და დაჯდა ბატონი ალექსანდრე. და ჰყვა ნაშობი დედისა თჳსისა \ გურიელის
Line of ed.: 21     ქალთან ძმა ერთი, და მოკუდა სენითა თჳსითა იგიცა. და დარჩა ბატონი ალექსანდრე
Line of ed.: 22     მარტოდ.

Line of ed.: 23        ხოლო დაიპყრა დაუთხან საბარათიანო და დაჯდა დმანის-ჴევსა ციხესა ქუეშე.

Line of ed.: 24        და ცოლი მეფისა სჳმონისა დედოფალი ნესტან-დარეჯან, ასული კახის ბატონისა,
Line of ed.: 25     იყო კავთისჴევს და ჰყვა ძე მისი მცირე გიორგი. და რა ნახეს ქსნის ერისთავმან და
Line of ed.: 26     ამილახორმან, ნესტან-დარეჯან დედოფლის ქმარი ალამუტის ციხეში დაატყუევეს, და
Line of ed.: 27     ძმანი მისნი მოსრნა ალექსანდრე. და ალექსანდრეც არ იყო კარგი იმისთჳს, ამისთჳს
Line of ed.: 28     რომე არ იყო ნაშობი დედისა თჳსისა, ამაზედ დრო იცეს ამილახორმან და ქსნის
Line of ed.: 29     ერისთავმან, და შეესივნეს დედოფალს ნესტან-დარეჯანს და აიფორაქეს და წარიღეს
Line of ed.: 30     საქონელი ყოველივე, რაცა ჰქონდა რამე. თუ დაუთხანსა არ ენაღულებოდა. და მიერითგან
Line of ed.: 31     ითქუა: "ვაი ბატონის სჳმონის საქონელიო", რომელსა აწცა იტყჳან ქართველნი.

Page of ed.: 370  
Line of ed.: 1        ხოლო საჩინო ბარათაშვილი იყო სპასპეტი, \ კაცი ყოვლის კეთილით შემკული
Line of ed.: 2     და არა მორჩილი დაუთხანისა და არცა ყიზილბაშთა, სიყუარულისათჳს სჳმონისა.
Line of ed.: 3     ხოლო დღესა ერთსა მოვიდოდა კოჯრისაკენ და, რა მოვიდა ჴევის თავსა გელიყარისასა,
Line of ed.: 4     მუნ კახაბერი ყორღანაშვილი შემოეყარა წინა, რომელმან უწინამძღურა ყიზილბაშთა
Line of ed.: 5     და დააჭერინა მეფე სჳმონ. და რა იცნა საჩინომ კახაბერი ყორღანაშვილი,
Line of ed.: 6     შეიპყრა და გარდააგდო კლდესა მას გელიყარისასა. და რა მიგორევდა ჩაღმა, იტყოდა
Line of ed.: 7     თჳთვე ლექსსა ამას:


Line of ed.: 8        ყორღან-ოღლი" ქარაფინდა, ხელი ჰკრეს და გადაფრინდა"


Line of ed.: 9        ხოლო კახსა ბატონსა ალექსანდრეს ესუა ცოლად ასული ამილახორისა. და ესხნეს
Line of ed.: 10     ხუთ ძე: დავით, ერეკლე, გიორგი, კოსტანტინე, როსტომ, ასული ერთი ნესტან-დარეჯან.
Line of ed.: 11     ხოლო ესე ნესტან-დარეჯან მიათხოვა დადიანსა მანუჩარს, ძესა მამიასასა,
Line of ed.: 12     ზითჳთა დიდითა. ხოლო ძე მისი ერეკლე გაუარშივდა \ ალექსანდრეს და წარვიდა
Line of ed.: 13     სტამბოლს.

Line of ed.: 14        და რა ესმა შაჰ-თამაზს წარსვლა მისი სტამბოლს, განრისხდა შაჰ-თამაზ და
Line of ed.: 15     ჰგონებდა ბატონის ალექსანდრესაგან საქმესა ამას. და წარემართა შაჰ-თამაზ სპითა
Line of ed.: 16     ურიცხჳთა ალექსანდრესა ზედა და მოვიდა შაჰ-თამაზ ყარაბაღს.

Line of ed.: 17        შეწუხდა ბატონი ალექსანდრე. ხოლო იყო სახლთ-უხუცესი ჩოლაყაშვილი და მან
Line of ed.: 18     უთხრა კახთა და ბატონს ალექსანდრეს, რომე "რაც ამაზედ ცოდვა იქნას ყველასი
Line of ed.: 19     იყოსო და მე მოვარჩენ კახეთსაო ამოწყვეტისაგანო". და მაშინ მისცეს ჴელით-წერილი
Line of ed.: 20     ყოველთავე მკჳდრთა კახეთისათა, რაც მაშიგ ცოდვა იქმნას, ჩუენი იყოსო.

Line of ed.: 21        მაშინ განიზრახა ესრეთ: ქაისოსრო ათაბაგი მომკუდარიყო და ძე მისი მანუჩარ
Line of ed.: 22     მცირე დარჩომილიყო, არა ეძლო პყრობა ზემო ქართლისა მანუჩარს და დედისიმედი
Line of ed.: 23     პატრონობდა. ესე არჩია კახ ბატონის სახლთუხუცესმა ჩოლოყაშვილმა, რომ დედისიმედი
Line of ed.: 24     უღ(ვ)თო ქალი არისო და გლისპიო, და მიუმცნოთ ესრეთ:

Line of ed.: 25        ვარაზას" შაჰ-თამაზ ყაენი მანდ მოჰყავსო, \ ნებავს ამოწყუეტა სამცხისაო და ძისა
Line of ed.: 26     შენისაო მანუჩარის სიკუდილიო, და მრავალგზის მოგაყივნა ქუეყანასა ზედაო და
Line of ed.: 27     თჳთონ უნდა ეგ ქუეყანა დაიჭიროსო. და მანდ გაბატონდესო. და დაიჭირე ვარაზა,
Line of ed.: 28     მოჰკალ და მერმე შაჰ-თამაზ ყაენი ვეღარ მოვა და გაბრუნდება და წავა და მორჩება
Line of ed.: 29     ქუეყანაო".

