| Strophe: 2942_[2834] | ||
| Verse: a | დღესა ერთსა ტუსი, გივი | ნადირობად გამოვიდეს, |
| Verse: b | ქორ-შავარდენ-ავაზითა | ორმოცს დღესა ინადირეს, |
| Verse: c | დუღეზისა მინდორშიგან | კანჯრის ჯოგსა მედგრად სრვიდეს; |
| Verse: dxda | წყლისა პირსა შამბი იყო, | მას ცხენ-მალედ მიმართვიდეს. |
| Strophe: 2943_[2835] | ||
| Verse: a | წინა ტუსი მიუძღოდა, | უკან ლაშქართ დაინახეს, |
| Verse: b | შამბთა შიგან მზისა მსგავსი | მჯღომი ქალი დაინახეს, |
| Verse: c | სხვა მისებრივ ვის უნახავს, | გაუკვირდათ, სულთქმით ახეს. |
| Verse: d და | გივმან უთხრა: "აქ რასა იქ, | ჩემთა თვალთა მთვარედ გსახეს!" |
| Strophe: 2944_[2836] | ||
| Verse: a | ქალმან თქვა, თუ: "მამისაგან | საქმე ასრე მომივიდა, |
| Verse: b | ერთსა ღამეს მამა-ჩემი | მთრვალი შინა შემოვიდა, |
| Verse: c | მან ხანჯარი ამოიღო, | ჩემად მოკლვად იქ მოვიდა." |
| Verse: d და | გვარი ჰკითხეს: "ვისგან ხარო?" | ფალავანთა გაუკვირდა. |
| Strophe: 2945_[2837] | ||
| Verse: a | ქალმან თქვა, თუ: "ნათესავი | მე ვარ თვითან გარსვაზისი, |
| Verse: b | მართლად მკითხავთ, წვრილად გეტყვი, | მახლავს გვარი ფრიდონისი." |
| Verse: c | "მარტო რამან მოგიყვანა?" | -- ქვეითობა ჰკითხეს მისი, -- |
| Verse: d და | მან თქვა: "სხვაცა ბევრი მქონდა, | თავს მეხურა თაჯი ისი; |
| Strophe: 2946_[2838] | ||
| Verse: a | ცხენი დამიდგა ქვეითი, | აქ მოველ შეშინებული." |
| Verse: b | მათ ფალავანთა რა ესმა, | გული აქვს გაკვირვებული. |
| Verse: c | ტუსიმ თქვა: "ჴელმწიფეს შევძღვნათ, | წავიდეთ მალედ რებული." |
| Verse: d და | გივმან თქვა: "მე ნადირსა ვსდევ, | არ ვიყო მოცდუნებული." |
| Strophe: 2947_[2839] | ||
| Verse: a | ტუსი იტყვის: "ეს მთვარეა, | მით არა ჴამს მოკლვა მისი." |
| Verse: b | გივსა უთხრა: "წაიზიდნე, | ვქნა შემოსლვა შუა მისი, |
| Verse: c | ჩვენ მივგვაროთ ჴელმწიფესა," | დაუჯერა გივმან ისი, -- |
| Verse: d და | "ვის უბოძოს ჴელმწიფემან, | პირმზე იყოს ესე მისი." |
| Strophe: 2948_[2840] | ||
| Verse: a | გივმან ზედა წაიზიდნა, | ქალსა მეტად შეეშინდეს, |
| Verse: b | აღარ მოკლა, დაიჭირეს, | ჴელმწიფისკენ წამოვიდეს; |
| Verse: c | შინ შევიდეს, ეთაყვანეს, | პირმთვარესა ქალს მიგვრიდეს. |
| Verse: d და | რა ქექაოზ დაინახა, | ჭკუა, ცნობა წაუვიდეს. |
| Strophe: 2949_[2841] | ||
| Verse: a | ღმერთმან" ჭირი მოგაშოროს" | -- მათ ჴელმწიფე ულოცვიდა -- |
| Verse: b | "ავაზისგან დაჭირულსა | ამისთანას ვინ ნახვიდა?!" |
| Verse: c | უსაზომოდ მოეწონა, | პირმთვარესთან შეგზავნიდა. |
| Verse: d და | თქვა: "მოჰკაზმეთ ჴელმწიფურად. | " -- ერთი წელი გამოვიდა. |
| Strophe: 2950_[2842] | ||
| Verse: a | ჴელმწიფეს მოაჴსენებდეს: | "კოკობი ვარდი გაივსო, |
| Verse: b | თქვენის ტახტისა საფერი | შვილი გამოვა რომ ისო, |
| Verse: c | ჴორციელს არვის ენახოს, | ქებით ქვეყანა აივსო." |
| Verse: d და | მეფემან ბრძანა: "სახელი | მისი სიაოშ არისო!" |
| Strophe: 2951_[2843] | ||
| Verse: a | ესე საქმე როსტომს ესმა, | ხანი რამე გამოვიდა, |
| Verse: b | მასვე წამსა შეიყარა, | ჴელმწიფეს წინ წამოვიდა; |
| Verse: c | მოაჴსენა."ჴელმწიფეო" | -- რა სალამად შემოვიდა, -- |
| Verse: d და | "საკადრისად გაზრდა უნდა, | აწ რომ ვაჟი გამოვიდა. |
