TITUS
Svan (Lashx) Texts ed. A. Oniani
Part No. 15
Previous part

Text: 2 
Page: 51 
Line: 1 
II. აჯაღ მერმე ამბაჳ სტა̄რჳნიშიშ.


Line: 2       იმე̄`ჲ ჯგჷრა̄გი საყდარ სგოჯდა სტა̄რჳნი̄ში ზაგარჟი, ეჩაცახა̀ნ
Line: 3    
ლჷმზიგე̄ლი ძღჷდ ლჷკთილ მეზგე. ალ მეზგე ბებჳშა ხოშა ლას ა̄ მა̄დე,
Line: 4    
ათხე̀ დეშერს ხაშყიდ. ეჩა̄`შთე მუშგჳრი ჲერჳა̄`ჲ ლჷმჴედო̄ლინ, ძღჷდ
Line: 5    
ხოჩა̄მდ ხახლენო̄ლნა, მარა̀ უმშაჲად დეშერ ხაჩდენო̄ლნა. ალ ამბაჳ ქა
Line: 6    
ლახსჷმე̄ნა შჳანე ნეფეს. ოთჲა მიჩა ჯარ სგა ლახმუშგჳრე̄ნა სტა̄რჳნი̄ში
Line: 7    
ზაგარჟი მეზგა̄`ლ მეზგას. ეჯ მეზგე, იმჟი̄ მიჩა წეს ლას, ეჯჟი
Line: 8    
ლეხხელა̄ნ, მჷქორწილჲერ ხეყე̄და სემი ლე̄თილადეღ. კალ ხა̄რა ეჯ
Line: 9    
მეზგას ზაგრი მა̄`ჲდანჟი. ნეფე მიჩა ჯარ ჭიშხაშს მა̄`ჲდანჟი
Line: 10    
ლჷმჩომინხ. ნეფე მიჩა ჯარ ლი̄ზა̄`ლს ჩოთსაჩქჳრა მეზგას ეჯჟი
Line: 11    
ოთმუშგჳა̄ნა მიჩა ქორხენ. ქა ერ ემჩედ ნეფე ჯარ, ეჩქა̀ ნეფეს ქა
Line: 12    
ლოხტუ̄ლა მეზგე̄მიშდ მიჩა̄`შთე ხო̄ქჳა ერე სი ლოქ ჩი̄მიშჳდ ჯიმშია̄ლჳნა
Line: 13    
მეხედ მუშგჳრი̄შჳდა მი ლოქ დეშსამა ლამმჷშჲა̄ლუნ. ეჩქა̀ ეჯ მეზგე̄მი
Line: 14    
ხოშას ხო̄ქჳა: ძღჷდ აშმა̄რ ჯა̄რხჳი, სი ისგჳა ჯარდ კალ ემსყედ
Line: 15    
ლიმშაჲე ამჷნ ხოჩულ მაჲ მე̄რო̄ლ? ესრენ კალ ხაღჳე̄ნა ლჷჳყალე
Line: 16    
უსკიბნაჳა. ნეფეს მიჩა ჯარს ლაჭჷშხაშჟი ჩოთსკიბნაჳახ კალ,
Line: 17    
მაჲსაკჳრელ ლი. ალე ეზერ ნამშაჲ ლი ნეფე̄შხენ მიჩა მჷნჴრი
Line: 18    
ჯარხენქა. ამეჟი ნეფეს ჩჳათჩო̄ნდა ჩჳადსაჩქჳრე ეჯ მეზგე მე̄ჳარ.



Next part



This text is part of the TITUS edition of Svan (Lashx) Texts ed. A. Oniani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.