ARMAZI
Kartlis Cxovreba II
Part No. 430

Page of edition: 430  Line of edition: 1    დადიანმანცა არა განტევება მამუკასი \ აუწყეს ბატონს თეიმურაზსა მეტყუელთა ესრეთ:
Line of edition: 2    "ვერ ეგების ჩუენგან განტევება მისი". და იყო ხანსა რაოდენსამე მუნ ბატონი თეიმურაზ
Line of edition: 3    და არც ბატონმან თეიმურაზ დაუჟინა და წარმოვიდა, მოვიდა იმერეთს სიძესა
Line of edition: 4    თჳსსა თანა.

Line of edition: 5    მაშინ არავე დასხრა ბოროტისაგან საქმისა და არცა შეიშინა რისხვისაგან
Line of edition: 6    ღმრთისა კუალად შესძინა შურსა თანა სიკუდილი მართლისა მის, წარავლინა კაცი
Line of edition: 7    და დასწვა თუალები მამუკას ციხესა შინა და მოკუდა.

Line of edition: 8    ხოლო ჟამსა მას მოკუდა და იქმნა დიდად სალმობიერ სენითა სასიკუდინეთა
Line of edition: 9    გიორგი შვილისშვილი თეიმურაზისა, რომელსა ზრდიდა ალექსანდრე, მოკუდა და
Line of edition: 10    მიიცვალა იგიცა და ყვეს გლოვა დიდი და მწუხარება და აღასრულეს წესი გლოვისა.

Line of edition: 11    და იყო მუნ ბატონი თეიმურაზ, ვიდრე შჳდ წლამდე.

Line of edition: 12    ხოლო როსტომ მეფე მეფობდა მშჳდობით, არარას მზრუნველი, თჳნიერ ლხინისა
Line of edition: 13    და შუებისა და მოსუენებისა, და გარდაიჴდიდა \ დღეთა თჳსთა სიხარულით, ნადირობდა
Line of edition: 14    და შეექცეოდა. და მას ჟამსა მოვლო რომელნიმე სანადირონი და იყვნენ ხუნანს,
Line of edition: 15    რომელ არს გატეხილი-ჴიდი, და თანა ჰყვა ძედ მისა წოდებული ლუარსაბ. მაშინ
Line of edition: 16    დაეთხოვა როსტომ მეფესა ყარაიის სანადიროდ ხოლო მეფემან დართო ნება და წარვიდა.

Line of edition: 17    და გაჰყვნენ თანა ყრმანი, მსგავნი მისნი, ახლ-მოასაკენი ქართველნი. და
Line of edition: 18    ვითარცა მიიწივნეს მუნ, მოირკეს ტყე და მოვიდა ჯოგი ირემთა და შეექნათ სროლა
Line of edition: 19    ძლიერი. და აღირივნეს ურთიერთას და ისროდენ ურთიერთას ყოველნივე დიდნი და
Line of edition: 20    მცირენი, განირყუნეს სანადირონიცა. და სროლასა მას შინა მოხუდა თოფი ლუარსაბს.

Line of edition: 21    და მოკუდა მუნ. ვითარცა ესმა როსტომ მეფესა, მწუჴარე იქმნა და იყო გლოვა და
Line of edition: 22    ტირილი წესისებრ.

Line of edition: 23    მაშინ ბატონი თეიმურაზ იყო მუნვე იმერეთს დიდად გლახაკად, უღონოდ საჭურჭლითა
Line of edition: 24    და საზრდელითა, მოუძლურებული წლისა სამოცდაათისა \ და ვერღარა ძალედვა
Line of edition: 25    წინააღდგომად როსტომ მეფისა ფრიადისა უძლურებისაგან. \ და დიდად მოკლებულ
Line of edition: 26    იქმნა საზრდელთა და საჭიროთა საჴმართაგან.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.