ARMAZI
Kartlis Cxovreba II
Part No. 120

Page of edition: 120  Line of edition: 1    არამედ იგი მიუგებდა, ვითარმედ: "კაცნო ვითარ ღირს [არს] შეუტყუებული ესე
Line of edition: 2    ქმნად? არა ვიცით კაცისა ამის უცხოსა ქცევა და საქმე. არცა მჴედრობისა, არცა ბუნებისა,
Line of edition: 3    და არცა ქცევისა. მაცალეთ, ვიდრემდის განიცადოთ ყოველთა სიკეთე, გინა
Line of edition: 4    სიდრკუე მისი".

Line of edition: 5    ხოლო იგინი წინააღუდგებოდეს, უშვილოებასა მოაჴსენებდეს სახლისა მისისა
Line of edition: 6    უნაყოფოებასა დრტჳნვიდეს, წინამძღუარსა სპათასა ითხოვდეს, და ყოვლითურთ შეაიწრებდეს
Line of edition: 7    სულსა მისსა, და ირემსა ემსგავსებოდეს სახისა ოდენ მიხედვითა, პილოთაებრ
Line of edition: 8    არა განიხილვიდეს მისაყრდნობელსა \ და ყოვლითურთ შეაიწრებდეს სულსა მისსა და
Line of edition: 9    ესეოდენ მძიმესა საქმესა სუბუქად შეეხებოდეს.

Line of edition: 10    რასაღა [მრავალსა ვიტყოდით?] მრავლისა ცილობისა თჳნიერ ნებისა
Line of edition: 11    მისისა ყვეს ქორწილი და მრავალ-ჟამ შემდგომად იყვნეს განცხრომასა შინა, მსგავსად საქმისასა
Line of edition: 12    არა მრავალთა დღეთა შემდგომად მიიღო აღსასრული სიტყუამან თამარისმან და
Line of edition: 13    გამოაჩნდებოდეს რუსსა სკჳთურნი ვითარ ნაღებთა ბუნებითნი და სიმთვრალეთა
Line of edition: 14    შინა საძაგელთა უწესოებად იწყო მრავალთა, რომელთათჳს ნამეტნავ არს წერად და
Line of edition: 15    [თქუმად], რათა არა სიგრძედ მიიწიოს სიტყუა.

Line of edition: 16    ორისა და ნახევრისა წელთა, ვითარ გურდემლი მოითმენდა მჴნე თამარ უკეთურებათა
Line of edition: 17    რუსისათა, გარნა სხუა ვერღარავის მოითმენდა და იწყეს ჭრტინვად, არამედ
Line of edition: 18    ცილობათა მათთჳს პირველთა რცხუენოდა ყოველთა თამარისგან.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.