TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 192

Text: 156

Line of edition: 14

156. ლიჰრა̈ყი შვა̈ნისგა

Line of edition: 15       შვა̈ნისგა ლიჰრა̈ყის მასა̈რდ ჭირ ხაკუჩ, მარე ხინი მასა̈რდ ხეფსი, ეჯღ' ე̄რე
Line of edition: 16    შვა̈ნისგა ღნს, ჰა̈მურს, ჭირს, ხინს, შგვირი ლიმშგვა̄ნეს ი იშგან ჰარყურ ჩქიმ
Line of edition: 17    მა̄მ ხა̄გ.

Line of edition: 18       ლეჰრა̈ყიდ ჟი ამა̈რგ: კვეცენ, ჭმინ, სიმინდ, ქართობილ, ცინყა ი გა̈ნჭვ.
Line of edition: 19    გა̈ნჭვს ი ცინყას მა̄მ ხაკუხ ხვა̈ჲ ში ლაჰრა̈ყიჟი, მარე ნამში ლიჰრა̈ყი ხოშა გარჯ ლი.
Line of edition: 20    ჩიქე ლევრა̈შის იგვეჰხ. სალა̈ტია̄ქ ითქს სგვებნავ ჩვარშტნეხ ხოშა̄მ შედისგა.
Line of edition: 21    ითქ ჩუ ირშტნი, ეჩქას ღობა̈რთე იტხეხ ი ეჩე̄'სგა მეფხაჟდ ჩუ დე̄სგიხ. ღობა̈რისგა
Line of edition: 22    ფიშრა̄მინ ხაკუ სალა̈ტს ლიჟრა^̄̈ლი.

Line of edition: 23       შომვა^̄̈ჲ სალა̈ტ ჭიჭკვს ქა ჴიდე, ეჩქას სერ ბიზ ხა̄რ ლისლა̈ტი ი ჟი იკედხ ღობა̈რხა̈ნჟი,
Line of edition: 24    ქ'ა̄ჲე̄სგიხ ლა̈ფრათე დე̄ფა̈ნთე ი ეჩეჟი̄ნ ჩვაბძღნეხ, ეჯღ' ე̄რე უშხვა̈რ
Line of edition: 25    ხა̈ჯნჯიხა სალა̈ტ. ჩუ ლბძღნანღო ქა ხო̄დე̄სგიხ მიჟს ზავლადა̈ღ ი ეჩნოვშ აფრეხ.
Line of edition: 26    ლინთვისგა შგილა̈რჟი დე̄სგიხ ი ეჩჲა̈რჟი̄ნ აფრეხ. ჩუ ლფრანღო ქა იგვეჰხ
Line of edition: 27    ი სალა̈ტ ლმა̄რე ლი. ლევრა^̄̈შია̄ქ ფექხა̈ნქა მა^̄̈ნკვი საფვა̈რს ა̈გნეხ ო̄შთხვ-ოხვიშდ
Line of edition: 28    ლადა̈ღისგა, მა̄დეჲ _ ნაგზაჲ. საფვა̈რ გუნ ჟი ტეხნი, ეჩქას ალ საფვა̈რს ნეღართე̄'სგ'
Line of edition: 29    ა̄ჰრეხ, ეჩხა̄ვ ფექს შიდეხ, მა̈ზუმვა^̄̈ჲ ხეღვე̄ნიხ ლევრა^̄̈ში, ეჯას ტებდი ლიცს
Line of edition: 30    ხა̈ბდეხ ი ჟი̄შხოვშ ჟ'ა̈ნჩდი̄ნეხ მასა̈რდ, ჩუ ცვირეხ ეჩი̄ზუმ დთხალდ, მა̈ზუმვა^̄̈ჲ
Line of edition: 31    ხაკა̈ფ მჰრა̈ყის. ამის ხაჟხა ლიბქვე.

Line of edition: 32       ლაბქვა ჟ'ი̄ფვი̄ნი ი მასა̈რდ ჟი ტეხნი, ეჩქას ჟ'აჯა̈ბხ ამჟი̄ნ ა: სგვებნავ ფათქს
Line of edition: 33    ასყე̄ნეხ. ეჩის ჟიქა̄ნქა მეგრა ზექა̈რს ხაბო̄გებ. ეჩეჟი̄ნ ბაჩა̈რს ხადე̄სგიხ, მა̈ზუმვა^̄̈ჲ
Line of edition: 34    სა̈ჭირო ი̄რა. ალ ბაჩა̈რს ორა^̄̈ში ლაჯბა̈ ბაჩა̈რს ხაყლეხ. ეჩქანღო ლემასგვ ხო̄შვეხ
Line of edition: 35    ჩუქვა̄ნისგა, ჟიქა̄ნ ბაჩა̈რჟი̄ნ ნათა̈რს ხა̈შდეხ. ბაჩა̈რ გუნ ჩუ იქნთრინიხ, ეჩჟ'
Line of edition: 36    ე̄რე ჩუ იწრა̈ნიხ, ეჩქას ალ ბაჩა̈რს წირხარშვ ჟი იკედხ თვითო̄ლაჟი̄ნ ი ლაბქვა^̄̈
Line of edition: 37    ნეღართე̄'სგა სგა შიდეხ. ალ ბაჩა̈რხა̈ნქა ნეღარისგა ორა^̄̈შ ეჩჟი̄ნ ჟი იფვი̄ნი, ნაპრწკელს
Line of edition: 38    ეშ აჰრე ჟიბა̄ვ.