Line of ed.: 30        და რა ესმა დედისიმედსა, დაიჯერა ამისთჳს, რომ იყო უჭკუო და უმეცარი,
Line of ed.: 31     გლისპი და ღმრთის უშიშარი ქალი იყო, და შეიპყრა ვარაზა შალიკაშვილი ღალატითა
Line of ed.: 32     და მოკლა. ესე ვარაზა იყო შვილი ოთარ შალიკაშვილისა და ცოლის-ძმა
Line of ed.: 33     შაჰ-თამაზ ყაენისა.

Page of ed.: 371  
Line of ed.: 1        და რა ესმა შაჰ-თამაზს სიკუდილი მისი, განწერა შაჰ-თამაზ და წარვიდა სამცხეს
Line of ed.: 2     და დაუტევა კახეთი. და შევიდა სამცხეს, და მოაოჴრა და ამოსწყჳტა სამცხე და მრავალი
Line of ed.: 3     ბოროტი შეამთხჳა სამცხესა, და შემდგომად ამისსა შემოიქცა და წარმოვიდა.

Line of ed.: 4        მაშინ გაუგზავნა კაცი სულტანსა ოსმალისასა და მიუწერა ესრეთ: "ვყოთ მშჳდობა
Line of ed.: 5     ურთიერთას, რამეთუ \ სჯულითა ვართ მოსავნი მაჰმადისანი", რამეთუ მაშინ ბრძოლა
Line of ed.: 6     იყო მათ შორის. უსმინა სულტანმან და შერიგდენ. მაშინ განყვეს ქუეყანანი და დარჩა
Line of ed.: 7     სულტანს იმერეთი, ოდიში, გურია, ზემო ქართლი საზღვრამდე ქართლისა, და კარი
Line of ed.: 8     საზღვრამდე \ აბოცისა და ერვნისა, სომხითი, რომელსა აწ ქურთისტანად სახელსდებენ,
Line of ed.: 9     ვიდრე ბაღდადამდე. ხოლო შაჰ-თამაზს დაუგდო ქართლი კახეთი, ერევანი
Line of ed.: 10     და ქურთისტანს აქათი. და მშჳდობა ჰყვეს ურთიერთას და მიერითგან იყო შაჰ-თამაზ
Line of ed.: 11     მოსუენებით, აღარავინ უძლო მტერობად მისად, და იყო ხანსა რაოდენსამე
Line of ed.: 12     განსუენებით.

Line of ed.: 13        ხოლო ბატონმან ალექსანდრე გაუგზავნა ძე მისი კოსტანტინე და მრავალი
Line of ed.: 14     ძღუენი და თავის-მართლება შეუთუალა, რომე ძე ჩემი ერეკლე ჩემად უნებურად წავიდა
Line of ed.: 15     სტამბოლსო, და შეეხუეწა და წავიდა. ისმინა ვედრება ბატონის ალექსანდრესი, შესჯერდა
Line of ed.: 16     და წარვიდა ადგილსა თჳსსა.

Line of ed.: 17        და ხანსა რაოდენსამე შინა მოკუდა შაჰ-თამაზ და დაჯდა მის წილ ძე მისი
Line of ed.: 18     ისმაილ-მირზა. ამან გამოიყვანა მეფე სჳმონ ალამუტის ციხიდამე და მოიყვანა მის
Line of ed.: 19     თანა. და ესე ისმაილ-მირზა იყო კაცი მესისხლე და მრავალნი კაცნი დაჴოცნა. და
Line of ed.: 20     შეიძულეს ყიზილბაშთა და რჯულით სუნობასაც ეწამებოდენ, და ექუს თუეს იბატონეს
Line of ed.: 21     და მოკლეს. და დასუეს მის წილად ძმა მისი შახუდაბანდა. და ესე იყო შახუდაბანდა
Line of ed.: 22     კაცი უღონო და თუალითა ბრმა, და ვერა იპყრა მეფობა ყიზილბაშთა წესისაებრ.

Line of ed.: 23        ამას ჟამსა შინა გამოვიდა ხონთქარის ჯარი, და თავრეზი, ერევანი, განჯა და
Line of ed.: 24     ყარაბაღი და ვიდრე სულთანიამდე დაიპყრეს ყოველივე ადგილი ადარბაგანისა. და
Page of ed.: 372   Line of ed.: 1     ხანსა რაოდენსამე უკანა გამოვიდა ლალა ფაშა, რომელი იყო გამზრდელი ხონთქრისა,
Line of ed.: 2     ქრისტეს აქათ ჩ̂ფოთ.

Line of ed.: 3        მაშინ დახუდა მანუჩარ ათაბაგი, ძე ქაიხოსროსი და დედისიმედისა, -- და ამას
Line of ed.: 4     ესუა ცოლად დაჲ სჳმონ მეფისა, -- და დახუდა ესე მანუჩარ ათაბაგი და დაესხა რომელსამე
Line of ed.: 5     თარეშსა და ნაწყუედსა ჯარისასა, და მოსრა რაოდენიმე, და მერე ვეღარა დაუდგა
Line of ed.: 6     და გარდმოვარდა ქართლს თავის სიდედრთანა.

Line of ed.: 7        ხოლო ლალა ფაშამ ამოსწყჳტა ყოველი სამცხე და დაიპყრა ციხე და სიმაგრენი.

Line of ed.: 8        ხოლო მიესმა შაჰ-ხუდაბანდას საქმე ესე და შაჰ-ხუიაბანდას დედამ მოიყვანა, ოთარ
Line of ed.: 9     შალიკაშვილის ქალმან, მეფე სჳმონ, ვითარცა წესი არის, ქართველთა დედანი ლეჩაქს
Line of ed.: 10     მოიხუევენ, -- და იგიცა ქართველი იყო, -- მანცა ეგრეთვე ყო და წარმოუგზავნა \ ლეჩაქი
Line of ed.: 11     თჳსი და მოუმცნო: "მეფე სჳმონ, გწადდეს ლეჩაქი ესე აიღეო და გწადდეს
Line of ed.: 12     ჴრმალიო, ჩუენც მოგუეჴმარე და შენს საბატონოსაცა". და მისცა ნიჭი მრავალი და
Line of ed.: 13     სამოსელი სამეფო და წარმოგზავნა თჳსსა ქართლად და წარმოვიდა.

