TITUS
Kartlis Cxovreba II
Part No. 43
Previous part

Part: II  
Page of ed.: 473  
King: 93 
Line of ed.: 3  
დიდი ალექსანდრე


Line of ed.: 4        ხოლო მეფობდა მეფე გიორგი კეთილად და მშჳდობით. და ჟამსა რაოდენსამე
Line of ed.: 5     შინა მიიცვალა იგიცა, და დაჯდა მის წილად ძე მისი ალექსანდრე2 ქორონიკონსა
Line of ed.: 6     რ̂სა.

Line of ed.: 7        და იყო ჟამსა მას კათალიკოზი დავით და მიიცვალა იგი, და დაჯდა ელიოზ.

Line of ed.: 8        და მიიცვალა ელიოზ, და დაჯდა კათალიკოზი თეოდორე.

Line of ed.: 9        და მოკუდა კათალიკოზი თეოდო\რე, და დაჯდა კათალიკოზი შიო.

Line of ed.: 10        და ამან მეფემან გარდამატა სხუათა მეფეთა საქართველოსათა. და იყო კაცი სახიერი
Line of ed.: 11     და სწავლული ყოვლისავე საღმრთოსა და საეროსა ზნეობითა აღსავსე. და გული
Line of ed.: 12     უთქმიდა კუალად-გებად პირველსავე საზომსა ზედა მოყვანებად წმიდათა ეკლესიათათჳს.
Line of ed.: 13     და საქართველოსა. რამეთუ იყო მაშინ ყოველი ესე საქართველო უსჯულოსა თემურისაგან
Line of ed.: 14     უნუგეშინისცემოდ განსრული, და სრულიად აოჴრებული დედა-ქალაქი მცხეთა
Line of ed.: 15     და დიდი წმიდა კათოლიკე ეკლესია, და ეგრეთვე ყოველნივე ეკლესიანი, საყდარნი
Line of ed.: 16     და ციხენი ყოველნივე სრულიად საფუძველითურთ დაექცია და მოეოჴრებინა, და ყოველნი
Line of ed.: 17     სულნი ქრისტეანენი დედაწულითურთ ტყუე ექმნა. ესე იავარ-ნაქმარ ქართლზე
Line of ed.: 18     მეფე იქმნა.

Line of ed.: 19        ამის მეფობამდე მუდამი ტყუენვა, რბევა და მოოჴრება ჰქონდა ქუეყანასა ჩუენსა,
Line of ed.: 20     რომელ ქართლი დიდად შემცირებულ \ იყო მრავლის ტყუენვისა და რბევისაგან, და
Line of ed.: 21     არა სადათ აღუჩნდათ ნუგეშინისმცემელი, ვიდრემდის არა მეფე იქმნა დიდი ალექსანდრე.
Line of ed.: 22     ამან იწყო ბრძოლა უსჯულოთა მათ, და მრავლისა ბრძოლითა და ზეგარდამო
Line of ed.: 23     შემწეობითა განასხნა ყოველნი უსჯულონი საზღვართაგან საქარ\თველოსათა.

Page of ed.: 474  
Line of ed.: 1        ქორონიკონსა რ̂ბ: მეფე ალექსანდრე და ივანე ათაბაგი კოხტას შეიბნეს. თურქთა
Line of ed.: 2     ახალციხე ამოსწყჳდეს. ამა მეფის ალექსანდრეს აღმზრდელმან მრავლის ჭირნახულობითა,
Line of ed.: 3     ბებია მისმან ქუცნა ამირეჯიბის მეუღლე-ყოფილმან რუსა, ამან იწყო მრავლის.
Line of ed.: 4     ღუაწლითა და გულსმოდგინებით, აღშენებად წმიდისა სუეტის-ცხოველისა. პირველად
Line of ed.: 5     გამოკაზმა და იწყო შენებად სუეტთა საყდრისათა და ვერღარა სრულ ჰყო აღშენება
Line of ed.: 6     მისი, ეგრეთ მიიცვალა ამიერ სოფლით.

