ARMAZI
Kartlis Cxovreba II
Part No. 329

Page of edition: 329  Line of edition: 1    და შეუგზნეს ცეცხლი შინაგან ეკლესიისა და დაწვეს რომელიცა იყოფებოდეს
Line of edition: 2    ეკლესიასა მას შინა და ვიდრე დღეინდელად დღედმდე იხილვების შინაგან
Line of edition: 3    იატაკსა ზედან წმიდისა ეკლესიისასა და დამწვარნი სახენი მათნი დღესაცვე ზედან
Line of edition: 4    სხენან.

Line of edition: 5    და აღიყარნეს მუნითგან და წარვიდენ \ ზედა და, სადაცა ვინ იხილეს კაცნი და
Line of edition: 6    შენობა, მოსრეს და აღაოჴრეს ყოველივე. და მიიწივნეს რუის[ს]ა და მოიცვეს იგიცა,
Line of edition: 7    და იავარ-ყვეს და ეკლესია წმიდისა ღ(მრ)თაებისა ძირითურთ აღმოფხურეს, და მოაოჴრეს.

Line of edition: 8    ყოველივე ქუეყანა.

Line of edition: 9    და წარმოვიდეს მუნითგან, და ჩამოვლეს \ კახეთი და იგიცა აღაოჴრეს და დაწვეს
Line of edition: 10    და წარვიდეს.

Line of edition: 11    და იყო მუნ ჟამ რაოდენმე, ხოლო წარვიდა მუნითგან და მივიდა შაქის. და
Line of edition: 12    მიერთნეს ყოველნივე მკჳდრნი მის ადგილისანი, დიდებულნი და მცირენი, კავკასიანნი
Line of edition: 13    და ლეკნი, შირვანელნი და გილან-მაზანდარელნი.

Line of edition: 14    და თანა ჰყვა მეფე ბაგრატ, ტყუედ პყრობილი. და კუალად ღონე-ჰყოფდა ლანგ-თემურ
Line of edition: 15    მიქცევად მეფისა ბაგრატისა რჯულსა ზედა მაჰმადისასა ლიქნითა და მრავალთა
Line of edition: 16    ნიჭთა ქადებითა. მაშინ გულისჴმა-ჰყო წინააღრჩევით მეფემან ბაგრატ, და
Line of edition: 17    მოიჴელოვნა განზრახვა ესევითარი, და მიჰყვა ნებასა მათსა არა გულითა ჭეშმარიტითა,
Line of edition: 18    არამედ საქმისა ამისთჳს, რომელი წინამდებარემან სიტყუამან გაუწყოს, და \ მორჩილ
Line of edition: 19    -ექმნა ლანგ-თემურს და მიიქცა რჯულსა ზედა მაჰმადისასა. მაშინ ლანგ-თემურ განიხარა
Line of edition: 20    სიხარულითა დიდითა, და შეიტკბო მეფე ბაგრატ და პატივ-სცა დიდად, და
Line of edition: 21    ძუძღუნა საბოძვარი და შესამოსელი საჴელმწიფო, საგებელ-სახ\ურავი, მსგავსი სიდიდისა
Line of edition: 22    მათისა, დიდად ითჳსა და მრავალსა კეთილს-უყოფდა. მაშინ მრავალთა ქართველთა
Line of edition: 23    დაუტევეს რჯული თჳსი და მივიდეს რჯულსა ზედა მაჰმადისასა.

Line of edition: 24    ხოლო მაშინ დიდად მწუხარე იყო მეფე ბაგრატ და იტყოდა გულსა შინა თჳსსა:
Line of edition: 25    "არა ვსცე ძილი თუალთა, არცა განსუენება ჴორცთა ჩემთა, ვიდრემდის არა ვიძიო
Line of edition: 26    მათ ზედა შური", და საქმე ღმერთსა მიანდო. და უმეტესადღა ზრუნვიდა დატევებისა
Line of edition: 27    რჯულისა თჳსისათჳს და მიდრეკისა ქართველთათჳს. მაშინ მოიპოვა ღონე ესევითარი:
Line of edition: 28    ვინათგან დიდად სარწმუნო უჩნდა ლანგ-თემურს და მორჩილობდა სიტყუასა მეფის
Line of edition: 29    ბაგრატისასა, და ჰრქუა ლანგ-თემურს: "ვინათგან ვსცან კეთილად სიმტკიცე რჯულისა
Line of edition: 30    შენისა, აწ მეცა მოქენე ვარ, რათამცა სრულიად მორჩილ ვყვნე რჯულისა
Line of edition: 31    თქუენისა მკჳ\დრნი საქართველოსანი სრულიად. უკეთუ გნებავს მოქცევა მათი სჯულსა
Line of edition: 32    თქუენსა ზედა, აწ მომეც სიმრავლენი სპათა თქუენთანი, და წარვალ თემთა და სამეფოთა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.