| Strophe: 282 | ||
| Verse: a | სუფრა აიღეს, მისჭირდათ | მეტრე ღვინისა სმანია, |
| Verse: b | დილა გათენდა, ემზადის | პატრონი ანუ ყმანია. |
| Verse: c | იგ შეიყარენ საყუარლად, | ვითამცა ღვიძლის ძმანია, |
| Verse: d და | ორმოცდაათი ათასი | პილო კიდებით მზანია. |
| Strophe: 283 | ||
| Verse: a | ჯინბიჯან მეფეს მიართვა | ოქროთა კიდებულია, |
| Verse: b | ყველას აჩუქა, რაც იყო | მცირე და დიდებულია. |
| Verse: c | ორმოცდაათი ათასი | სხვა პილო ზიდებულია, |
| Verse: d და | ოქრო აჰკიდა ფალანგი, | ყუელასა ღირებულია. |
| Strophe: 284 | ||
| Verse: a | მეფეს მიართვა ყუელაი, | წინ დეუნი მიუძღოდენა, |
| Verse: b | რაც იდგის იქი კარვები, | საჭურჭლე ზღვათა ოდენა, |
| Verse: c | იქი რაც იყო, ყუელასა | საჩუქრად მოიტყოდენა, |
| Verse: d და | დეუთა არც ერთი წაიღეს, | მის მეტსა რას იქმოდენა? |
| Strophe: 285 | ||
| Verse: a | სრა-ფარდა, ანუ ოთაღნი, | ტახტი და ყოვლისფერია, |
| Verse: b | რაც იყო, მეფეს მიართვა | სხვა საქონელი ბეურია, |
| Verse: c | ყოვლნი [ა]ავსეს ვინც იყო, | მოყმე და ანუ ბერია, |
| Verse: d და | წავიდა ჯიმშედ მორჭმული, | ყოველი მისი ერია. |
| Strophe: 286 | ||
| Verse: a | სარავ ქალაქსა მოვიდა | ჴელმწიფე დავლ[ა]თიანი, |
| Verse: b | დავარდა მოსვლა მეფისა, | შეიქნა მრავალ ყმიანი. |
| Verse: c | გამარჯვება სცნეს ყოველთა, | არ მიიჩნივეს ზიანი, |
| Verse: d და | მიულოცვიდეს ყოველი, | ადიდეს პირად მზიანი. |
| Strophe: 287 | ||
| Verse: a | მას უკან გლოვა დაიდვა | ჴელმწიფემ მისის მამისა, |
| Verse: b | ფათრათ იგლოვა კიდევე, | საგლოვი მრავალ ჟამისა; |
| Verse: c | ცხვარი და ხარი მრავალი | დახოცეს, მათთვის ლამისა, |
| Verse: d და | ორმოც დღეს უყუეს უწყუედლად, | იყუენ მოქმედი ამისა. |
| Strophe: 288 | ||
| Verse: a | გლოვა გაიხსნა, მეფემა | იხმნა თავადნი ყოველი, |
| Verse: b | ყოვლთა უბოძა მრავალი, | ჰგავს თუ ცა იყო მთოველი, |
| Verse: c | თვალ-მარგალიტი და ოქრო | ვერცხლიცა დია მოველი, |
| Verse: d და | სტავრის, ნახლის და ქამხისა | არის ჯარზედა მკულეველი. |
| Strophe: 289 | ||
| Verse: a | რაცა მისცა სრულად ჯართა, | იმდონერთი გვაჯასპს მისცა, |
| Verse: b | ცოტად უმცრო აშაქს მისცა, | ჴელმწიფესა თაყვანი-სცა, |
| Verse: c | ვინ იქმოდა ანგარიშსა, | მან უბოძა, რაცა ვისცა, |
| Verse: d და | ლარსა ხვეტდენ ყოველნივე, | ფალავანი იქივ დგისცა. |
| Strophe: 290 | ||
| Verse: a | გვაჯასპის მისცა ყოველი | იმისი შესაფერია, |
| Verse: b | ქვაბულისტანი, ქიშმირი | და ყანდაარი ერია, |
| Verse: c | ინდოს კარამდის უბოძა | იმათი ყოვლისფერია, |
| Verse: d და | იგ გმირსა მისცა ყოველი, | ტურფა და შვენიერია. |
| Strophe: 291 | ||
| Verse: a | ხვარასანი აშაქს მისცა | და იმისი მოსახმარი, |
| Verse: b | მურდავს მისცა ფალავანსა | ალაბი და მისი მზღვარი, |
| Verse: c | სულად შამის ქუეყანანი, | რაცა იყო მთა და ბარი, |
| Verse: d და | ყუელა ასრე გა[ა]ჩინა, | მადლს იხდიდა სრულად ჯარი. |
| Strophe: 292 | ||
| Verse: a | მას უკან შინ დაეთხოვენ | ყოველნი სპანი მათია, |
| Verse: b | თავ-თავის ალაგს წავიდენ | ლხინისა მოკამათია, |
| Verse: c | ჴელმწიფე სუფეს, იხარებს, | ბროლ-ლალი, მინა, სათია, |
| Verse: d და | ამ წესით იყუის, იშვებდის, | გარდახდა დღენი ათია. |
