ARMAZI
Kartlis Cxovreba II
Part No. 121

Page of edition: 121  Line of edition: 1    ხოლო ბრძენმან თამარ იძია მრავალი ღონე განკურნებისა მისისა და \ უბძანა
Line of edition: 2    სარწმუნოთა მონაზონთა პირითა მრავალგზის, დაღათუ ყოვლად არა სარგებელ ეყო
Line of edition: 3    რუსსა. ამისთჳსცა თჳსი პირის-პირ იწყო მხილებად მისდა, არამედ უფროს განძჳნდებოდა
Line of edition: 4    რუსი, ვითარცა ღმრთისაგან საფარველ-მოძურცული. ვითარ იტყჳს წერილი,
Line of edition: 5    "ვკურნებდით ბაბილონს და არა იკურნებოდა". არა თუ ოდენ არა შეიგონა, არამედ
Line of edition: 6    უძჳრესთა მიმართ იწყო და შერაცხილნიცა კაცნი უბრალოდ გუემნა და ასოთა აღმოგდებითა
Line of edition: 7    ტანჯნა.

Line of edition: 8    შეუძნდა ესე ყოველი თამარსცა და წინაშე ყოველთასა ესრეთ თქუა: "დაღათუ
Line of edition: 9    საღმრთოსა სჯულისა მიერ სწავლულ ვარ მე "არა განშორებად პირველსა საწოლსა",
Line of edition: 10    არამედ რომელმან არა დაიცვას საწოლი თჳსი წმიდად, არა ჯერ არს მის თანა
Line of edition: 11    დათმენა, რამეთუ შემაგინებელ არს ტაძრისა ღმრთისა. და მე არა მიძლავს აჩრდილისა
Line of edition: 12    მრუდისა ხისასა განმართვად და უბრალოდ \ განვიყრი მტუერსაცა, რომელი აღმეკრა
Line of edition: 13    შენ მიერი".

Line of edition: 14    ესე თქუა და აღდგა და დაუტევა იგი. ხოლო რუსუდან დედოფალმან და ყოველთა
Line of edition: 15    მთავართა საწყალობელად განაძეს იგი, და არა ეგეოდენ უბადრუკი მეფობისაგან
Line of edition: 16    დამჴობითა, რაოდენ შუენიერებისაგან თამარისსა დაკლებითა
Line of edition: 17    კუალად იწყეს ურვად ყოველთა, რამეთუ თამარს ხედვიდეს უშვილოდ და მარტოსა
Line of edition: 18    მკჳდრად სახლისა თდსისა.
Line of edition: 19    იყო უკუე შვილი ოვსთა მეფისა, გაზრდილი რუსუდან დედოფლისა, ყრმა ფრიად


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.