Line of ed.: 7        და ვითარ ეგულებოდა მეფესა ალექსანდრეს, ეგრეთვე იგულა და იგულსმოდგინა:
Line of ed.: 8     ოცდაოთხისა წლისამან იწყო აღშენებად სუეტისა ცხოველისა, და აწ ახლად აღაშენა
Line of ed.: 9     და განავრცო და განასრულა, და ყოვლითა მოკაზმულობითა შეამკო და განაშუენა. და
Line of ed.: 10     დაადგინა პატრიაქად მიქაელ. და მრავალნი წმიდანი და პატიოსანნი მონაზონნი,
Line of ed.: 11     მღდელნი, მგალობელნი და მოწესენი შეკრიბნა, და რომელიცა ძუელთაგან გარიგებული
Line of ed.: 12     შესავალი ჰქონდა, გინა გარიგებულნი აღაპნი და სხუანი საეკლესიო საჴმარნი,
Line of ed.: 13     ანუ ქუეყანანი ჰქონდეს, მას ზედა მრავალი შეუმატა და უფროსად განავრცეს. და
Line of ed.: 14     კუალად ქართლსა და კახეთსა და სადაცა ყოფილიყო მკჳდრი მისი მამულნი, რომელნიცა
Line of ed.: 15     ძუელთა ჴელმწიფეთა, მამა-პაპათა და დედა-შვილთა გაერიგებინნეს და გაესაზღვრნეს
Line of ed.: 16     და შეეწირნეს, ეგრეთვე ამანცა ჯერ-იჩინა და ყოველნივე შესწირნა. და
Line of ed.: 17     ეგრეთვე, სადაცა მოოჴრებულნი აგარაკნი ჰქონდა, ყოველნივე აღუშენნა და ყოველნივე
Line of ed.: 18     საქართველოს უდაბნონი, მონასტერნი და ეკლესიანი, სოფელნი, აგარაკნი, აზნაურნი
Line of ed.: 19     და გლეხნი განუწესნა და შესწირნა. და კუალად აღაშენა მცირე ეგუტერი მთავარანგელოზისა
Line of ed.: 20     მცხეთას სამარხოდ.

Line of ed.: 21        ქორონიკონსა რ̂ით: მეფემან ალექსანდრე ლორე აიღო, და კუალად \ ინება აღშენება
Line of ed.: 22     ყოველთა საქართველოს ციხეთა და საყდართა. აღაშენნა და განავრცნა. მას
Line of ed.: 23     ჟამსა შემოსავალი არსაით იყო სახლისა მისისათჳს. და ამით საქართველოს კუამლსა
Line of ed.: 24     ზედა ორმეოცი თეთ\რი მალად განაჩინა.

Line of ed.: 25        ასოცდარვა ქორონიკონზე საქართველოს ციხენი, საყდარნი და მონასტერნი ყოველნივე
Line of ed.: 26     სრულიად ახლად აღაშენნა და შეამკუნა, და კუალად მისგან დადებული მალი
Line of ed.: 27     მანვე ამოჰკუეთა, და ყოველნი ქრისტიანენი ფრიადსა მშჳდობასა და მყუდროებასა
Line of ed.: 28     შინა ამყოფნა. თათართაგან კაცთა მოასხმიდა და დაასახლებდა, და ქუეყანა ესე საქართველო
Line of ed.: 29     ესრეთ განაგო.

Page of ed.: 475  
Line of ed.: 1        ქორონიკონსა რ̂ლ: დასუა მეფე ქართლსა და იმერეთს პირველი შვილი ვახტანგ,
Line of ed.: 2     და შერთო ფანასკერტლის ქალი და დაჲ თაყას ფანაკერტელისა, დედოფალი სითიხათუნ.
Line of ed.: 3     ხოლო თჳთ მეფემან ალექსანდრე სახე მინაზონებისა შეიმოსა, და უწოდეს
Line of ed.: 4     სახელად ათანაზე. და აღაშენნა მისთჳს სენაკნი და სახლნი დიდნი ქვითკირისანი მცხეთას
Line of ed.: 5     მისგან აღშენებულს მთავარანგელოზის ეკუდერთანა, და მუნ დადგა, ვიდრემდის
Line of ed.: 6     ცხოვრებდა, სასოებითა და მოღუაწებითა.