Line of ed.: 14        რა სცნა დავით, უღონო იქმნა, რამეთუ ყიზილბაშთ იგი გაუშუეს და მეფეს
Line of ed.: 15     სჳმონს მოეკიდნენ, და ქართველნიც არა ჰყუარობდნენ და თჳთ მეფესი სჳმონისა
Line of ed.: 16     ერჩივნათ. და ვეღარც დადგებოდა ქართლსა და ვეღარც ენდობოდა ყი\ზილბაშთა. და
Line of ed.: 17     მიუგზავნა კაცი ლალა ფაშას, და მისცა რაოდენი ციხენი იყვნენ ქართლსა შინა; და
Line of ed.: 18     შეაყენნა მცველნი მათნი, და თჳთან წარვიდა სტამბოლს ხონთქარსა თანა.

Line of ed.: 19        ხოლო სჳმონ მოვიდა ქართლსა, ქრისტეს აქათ ჩ̂ფოთ, და აიღო ციხე გორისა
Line of ed.: 20     და დაიჭირა ქართლი და სომხითი, საბარათაშვილო და ლორე და ყოველნი სიმაგრენი,
Line of ed.: 21     თჳნიერ ციხეს გარდა.

Line of ed.: 22        და შეუშინდა ქსნის ერისთავი და ამილახორი დედოფლის ურიგოს კადრებისათჳს.
Line of ed.: 23     ხოლო დაუწყეს ხუეწნა, და ქსნის ერისთავმან მიართუა საუპატიოდ მეჯუდისჴევი
Line of ed.: 24     და ახალგორი, და ამილახორს გამოართუეს კარბი და კასპი. ხოლო ყორღანაშვილის
Line of ed.: 25     კახაბერის ცოლი და შვილი და სახლეულნი დაიპყრნეს და გარდაყარეს კლდესა გელიყარისასა
Line of ed.: 26     და იტყოდენ პირველსავე მას ლექსსა. ხოლო სხუანი ნათესავნი მისნი ივლტოდნენ
Line of ed.: 27     და წარვიდეს რომელნიმე ყიზილბაშად და რომელნიმე ზემო ქართლად.

Line of ed.: 28        ხოლო დარჩა დაუთხანს მეუღლესა მისსა თანა ძე ერთი, სახელით ბაგრატ.

Line of ed.: 29        შემდგომად ამისსა ჰქონდა შური კახს ბატონს ალექსანდრეს, ცოლის ძმები რომ
Line of ed.: 30     დაუჴოცა სჳმონ მეფესა, -- და ალექსანდრე დავითის ცოლის ნათესავიც იყო, -- ამ ორის
Line of ed.: 31     საქმისათჳს ემტერებოდა მეფეს სჳმონს. და რაჟამს იდგა მეფე სჳმონ დიღვამს დედოფლითა
Line of ed.: 32     ხუბათა, მოუჴდა კახი ბატონი ალექსანდრე, დაესხა თავსა და თჳთ მეფე სჳმონ
Line of ed.: 33     თავკაცად ძლივ გარდაესწრა; საქონელი და თუ რამე ჰქონდა ყოველივე აუფორაქა.
Page of ed.: 373   Line of ed.: 1     და საფარველი ცოლისა, რომელ არს სამოსელი წჳსისა, შუბის წვერზედ მოახჳა
Line of ed.: 2     და ესრეთ წარიღი.

Line of ed.: 3        და მეფე სჳმონ წარვიდა ლტოლვილი და შემოიყარა სპა ქართლისა. და ალექსანდრეს
Line of ed.: 4     დაებანაკებინა \ მარტყოფს ზეით, ადგილსა ჭოტორსა. და რაჟამს შეყრილი
Line of ed.: 5     წარმოვიდა მეფე სჳმონ, მიუგზავნა ალექსანდრეს მოციქული და ესრეთ შეუთუალა:
Line of ed.: 6     "შენ რომ შეუტყობრად, ქურდულად მოხველ და თავს დამესხი, მე ხომ მაგას არა ვიქ
Line of ed.: 7     და თუ კაცი ხარ, \ დამხუდი, ამა და ამ დღეს მოვალო.

Line of ed.: 8        და მივიდა იმავ თქმულსა სიტყუასა ზედა მეფე სჳმონ, ქრისტეს აქათ ჩ̂ფპბ,
Line of ed.: 9     შეიბნეს და იქმნა ბრძოლა ძლიერი და გაემარჯუა მეფესა სჳმონს და ივლტოდა
Line of ed.: 10     ალექსანდრე და კახნი თავადნი სულ ერთპირად ჴელად დარჩა მეფესა სჳმონს. და
Line of ed.: 11     წარმოვიდა გამარჯუებული მეფე სჳმონ და მოვიდა მცხეთას. და მუნ დააფიცნა კახნი
Line of ed.: 12     დარბაისელნი ესრეთ, ვითარმედ: "ღმერთმან კახს კაცს მის დღეში ქართველს კაცზედ
Line of ed.: 13     ნუ გაუმარჯოსო". და მისცა ხალათებს და გაისტუმრა.

Line of ed.: 14        შემდგომად ამისა გამოვიდა სარდალი ხვანთქრისა მაჰმად ფაშა, და ჩამოვლო ზემო
Line of ed.: 15     ქართლი, და აიღო გორის ციხე, და შეაყენნა მცველნი შინა; თჳთ წარმოვიდა და
Line of ed.: 16     მოვიდა მუხრანს. დახუდა მუნ მეფე სჳმონ შეყრილი სპითა თჳსითა. ეწყუნენ ურთიერთას.
Line of ed.: 17     და იქმნა ბრძოლა ძლიერი და ღ(ვ)თით გაემარჯუა მეფესა სჳმონს, და ფაშა
Line of ed.: 18     ლტოლვილი წარვიდა და შეეხუეწა ქალაქს ციხეში, ქრისტეს აქათ ჩ̂ფპბ.

