ARMAZI
Kartlis Cxovreba II
Part No. 468

Page of edition: 468  Line of edition: 1    იხილა რა იგი ლანგ-თემურ, მიუგო მრისხანებით: "ვითარ იკადრე წინააღდგომად
Line of edition: 2    და ურჩებად ჩემდა?" მაშინ ფრიად მოაჯე იგი წარდგა წინაშე მისსა, და სათნოებისათჳს
Line of edition: 3    ძისა მისისა მიუტევა და შეიწყალა, და უბოძა ხალათი. ხოლო ჰყვა თავადსა
Line of edition: 4    მას ესაიას ასული შუენიერი, და რა სცნა ძემან ლანგ-თემურისმან აბუბექირ, ეტრფიალა
Line of edition: 5    იგი და სთხოვა ცოლად. და მისცა და იყვნენ მიერითგან წყალობის მიმნიჭებელ.

Line of edition: 6    კუალად წარვიდა აღბუღას ძე ათაბაგი ივანე, და მივიდა იგიცა ძღუნითა მრავლითა
Line of edition: 7    ლანგ-თემურისა თანა, და შეიწყალა იგიცა, და სცა პატივი, და უბოძა საბოძვარი
Line of edition: 8    მრავალი. და მიუვიდნენ ყოველ\ნივე თავადნი სომხითისა, სამცხისა და კარისა.

Line of edition: 9    მაშინ სცნა ესე მეფემან გიორგი, წარავლინა ძე თჳსი კოსტანტინე ძღუნითა
Line of edition: 10    მრავლითა. და იყო ფრიად მოაჯე მის წინაშე, და ისმინა მისი, შეიწყალა იგიცა. და
Line of edition: 11    აღიყარა მუნითგან, და წარვიდა ქუეყანასა მას ქურთისტანისასა. და დაიპყრა ქუ\რთისტანი.

Line of edition: 12    და კუალად აჴსენებდა ძჳრსა და ბოროტსა საქართველოსათჳს, და წადიერ იყო
Line of edition: 13    გათათრებისათჳს მეფისა და სრულიად ქართლისა.

Line of edition: 14    მაშინ წარმოგზავნა პატრონი შირვანისა, სახელით შიხ ბარაიმ საქართველოსა
Line of edition: 15    შინა, რათა მივიდეს და შეიტყოს ყოველივე ბეგარა და გამოსაღები ქართლისა. და
Line of edition: 16    შემდგომად მცირედისა თჳთცა წარმოემართა და მოვიდა კარსა.

Line of edition: 17    და ცნა რა ესე მეფემან გიორგი, \ წარმოავლინა ესაია, თავადი იგი სომხითისა.

Line of edition: 18    ესე წარავლინა წინაშე ლანგ-თემურისა, რათამცა არა შემოვიდეს იგი ქართლსა შინა;
Line of edition: 19    და რამეთუ იყო ჟამი მკისა და მოსავლის აღებისა, შეუთუალნა სიტყუანი სააჯონი
Line of edition: 20    ესრეთ: "ვინათგან გჳყოფიეს მშჳდობა და ერთობა, მიერითგან არა რაჲ ურჩება გჳქმნიან,
Line of edition: 21    და არცა ჯერ არს თჳთმპყრობელთა შარავანდედთაგან განტეხა პირობისა. აწ
Line of edition: 22    შეიწყალე ქუეყანა ესე, და ნუღარა განრყუნი. რომელსაცა გჳბრძანებთ, მზა ვართ
Line of edition: 23    აღსრულებად სამსახურისა და მორჩილებისა თქუენ[სა] წარავლინა და წარატანა თანა
Line of edition: 24    ძღუენი მრავალი და ფეშქაში საჴელმწიფო.

Line of edition: 25    და რა მივიდა ესაია, თავადი იგი მეფისა გიორგისა, და მიართუა ძღუენი და
Line of edition: 26    ფეშქაში, მოაჴსენნა სიტყუანი მდაბალნი და სააჯონი. ხო\ლო ლანგ-თემურ არა უსმინა
Line of edition: 27    და არცა მიირთუა ძღუენი და ფეშქაში, რამეთუ ფრიად განრისხებულ იყო და კუალად
Line of edition: 28    სწყუროდა მოოჴრება საქართველოსა. მაშინ შეუთუალა მეფესა გიორგის: "უკეთუ გნებავს
Line of edition: 29    მშჳდობის ყოფა და არა იავარ-ყოფა საქართველოსი და სიცოცხლე თავისა შენისა,


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.