| Strophe: 2952_[2844] | ||
| Verse: a | ლომის მსგავს ყმაწვილს ჩემთანა | გამზრდელი არ ეშოების." |
| Verse: b | ჴელმწიფეს ესმა, იამა, | იგ როსტომს შეევედრების, |
| Verse: c | მამისა თვალის სინათლე | და გული წაეყვანების. |
| Verse: d და | სავარდე ჰქონდის სამყოფლად, | რა ზაულს მიიყვანების. |
| Strophe: 2953_[2845] | ||
| Verse: a | მან ისწავლა ცხენოსნობა, | ისრის სროლა, საგდებლისა, |
| Verse: b | სადევისა ჴელთა ქონა, | მოჴმარება ავჟანდისა, |
| Verse: c | მეჯლიშის ქნა, მოტევება | ქორისა და შავარდნისა; |
| Verse: d და | გაიზარდა, სხვა არ იყო | ქვეყანაზედ მსგავსი მისა. |
| Strophe: 2954_[2846] | ||
| Verse: a | სიაოშს ადვილ შეეძლო | საგდებლით ლომის დაჭირვა, |
| Verse: b | როსტომს უბრძანა: "წავიდეთ", | -- ჴელმწიფის ნახვა აჭირვა, -- |
| Verse: c | "თქვენ გამზარდეთ და მან მნახოს, | აწ მოგვხვდა თემთა დაჭირვა." |
| Verse: d და | როსტომ თქვა: "ხვალე წავიდეთ," | -- სიტყვითა არ შეაჭირვა. |
| Strophe: 2955_[2847] | ||
| Verse: a | ოქრო, ვეცხლი, ოქროს ქუდი, | ტანსაცმელი ყოვლისთანა, |
| Verse: b | ცხენები და ჴმალ-ქარქაში | -- სხვა არ იყო იმისთანა -- |
| Verse: c | ყველგნიდაღმან მოიტანეს; | წაიყვანა, წაჰყვა განა, |
| Verse: d და | ის სიაოშს არ მოაწყენს, | მხიარული მისდევს თანა. |
| Strophe: 2956_[2848] | ||
| Verse: a | რა დადგიან საშიშს ადგილს, | მუშკ-ამბარსა იგ დასწვიდეს, |
| Verse: b | მას უჭვრეტდეს, ერდო-კართა | ქალი გარეთ გამოვიდეს; |
| Verse: c | ცხენსა შესხდეს, წამოვიდეს, | ჴელმწიფესა მომართვიდეს; |
| Verse: d და | შარიერსა ქაოზს ესმა, | სიახლოვეს რა მივიდეს. |
| Strophe: 2957_[2849] | ||
| Verse: a | გივსა და ტუსის უბრძანა: | "წადით თქვენითა გვარითა, |
| Verse: b | თან ფალავნები იახლეთ, | ბუკსა და ქოსსა ჰკარითა." |
| Verse: c | მივიდეს, როსტომ თანა დგას | სიაოშ პილოს ტანითა, |
| Verse: d და | ახლის ალვისა შტოსა ჰგავს, | მტერთა დალევდა ზარითა. |
| Strophe: 2958_[2850] | ||
| Verse: a | სამას-სამასი ლომგული | იდგა ყოველსა ყურესა, |
| Verse: b | ყოვლთა სულდგმულთა მოსწონდა, | ლაშქართა შეიყვარესა; |
| Verse: c | "რამან მიწამან გამოსცა!" | იგ ღმერთსა ეთაყვანესა, |
| Verse: d და | სრულ ერანელნი ქექაოზს | მას დღესა ეთაყვანესა. |
| Strophe: 2959_[2851] | ||
| Verse: a | ბაღი, სახლი, სავარდენი | მუნ აივსო კარვებითა, |
| Verse: b | სვეს, შეექცნეს ერთი კვირა | არ ღვინისა ქარვებითა; |
| Verse: c | მერვეს დღესა ხაზინათა | კარი გახსნეს არ ვებითა; |
| Verse: d და | სიოშს მისცა ჴმალ-ჯავშანი | და მოჰკაზმა ზარბაბითა. |
| Strophe: 2960_[2852] | ||
| Verse: a | ცხენი, ტახტი მოკაზმული, | შესაფერი უნაგრითა, |
| Verse: b | ხუფთანი და ბარგისტანი, | იგ მოჰკაზმა საომრითა; |
| Verse: c | საჴელმწიფო ოქრო-ვერცხლი, | მარგალიტი არ დათვლითა, |
| Verse: d და | საბატონო ყველა მისცა, | უგვირგვინო, მართებს ვითა. |
| Strophe: 2961_[2853] | ||
| Verse: a | მას გვირგვინი მით არ მისცა, | ჯერ ყმაწვილი ვაჟი იყო, |
| Verse: b | მანაშურით დაუწერა, | რაც ქაიანთ წესი იყო; |
| Verse: c | ?გავარსუნის თემი მისცა, | შესაფერი მისი იყო, |
| Verse: d და | სხვა მისთანა არ ყოფილა, | სიხარული მისთვის იყო. |