Line of ed.: 19        \ ჩამოვიდა მეფე სჳმონ დიღვამს და დადგა მუნ, შეჰყარნა თავადნი თჳსნი ჯალაბობრივ
Line of ed.: 20     და წარვიდა თჳთ დედოფალით და დარბაისელნი და დარბაისლის ცოლნიც
Line of ed.: 21     თან წარიყვანნა, წარვიდა, დადგა ტბასა ლილოსასა, თავსა, რომელი არს გორა
Line of ed.: 22     მაღალი, და თან ახლდა ჯარი და სპა თჳსი. და რაჟამს გამოვიდა ქალაქის ციხიდამე
Line of ed.: 23     მროწეული ურუმთა, გაუსია მეფემან სჳმონ მცირე ჯარი და დაატაცებინა მროწეულნი,
Line of ed.: 24     და რა იხილნეს მემროწლეთა, ივლტოდენ და ამცნეს ციხესა მყოფთა ურუმთა, და
Line of ed.: 25     გამოვიდა სიმრავლე ჯარი ურუმთა. და რა იხილა ესე მეფემან სჳმონ, თჳთცა შემოუტივა
Line of ed.: 26     სპითა თჳსითა და ეწყუნენ ურთიერთას. და მაშინ უყურებდენ დედოფალი და
Line of ed.: 27     დარბაისლის ცოლები, და ამოსწყჳტა მეფემან სჳმონ ურუმნი და დაჴოცნეს მრავალნი
Line of ed.: 28     და ციხის კარამდი მიჰჴოცდენ, ამოსწყჳტეს, და ციხე ვერა აიღეს.

Line of ed.: 29        \ მაშინ გამობრძანდა მეფე სჳმონ გამარჯუებული და განისუენა და იხარებდა მცირეთა
Line of ed.: 30     ჟამთა. და მაშინ კუალად შეჰყარა სპა თჳსი და წარემართა ლორესა ზედა. რა
Line of ed.: 31     მივიდა, გამოვიდა ფაშა მუნებური და ეწყუნენ ურთიერთას და იქმნა ბრძოლა ძლიერი
Page of ed.: 374   Line of ed.: 1     და ღ(ვ)თით გაემარჯუა მეფესა სჳმონს, და მოსწყდა ურუმი მრავალი, კაცი ოთხას
Line of ed.: 2     სამეოცდაცამეტი, ქრისტეს აქათ ჩ̂ფპვ. და აღიღო ქუაბები ლორისა, დაიპყრა ლორე,
Line of ed.: 3     და ციხე მათვე ურუმთ ეჭირა.

Line of ed.: 4        და გამოვიდა ხანი, მცირედთა ჟამთა შეისუენა და კუალად შეიყარა და წარმოვიდა
Line of ed.: 5     და მოადგა ციხესა ლორისასა, დაუწყო ბრძოლა და აღიღო ციხე ლორისა აპრილსა
Line of ed.: 6     ერთსა, და დაიპყრა ლორე და გამობრუნდა მუნითგან, დადგა სახლად თჳსად.

Line of ed.: 7        და ხანსა რაოდენსამე უკანა გამოვიდა და დადგა ტაბაჴმელასა. და რა სცნა ასან
Line of ed.: 8     ფაშამან, რომელი იყო ქალაქის ციხეშიგან, შეიყარა და გამოვიდა, სწადდა თავს-დასხმა
Line of ed.: 9     მეფისა სჳმოინისა. შეიბნენ და იქმნა ბრძოლა \ ძლიერი და ღვთით გაემარჯუა მეფესა
Line of ed.: 10     სჳმონს, და შეუტივა ერთსა კაცსა მეფემან სჳმონ და გაიქცა კაცი იგი ძლიერად,
Line of ed.: 11     გამოუდგა მეფე სჳმონ და იგი გაქცეული კაცი გარდავარდა ჴევსა მას ტაბაჴმელისასა.
Line of ed.: 12     და ეგრეთ თქმულ არს, ვითარმედ არა მოკუდა კაცი იგი ცხენ-კაციანად გარდავარდნილი.
Line of ed.: 13     და მოისრა მუნ ურუმნი ვითარ ხუთასნი.

Line of ed.: 14        მაშინ წარმოვიდა მეფე სჳმონ და მოადგა ციხესა ტფილისისასა და აღიღო ციხე
Line of ed.: 15     ტფილისისა და ქალაქი დაიპყრა თჳთან და მოსრა ყოველივე, რაოდენიცა იყვნეს
Line of ed.: 16     ციხესა ტფილისისასა ურუმნი.

Line of ed.: 17        და რა ესმა ესე ხონთქარსა, წარმოგზვნა ლაშქარი და სარდალი ერთი. წარმოემართა
Line of ed.: 18     და მოვიდა ლორეს და აღიღო ციხე ლორისა და დაიპყრა. მოვიდა და დადგა
Line of ed.: 19     ხატის-სოფელის ბოლოს.

Line of ed.: 20        რა სცნა ესე მეფემან სჳმონ, შეიყარა სპა თჳსი, მივიდა და დადგა ხრამის
Line of ed.: 21     გამოღმა. \ მაშინ მოიჴელოვნა და მოირთო ელჩად მეფე სჳმონ და მივიდა ფაშასთანა.
Line of ed.: 22     სჳმონ მეფის მაგიერად წარმოუთხრნა სიტყუანი ესრეთ, ვითარმედ: სჳმონ" მეფემან
Line of ed.: 23     \ მოგაჴსენათ: მეყოფა ამდენის ჴრმლის ქნევა და ომი ყაენის გულისათჳსო; თუ გინდათ
Line of ed.: 24     თქუენ იყავით ჩემი ბატონი, თუ ენდა ისი. აწ თქუენთჳსაც სჯობს და ჩუენთჳსა,
Line of ed.: 25     შევრიგდეთ და მოვისუენოთ ამდონის ლაშქრობისაგან".