Line of ed.: 7        ხოლო ოდეს დასუა პირველი შვილი ვახტანგ ქართლსა და იმერეთს, მასთან
Line of ed.: 8     დააყენა უმრწემესი ძმა მისი დიმიტრი, და დასუა კახეთს, ქორონიკონსა რ̂ლგ, მეფედ
Line of ed.: 9     უმრწემესი ძმა დიმიტრისი გიორგი, და შერთეს ნესტან-დარეჯან, იმერელ მეფის ქალი.
Line of ed.: 10     მაშინ ოდეს დაიპყრა ალექსანდრე იმერეთი, განაძეს ძე კოსტანტინესი, მეფე იმერეთისა
Line of ed.: 11     ბაგრატ.

Line of ed.: 12        ხოლო შემდგომად სიკუდილისა მძლავრისა ლანგ-თემურისა კუალად იპყრეს
Line of ed.: 13     არაბისტანი, ანატოლი ძეთა მათ ბაიაზით ხვანთქრისათა. და კუალად იპყრეს ბურსა
Line of ed.: 14     ტახტი და ყოველი სამკჳდრო მამულნი მათნი, და უმეტეს გაძლიერდენ. და იწყეს
Line of ed.: 15     ბრძოლა ქრისტეანეთა ზედა, და მცირედ-მცირედ \ კადნიერ-ქმნილთა მათ ზედა ძლევისმოქმედებდენ
Line of ed.: 16     ყოველთავე საბერძნეთსა ზედა.

Line of ed.: 17        ამისა შემდგომად განიგულეს ბრძოლა დიდისა ტახტისა და სამეუფოსა დედაქალაქისა
Line of ed.: 18     კოსტანტინეპოლისა. და იყო ურთიერთას შორის დაუცადებელი ბრძოლა ძლიერი.
Line of ed.: 19     და სძლეს ოსმალთა და ხვანთქარმან სულთან მაჰმად. და მიდრკეს ბერძენნი. შეაიწრეს
Line of ed.: 20     ფრიად კეისარი მძჳნვარედ ზედა-დასხმითა, რომელნი გარე მოადგეს კოსტანტინეპოლის,
Line of ed.: 21     ქალაქსა მას სამეუფოსა. სძლეს და აღიღეს კოსტანტინეპოლი ოსმალთა,
Line of ed.: 22     ქორონიკონსა რ̂ლბ, ქრისტეს აქეთ ჩ̂უმე.

Line of ed.: 23        ხოლო იყო ჟამსა მას კეისარი, სახელით კოსტანტინე პოლეოლოღოს. და იყო
Line of ed.: 24     პატრიაქი აღსრულებულ. მაშინ აღიხუნეს და დაიპყრეს სრულიად საბერძნეთი ოსმალთა:
Line of ed.: 25     და ოდეს აღიღეს კოსტანტინეპოლი, მას ჟამსა დაბნელდა მზე, რომლისა ამბავნი ვრცელად
Line of ed.: 26     წერილ არს ცხოვრებასა ბერძენთასა. და იყო სამარადისოდ ბრძოლა ძლიერი.
Line of ed.: 27     და კუალად იყო შური და ჴდომა ძეთა შორის ლანგ-თემურისთა, რამეთუ ფრიად
Line of ed.: 28     მოშურნე იყვნეს იგინი ურთიერთას შორის. და ჟამსა ამას განთავისუფლებულ იყვნეს
Line of ed.: 29     მკჳდრნი საქართველოსანი, და იყვნენ მშჳდობით განსუენებასა შინა.

Line of ed.: 30        ამასვე ქორონიკონსა ჯანშა ყაენი ახალციხეს მოუჴდა.

