TITUS
Svan Chrestomathy (I: Upper Bal): Part No. 146
Text: 121
Line of edition: 30
121. მურყვმა̈ ნამრიღვ დოლა̈ სვიფისგა
Line of edition: 31
ბეჩვის დოლა̈ სვიფ ხაჟხა სოფელ დოლჩუქვა̄ნ ლა̄რა̄̈ლს. ამეჩუ̄ნ ათხე მო̄შ
Line of edition: 32
ქორა̈რ ლგხ: ფოშტა, ოქვრა̈ წარმოება̄̈ შენობა̄̈ლ ი იშგენ.
Line of edition: 33
ნე̄სგა სვიფისგა ხოშა̄მ ბაჩვჟი̄ნ მურყვმა̈ ნამრიღვ ლგ, მარე ეჩჟი̄ნ მეგჭად
Line of edition: 34
ჩუ̄დ ლგ, ერე ნარმეცხი ლა̈ფცხა მა̄მ ხა̄რ. გუდ ლაჴი̄და̄̈რ ლი, ერე ალ ბაჩვჟი̄ნ
Line of edition: 35
წეს მურყვამ ლმგენელი შომვა̄ლე. ალ მურყვმა̈ ნამრიღვი ბედჟი̄ნ ბეჩვი̄ლა̈რ ალ
Line of edition: 36
ამბა̈ვს ამბვიხ ა: ალ მურყვამ ლმა̄̈რ ლა̈ყრულ მურყვამ ი თხუმ ზანგლა̈გ ხა̈რკე̄
Line of edition: 37
ნა. ალ ზანგლა̈გს ჲო̄რი ბერჟა̈ ნა̄ჭა ხა̈ბმე̄ნა. დოლ ლექვა̄̈ნ, ჭალა̈ჲ დოლრა̄̈ პილს,
Line of edition: 38
ხოშა ლა̄რე ლი, ჩეშა̈რ. ამე̄'სგა კლთხი ღუმირ ლმგენელი ი ამის ხა̈ბმე̄ნა აშხვ
Line of edition: 39
ნა̄ჭა̄̈ კა̈ცხ. დოლ ლეჟა̄̈ნ სოფელს ჭკიდანა̈რ ხაჟხა. ალ სოფელ ლექვა̄̈ნჩუ̄ნ, ფედჲ
Line of edition: 40
ას, ათხე̄ჲ ჩულგ ეშხუ ხოშე̄მიშთა̄ნ მეჩი ღუმირ, მე̄რმე კა̈ცხ ალ ღუმირს ხა̈რკე̄ნა.
Line of edition: 41
ეშხუ მა̄რე ჩიგარ მურყვამჟი̄ნ ლმა̈რდ ლა̈ყვრილდ, მე̄რმე _ ჩეშა̈რი ღუმირმყ
Page of edition: 100Line of edition: 1
მე̄სმე _ ჭკიდანრი ღუმირმყ. ალ ღუმრა̈რსი კაცხა̈რჟი̄ნ ზანგლაგა̈რ ხა̈ბმე̄ნახ ი
Line of edition: 2
ნა̄ჭა̄̈ კაცხა̈რ ეჯჲა̈რს ხა̈ბმე̄ნახ.
Line of edition: 3
მურყვამჟი̄ნ მერდე ლახე ლმმა̈ჴვრინ, ერე ამხვა̈რ ანღრიხ ბეჩვითე̄'სგა იმ
Line of edition: 4
ვა̄ლეხა̈ნ, ჩუქვა̄ნ მურყვამჟი̄ნ ზანგლა̈გს ხატყცინა ი ღუმრა̈რჟი̄ნა ზანგლაგა̈რსი.
Line of edition: 5
ჩეშა̈რ მერდე ლეჩყა̈ნს ი ქართვა̄̈ნის ხა̈ბჟინნა ალ ამბა̈ვს, ალჲარ _ ცხმა̈რს ი ჲეცერს.
Line of edition: 6
ჭკიდანრი ღუმირ ჩუქვა̄ნ მერდე უშხვა̄ნა̈რს ხა̈ბჟინვნა, უშხვა̄ნა̈რ _ მაზე̄რს,
Line of edition: 7
მურყვამჟი̄ნა̈ ზანგლა̈გს ეჩი̄ზუმ ჰერ ხადე̄ნ', ე̄რე ლატლი̄ სოფლა̈რს (ლეშუკვს
Line of edition: 8
ი სიდჲა̄ნა̈რს) ქა ხასმო̄ლვნა.
Line of edition: 9
ამჟი̄ნ უშხვა̄რა̈ ბა̈ჟინუნღო თვეფი მგჭე მახეღვა̈ჟ მა̈გ ჟი ლმნა̈ზო̄რა̄ლვინ
Line of edition: 10
ი ჩუ ლმფადა̄სნო̄ლნი იმხა̈ნვა̄̈ჲ ამხვა̈რ ანღრდახ, ეჩხა̄ვ ი სგვებინხა̈ნ ხა̈ხვჲო̄ლნახ
Line of edition: 11
სგა მეშგებს.
Line of edition: 12
ამჩუ̄ნ ლიშჲა̄̈ლ ხაჩ̄დო̄ლნახ, ტკიც გვეშ ლ', ე̄რე ამხა̄ვი ლმდაგრო̄ლინხ
Line of edition: 13
შვანა̈რს, მარე ხოშა̄მ ლაღა̈ლს შვანა̈რ ლმა̄̈რხ ჟი მნწირ ი ამხვა̈რს აშხვ დე̄მ ლმფიშვდინხ
Line of edition: 14
მუ̄მბვიდ.
Line of edition: 15
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