Line of ed.: 26        მაშინ, რა ესეა ფაშას სიტყუანი ესე, განიხარა და შემოუთუალა ესრეთ, რომე
Line of ed.: 27     კარგად შემოგითულია და სჯობს, რომ შევრიგდეთო. და წარმოგზავნა მეფე სჳმონ
Line of ed.: 28     და მოვიდა თჳსსა ჯარში. მაშინ მეფემან სჳმონ გასჩხრიკა ყოველივე ძალი და დგომა
Line of ed.: 29     და საქმე მათი, და მოუარა ხატის-სოფლის გორებიდამე ღამე; და დაესსა თავსა
Page of ed.: 375   Line of ed.: 1     ურუმთა, ამოსწყჳტა და გაემარჯუა მეფესა სჳმონს და რომელიმე დაჴოცეს, რომელიმე
Line of ed.: 2     შეიპყრეს და რომელიმე ლტოლვილი წარვიდეს.

Line of ed.: 3        მოვიდა მეფე სჳმონ გამარჯუებული ტფილისს, და შეიყარა \ სპა თჳსი, და მიადგა
Line of ed.: 4     დმანისს. რამეთუ მაშინ დმანისი ეპყრათ ურუმთა. და მოსრნა ყოველნივე დმანისს
Line of ed.: 5     მყოფნი ურუმნი, და დაიპყრნა ყოველნივე გარემონი. და განასხნა ყოველნივე ურუმნი
Line of ed.: 6     საქართველოსაგან და თჳთ დაიპყრა, თჳნიერ ერთი გორისა და ლორის მეტი.

Line of ed.: 7        და წარვიდა მანუჩარ ათაბაგიცა თჳსსა ადგილსა და დაიჭირა ზემო ქართლი და
Line of ed.: 8     საათაბაგო და ვეღარ შესძინეს ურუმთა მოსვლად.

Line of ed.: 9        რამეთუ მას ჟამსა ყიზილბაშთ შაჰ-ხუდაბანდა ყაენი გარდაეგდოთ თავის ჴელმწიფობიდამე
Line of ed.: 10     თავის ყმათა,და მის წილად დაესუათ ძე მისი შააბაზ. და ამან შააბაზ
Line of ed.: 11     დაიპყრა თავრიზი და, რაოდენი ადრაბაგანი იყო, ყოველივე დაიპყრა, თჳნიერ ერევნისა
Line of ed.: 12     და ბაღდადისა.

Line of ed.: 13        და ჟამსა ამას შინა გადიდდა მეფე სჳმონ და მოირჭმო ძლიერად. ყაენი აძლევდა
Line of ed.: 14     მრავალსა, და სხუაცა მრავალი ეშოვნა ომითა, და თავისის ქუეყნებიდამ შესდიოდა მრავალი,
Line of ed.: 15     და [მტერი] არღარა სადა ჰყვანდა, რამეთუ კახ-ბატონს \ მოესწრა ძე თჳსი და
Line of ed.: 16     ამასაც მოესწრა შვილები. ამისი შვილები და კახის ბატონის შვილი თჳთ ეყოდენ
Line of ed.: 17     ერთმანერთს და ნათესავნი იყვნენ ერთმანერთისა და, რათგან ორისავე ძენი ერთმანერთს
Line of ed.: 18     არას ეცილებოდენ და იყვნენ სიყუარულითა, მამებმაც მშჳდობა ყვეს და იყვნეს მოსუენებით
Line of ed.: 19     და თავის მამულის მჭირველნი მშჳდობით.

Line of ed.: 20        და ჟამსა ამას შინა მტერი აღარავინ ჰყვანდა მეფესა სჳმონს, განძლიერდა და
Line of ed.: 21     იწადა დაპყრობა იმერეთისა, შეიყარა სპა და გაემართა იმერეთსა ზედა.

Line of ed.: 22        ამას ჟამსა მომკუდარიყო პატრონი იმერეთისა გიორგი და ძე მისი კოსტანტინე
Line of ed.: 23     გაბატონებულ იყო. იგიცა მომკუდარიყო და ძმა მისი ლეონ გაბატონებულიყო. დადიანს
Line of ed.: 24     მანუჩარსა და იმას შუა მტერობა იყო. და ამა მანუჩარს ჰყვანდა კახი-ბატონის ალექსანდრეს
Line of ed.: 25     ქალი ნესტან-დარეჯან, რომელი მიათხოვა დიდის მზითჳთა და დიდებითა.
Line of ed.: 26     ჰყვანდა მასთან ძე ერთი, რომელსა სახელად ეწოდა ლეონ. შე\მდგომად შობისა ყრმისა
Line of ed.: 27     ამის მომკუდარიყო ქალი იგი და შეერთო ათაბაგის ქალი ქურივი, ცოლ-ყოფილი
Line of ed.: 28     ვახტანგ გურიელისა, დედა ქაიხოსროსი, რომელი შემდგომად გურიელ იქმნა, და
Line of ed.: 29     ოდიშს იგი ბატონობდა. და გურიას გიორგი გურიელი მკუდარიყო და ვახტანგ,
Line of ed.: 31     ძე მისი დამჯდარიყო გურიელად.

Page of ed.: 376  
Line of ed.: 1        ხოლო არცა ერთი, ემწენ მეფესა სჳმონზედა იმერეთის ბატონსა ლევანს. შეჰყარა
Line of ed.: 2     რაოდენნი ჰყვანდა, და დადგა გოფანთოს. და მეფე სჳმონც[ა] წარვიდა მის ზედა, შემოიყარა
Line of ed.: 3     ზემოური იმერლები და მივიდა გოფანთოს. შეიბნეს მუნ გოფანთოსა და იქმნა
Line of ed.: 4     ბრძოლა ძლიერი. გაემარჯუა მეფესა სჳმონს, ქრისტეს აქათ ჩ̂ფჟბ, და გაიქცა ლევან,
Line of ed.: 5     მპყრობელი იმერეთისა, და ივლტოდა ხოლო სჳმონ მეფემან დაიპყრა იმერეთი,
Line of ed.: 6     რომელთამე. მძევალი გამოართუა. რომელიმე ვერა ჩაიგდო ჴელში. და ქართლისაც
Line of ed.: 7     ფიქრი ჰქონდა, გორის ციხეში რომ ურუმნი იდგნენ მისგან, \ და წარმოვიდა მეფე
Line of ed.: 8     სჳმონ ქართლსავე. გარდმოვლო მთა ლიხისა და ჯარიც შემოეცალა, დასტური მისცა.

