ARMAZI
Kartlis Cxovreba II
Part No. 124

Page of edition: 124  Line of edition: 1    სულტანთა სასხდომნი, მისგან ახმულნი, მზღვარნი, რომელნი მას დახუდეს მას გარეთ
Line of edition: 2    მისხა სამეფოსა ორად განფართებულნი, და ამისგან ცნას მეძიებელმან საქმეთამან,
Line of edition: 3    მერმე ცნას ერაყამდის ქუემოთ მისგან დადებული ხარაჯა და ბაღდადის კერძ მარღამდის,
Line of edition: 4    და თჳთ იგი ხალიფა შეშინებული და მოაჯე კმა არს ქუე-ჯდომით
Line of edition: 5    მოქმედისაგან.

Line of edition: 6    ითქუმოდენ წერილისა: "მოაკლდენ ძალი ბაბილოვნისა და აღაშენა მთა ერმონისა,
Line of edition: 7    განქარდა კუამლი სუბაკთა და განძლიერდეს ბჭენი სილიმისანი.

Line of edition: 8    ესევითართა წყალობათა შინა ღმრთისათა იშუება ერი ქრისტიანეთა, გარნა
Line of edition: 9    წუხდეს და იურვოდეს უნაყოფოებისათჳს თამარისა არამედ ღმერთმან, რომელმან
Line of edition: 10    მოხედნა პირველ მანოეს \ და აბრაამს, და მდედრთაცა ანნას და ელისაბედს. არა ყოვნა
Line of edition: 11    არცა აქა. რამეთუ შემდგომად მცირედისა ჟამისა დაორსულდა თამარ. და ცნეს რა ესე
Line of edition: 12    ყოველთა, იწყეს ლიტანიაობით ღმრთისა ვედრება, მარხვითა, ლოცვითა და ცრემლითა.

Line of edition: 13    რათა მისცეს ღმერთმან შვილი წული. რომელი-ესე იქმნაცა, და შვა შვილი
Line of edition: 14    ყოვლითურთ მსგავსი პაპისა. და დაარქუეს სახელი. გიორგი. და განიხარეს ყოველთა
Line of edition: 15    სიხარულითა მიუთხრობელითა.

Line of edition: 16    და შემდგომად წელიწდისა კუალად დაორსულდა და შვა ასული, თჳსი შემსგავსებული,
Line of edition: 17    რუსუდან, რომლისათჳს კუალად უფროსი სიხარული შეიქმნა ყოველთა ზედა.

Line of edition: 18    და უმეტეს გარდაემატა ბედნიერობით ქუეყანა ყოვლითა კეთილითა და განმარჯუებითა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.