Line of edition: 39       ალ ბაჩა̈რს ჩი̄ სგა შიდეხ, ეჩქა ნეღარს ჩვალფა̈რიხ ყა̄რარშვ ი ნეღარ ფუვე,
Line of edition: 40    თქურფნი ი ხა̄რ მიჰმა̈ნ. შომვა̈ჲ ალ მჯა̈ბ ორა^̄̈შ ჩუ იცხა^̄̈ნი გუნ, ეჩქას ჩიქე ქაქს
Line of edition: 41    იკედხ ჟი შედთე, ეჩქანღო ბაჩა̈რს იკედხ ი თვითო̄ლაჟი̄ნ შედთე̄'სგა სგ'ა̄შყვდიე̄ლიხ,
Line of edition: 42    ერე ორა^̄̈შ ნომ ლა̈ხსეხ ბაჩა̈რს. ეჩქანღო ალ ბაჩრე ნაშყოდს ი ქაქს სგა̄დ
Page of edition: 135 Line of edition: 1    ტიხეხ ნეღართე, ლიცს ხა̈გვშეხ ტებდის ი ქაქს ჩუ რიწვეხ. ეჩზუმ სგელდ გარ ცვირეხ
Line of edition: 2    ე́, მა̈ზუმვა^̄̈ჲ შვიმდ ლი. ეჩქანღო აშხვ კარვა სალა̈ტს ხა̈შდეხ. ჲარვ ლადა̈ღისგა
Line of edition: 3    ჟი იფვი̄ნი ორა^̄̈შ, ეჩქანღო ნეც-ნეცინდ აშ გარ ხა̈შდეხ სალა̈ტს ი ამის სგა
Line of edition: 4    ხანწ̄რეხ, ეჩქას ხა̈ხვიე̄სგიხ ლაფვას, ოდე ჩუ დო ქვიცე ლიფვეს ი ჩუ დო ჴეჩნი.
Line of edition: 5    ათხენღო სერ ლაჰრა̈ყია̈შ ლი.

Line of edition: 6       ლაჰრა̈ყ ზექ სგვებნავ ჟი ლმა̄რე ხა̄რ მეზგა. ზექ ხაკუჩ ერე ერხვ, ჲედ გგიბ
Line of edition: 7    ი მა̄დეჲ ბალყა̈ჩ ი ბაგვრა ლესვ. წიფრას, ცხვიმრას ი ჯიჰრას სურუ ლჴმა̈შ
Line of edition: 8    ლემესგ ხა̈მთქვა ი ცხვადვს ხოლა ხა̄რ, ჩუ ჴიჩე.

Line of edition: 9       შომვა^̄̈ჲ ორა^̄̈შ ლაჰრა̈ყია̈შ ლი, ეჩქას ჟ'აკა̄ზმეხ ლაჰრა̈ყს: ჩიქე ცხვადს ხაგემხ,
Line of edition: 10    ეჩქანღო გა̈ნხა̈ნ გვებილდს ხაგემხ. გვებილდს ნე̄სგაქა თვეფილდ ხოსგურ ჩეი̄შ.
Line of edition: 11    ეჩექა ჴედნი ჰარა̈ყ. გვებილდთე̄'სგა ლიცსი ხა̄რ ლაჴა̈დ თვეფილდა̈ მუნქვე̄რად,
Line of edition: 12    ლინთეისგა ლათოფთე̄'სგა კვარემს დე̄სგიხ ლიცი მქაფ ლათვფა̈ სტვი̄რი მუქვე̄ლად.
Line of edition: 13    ეჩუნღო სგა ხო̄შვეხ ლემასგვ, შომვა^̄̈ჲ ცხვადთე̄'სგა ვორა^̄̈შ სგა ლუგვშე ლი
Line of edition: 14    ი ჟ'ა̈ფუ̄ნეხ. შომვა^̄̈ჲ ორა^̄̈შ ჟი ლუფუ̄ნე ლი, ეჩქას ცხვადვს ლაფრის ხაგემხ, ლაფრი̄
Line of edition: 15    მეჴა̈რს თვეფილდთე̄'სგა ხოსგვრეხ ი ჟი ალწიხ ტტშვ. ამჩიქქა ლემასგვ ქა
Line of edition: 16    შა̄ლ ხოდგეხ ცხვადვს მა^̄̈ნკვ', ე̄ჯღ'ე̄რე ორა^̄̈შდ ჟი დო̄სა ანტიხვნას (ვორა^̄̈შ დო̄სა
Line of edition: 17    ახნა̈ჩდას სტვი̄რქა სტამა̄ნთე̄'სგა).

Line of edition: 18       მა^̄̈ნკვი̄ ნაჴა̈დვ კათხს სოლმა̈ კათხ ხაჟხა. ეჯას ჟი ხა̈მზრიხ ცხვადვა̈ თხუმჟი̄ნ
Line of edition: 19    სოლომნს. ამჩიქქა ერხის ჩუ ბიდეხ ცხვადვა̈ ლაფრიჟი̄ნ ი ჟი ხა̈ბდინეხ, ეჩქანღო
Line of edition: 20    შედდ სტამა̄ნს ხოხლი̄ნეხ ი მა̈ზუმვა^̄̈ჲ ჲა̈ს ხეკვდენი, ეჯზუმს ა̈ნხინნე ცხვადვხა̈ნქა.

Line of edition: 21          ლენჯა^̄̈რ

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.