Line of ed.: 9        და რა გარდმოვიდა მეფე სჳმონ ქართლად, კუალად ჩამოვიდა პატრონი \ იმერეთისა
Line of ed.: 10     ლევან და დაიპყრა იმერეთი მაშინ ლევან და დადიანი მდურობდენ ამისთჳს,
Line of ed.: 11     რომე. მეფე სჳმონ რომ შეება ლევანს, დადიანი არ მოჰჴმარებოდა, და უწინდელი
Line of ed.: 12     სამდურავიც იყო. დაუწყო სამდურავი და მტერობა ჩამოვარდა ორთავეს შინა ესრეთ ვითარი,
Line of ed.: 13     რომე აქეთ ეს შეიყარა და იქით ისი, და შეიბნენ. და გაემარჯუა დადიანსა,
Line of ed.: 14     და ბატონი ლევან ჴელთ დარჩა, წარიყვანა და პატიმრობაში მოკუდა ამავე ქრონიკონსა
Line of ed.: 15     ჩ̂ფჟბ.

Line of ed.: 16        რა სცნა მეფემან სჳმონ, კუალად შეიყარა სპა თჳსი და გარდავლო იმერეთი,
Line of ed.: 17     ქრისტეს აქათ ჩ̂ფჟგ, ჩავიდა ქუთაისს, და ძმისწულსა იმერლის ბატონისასა, ბაგრატს,
Line of ed.: 18     გაემაგრებინა ციხე. და მიადგა ციხესა და წაართუა ციხე და გამოიყვანა თჳთცა, დამძევლა
Line of ed.: 19     იმერეთი და დაიპყრა თჳთ და წარმოვიდა.

Line of ed.: 20        ხოლო \ ლევან, იმერელი ბატონი, უძეო დარჩა და ძმისა მისისა ძე, კოსტანტინესი,
Line of ed.: 21     როსტომ დარჩომილიყო და სხუა აღარავინ იყვნენ. და დაუწყო როსტომ მანუჩარ,
Line of ed.: 22     დადიანს ლაპარაკი შეწევნისა და შერიგებისა. და უსმინა დადიანმან და მოვიდა,
Line of ed.: 23     დააპყრობინა იმერეთი. და მოადგენ ციხესა ქუთაისისასა იმერელნი. შემდგომად ამისა
Line of ed.: 24     აღიღეს იგიცა.

Line of ed.: 25        და რა ესმა მეფესა სჳმონს საქმე ესე, შეიყარა სპა, გარდავიდა და აიღო ციხე
Line of ed.: 26     კუარისა, კაცხისა და სკანდა, და მოვიდა ქუთაისს და აღიღო ციხე. ხოლო როსტომ
Line of ed.: 27     ვერა წინააღუდგა და ივლტოდა, და წარვიდა დადიან მანუჩართანა. და წარვიდა მეფე
Line of ed.: 28     სჳმონ ოდიშზედა, ჩავიდა და დადგა ოფიშკჳტს დიდებითა დიდითა და ძალითა
Line of ed.: 29     მრავლითა.

Page of ed.: 377  
Line of ed.: 1        ხოლო მანუჩარ დადიანმან მოუგზავნა კაცი და შემოუთვალა "შეარიგე როსტომ და
Line of ed.: 2     და მეც შენ ყმად ვიქმნები, ამას იმერეთი დაანება და დაგჳმონე და დაგრჩება ქუეყანა".
Line of ed.: 3     რა მოუსმინა \ მოციქულობა მეფემან სჳმონ, გაჯავრდა და ასე შემოუთვალა: "მოვალ და
Line of ed.: 4     დამხუდიო". და რა ესმა დარდიანს მანუჩარს საქმე ესე, შემოიყარა მანცა ჯარი თჳსი
Line of ed.: 5     და, რომელნიმე იმერელნი გარდაჰყოლოდნენ როსტომს თანა, იგინიცა თანა წარმოიყვანა,
Line of ed.: 6     მოვიდა, დაესხა თავსა გარიჟრაჟზედ მეფეს სჳმონსა. შეჯდა მეფე \ სჳმონ და
Line of ed.: 7     სპა თჳსი.

Line of ed.: 8        ხოლო მეფესა სჳმონს ჰყვა ორი რჩული ცხენი: ერთსა ერქუა ფალავანი და
Line of ed.: 9     მეორესა შურდანი. უკეთუ შეჯდის ფალავანსა, გაემარჯუებოდა: იცოდა და იყო ომში
Line of ed.: 10     გამოცდილი, და მრავალი ომი ენახა და გარდახდოდა, და შეატყობდა და, თუ გაემარჯუებოდა,
Line of ed.: 11     ფალავანზედ შეჯდებოდა. და, უკეთუ შეატყჳს ომსა და გამარჯუება მისკენ
Line of ed.: 12     არ იყვის, მაშინ შეჯდებოდა შურდანსა და წამოვიდოდა.

Line of ed.: 13        ხოლო ესე ყოველივე ზნე და საქციელი. ძისი უწყოდა ერთმან ვინმე თურქისტანისშვილმან,
Line of ed.: 14     რომელი იყო შეზრდილი მეფისა სჳმონისი, და ესე მან უწყოდა. და
Line of ed.: 15     რაჟამს გაჭირდა \ ომი და შეატყო მეფემან, რომე გამარჯუება დადიანს დარჩებოდა,
Line of ed.: 16     მაშინ მოითხოვა მარქაფა შურდანი მომგუარეთო.