Line of ed.: 31        ამასვე ქორონიკონსა ივანე ათაბაგი მიიცვალა.

Page of ed.: 476  
Line of ed.: 1        ქორონიკონსა რ̂ლგ: მეფემან ალექსანდრე დასუა კახეთს უმრწემესი ძმა დიმიტრისი,
Line of ed.: 2     გიორგი, და მისცა ზემო-კერძონი მთის ალაგნი. მუნითგან არაგუს გამოღმართ
Line of ed.: 3     ჴევ-ძმარამდის, კუალად ჴევ-ძმარიდამ გაყოლილი ლილოს სერამდის, რაოდენი ლილოს
Line of ed.: 4     სერსა წყალი გასდის და შეერთვის, მარტყოფის წყალსა გაყოლით ვიდრე ამართულამდე
Line of ed.: 5     და ამართულას გაყოლით ვიდრე აჯიხუდმდე და აჯისუს გაყოლით ვიდრე
Line of ed.: 6     მტკურის შესართავამდე და მას ქუემოთ მტკუარს გაღმართი და შაქისი ვიდრე შირვანის.
Line of ed.: 7     საზღვრამდე. დაჰყო მცირე რამე ხანი და აღესრულა სავსე დღითა.

Line of ed.: 8        მას ჟამსა იჯდა კათალიკოზი შიო.

Line of ed.: 9        ოდეს აღესრულა მეფე ალექსანდრე, მაშინ მოვიდა მეფე ბაგრატ იმერეთს, ძე
Line of ed.: 10     იმერელ მეფისა კოსტანტინესი. გამოაძო ვახტანგ, ძე ალექსანდრე მეფისა, და დაიპყრა
Line of ed.: 11     იმერეთი.

Line of ed.: 12        ქორონიკონსა რ̂ლე: აღბუღა და ყუარყუარე შეიბნეს.

Line of ed.: 13        ამასვე ქორონიკონსა მეფე ვახტანგ მიიცვალა, და არა ესუა ძელ და დაჯდა მის
Line of ed.: 14     წილად უმრწემესი ძე, მისი დიმიტრი. და ჰყვა მეუღლედ დედოფალი გულანშარ. და
Line of ed.: 15     მეფობდა კეთილითა და მშჳდობის-მყოფელობისა მეფობითა.

Line of ed.: 16        და მოკუდა კათალიკოზი შიო, და დაჯდა კათალიკოზად ძე მეფისა ალექსანდრესი
Line of ed.: 17     დავით.

Line of ed.: 18        ქორონიკონსა რ̂მა: მიიცვალა მეფე დიმიტრი, და დარჩა ძე მისი კოსტანტინე.
Line of ed.: 19     ამისა შემდგომად იქმნა ბრძოლა კახთა უფლისა გიორგისა და ბაგრატს შუა მეფობისათჳს
Line of ed.: 20     ქართლისა, რამეთუ იყო მეფის ალექსანდრეს ძმა ბაგრატ და შვილი, რომელი
Line of ed.: 21     ზემო ვაჴსენეთ გიორგი, კახთა უფალი. სძლო გიორგი ბაგრატს და დაჯდა
Line of ed.: 22     ქართლს მეფედ. და იყო მცირე რაჲმე ხანი და გააძეს გიორგი. და დასუეს ძმა ალექსანდრე
Line of ed.: 23     მეფისა და მეფის გიორგისა ბაგრატ. ხოლო კახთა უწოდეს მეფედ. ამიერითგან
Line of ed.: 24     უწოდენ კახნი კახთა უფალსა მეფედ.

Line of ed.: 25        ხოლო რაჟამს იპყრა მეფობა ქართლისა მეფემან ბაგრატ, მოიმორჩილნა ქართველნი
Line of ed.: 26     და მესხნი შეიყარა ლაშქარი შთავიდა კახეთს დაიმორჩილნა კახნი განაძო
Line of ed.: 27     ძმისწული თჳსი და დაიპყრა კახეთი.




Next part


This text is part of the TITUS edition of Kartlis Cxovreba II.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.