TITUS
Svan Chrestomathy (I: Upper Bal): Part No. 193
Text: 157
Line of edition: 22
157. საპვნი ლიჩვემ
Line of edition: 23
ზურალა̄̈რ საპვენს ლახე იჩოხ, ეჩქას სგვებნავ ტტს ინზო̄რეხ მასა̈რდ. ტტს
Line of edition: 24
ჩიქე ჩვა̈ჲსვე̄რეხ ი შიხს ქა ხა̈თშიხ, ეჩქანღო კიცო̄რათე̄'სგა სგადე̄სგიხ ი ალ კიცო̄რას
Line of edition: 25
ჟი ხორკინეხ; ეჩი̄ზუმ ჟიხიქ', ე̄რე ჩუქვა̄ნ ჩვეჲნი ლაგა̈მ ხა̄̈ც, ეჩქანღო ჟიქა̄ნჩუ
Line of edition: 26
ტებდი ლიცს ხა̈გვშეხ, ჩუქვა̄ნ ჩვეინ ხოხლა.
Line of edition: 27
ლიცს ეჩი̄ზუმს იხუ̄წე ტტ, ერე ჩუქვა̄ნთე მა̄̈ნკვი წიქვ-წიქვშ გარ ანღრი ი
Line of edition: 28
ეჩქანღო გარ იბნე ზმშვ ლიჴედს ლაჰრა̈ყი მა̄̈ზნაშა̄ლ. ამჟი̄ნ აშგარ ხა̈ქმეხ ლიცს
Line of edition: 29
ი ალა ჩვანღრი ჩვეინთე ლა̈სკვი̄რუშვ. ტტი ნა̈ცვრი̄ნ მწრან მეშხე ფერიშ ლი.
Line of edition: 30
ამის ხაჟხა ჰერა̈მ. აშხვ კიცო̄რა ტტი ლიწვრი̄ნეს ჰამუნღვე̄ ნა̈ბოზდ ხაკუხ. ალ
Line of edition: 31
ჰერა̈მს აშხვ ჩვეინს ქა იხნიხ ი ეჩქანღო ჟი ხაგემხ ლა̈ნკვშდას. ლინკვშდეს ქა̄̈მ
Line of edition: 32
იჩოხ ი ქორს დე̄მა, ეჩი̄ ქვინ, სგა̈ნჩუ̄ნ, ქორისგა მერდა ხოლა ხა̄რ ი სერთხი ლეგმერდე
Line of edition: 33
ლახ ჲა̈რ ა̈რი ქორისგა, ეჯას ლეგდლირდე ჟი ხოკვდე. ეჩნქა, ლახე ლიმზირი
Line of edition: 34
ხა̄რ მეზგა მეკვშდა ხა̈ნისგა, ეჩქასი მა̄დ ხაყა ჰერა̈მი ლინკვშდეს ქორისგა.
Line of edition: 35
ურწყულ ხაბჟახ.
Line of edition: 36
ჰერა̈მს მა̄̈ნკვი ნეც-ნეცინდ გარ ხოკვი̄ლცხა̄̈ლიხ ი თა̄მა̈შდ გარ ა̈ფვი̄ნეხ, ეჯღ'
Line of edition: 37
ე̄რე გუნ ლუფვი̄ნე ქა̄მენჩუ̄ნ ჴედნი ი ჰერა̈მ ხატკლებხ ჩუ ლეცვდად. ალ ჰერმი
Line of edition: 38
ლინკვშდეს ლე̄თ-ლადა̈ღ ხაკუჩ. ლაფვაისგა აშგარ ჴეჩნი ი ღვეშგმე პილს ჩუ სედნი
Line of edition: 39
სგელ მდ̄ნგლევი ტტ. აშხვ ჩვეინ ჰერა̈მს აშხვ ხოშა̄მ ფაკა̈ნდ ხოშა მა̄მ ხეფსი.
Line of edition: 40
ალ ჩუ ნანკოშდს ი ტტდ ლსპა ჰერა̈მს მეშხე ფერიშ ხეფსი. ალას სგვებნავ ჩვა̈ჰი̄ჭვიხ
Line of edition: 41
ჩვეინისგა კიზარშვ ი ეჩქანღო ფაკა̈ნთე იტხეხ ი ეჩნუშ აშხვნიხ. ჩუ ლუფ-
Page of edition: 136Line of edition: 1
კვანღო ალ ლესპენი ტტ ლუფურშგვი̄ნე ლი. ჯვინალდ ი ათხეი̄ ეშხუ ფაკა̈ნ ტტ
Line of edition: 2
ფაკნი ხნსგა̄მ საპვენდ ხაჯეშ.
Line of edition: 3
ეჩქანღო, შომვა̄̈ჲ ჭყა̈ნ ხუღვეხ, ეჩქას ალ ტტს ი ჭყა̈ნს სგადე̄სგიხ ჩვეინთე̄'სგა,
Line of edition: 4
ჩვეინს ლემასგვჟი̄ნ ხორკინეხ ი ალჲა̈რ ჟი იფვი̄ნიხ, ეჩქას ჟი იფუ̄ნჩი ი ეჩჟი̄ნ
Line of edition: 5
ფუვე. ზურალა̄̈რ კიზარშვ ა̈ნჩდეხ ი ხათერხ, ეჩქას ქა იკედხ ი ფაკნა̈რთე დე̄სგიხ.
Line of edition: 6
ათხე სერ საპვენ ჟი ლუჩვმინ ლი ი იჴმა̈რიხ, იმვა̄̈ჲნა̈რდ ხაკუხ, ეჯნა̈რ.
Line of edition: 7
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