Line of ed.: 17        მას ჟამსა მოაჴსენა თურქისტანიშვილმან: "მეფევ, წასვლის დრო თუ არ არისო,
Line of ed.: 18     რასთჳს მოითხოვე შურდანიო". წარდგა თურქისტანისშვილი და თქუა: "აქედამ შუბმოუქნეველი
Line of ed.: 19     არ წავალო. შეუტივა და ჩამოაგდო კაცი და იყო გულსრულად დამარცხებულს
Line of ed.: 20     ომში თურქისტანიშვილი.

Line of ed.: 21        ხოლო მეფე სჳმონ წარმოვიდა მარტო. მაშინ მეფემან სჳმონ რომ გარდმოვლო
Line of ed.: 22     კოლბეურის მთა, მივიდა ერთი დედაკაცი კოლბეურელი და მოაჴსენა მეფესა სჳმონს
Line of ed.: 23     და შეეხუეწა, რომე ჩემი შვილი იახელითო. ხოლო მეფემან ასე უბრძანა: "დედაკაცო,
Line of ed.: 24     მე კაცითა მთვრალი ვარო. კაცი არ მეჭირებაო". და ოდეს დაუმარცხდა მეფესა სჳმონს
Line of ed.: 25     და წარმოვიდა მარტო, რომ ერთი კაცი აღარ ახლდა, მაშინ დედაკაცი იგი სთოჴნიდა
Line of ed.: 26     ახოსა. და განგებით მოჰჴდა, რომე მეფე სჳმონ იმავ დედაკაცსა შეეყარა. და იცნა დედაკაცმან
Line of ed.: 27     და სცნა, რომ დამარცხებიაო. მაშინ მოაჴსენა: "მეფეო, ვეჭობ, მაშინ რომ
Line of ed.: 28     კაცით მთვრალი იყავ, გამოგნელებიაო" და რა ესმა ესე მეფესა, მისცა მადლობა
Line of ed.: 29     ღმერთსა და წარმოვიდა მსწრაფლ და გარდმოვლო. მთა და მიიწია ქართლად.

Page of ed.: 378  
Line of ed.: 1        ხოლო შეიბა თურქისტანისშვილი და წარმოვიდა \ იგიცა. და მეფე მოვიდა კავთისჴევს
Line of ed.: 2     და მიადგა ერთისა კაცისა სახლსა, რომელი იყო მდაბალი გლეხი, რამეთუ
Line of ed.: 3     მეფე დამაშურალ იყო და ითხოვა მისგან განსუენება. და გამოვიდა ქალი ერთი და
Line of ed.: 4     ვერა იცნა, შეუძღუა და დააყენა კარგად, რამეთუ ქმარი მის ქალისა ლაშქარში იყო.
Line of ed.: 5     და რაჟამს მოუმზადა სერი და მოართუა და იჴმია მეფემან, შეატყო არღარა ნდომა
Line of ed.: 6     საჭმლისა. მაშინ ჰკითხა ამბავი მეფისა და სპისა მისისა, თუ მეფე რა იქმნაო. ხოლო
Line of ed.: 7     სჳმონ მეფემან ესრეთ თქუა: "არა უწყი მეფისა, თუ რა იქმნა". და რაჟამს ესმა დედაკაცსა
Line of ed.: 8     მას სიტყუა ესე, დიდად იწყინა და \ იმწუხარა და იტირა. და შემდგომად ამისა
Line of ed.: 9     ჰკითხა ქმრისა მისისა, ნიშნეულად ანიშნა, რომე ამგუარი და ამისთანა კაცი იყო, და
Line of ed.: 10     ის რა იქმნაო. მეფემან მისიცა უთხრა, არა უწყიო. მაშინ დედაკაცმან უთხრა, რომე,
Line of ed.: 11     თუ ღმერთმან იპრიანა და მეფე მორჩაო და ის მშჳდობით არისო, ჩემი ქმარიც იმისი
Line of ed.: 12     ჭირის სანაცვლო იყოსო, და სხუანი, რომელნიცა მყვანანო, იგინიცაო. მაშინ დიდად
Line of ed.: 13     იამა მეფესა სჳმონს სიტყუა ესე ერთგულობისა დედაკაცისა მისგან, და შემდგომად ხანსა
Line of ed.: 14     რაოდენსამე დაუწყო წყალობა მეფემან სჳმონ დედაკაცსა მას და ქმარიცა მოუვიდა და
Line of ed.: 15     განააზნაურიშვილა. და არიან ახლაც გაკეთებულნი კაცნი იგი, რომელნი არიან
Line of ed.: 16     ქულივიძენი.

Line of ed.: 17        და რაჟამს სმენოდა ლორეს მყოფთა ურუმთა დამარცხება მეფისა, მას ჟამსა გამოსულიყვნენ
Line of ed.: 18     ურუმნი ციხიდამე და \ მოერბიათ კერძონი რამე ქართლისანი და დამდგარიყვნენ
Line of ed.: 19     ტაშირზედა და იხარებდენ. მაშინ მეფემან სჳმონ შემოიყარა ჯარი მცირე,
Line of ed.: 20     სპა თჳსი, რომელიცა დარჩომილიყვნენ ქართლსა შიგან. წარვიდა მეფე და მიუჴდა
Line of ed.: 21     ლორეს ურუმთა და გაემართა, და ამოსწყჳტა. და აღიღო ციხე იგი და გამარჯუებული
Line of ed.: 22     წარმოვიდა. კუალად დაიპყრა ციხე ლორისა, შემოიქცა და მოვიდა თჳსად სახლად.

Line of ed.: 23        ხანსა რაოდენსამე უკანა წარვიდა ზემო ქართლად და რა მიიწია გორის\ჯუარს, --
Line of ed.: 24     და მას ჟამსა ეჭირა გორის ციხე ურუმთა, -- მაშინ დაჯდა სჳმონ მეფე გორიჯუარსა
Line of ed.: 25     და დაუწყო ღჳნოს სმა, რამეთუ, რაჟამს დაეტყუევებინა ყაენსა სჳმონ მეფე ციხესა
Line of ed.: 26     ალამუტისასა, მაშინ გასწყობოდა თრიაქის ჭამასა და ღჳნის სმასა და მიერითგან
Line of ed.: 27     ეწეობოდა თრიაქსა. და მაშინცა, გორისჯუარს რომ მივიდა, ჭამა თრიაქი და გამხიარულდა.
Line of ed.: 28     გახედა გორისაკენ და ნახა, რომე ახალი მწუანილი ამოსულიყო და გაზაფხულის
Line of ed.: 29     პირიც იყო. ოდეს გამხიარულდა, მოუნდა აფიონი, ვითარცა წესია აფიონის
Line of ed.: 30     \ მჭამელთაგან მონთომება საჭმლისა რისამე.

