| Strophe: 3573_[3490] | ||
| Verse: a | უსაზომოდ უხაროდა, | ქოსსა სცემდეს ამაზედა, |
| Verse: b | თეთრი დევი მოიგონეს, | მაზანდარის ამოწყვედა, |
| Verse: c | თქვეს: "მოგვესწრა პილოტანი, | დავსხდეთ თავის ტახტსა ზედა, |
| Verse: d და | მისის ზურგით ჩვენ შევებნათ, | გავიმარჯვებთ მტერთა ზედა". |
| Strophe: 3574_[3491] | ||
| Verse: a | თურანელთ ნახეს ლაშქარი | ერანით მომავალია, |
| Verse: b | კამბეჩის-სახე ლახტი აქვს, | როსტომ ჰყავს წინმავალია, |
| Verse: c | შუბისა ჯარი მოსდევდა, | მობრდღვინავს პილო მთრვალია, |
| Verse: d და | მთისა ოდენსა ცხენსა ზის | ლომგული, მკლავმაგარია. |
| Strophe: 3575_[3492] | ||
| Verse: a | რაზმი აწყვეს ერანელთა, | ჩამოვიდეს მთისა ძირსა, |
| Verse: b | აქათ ქუმსი წამოვიდა, | სცემენ ყოვლგნით (!) ყვირო-სტვირსა, |
| Verse: c | ერანელთა დაუზახა: | "ჩემსა ომსა ვინცა ღირსა?" |
| Verse: d და | გივმან ჴმალი გამოიდო, | მიდგა მისსა სიახლესა. |
| Strophe: 3576_[3493] | ||
| Verse: a | გივმან დაასხა ისარი, | უფალსა ევედრებოდა, |
| Verse: b | ქუმსი მოუჴდა შუბითა, | ყოლე არ ერიდებოდა, |
| Verse: c | ჴმალი ჰკრა, შუბი გაკვეთა, | ვირ ტუსი მოესწრებოდა, |
| Verse: d და | სამთავე მედგრად იბრძოლეს, | სადამდის დაღამდებოდა. |
| Strophe: 3577_[3494] | ||
| Verse: a | რა მოვიდეს ზაულელნი, | ღვთის ძალითა მტერთა ივნეს, |
| Verse: b | გოდერძი და გმირი როსტომ | ერთმანერთსა მოეხვივნეს, |
| Verse: c | შექნეს გლოვა საშინელი, | ცრემლსა სისხლი გაერივნეს, |
| Verse: d და | რაცა სჭირდათ ბედისაგან, | თავი მათი გაამჩივნეს. |
| Strophe: 3578_[3495] | ||
| Verse: a | როსტომ იტყვის: "ნუ ვინაღვლით, | მით საწუთრო ხარაკია, |
| Verse: b | ერთსა მატებს, ერთსა აკლებს, | ყოველთ ზედა არაკია; |
| Verse: c | მე მტერობა გამიახლდა, | თუ არ ცოდვა მომერია, |
| Verse: d და | ომს გვირგვინი ახლოს ახლავს, | აგრევ ვიწრო სამარია". |
| Strophe: 3579_[3496] | ||
| Verse: a | ერანელნი დიდებულნი | როსტომს ამას ეუბნების, |
| Verse: b | ქუმსის საქმე მოაჴსენეს: | "არც შეხედვა ეკადრების, |
| Verse: c | მანათურ და ხაყან ნახეს, | სხვა მათებრივ არ იქნების, |
| Verse: d და | შედის-წყლამდის ლაშქრისაგან | გზა აღარსად იშოების. |
| Strophe: 3580_[3497] | ||
| Verse: a | დავცოცხლდით, შენის ნახვითა | ჩვენ დიდად გავიხარენით, |
| Verse: b | ვართ მტერისაგან უშიშრად, | რადგან შენ შეგეყარენით, |
| Verse: c | ტახტი ყოფილხარ მეფეთა, | დღეს ჩვენცა მოგვეჴმარენით, |
| Verse: d და | მტერზედა სისხლი ვიძებნოთ, | ლხინითა დავიფარენით". |
| Strophe: 3581_[3498] | ||
| Verse: a | ომან თქვა: როსტომ" მოსულა, | ჩვენ ავი დაგვმართებია, |
| Verse: b | ფეროზის ფერი კარვები | ერანელთ დამრავლებია, |
| Verse: c | ტახტი, დროშა და შუბები | ჯარად უთქს პილოებია, |
| Verse: d და | ხაყან, ქუმსი და მანათურ | მიწასთან გასწორდებია". |
| Strophe: 3582_[3499] | ||
| Verse: a | ქუმსი გაწყრა: როსტომს" აქებთ, | მეკვირვების მეტად მია! |
| Verse: b | ჩავარდნილხართ საეჭოსა, | ჩემთან არა შეუძლია, |
| Verse: c | მე შევებმი ზაულელთა, | მძიმის ლახტით გამოვსცდია"; |
| Verse: d და | ფირან ლაშქართ გააგონა | მაშინ ქუმსის ნათქვამია. |
| Strophe: 3583_[3500] | ||
| Verse: a | ხაყანს ჰკადრა: "ჴელმწიფეო, | რაზმსა ზურგი შეუნახე". |
| Verse: b | ქუმსიმ ფიცა: "მე შევებმი, | მტერი იყოს მოვაგლახე". |
| Verse: c | თქვეს თუ: "მიწა გასწორდების, | ლალის ფერად მოსანახე". |
| Verse: d და | ქუმსი მთასა დაამსგავსა, | ხაყან მოვა პილოს სახე. |
