TITUS
Svan Chrestomathy (I: Upper Bal): Part No. 49

Text: 36 

Line of edition: 9

36. ლიღვჟა̄̈ლ ი ჭყინტი ლითვე


Line of edition: 10       ითჲა̄ლ ი მა̈გ ხე̄ჴრა̄ლ ღე̄რბათ, ეჯღ' ე̄რე ქორისგა ლახ ფიშირ მახეღვა̈ჟ არდ"
Line of edition: 11    ე̄ჯა ქორა̈შდი ლემკახე ლა̈სვ, სამხუბსი გა̈ნხა̈ნ ხა̄გა̈ნ მაწხლადა̈ღ _ ჭირჟი̄ჲ, ხინჟი̄ჲ
Line of edition: 12    ი სოფელსი ლახე მა გვეშ ხაწხნდა, ეჩქას სოფელსი ჟი ხემრგო̄ლდა, იმვა̈ჲნა̈რდ
Line of edition: 13    ხაწხნ, ეჩნარ.

Line of edition: 14       ჯვინალდ შვა̈ნისგა ფიშირ მეზგე ლმზიგ ი ხვა̈ჲ მა̄რე ლ̄მა̈რდ, მარე აშხუნღო
Line of edition: 15    ჟა̈მობ ლმა̄̈რ ღალ ი ეჩქას ხვა̈ჲ მა̄რე ღალ ა̈მხვეტე̄ლი, ეჩნქა ლეშჲა̄̈ლ ხა̄რა შვა̈ნს
Line of edition: 16    მა̈ჲ სა̈ვჲა̈რდ ი მა̈ჲ თათრა̈რდ, მა̈ჲ იშეშდ ი მა̈ჲ იშეშდ ი ამღა ღალ მასა̈რდ ალმრხდე̄ლი
Line of edition: 17    შვა̈ნ. ამი̄ ბა̈დშვ, მა̈ჲ საკვრელ ლ"ე̄რე ჭყინტი ლითვე ხოშა ხა̈ხჲადე̄ნა მუშვა̈ნს
Line of edition: 18    ი ათხაჲ ხოშა ხა̈ხჲა̈დ დი̄ნა̄̈ ლითვედ.

Line of edition: 19       ჭყინტ ლახე ხეთვი მეზგა, ეჩქას ლა̈ხჲადა̄ლს იჩოხ, ჰარა̈ყს ათვნა̄̈ლიხ ი ნა̄̈თი
Line of edition: 20    სამხუბ მა̈გ ჰარაყშვ ესღრი ეჯ მეზგათე̄სგა. ლახე დი̄ნა ითვი, ეჩქას და̄̈სმა ხა̄რ სერდე
Line of edition: 21    ი დეჲ ლა̈ხჲადა̄ლს ჲა̈რ იჩომ. ჰა̈რიდ გარ ხაყლე მა̈გ მეზგა ზურა̄ლა̈ ქვინი სა̈და̄̈
Line of edition: 22    მა̈ხჲადს. ჯვინალდ, მა̄̈ნკვი̄შჟი ზურა̄ლ ჩუ იღნავო̄ლდა, ეჩქას ლაღვჟალვნად ჲარვ
Line of edition: 23    ღეთ ნაგზა სგვებნავ ლიღვჟა̄ლა̄̈ლდ უკცვირ ქორთ' ა̄̈გნახ ი ეჩე ხორდახ, ეჯღ"
Line of edition: 24    ე̄რე ნაღვაჟ ზურა̄ლ ურწყულ ლი ი ლიმზრ ჩუ ხედვა̈ში ეჯ მეზგა, ხედვა̄̈ჲ მეზგაისგა
Line of edition: 25    ზურა̄ლ ჩუ იღვჟა̄ლ. ეჯღ' ა̄̈გნახ მეღვჟა̄̈ლს უკცვირ ქორთე. ამე̄სგა ლიღვჟა̄ლე
Line of edition: 26    დვრევ ხოჴდენ მეღვჟა̄̈ლს, ეჩქას ეჯას ზურალა̄̈რ აღვჟა̄ლვნახ მინე შრად.
Line of edition: 27    სგა ხეჭვა̄დო̄ლდახ ეჩხა̈ნ-ამხა̈ნ. მა̈ჲ ჩვექი̄ლარშვ ხაზელა̄ლვნახ, მა̈ჲ თა̈კვს ხოწბინახ
Line of edition: 28    დი̄რს ი ეჯას ხეწე̄ბა̄ლ ზურა̄ლ ლადვჟა̄ლჟი̄ნ, ლახე თმი ხოჴდენდა.

Line of edition: 29       სერ იმჟი დო ლა̈სვ, ზურა̄ლ ჩუ იღვჟა̄ლ, მე̄რმე ზურალა̄̈რ ჟი იწვე̄ნახ მახა
Line of edition: 30    ლთა̈ვს.

Line of edition: 31          ლენჯა̄̈რ




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.