Page of ed.: 379  
Line of ed.: 1        მაში ქართველნიცა თანა ახლდენ და თქუა მეფემან: "ესე როგორ გეკადრებათ
Line of ed.: 2     ქართველთა, რომე მე მწვანილი მინდა და თქუენ გორიდამ მწუანილს არ მომიტანთო".
Line of ed.: 3     მაშინ გავიდნენ ქართველნი და ჩავიდენ გორის ბოსტნებში და დაგლიჯეს მწუანილი.
Line of ed.: 4     და დაუშინეს ციხიდამ ურუმთა და ისროლეს მრავალი და ამოსწყჳტეს ქართველნი
Line of ed.: 5     მრავალნი, დიდნი და მცირენი, და მაშინ მოკლეს ბატონიშვილი გოჩა, რომელი იყო
Line of ed.: 6     პაპის ძმისწულის შვილი მეფისა სჳეონისა, და სხუანიცა მრავალნი თავადნი ამოსწყჳტეს.
Line of ed.: 7     და მაშინ დაგმეს მეფე სჳმონ უჭკუობაზედ, რომ მწუანილისათჳს ამდენი
Line of ed.: 8     კარგი კაცი ამოსწყჳტეს, და ამას ურუმნიცა და ყიზილბაშნიცა დელუ-სჳმონს ეძახდენ,
Line of ed.: 9     რომელი ითარგმანების ხელი სჳმონ ჴელმწიფე.

Line of ed.: 10        ხოლო რა ნახა სჳმონ მეფემან საქმე ესე ურუმთაგან, ეწყინა და შეიყარა სპა
Line of ed.: 11     და მცირეცა ხანსა შემოადგა გორსა და აიღო ციხე და მოსრა ყოველი ოსმალი,
Line of ed.: 12     რომელი იყო ციხესა გორისასა.

Line of ed.: 13        და ესმა რა საქმე ესე ხვანთქარს, იწყინა და წარმოავლინა სარდალი ჯაფარ ფაშა
Line of ed.: 14     და სხუა სპა მრავალი. და მოვიდნენ და დადგნენ ნაჴიდურის მინდორშია და დაიბანაკეს.
Line of ed.: 15     მუნ შეიყარა მეფემან სჳმონცა სპა თჳსი და მივიდა, დადგა თავსა საღირაშნისასა.
Line of ed.: 16     და მცირეთა ხანთა შინა წარვიდა თჳთ მარტო დასახედავად ჯარისა ათი-ოდენის
Line of ed.: 17     ცხენოსნითა და წარიყვანა თანა ერთი \ მექანარე. და მივიდა და გარდადგა თავსა
Line of ed.: 18     ნაჴიდურისასა; რომელ არს მცირე ეკლესია, მუნითგამო უჭურეტდა და სჩხრეკდა ჯარსა
Line of ed.: 19     ოსმალთასა, რომელსა იდგა ურუმნი, რათა დასხმოდა თავსა. და, რა დახედა, რქუა
Line of ed.: 20     მექანარესა დაძახება ქანარისა, რათა შეეტყო მეფესა, თუ ვითარ, უშიშრად არიან.
Line of ed.: 21     და რა ესმა ჴმა ქანარისა ურუმთა, უთუოდ მეფე სჳმონ მოვიდაო, დაიწყეს კაზმა და
Line of ed.: 22     შესხდენ ცხენებსა.

Line of ed.: 23        ხოლო რაჟამს იხილა მეფემან სჳმონ, წარმოვიდა თჳსისა ჯარისაკენ. ოსმალნიცა
Line of ed.: 24     მის ქანარის ჴმისაკენ გამოუდგნენ უკანა. და მოვიდა \ ფარცხისსა, და მომავალსა დახუდა
Line of ed.: 25     ლია და დაეფლა ცხენი ლიაშიგან. და ვირემ ცხენსა შეჯდებიდა და ანუ გაარჩევდა
Line of ed.: 26     საქმესა მისსა, ამაზედან ოსმალნიცა მიესწრნენ. და გაიცნეს რა მეფედ, შემოესვივნეს
Line of ed.: 27     გარე. და მეფე, ვითა სიკეთესა მისსა ჰფერობდა, ეგრე იყო, მაგრამ მარტოობით
Line of ed.: 28     ვეღარა გააწყო რა და შეიპყრეს მეფე, ქრისტეს აქათ ჩ̂ქ. ხოლო ძე მეფისა სჳმონისა,
Line of ed.: 29     გიორგი ლაშქართა შინა იყო და მიერითგან აღიყარნეს და წარვიდენ, და მეფეცა
Line of ed.: 30     თანა წარიყვანეს და წარვიდეს მსწრაფლ, რამეთუ ეშინოდათ ქართველთაგან და ძისა
Line of ed.: 31     მისისა გიორგისგან, რომე ამას არ გაგუატანებენო უსიკუდილოდო.

Line of ed.: 32        ხოლო სცნეს რა ესე ქართველთა და გიორგი, გამოუდგნენ უკანით და სდიეს
Line of ed.: 33     მოჭირვებით და ვერღარა მიეწივნენ. ხოლო ურუმნი მივიდეს ლორეს და აღიღეს
Page of ed.: 380   Line of ed.: 1     ციხე ლორისა და შეაყენეს შიგან ჯარი თჳსი, და წარვიდეს და წარიყვანეს მეფე
Line of ed.: 2     სჳმონ და მიიყვანეს სტამბოლს.



Next part


This text is part of the TITUS edition of Kartlis Cxovreba II.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.