ARMAZI
Kartlis Cxovreba II
Part No. 88

Page of edition: 88  Line of edition: 1    ხოლო იყო ერსა ზედა შემოსვლად ჯარი რაძი იქმნას. და ამისმან მსმენელმან კათალიკოსმან
Line of edition: 2    თქუა "მე ვყო". და ბრძანა ერისა შორად \ განყენება და მრგულივ გარემოდგომა,
Line of edition: 3    რათა ყოველთა მიერ სახილველ იქმნას დიდებულება ღმრთისა და განდგა
Line of edition: 4    ერი შორადრე.

Line of edition: 5    წარმოდგა კათალიკოსი იოანე შემოსილი, და ჴელთა ეტჳრთა ზარის ასაჴდელი
Line of edition: 6    იგი საიდუმლო, ჴორც-ქმნილი, მღდელ-მოქმედებული. მეფე და ყოველი ერი ხედვიდეს
Line of edition: 7    განცჳფრებულნი და შეძრწუნებულნი. და კათალიკოსი დგა, ვითარცა გოდოლი შეურყეველი, ტურფად
Line of edition: 8    აღშენებული, ესრე მტკიცედ დგა განშუენებულითა პირითა. მაშინ
Line of edition: 9    მოყვანება ბრძანა სამ-დღე უჭმელისა ძაღლისა; და მოიყვანეს ძაღლი იგი შიმშილითა,
Line of edition: 10    განლიგებული. და წარდგა იოანე კათალიკოსი და აღმოუტევა ჴ\მა ბრწყინვალე:
Line of edition: 11    ქრისტე" მეუფეო, ჴსნისათჳს კაცთასა განკაცებულო, ჯუარცმულოჩუენთჳს, დაფლულო
Line of edition: 12    და აღდგომილო და ზეცად მამისა ამაღლებულო, რომელმან მოგუეც ჴორცი შენი,
Line of edition: 13    რათა მოსაჴსენებლად შენდა ვჰყოფდეთ; შენ, მეუფეო, გთნავს სარწმუნოება ქართველთა,
Line of edition: 14    გთნავს სარწმუნოება ესე ჩუენი, შეუხებელად და მიუახლებელად დაიცევ ზარისა ასაჴდელი
Line of edition: 15    ჴორცი ესე შენი, ჩუენ მიერ მღდელ-მოქმედებული; შენ უკუე შეიწირე შეუძრველი
Line of edition: 16    ეგე და აჩუენე ერსა ამას გზა ჭეშმარიტი, და მოხედე მსხუერპლსა ამას და
Line of edition: 17    სირცხჳლეულ ყვენ წინააღმდგომნი ჩუენნი".

Line of edition: 18    და რაჟამს ესე ითხოვა, დააგო შესაძრწუნებელი იგი უსისხლოსა მსხუერპლისა
Line of edition: 19    აღმონაკუეთი მოყმარისა მის ძაღლისა წინა. ხოლო მხილველი პურისა ვითარ
Line of edition: 20    მიეტევა მიეახლა მიუახლებელსა მას; მყის ძლიერად იყჳირნა ძაღლმან და ვერ შეეხო
Line of edition: 21    წმიდასა მას წმიდათასა, და იხილეს განსაკრთომელი ესე სასწაული განკრთეს მეფე
Line of edition: 22    და ყოველი ერი, მაღლითა ჴმითა ჴმა-ყო. კათალიკოსმან და ყოველმან სიმრავლემან
Line of edition: 23    ერისამან: "დიდ ხარ შენ, უფალო, და საკჳრველ არიან საქმენი შენნი!" და აღუტევეს


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.