| Strophe: 3322_[3222] | ||
| Verse: a | ძირი შტოსა გამოიღებს, | დაბერდების სარო ძველი, |
| Verse: b | კაცსა გვარი ან ზრდილობა | ედვას, ღვთისა საფარველი; |
| Verse: c | ამით კაცად შეიქნების, | გული ედვას ჭკუის მქნელი, |
| Verse: d და | ყოვლით არის შემკობილი | ქაიხოსრო სასურველი. |
| Strophe: 3323_[3223] | ||
| Verse: a | დაჯდა ტახტზედან, გვირგვინი | მას ტურფად მოუჴდებოდა, |
| Verse: b | ფრიდონს და ჯიმშედს ესე სჯობს, | ერანი აშენდებოდა; |
| Verse: c | გლახა და შეჭირვებული | საქონლით აივსებოდა, |
| Verse: d და | სძღნობდეს, ყოველნი სულღგმულნი | მას წინა შემოკრფებოდა. |
| Strophe: 3324_[3224] | ||
| Verse: a | ზაალ, როსტომ ნიმროზელთა | წამოსავლად თავნი არნეს, |
| Verse: b | მაშინ მისლვა როსტომისა | ქაიხოსროს გაეხარნეს; |
| Verse: c | წინა გივი გაეგება, | ერთმანერთსა შეეყარნეს, |
| Verse: d და | ხოსროვ მამა მოიგონა, | თვალთა ცრემლი გარდმოღვარნეს. |
| Strophe: 3325_[3225] | ||
| Verse: a | ტახტით ჩამოჴდა, აჴოცა, | სიტურფე ეკვირვებოდა: |
| Verse: b | "შენ გაზარდია შიაოშ?"-- | ტირილით ეუბნებოდა -- |
| Verse: c | მასმოდა თქვენი სიკეთე, | მე ნახვა მენატრებოდა". |
| Verse: d და | სათავადოსა ტახტზედან | ზალდასტანს წაუძღვებოდა. |
| Strophe: 3326_[3226] | ||
| Verse: a | როსტომ ატირდა, ეგრე თქვა: | "გნახეა მსგავსი მამისა? |
| Verse: b | ვითამც ცოცხალი მინახავს, | მიხარის მსგავსად ამისა; |
| Verse: c | წაქცეულისა საროსა | ნაყოფი ვჰპოვე ჟამისა, |
| Verse: d და | ჩვენ რაცა ჭირი გვინახავს, | არა მჩანს წონად დრამისა." |
| Strophe: 3327_[3227] | ||
| Verse: a | ქაოზს წინა შეიყარნეს, | სისხლის ძებნად გააპირეს, |
| Verse: b | აფრასიობს აჴსენებენ, | საუბარი გააჴშირეს; |
| Verse: c | თქვეს: "მოგვიკლა მან სიაოშ, | ერანს მიწა აატირეს!" |
| Verse: d და | უფროსად და საჴელმწიფოდ | ქაიხოსრო დაიჭირეს. |
| Strophe: 3328_[3228] | ||
| Verse: a | ჰკადრეს თუ: "ფიცსა გენუკვით, | თუ გვიზამ ჴელმწიფობასა, |
| Verse: b | ჩვენ აფრასიობს მივმართოთ, | დავჰკრათ ბუკსა და ნობასა, |
| Verse: c | არ მოგვატყუო, ნუ იტყვი | შენ მისსა მეყვისობასა; |
| Verse: d და | ჰფიცოთ ტახტი და გვირგვინი, | გული იქს მაშინ ნდობასა". |
| Strophe: 3329_[3229] | ||
| Verse: a | მაშინ ღმერთი დაიფიცა, | ქაიხოსრო დაძრა ენა: |
| Verse: b | "არ დავინდობ მე ცოცხალი, | თქვენვე ნახოთ სისხლთა დენა!" |
| Verse: c | ბაბრაბი და ჴმალი, ლახტი | საომარი მათ უჩვენა -- |
| Verse: d და | "მე ამითა გამოვსცადო" | -- როსტომ მოწმად დაიყენა. |
| Strophe: 3330_[3230] | ||
| Verse: a | წიგნი დაწერა -"შენ გქონდეს" | იგ როსტომს ეუბნებოდა. |
| Verse: b | პირ-დაბანილი ილოცავს, | ხოსროვ ღმერთს ეხვეწებოდა, |
| Verse: c | იტყოდა: "მოსამართლეო", | -- ტირილით ევედრებოდა -- |
| Verse: d და | "თქვენ მიჴსენ ეშმაკისაგან, | ვინ ადამს ემტერებოდა. |
| Strophe: 3331_[3231] | ||
| Verse: a | ავია ქაოზ ჴელმწიფე | მუდამ ჭკვა-შეცვალებული, |
| Verse: b | ტახტისა მცველნი სფაადნი | ჰყავს ყველა შეშინებული, |
| Verse: c | ერანი არის მტერთაგან | წამჴდარი, აოჴრებული, |
| Verse: d და | სიაოშ მოკლა უბრალო, | თვით შენგან გამართლებული. |
| Strophe: 3332_[3232] | ||
| Verse: a | მე შენითა ბრძანებითა | საღარიბოდ ახლა მოვე, |
| Verse: b | ჰქონდეს ღონე სიცოცხლისა, | ერთი კაცი ვერა ვჰპოვე, |
| Verse: c | აფრასიობ მორევია, | ვითა წყალმან დაძრა ნოვე, |
| Verse: d და | წელთა ჴმალი შემოვირტყა, | გამარჯვება შენვე გთხოვე!" |
| Strophe: 3333_[3233] | ||
| Verse: a | მაშინ უბრძანა ლაშქართა: | "გაქვს ჩემი სიყვარულია; |
| Verse: b | თქვენ იქცეოდით ვეფხურად, | ვინცა ხართ ჯავშანსრულია; |
| Verse: c | სისხლი ვიძებნო მამისა, | მე დავსწვა მტერთა გულია, |
| Verse: d და | მეომართაგან დავსცალო | ღვთითა თურანი სრულია". |
| Strophe: 3334_[3234] | ||
| Verse: a | გოდერძი და დიდებულნი | ადგეს, ფიცხლავ ეთაყვანნეს: |
| Verse: b | "შენთვის გვინდა ჩვენ სიცოცხლე" | ქაიხოსროს მოაჴსენეს; |
| Verse: c | აქ შეიქნა გამორჩევა, | სფაადარნი მოიყვანნეს, |
| Verse: d და | ორს კვირასა კარი შეჰკრეს, | თავი ბრძენთა დაადარნეს. |
